Новости за 28.06.2019

Казакстандын Арыс шаарында ок-дары кампасындагы жарылуудан кийин коопсуз жактарга көчүрүлгөндөр үйлөрүнө кайта башташты. Жергиликтүү бийлик уюштурган автобустар Чымкент шаарында баш калкалап жаткан миңдеген адамдардын бир бөлүгүн 28-июнда таңкы саат алтыдан баштап Арыска жеткирүүгө киришти. 24-июнда Арыстагы жарылуудан үч киши мерт болуп, ондогон адам жаракат алды. Шаардын 45 миңге чукул жашоочусунун басымдуу бөлүгү коопсуз жайларга көчүрүлгөн.  Бир күн мурда арыстыктардын айрымдары шаарга кайтып барбай турганын билдиришип... Читать дальше...

Грузиянын баш калаасы Тбилисиде өкмөткө каршы нааразылык акциялары уланып жатат. 28-июнга караган түнү демонстранттар бийликтеги "Грузин кыялы" партиясынын лидери Бидзина Иванишвилинин резиденциясынын алдына топтолушуп, ички иштер министри Георгий Гахариянын кызматтан кетишин талап кылышты. Чогулгандар өкмөткө эскертүү катары "сары кагаздарды" көрсөтүштү. Демонстранттардын дагы бир бөлүгү автоунааларына шарларды байлап көчөлөрдөн өтүштү. Тбилисиде нааразылык акциясына 20-июнда орусиялык депутат... Читать дальше...

Өзгөндүн Дөң-Булак айылында жергиликтүү эл союздан калган эски чайхананы өз демилгеси менен бала бакчага айландырышты. 60 орундуу бала бакча 21-июнь күнү наристелерге эшигин ачты.

Кызытмага каршы эл аралык агенттик (WADA) 2020-жылы Кыргызстанда жыйын өткөрөт. Бул тууралуу бүгүн «Кабар» агенттигинде өткөн пресс-конференцияда  Жаштар иштери, дене тарбия жана спорт агенттигинин директору Канат Аманкулов билдирди. Аманкуловдун айтымында, жолугушууга 50гө жакын өлкөнүн спорт министрлери катышат. Иш-чара кызытмасыз спортту даңазалоо максатын көздөйт. 2016-жылы кыргызстандык оор атлетчи Иззат Артыков Олимп оюндарында коло медалга ээ болган. Бирок "кызытма колдонду" деген жүйө менен жеңиши жокко чыккан. Читать дальше...

Кыргызстанда мектепке чейинки курактагы балдардын бала бакча мекемелери менен камсыз болуусу 40% түзүүдө. Бул тууралуу бүгүн 28-июнда премьер-министр Мухаммедкалый Абылгазиевдин Бириккен Улуттар Уюмунун Балдар фондунун (ЮНИСЕФ) Кыргызстандагы өкүлү Юкиэ Мокуо менен жолугушуусунда айтылды. Юкиэ Мокуо белгилегендей, Кыргызстан беш жашка чейинки балдардын өлүмү боюнча көрсөткүчтү кыскартууда прогресске жетишти, эрте курактагы балдарга мектепке чейинки билим берүү программаларынын жеткиликтүүлүгү эки... Читать дальше...

Беларус парламентинин төмөнкү палатасы 6000 айыпталуучуга жана иштери тергелип жаткандарга жапырт мунапыс берүү боюнча мыйзам долбоорун колдоду. 28-июнда бир добуш менен эки окууда тең жактырылган мыйзам долбоору 1944-жылкы өлкөнү нацисттерден бошотуу операциясынын 75 жылдыгына карата демилгеленген. Эми парламенттин жогорку палатасы, Республика Кеңеши жактырган соң, документке президент Александр Лукашенко кол коюшу зарыл. Ички иштер министр Юрий Караевдин айтымында, мунапыс 18 жашка чейинки айыпталуучуларга жана шектүүлөргө... Читать дальше...

АКШ президенти Дональд Трамп менен Орусиянын президенти Владимир Путин Жапониянын Осака шаарында "Чоң жыйырманын" саммитинин алкагында жолугушту. Трамп Путин экөөнүн "алакасы абдан жакшы экенин" белгилеп, журналисттин суроосунан кийин орус президентине алдыдагы АКШдагы шайлоого "кийлигишпөөнү" эскертти. Бир саат, жыйырма мүнөткө созулган сүйлөшүүлөрдүн алкагында эки лидер Иран, Сирия, Венесуэла жана Украина маселелерин талкуулашты. Эки тараптуу алакалар боюнча сөз болду. Бул Трамп менен Путин... Читать дальше...

