Новости за 12.01.2019

Ошто эки жашар баланын өлүмүнө шектүү аял эки айга камалды. Бул тууралуу Ош шаардык ички иштер башкармалыгынын басма сөз катчысы Замир Сыдыков билдирди. Мындай чечимди 12-январь күнү Ош шаардык соту чыгарды. Ага ылайык, кайнисинин эки жашар баласын сабап, өлтүрүп койгон деп шектелип жаткан аял 12-мартка чейин тергөө абагында болот. 10-январь күнү Ош шаарында отуз жаштагы келин эки жашар баланын өлүмүнө шектелип кармалган. Алгачкы суракта ал бала шымына сийип койгону үчүн сабаганын айткан. Читать дальше...

Президент Жээнбеков 2019-жылды аймактарды өнүктүрүү жана санариптештирүү жылы деп жарыялады.

"Орусияда мигранттардын балдары көбүнчө чабал мектептерде окушат. Бирок алар тырышчаак, зээндүү келет жана ксенофобиядан алыс". Орусиянын Улуттук изилдөө университетинин социологдору Москванын мектептеринде атайын изилдөө жүргүзүп, ушундай жыйынтыкка келишкен.

Кант шаарында жол боюнда сөөгү табылган кызматкери, полковник Күнболот Касмалиевдин сөөгү бүгүн 12-январда Нарын шаарында жерге берилди. Жакындары милиция кызматкери киши колдуу болушу мүмкүн деп жоромолдоп жатышат. Расмий маалыматтарга караганда милиция кызматкерин 10-январда түн жарымынан оогон маалда автоунаа коюп кеткен. Учурда бул окуяга шектүү бир адам кармалып сурак берип жатат.

Кыргыз бийлиги быйыл июнь айында өтө турган Шанхай Кызматташтык Уюмунун мамлекет башчыларынын саммитине даярдык көрө баштады.

Париждеги жарылуудан кеминде тогуз киши жараат алды. Расмий органдар жарылууга наабайканадагы газ түтүгүнүн жарылышы себеп болгонун айтышууда. Франциянын ички иштер министри Кристоф Кастанердин айтымында, өрттү өчүрүүгө жана жакын жердеги имараттардан адамдарды эвакуациялоого 200дөн ашык өрт өчүрүү кызматкери тартылды. Кырсык Парижде “сары кемселчендердин” кезектеги нааразылык акциясы өтөрдүн алдында катталды. Бир нече аптадан бери уланып жаткан акцияга байланыштуу полиция калаанын борбордук бөлүгүндө көзөмөлдү күчөткөн. Читать дальше...

Аба ырайы: Кыргыз гидрометеорология борбору билдиргендей, 13-январда өлкө аймагында кар жаабайт. Ош, Жалал-Абад, Баткен, Чүй, Талас облустарында туман түшөт. Батыштан соккон шамалдын ылдамдыгы секундасына 2-7 метрге жетет. Абанын температурасы: Чүйдө түнкүсүн -4...-9, күндүз 1...6; Таласта түнкүсүн -5...-10, күндүз 1...6; Ысык-Көлдө түнкүсүн -5...-10, күндүз 0…5; Баткенде түнкүсүн -2...-7, күндүз 2...7; Ошто жана Жалал-Абадда түнкүсүн -1...-6, күндүз 2...7; Нарында түнкүсүн -22...-27... Читать дальше...

АКШда шатдаун же федералдык өкмөттүн иши жарым-жартылай токтошу эң узак мөөнөткө созулду. 12-январда өкмөттүн толук кандуу каржыланбай турганына 22 күн толду. Бул АКШ тарыхындагы эң узун шатдаун болуп калат. Жума күнү өлкөдөгү 800 миңге жакын мамлекеттик кызматкерлерге айлык акы төлөнгөн жок. Буга чейин президент Дональд Трамп Мексика менен чек арага дубал куруу боюнча мунаса табылмайынча, өкмөттүн иши толук жанданбай турганын билдирген. Мексика менен чек арадагы дубалдын курулушу үчүн Трамп Конгресстен 5,7 миллиард доллар сурап жатат. Читать дальше...

Учурда жергиликтүү медиада Өзбекстанда боло турган Көкбөрү боюнча дүйнөлүк чемпионат тай казан менен өтөт деген маалыматтар тарай баштады. Бирок бул маселенин түйүнү алигиче чечиле электиги бизге маалым болду.

