جنید اکبر: پوځ د خیبر پښتونخوا کابینه روژه ماتي ته دعوت کړې وه
د پاکستان تحريک انصاف ګوند د قامي اسمبلۍ غړی جنید اکبر وایي، د خیبر پښتونخوا د کابېنې غړي د پېښور د قول اردو قومندان (کور کمانډر) کور ته د غونډې لپاره نه ول ورغلي، بلکې هلته روژه ماتي ته دعوت شوي ول. د جنید اکبر په وینا، د پاکستان پوځ د قوت مرکز دی او د ګوندونو ګټه په دې کې ده چې ښې اړېکې ورسره ولري. دا په داسې حال کې ده چې د یاد ګوند رهبر عمران خان پر پوځ سختې نیوکې کوي. له جنید اکبر سره د مشال راډیو خبریال طاهر خان مرکه کړې چې تفصیل یې په دې ویډیو کې کتلی شئ.