29-июнда Кыргызстандын тоолуу аймактарында өткүн өтүп, күн күркүрөйт. Дарыяларда суунун деңгээли көтөрүлөт. Өрөөндөрдө жаан-чачын болбойт. Шамалдын багыты өзгөрүлүп турат, ылдамдыгы секундасына 1-6 метрге жетет. Абанын температурасы: Баткен, Ош, Жалал-Абад облустарында түнкүсүн 17...22, күндүз 31...36, Талас жергесинде түнкүсүн 14...19, күндүз 30...35, Чүй өрөөнүндө түнкүсүн 16...21, күндүз 31...36, Нарын облусунда түнкүсүн 8...13, күндүз 24...29, Ысык-Көл дубанында түнкүсүн 10...15, күндүз 24...29... Читать дальше...

«Мамлекеттик тил жөнүндө» мыйзамдын кабыл алынышынын 30 жылдыгына арналган майрамдык иш-чаралардын алкагында дүйнөнүн ар кыл өлкөлөрүндө жашаган мекендештер арасында сынактар өткөрүлөт. Бул тууралуу 28-июнда өкмөттүн басма сөз кызматы кабарлады. Вице-премьер-министр Алтынай Өмүрбекова жыйын өткөрүп, уюштуруу иштерин талкуулады. Илимий-практикалык конференция, «Кел кыргызча сүйлөйлү» жаштар акциясы, флэш-мобдор, мектеп окуучулары арасында кыргыз тилинин жашоодогу ролу жөнүндө эссе сынактары жана башка иш-чаралар өтөрү айтылды. Читать дальше...

Тамчы айылындагы «Ысык-Көл» аэропорту 28-июнда Ош шаарынан быйылкы жылдын алгачкы каттамын кабыл алды. «Тез Жет» авиакомпаниясы RG 85 учагы менен Ысык-Көлдүн жээгине 88 жүргүнчүнү жеткирди. Кайра аны менен Ошко 50 адам учуп кетти. "Манас" аэропортунун басма сөз кызматы кабарлагандай, Ош-Тамчы-Ош каттамы боюнча учак жумасына төрт жолу: дүйшөмбү, шаршемби, жума жана жекшемби күндөрү учуп турат. Социалдык колдонуучулардын айрымдары билет баасы 4 миң сом экенин айтып нааразы болушкан, ал эми "Тез... Читать дальше...

Жогорку Кеңештеги Кыргызстан социал-демократиялык партиясы (КСДП) фракциясынын депутаты Анвар Артыков өзү колдоп келаткан мурдагы президент Алмазбек Атамбаевдин "курал менен коргоном" деген сөздөрүнө маани бербөөгө чакырды. Мындай пикирин ал 27-июнда "Азаттыктын" "Эксперттер талдайт" программасына Атамбаевдин Чүйдүн Кой-Таш айылындагы үйүнөн түз эфирге байланышка чыккан учурда айтты: - Алмазбек Шаршеновичтин "курал менен  коргоном" дегени - "эч кимиңерге залака жетпесин, мен жалгыз боломун", дегени. Читать дальше...

Бишкекте кыйноону алдын алуу жана мындай ишке барган күч кызматкерлерин жоопко тартуу маселесин талкуулаган жыйын өтүп жатат.  "Кыйноого каршы коалиция" уюму уюштурган талкууга прокуратура жана тергөө органдарынын өкүлдөрү катышууда. Укук коргоочулардын жана адвокаттардын айтымында, Кыргызстанда күч кызматкерлеринин колуна түшкөн адамдарды кыйноого алуу көрүнүштөрү токтобой жатат. Кыйноого кабылгандардын арыз-даттанууларына да көп көңүл бурулбайт. 26-июнда Кыйноого кабылгандарды колдоонун эл аралык күнү өткөн. Читать дальше...

Парламенттин тиешелүү эки комитети Евразия Экономикалык Биримдигинин (ЕАЭБ) аймагынан Кыргызстанга кирген товарларга карата өкмөттүн көзөмөлүн канааттандырарлык эмес деп тапты.