Кааба уулу Кожомкул атындагы спорт сарайында грек-рим күрөшү боюнча Кыргызстандын чемпионаты өтүп жатат. Мелдешке өлкөнүн бардык аймагынан мыкты балбандар келишти. Чемпионаттын жыйынтыгы менен Кыргызстандын күчтүүлөрү аныкталып, улуттук курама команда түптөлмөкчү. Ошондой эле бул мелдештерден соң мыктылар Кытайда боло турган Азия чемпионатына барышат. Чемпионат 11-январда башталган, бүгүн аяктайт. Буга чейин 9-10-январь күндөрү Бишкекте эркин күрөш боюнча чемпионат аяктаган. (SDz)

Премьер-министр Мухаммедкалый Абылгазиев Ысык-Көлдүн Ананьево айылындагы көрүстөндөгү вандализмге күнөөлүүлөрдү таап, аларды жоопкерчиликке тартууну тапшырды. Бул тууралуу өкмөттүн маалымат кызматынан кабарлашты. Маалыматка ылайык, премьер-министр мындай тапшырманы Ички иштер министрлигине берген. Абылгазиев окуяны өзгөчө адепсиз көрүнүш деп баалап, күнөөлүүлөрдү тез арада аныктоо зарылдыгын белгилеген. 11-январдын кечинде белгисиз адамдар Ысык-Көлдүн Ананьево айылындагы көрүстөнгө келип 34 жыгач... Читать дальше...

Бул аптада президент Сооронбай Жээнбеков “Ата Мекен” партиясынын лидери Өмүрбек Текебаевге ырайым бербей турганы белгилүү болду. Президенттик аппарат Текебаевди эркиндикке чыгаруу боюнча экс-президент Роза Отунбаева баш болгон парламенттеги фракция лидерлеринин кайрылуусун кароого негиз жок деп тапты. Мындай чечимдин күңгөй-тескейине “Азаттык” сереп салды.

Париждин борборунда жардыруу болду. Бул маалыматты Париждин полициясы ырастады. Учурда жабырлануучулар бар экени айтылганы менен алардын саны тактала элек. Алдын ала маалыматтар боюнча, калаанын 9-кварталында наабайкана жайгашкан имаратта газ түтүгү жарылган. Бул аймакта "Лафайет" галереясы жана бир нече музей жайгашкан. Учурда окуя болгон жерде полиция жана өрт өчүргүчтөр иштеп жатат.

Бишкектин Биринчи май райондук соту Чек ара кызматынын кампаларынан курал-жарак уурдоого байланыштуу ишти карап бүттү.  Бул тууралуу Жогорку соттон кабарлашты. Чечимге ылайык, Чек ара кызматынын төрт кызматкери 12 жылдан 17 жылга чейин соттолушту. Дагы алты адам беш жылдан сегиз жылга чейин шарттуу түрдө кесилди. Ал эми курал сатууга тиешеси бар кылмыштуу топтун өкүлү 21 жылга эркинен ажыратылды. Чек ара кызматынын бир нече кызматкери курал-жарак сатып жүргөнү 2017-жылы ачыкка чыккан. Анда 2014-жылдан... Читать дальше...

Ысык-Көл районунун акими Данир Иманалиевдин “Азаттык” радиосуна айтымында, 11-январда кечке маал белгисиз адамдар көрүстөндөгү 34 жыгач крестти жана эки мрамор эстеликти талкалап кеткен. Азырынча көрүстөндөгү эстеликтерди талкалагандар аныктала элек. Милиция ишти иликтей баштады.  Иманалиев бүгүн Ананьево айылынын тургундары менен жолугуп, түшүндүрүү иштерин жүргүзгөнүн кабарлады. “Райондун прокурору, милициянын башчысы болуп барып, тургундар менен жолуктук. Түшүндүрүү иштерин жүргүздү. Биринчи мындай жорукту ким кылганын табалы... Читать дальше...

Украинанын чыгышындагы Донбасс аймагында ЕККУнун мониторингдик миссиясынын учкучсуз учагы аткылоого дуушар болду. Байкоочулар кабарлашкандай, окуя Попасная деген айылдын жанында болгон. Бул айылды Украинанын өкмөттүк аскерлери көзөмөлдөп турат. Учакка ким ок атканы азырынча белгисиз. Буга чейин ЕККУнун мониторингдик миссиясы бир нече жолу учкучсуз аппаратын жоготкон. 2-январда Луганскиде, былтыр ноябрда болсо орус-украин чек арасына жакын жерде учактар аткыланган эле. Акыркы күндөрү расмий Киевдин... Читать дальше...

