Экс-президент Алмазбек Атамбаевди кол тийбестиктен ажыратып, ага айып тагуунун жол-жобосун караган депутаттык комиссиянын корутундусун парламенттин эки комитети колдоду. Мурдагы өлкө башчыга алты оор кине тагылды. Ал эми КСДП Атамбаевге коюлган айыптарды «курулай сөз жана эч бир документ менен негизделген эмес» деп баалады.
Түркмөнстандын президенти Гурбангулы Бердымухаммедов уулу Сердарды Ахал облусунун башчысы кылып дайындады.
Кыргызстандагы «Kloop.kg» сайты менен «Leo Burnett Moscow» агенттиги чогуу өткөргөн социалдык акция Канн фестивалында «Сырткы жарнама» номинациясы боюнча жеңишке жетип, алтын байге алды. Бул тууралуу аталган сайт кабарлады. Былтыр ноябрь-декабрь айларында «Kloop.kg» сайты менен «Leo Burnett Moscow» кыз ала качууга каршы «Көшөгө», «Мен «макул» деп айткан эмесмин» аттуу социалдык акция өткөрүшкөн. Анын максаты кыз ала качуунун кылмыш экенин элге жеткирүү болгон. Акцияда ала качууну баштан кечирген... Читать дальше...
«Кыргыз почтасы» мамлекеттик ишканасына заманбап 18 автоунаа берилди. Бүгүн, 18-июнда Бишкекте автоунааларды тапшыруу аземинде «Кыргыз почтасы» ишканасынын жетекчиси Марс Наспеков бул техника каражаттары мекеменин ишин илгерилете турганын билдирди. Ал мындан ары «Кыргыз почтасы» Кытайдын Кашкар шаарына чейин жете турган өлкөдөгү жалгыз ишканага айланарын айтты. Наспеков Кытайдын Интернеттеги дүкөндөрүнөн алдырыла турган товарларды жеткирүүнүн мөөнөтү да 15-20 күнгө чейин кыскара турганын кошумчалады. Читать дальше...
Донбасстын үстүнөн учуп бараткан жүргүнчү ташыган «Боингдин» кулашын иликтеген Эл аралык бирдиктүү тергөө тобу ушул шаршембиде 4 шектүү адамдын аттарын атайт деп күтүлүүдө. Бул тууралуу билдирген Украинанын тышкы иштер министринин орун басары Елена Зеркаль маалыматтын булагын атаган жок. Тергөө тобу жана Нидерландынын сот органдары Зеркалдын сөздөрүнө комментарий бере элек. Буга чейинки расмий билдирүүдө шаршемби күнкү басма сөз жыйынында иликтөөдө аныкталган жаңы маалыматтар берилери айтылган. Жана... Читать дальше...
Бишкектин Октябрь районундагы Матросов көчөсүндө жайгашкан эмерек цехинде бүгүн, 18-июнда саат 16 чамасында өрт чыккан. Өзгөчө кырдаалдар министрлиги билдиргендей, тилсиз жоо саат 17:45те толук өчүрүлдү. Өрттүн кесепетинен эмерек цехинин 300 чарчы метр аянты күйүп кетти.
Европа Биримдиги Кыргызстандагы уран калдыктарын зыянсыздандырууга жана айлана-чөйрөнү калыбына келтирүүгө жардам берет. Бул тууралуу Европа комиссиясынын өкүлү Паскаль Даурес билдирди. Даурестин айтымында, Европа Биримдиги Борбор Азиядагы айлана-чөйрөнү калыбына келтирүү боюнча атайын программа иштеп чыккан. Анын алкагында Борбор Азиядагы уран калдыктары көмүлгөн жети жай тандалып алынган. Анын ичине Кыргызстандагы Миң-Куш, Майлуу-Суу, Шекафтар тандалып алынган. Еврокомиссиянын өкүлү бул программаны... Читать дальше...
Мурдагы прокуратура кызматкери Канжар Кадыралиевге карата чыккан райондук соттун өкүмүн жокко чыгарууну суранып жабырлануучу ишкерлер Бишкек шаардык сотуна кайрылмай болушту.
Орусиянын Ростов-на-Дону шаарында Түндүк Кавказ аймагынын аскердик соту 5 Крым татарын экстремизмге байланыштуу айыптап, узак жылдарга түрмөгө кести. Алар 2017-жылы үйлөрүндө тинтүү жүргөндөн кийин кармалып, Орусияда тыюу салынган «Хизб ут-Тахрир» уюмуна мүчө болгон деген айып коюлган. Теймур Абдуллаев аттуу киши «Симферополдо бул уюмдун бөлүмүн түзгөн» деп айыпталган. Прокуратура бардыгын 17 жылдан 11 жылга чейин эркинен ажыратууну суранды. Абдуллаев 17 жылга күчөтүлгөн тартиптеги колонияга кесилди... Читать дальше...