Кыргызстан Ташкентте окуучулар арасында шахмат боюнча өтүп жаткан чемпионатта алгачкы алтын медалын утту. Шахмат федерациясынын маалыматына караганда, кыргызстандык Нуриддин Юнусов 11 жашка чейинки оюнчулар арасында мыкты аталды. 7-17 жаштагы балдар арасында мелдеш 19-29-июнда Өзбекстандын борборунда өтүп жатат. Чемпионатка машыктыруучу Бактыгүл Тиленбаева жетектеген 13 спортчу катышууда. (RK)

Республиканын айрым аймактарында селдин кесепетин жоюу иштери жүрүп жатат. Өзгөчө кырдаалдар министрлиги кабарлагандай, 27-июнда Ошто Кара-Суу районуна караштуу Бөрү айылында нөшөр жаандын айынан кокту-колоттон сел жүрүп, Лаглан каналы шагылга толуп калган. Ошонун кесепетинен Ош-Бөрү ички чарбалык унаа жолун сел суусу жууп кеткен. Ал эми Катта-Талдык айыл аймагынын Кара-Сөгөт айылында бир жылкыны, эки торпокту жана алты койду агызып, ички чарбалык унаа жолун жууп кеткен. Адам өмүрүнө зыян тийген жок. Читать дальше...

Бул тууралуу Ош шаардык мэриясынын басма сөз катчысы Азамат Абсаттаров маалымдады. Анын айтуусунда, шаардыктар суу ичкен Папан суу сактагычы тарапта сел жүрүп, суу булганган. Буга байланыштуу “Ошсууканал” ишканасы шаардагы айрым аймактарда ичүүчү сууну токтотууга аргасыз болгон. Бул аймактардын элин таза суу менен камсыз кылуу үчүн атайын унаалар менен суу ташылып берилүүдө. Оштогу айрым кичи райондордо суу токтогон жок. Ош шаарында таза суу көйгөйү бир нече жылдардан бери көтөрүлүп келет.... Читать дальше...

Ошто “Экстремизм жана терроризмге каршы күрөшүүнүн негиздери” аттуу талкуу болуп өттү. Бул тууралуу муфтияттын басма сөз кызматы кабарлады.  Иш-чарага Ош облусунун казысы Самидин Атабаев, Дин иштери боюнча мамлекеттик комиссиянын Түштүк аймактык бөлүмүнүн башчысы Исакбай Мурзабеков жана бир катар мамлекеттик кызматкерлер, күч органдарынын өкүлдөрү, 30дан ашуун курсант катышты. Жыйында адептүүлүк тууралуу, экстремизмди жана терроризмди алдын алуу жаатында пикир алмашуу болду. Жаза аткаруу кызматынын маалыматына караганда... Читать дальше...

Жогорку Кеңештин мурдагы спикери, Кыргызстан социал-демократиялык партиясынын (КСДП) парламенттеги фракциясынын депутаты Чыныбай Турсунбеков өлкөдөгү соңку саясий кырдаал ал үчүн татаал суроо, оор сыноо болуп турганын айтты. Мындай пикирин ал "Азаттыктын" "Эксперттер талдайт" берүүсүндө билдирип, мурдагы да, азыркы да бийликтин турумун туура деп сыпаттарын, өзү нейтралдуу позицияда экенин айтты: - Эмне үчүн туура? Мен Атамбаевдин тушунда саясатка келгеним, депутат болгонум, фракция лидери, төрага болгонум чын. Читать дальше...

Бишкекте бир катар коомдук ишмерлер Кыргызстандагы соңку саясий кырдаалга байланыштуу "Мекен бирөө - аны карегибиздей сактайлы" деген жыйын өткөрүп жатышат.  28-июнда "Достук" конок үйүндө уюштурулган тегерек үстөлдө мурдагы жана азыркы бийликтин ортосундагы ажырымды тереңдетпөөгө чакырык ташталды. Жыйынга Замир Эралиев, Топчубек Тургуналиев, Сагынбек Абдрахманов, Турсунбек Акун, Болот Шамшиев, Жылдызбек Турганов, Бектур Асанов, Бакыт Бакетаев жана башка кишилер катышып жатат.  Алар Жогорку Кеңештен депутаттар да чакырылганын... Читать дальше...