Бишкекте коомдук транспорттун жол киресин кымбаттатуу сунушталууда. Бул тууралуу шаардык мэриянын аппарат жетекчиси Балбак Түлөбаев кабарлады. Анын айтымында, жол акыны борбордогу автобус жана троллейбустарда электрондук билет менен 8 сом, эгер нак төлөнсө 10 сом, ал эми маршруттук кичи автобустарда 12 сомго көтөрүү каралууда. Бул боюнча сунушту шаардык кеңеш карап, чечим кабыл алышы керек. Түлөбаев бул маселе боюнча чечим кабыл алуу июль айына чейин создугушу мүмкүн экенин кошумчалады. Буга... Читать дальше...

Орусия банкир Жомарт Ертаевди Казакстанга өткөрүү боюнча прокуратуранын чечимин мыйзамдуу деп тапты. Мындай чечимди 11-январда Москва шаардык соту кабыл алды. Ертаевдин адвокаты Алексей Петровдун айтымында, учурда чечим күчүнө кире элек жана доо арыз берилиши мүмкүн. 45 жаштагы Жомарт Ертаев былтыр май айында Москвада кармалган. Ал алгач үй камагында кармалып, кийин бошотулганы кабарлаган. Ертаев Казакстанда 80 миллион доллардан ашык каражат боюнча алдамчылыкка шек саналууда. Буга байланыштуу казак прокуратурасы Орусияга кайрылып... Читать дальше...

Польшада Кытайдын телекоммуникация гиганты - "Huawei" компаниясынын белдүү кызматкери камакка алынды.

Польшада Кытайдын телекоммуникация гиганты - "Huawei" компаниясынын белдүү кызматкери камакка алынды.

Айыл тургундары маанилүү жаңылыктарды өз күчтөрү менен даярдап, айылдаштарына тартуулап турат. Алар негизинен айылдагы маанилүү социалдык көйгөйлөрдү чагылдырышат. Мисалы, айылдыктар мал жоголгону тууралуу кабарды радиодон уга алышат. Анда иштегендердин көбү ыктыярчылар жана алар мектеп окуучулары. “Суусамыр FM” радиосу тууралуу "Настоящее время" кызматынан видеосун сунуштайбыз.

Майлуу-Суу шаарындагы аскер бөлүктө эки жоокер ортосундагы бычакташуу боюнча кызматтык териштирүү жүрүп жатат. Бул тууралуу Куралдуу күчтөрдүн Башкы штабынан кабарлашты. Маалыматка ылайык, эки жоокер уруша кетип, бири экинчисин бычак менен колго сайган. Жараат алган аскер ооруканага алып барылып, медициналык жардам көрсөтүлдү. Аскердин өмүрүнө коркунуч туулган жок. Бул окуя боюнча Жалал-Абад гарнизонунун аскер прокуратурасына кабар берилип, кызматтык иликтөө жүрүп жатат. Чырлашкан жоокерлер... Читать дальше...

Бельгиянын түндүгүндөгү Фландрия аймагында малды мууздап союуга тыюу салган мыйзам күчүнө кирди. Ага ылайык, бодо мал болобу же үй канаттууларыбы, айтор, алар алгач эстен тандырылгандан кийин гана союлушу керек. Мындай эрежеге мусулмандар менен жөөттөрдүн диний уюмдары нааразы.

Эки өлкө ортосундагы талаштуу аралдар боюнча сүйлөшүү Жапониянын тышкы иштер министри Таро Кононун 12-15-январь аралыгындагы Москвага сапарында улантылганы жатат. Мунун алдында орус Тышкы иштер министрлиги билдирүү таратып, бул маселе боюнча мунасанын шартын эскертти. Анда Москва Жапония Экинчи Дүйнөлүк согуштун жыйынтыгын толугу менен тааныса гана Курил аралдары боюнча тынчтык келишимине кол коюлары айтылган. Буга чейин Жапония Курил аралдары үчүн компенсациядан баш тартууну пландап жатканы боюнча кабар тараган. Читать дальше...

“Күлкү кербендин” жаңы чыгарылышы жемкорлукту шакаба кылган азилдерден турат.