Бишкек шаарынын көзү азиз тургуну капкагы жок люкка түшүп кетип, жараат алып ооруканага жаткырылды. Бул кырсык үчүн жабырлануучу Бишкек шаардык мэрияны айыптап, укук коргоо органына арыз менен кайрылды. Бишкектин көчөлөрүн бойлото жер алдына жаткырылган суу түтүктөрүн көзөмөлдөп, текшерип туруу максатында коюлган чоюн капкактуу люктарды жаза басып алып же түшүп кетип кырсыктаган учурлар буга чейин да болуп келген.
Кара-Көл шаарына караштуу Кетмен-Төбө айылдык аймак башкармалыгынын кызматкерлери акыркы беш жылдан бери коркунуч жараткан имаратта эмгектенип келет. Санитардык эпидемиологиялык кызматтын быйыл март айында “Имарат ичинде иштөөгө болбойт” деп берген кезектеги билдирмеси аткарылбай турат. Мындан сырткары айылдагы башка социалдык объекттер кароосуз калып, четинен талкалана баштады.
Ош шаарындагы Кулатов кичирайонундагы чакан базардын ордуна курулуучу аллеянын жер алдындагы коммуникация иштери аяктап калды. Мэриянын басма сөз катчысы Азамат Абсатаровдун «Азаттыкка» билдиргени боюнча, аллея күзүндө пайдаланууга берилет. Анын айтымында, аллея мэриянын бюджетинен курулат, ага «Нурзаман» курулуш компанисы көмөк көрсөтүүдө. Мэриянын маалыматы боюнча базардын ордуна курулуп жаткан аллеянын узундугу 850 метрди түзөт. Ага бак тигилип, отургучтар орнотулат. Оштогу Кулатов кичи районунда базарды сүрүп... Читать дальше...
Тоң районунун сырт өрөөнүндө 27 жаштагы келин күйөөсүнүн колунан жан берди.
АКШ Ирандын аймактагы кастык аракеттерине жооп чара катары Жакынкы Чыгышка бир миң аскер жөнөткөнү турат. Египеттин экс-президенти, "Мусулман агайындар" кыймылынын мурдагы башчысы Мухаммад Мурсинин сөөгү жерге берилди. УЕФАнын мурдагы төрагасы Мишел Платини коррупция ишине байланыштуу кармалды.
Орусиянын Мамлекеттик Думасы орто жана жакын аралыкка учуучу ракетеларды жок кылуу тууралуу келишимди токтотуу жөнүндө мыйзамды кабыл алды. Макулдашууга 1987-жылы СССР менен АКШнын лидерлери кол коюшкан. Президент Владимир Путин документтин аткарылышын токтотуу тууралуу мыйзам долбоорун майдын этегинде Думанын кароосуна сунуш кылган. Анын алдында, февралда АКШ келишимден чыгуу жараянын баштаган. Вашингтон Орусиянын «9М729 Новатор» деген жаңы ракетасы документтеги шарттарды бузат деп эсептейт. Читать дальше...
Мурдагы президент Алмазбек Атамбаевди жоопко тартыш үчүн кол тийбестиктен ажыратуу маселесин бүгүн 18-июнда Жогорку Кеңештин эки комитети тең удаа карап, дароо макулдугун беришти. Кол тийбестик боюнча түзүлгөн атайын депутаттык комиссиянын корутундусун адегенде Укук тартиби, кылмыштуулукка каршы күрөшүү жана коррупцияга каршы аракеттенүү комитети карады. Андан кийин Конституциялык мыйзамдар, мамлекеттик түзүлүш, сот-укук маселелери жана парламенттин регламенти боюнча комитетте талкууланды. Эми маселе парламенттин жалпы жыйынына чыгарылат. Читать дальше...
Бүгүнкү күндө «Бир адамдан бир китеп» долбоору республика боюнча жайылып, учурда 50дөн ашык китепкана 40 миңге жакын жаңы адабият менен толукталды.
19-июнда Кыргызстандын аймагында түнкүсүн кээ бир тоолуу райондордо жана тоо этектеринде жаан жаап, күн күркүрөшү, бийик тоолуу райондордо кар жаашы мүмкүн. Өрөөндөрдө жаан-чачын болбойт. Күндүз Чүй, Талас, Жалал-Абад, Ысык-Көл, Нарын облустарынын көпчүлүк аймактарында, Ош, Баткен облустарынын тоо этектеринде жана тоолуу райондорунда жаан жаап, күн күркүрөйт, бийик тоолуу райондордо кар жаайт, өрөөндөрдө жаан-чачын болбойт. Батыш тараптан соккон шамалдын ылдамдыгы секундасына 4-9 метрден, күндүз... Читать дальше...