Ирактын түндүгүндөгү Киркук шаарындагы кош жардыруудан бир киши каза болду. Жыйырмага жакын киши жараат алды. Бул тууралуу "Синьхуа" агенттиги жазды. Маалыматка караганда, биринчи жардыргыч зат шаардын борбордук бөлүгүндө жүргүнчүлөрдү ташыган автобуска бекитилген. Бомба жарылган учурда бир аял каза болгон. Экинчи жолу токтоп турган автобуска байланган бомба жарылып, 18 киши жараат алды. Полиция тергөө иштерин баштады. Азырынча бир да топ жоопкерчилик ала элек.

VI чакырылыштагы Жогорку Кеңештин V сессиясы өз ишин 27-июнда аяктады. Парламент төрагасы Дастанбек Жумабеков жыйын соңунда депутаттар сессия мезгилинде кыйла алгылыктуу иштегенин, өлкөнүн мыйзамдык базасын чыӊдоого жана өркүндөтүүгө багытталган мыйзамдар, токтомдор, чечимдер кабыл алынганын билдирди. Жогорку Кеңештин Регламентине ылайык, депутаттар 1-июлдан тарта өлкө аймагындагы шайлоочулар менен жеринде иш алып барат. Ал эми август айында эмгек өргүүсүнө чыгышат. Парламент сентябрь айынын алгачкы жумушчу күнүндө ишин баштайт. Читать дальше...

Улуттук коопсуздук боюнча мамлекеттик комитет мурдагы президент Алмазбек Атамбаевдин кайтаруудагы күзөт кызматкерлеринин алынып салынганы тууралуу маалыматты ырастаган жок. "Азыркы учурда экс-президентти кайтарууда камсыз болгон күзөт кызматкерлеринин саны мурдагыдай эле. УКМК экс-президенттин коопсуздугу үчүн зарыл болгон учурда күзөт кызматкерлерин дагы кошумча күчтөп берүүгө даяр", - деди УКМКнын басма сөз катчысы Рахат Сулайманов​. Буга чейин Атамбаевди колдогон КСДП партиясынын мүчөсү Алга... Читать дальше...

Мурдагы президент Алмазбек Атамбаев парламенттин аны экс-президент макамынан ажыраткан чечимине карата комментарий берди. Кылмыш иши козголуп калса, тергөөгө барбай турганын “Азаттыктын” суроосуна жооп берип жатып билдирди. Атамбаев бир жыл мурда укуктук жолдон тайганын билдирип, азыркы бийлик “өзүнүн адамдарын гана коргоп, жакпагандарды камап жатат”, - деп айтты. Өлкөдөн кетпей турганын кошумчалады. Президент Сооронбай Жээнбековдун бийлигин тааныбасын айтты. Азырынча президент Сооронбай Жээнбековдун... Читать дальше...

Казакстандын Түркстан облусунун акими Умирзак Шукеев 27-июнда Шымкенттин “Акмешит” мечитинин жанында чогулган арыстыктарга кайрылып, алар 28-июндан тарта үйүнө жөнөтүлөрүн билдирди. "Мен премьер-министр жана коргоо министри менен сүйлөштүм. Таңкы саат сегизде бул жерге автобустар келет", - деди Шукеев. Аким ок-дары сакталган кампадан алыс жерден турак жай жана участок берүүнү сураган арыстыктардын суроолоруна жооп берип жатып, жарылуу болгон аймакта радиация коркунучу жок экенин айтты. "Арыста эч кандай радиация жок. Читать дальше...

Жогорку Кеңештеги “Республика - Ата-Журт” фракциясынын депутаты Зарылбек Рысалиев президенттин жана өкмөттүн иш башкармалыгына караштуу атайын ооруканада дарылануусун улантууда. Бул тууралуу “Азаттык” радиосуна аталган оорукананын башкы дарыгеринин орун басары Александра Олексюк билдирди. Анын айтымында, Рысалиевдин абалы “орточо оор” бойдон турат. Зарылбек Рысалиев кримтөбөл Азиз Батукаевдин мыйзамсыз бошотулганына байланыштуу 7-июнда Ички иштер министрлигине сурак берип жатканда өзүн жаман сезип, ооруканага жеткирилген. Читать дальше...