«Жогорку Кеңеш мурдагы президент Алмазбек Атамбаевди кол тийбестиктен ажыратуу аракетинде мыйзамдык нормаларды бузуп жатат» деп билдирди бүгүн 18-июнда журналисттердин суроосуна жооп берип жатып Атамбаевди колдогон КСДПнын жетекчисинин милдетин аткаруучу Асел Кодуранова. - Кандай жол менен болсо да депутаттар жайкы каникулга кеткенче Атамбаевди кол тийбестиктен ажыратууга аракет кылып жатышат. Мөөнөттөр бузулууда. Биз эсептесек, кеминде 2-2,5 ай убакыт кетмек, - деди ал. Ошондой эле Кодуранова... Читать дальше...
Кытай Кошмо Штаттарды Иранга көрсөтүлгөн «кысымдын ашыкча ыкмаларын» жеңилдетүүгө чакырды. Кытайдын тышкы иштер министри Ваң И Сириянын башкы дипломаты менен кездешүүдөн кийин Иранды өзөктүк келишимде кала берүүгө үндөдү. - Биз бардык тараптарды сабырдуу болууга, кандайдыр тирешүүгө алып бара турган кадамдарды жасабоого чакырабыз, - деди Ван И. АКШ Иранды мунай ташыган танкерлерге коюлган чабуул үчүн кайрадан айыптап, Жакынкы Чыгышка миңдей аскер жөнөткөнү турат. Бул тууралуу буйрукка коргоо... Читать дальше...
2050-жылга карай Жер шаарында 9 миллиард 700 миллиондой киши жашап калат. Бирок калктын өсүү темпи төмөндөп, бир топ өлкөлөрдүн эли картаят. Мындай тыянак БУУнун жаңы докладында айтылат. Документте Индия 2027-жылга барып калк жагынан Кытайдан озуп чыгары, Африканын түштүгүндөгү өлкөлөрдө калктын саны эки эсеге өсөрү белгиленген. Индиядан тышкары Пакистан, Нигерия, Конго Демократиялык республикасы, Эфиопия, Танзания, Индонезия, Египет жана АКШда калктын саны көбөймөкчү. Ошол эле маалда глобалдык алкакта балдардын төрөлүшү азаят. Читать дальше...
Орозбек Опумбаев Кыргызстандын Улуттук коопсуздук мамлекеттик комитетинин (УКМК) төрагасы болуп дайындалды. Бул тууралуу жарлыкка 18-июнда мамлекет башчысы Сооронбай Жээнбеков кол койду. Буга чейин Опумбаев төраганын биринчи орун басары, УКМКнын Бишкек шаардык башкармалыгын жетекчиси болуп иштеген, өкмөттүн аппаратында да эмгектенген. УКМКнын мурдагы жетекчиси Идрис Кадыркулов 15-майда паспорт, тендер чырына байланыштуу кызматтан кеткен. (RK)
Мурдагы президент Алмазбек Атамбаевди кол тийбестиктен ажыратуу маселесин кароо үчүн түзүлгөн атайын убактылуу депутаттык комиссия өз корутундусун чыгарды.
Жогорку Кеңештин Укук тартиби, кылмыштуулукка каршы күрөшүү жана коррупцияга каршы аракеттенүү боюнча комитети мурдагы президент Алмазбек Атамбаевди кол тийбестиктен ажыратуу маселесин караган депутаттык комиссиянын корутундусун парламенттин жалпы жыйынына алып чыгууга макулдугун берди. Ага чейин бул маселе Конституциялык мыйзамдар, мамлекеттик түзүлүш, сот-укук маселелери жана парламенттин регламенти боюнча комитетте да каралат. Комиссиянын корутундусунда демилгелүү топтун кайрылуусунда көрсөтүлгөн... Читать дальше...
УЕФАнын мурдагы төрагасы Мишел Платини коррупциялык иштерге байланыштуу кармалды. «Le Monde» басылмасы кабарлагандай, сөз 2022-жылы футбол боюнча дүйнө чемпионаты өтө турган мамлекетти тандоодо болгон болжолдуу коррупциялык ишке байланыштуу болуп жатат. Ушундай эле шек менен Франциянын мурдагы ички иштер министри Клод Геан да сурак берип чыкканы маалым болду. 2010-жылдын соңунда ФИФАнын аткаруу комитети өткөргөн добуш берүүнүн жыйынтыгында чемпионатты өткөрүү укугун Катар алган. 2018-жылкы мундиаль Орусияда өтөрү маалым болгон. Читать дальше...