Новости за 25.12.2023

Пулиси шаҳри Тошканди Узбекистон хабар додааст, ки шаш касро бо гумони содир кардани як қатор ҷиноятҳо дастгир кард.

Тоҷикистон бозори панҷуми муштарак бо Афғонистонро бозкушоӣ кард. Ин бозор бо номи "Шоҳон" дар ноҳияи Шамсиддин Шоҳини вилояти Хатлон ва вулусволӣ (ноҳия)-и Хоҳони вилояти Бадахшони Афғонистон дар аввали моҳи декабр фаъолияташро аз сар гирифт.

Дар маросими ҷоизасупорӣ аз блогерҳои маҳбус ёде накарданд.

Бар пояи назархоҳии як созмони хориҷӣ Тоҷикистон дар байни кишварҳое ҷойгир аст, ки ба омӯзиши забони англисӣ зиёд таваҷҷуҳ надоранд. Хабарнигорони Радиои Озодӣ Алишер Зарифӣ ва Шаҳлои Абдуллоҳ дар ин бора гузориш медиҳанд.

Бо вуҷуди он, ки дар Кӯлоб як солро соли роҳҳои обод эълон карданд, ба гуфтаи сокинон роҳҳо ободу ҳамвор нашуданд. Шикояти мусофирону ронандаҳо аз роҳҳои валангор дар яке аз калонтарин шаҳрҳои кишвар зиёд аст.

Пулиси шаҳри Алмаатои Қазоқистон сокинонеро, ки дар эътироз ба кори низоми гармидиҳӣ роҳро баста буданд, муҷозот кардааст.

Сарвазири Сербистон Ана Брнабич гуфт, хадамоти махсуси Русия ҳукумати кишварашро аз эҳтимоли сар задани бетартибӣ дар ҷараёни ҳамоиши эътирозии мухолифон дар Белград огаҳ кардааст.

Дар шаҳри Кӯлоб баъзе роҳҳое, ки ҳамагӣ ду-се сол пеш мумфарш шуда буданд, дубора хароб мешаванд. Аз ҷумла роҳи марказии шаҳр дар хиёбони Исмоили Сомонӣ. Ҳар рӯз садҳо мошин аз бару болои ин роҳи нимавайрона равуо мекунанд. Чунин аҳволро метавон дар дигар гӯшаҳои шаҳр низ дид.

Як ҷавони 20-сола дар ноҳияи Қарасуйи вилояти Ӯши Қирғизистон бо гумони ангехтани адовати миллӣ ба воситаи шабакаҳои иҷтимоӣ боздошт шудааст.

Пулиси Покистон рӯзи 25-уми декабр 290 фаъоли балуҷро раҳо кард. Онҳо ҳафтаи гузашта ҳангоми талош барои баргузории тазоҳурот дар шаҳри Исломобод, пойтахти ин кишвар боздошт шуда буданд.

Узбекистон дар моҳи ноябри соли равон содироти газро ба Чин 30 дарсад афзоиш додааст.

Иззат Амон, ҳомии зиндонии муҳоҷиронро дар яке аз маҳбасҳои Душанбе ҷарроҳӣ мекунанд. Наздиконаш бо нигаронӣ мегӯянд, Иззат Амон бештар аз як моҳ аст, ки аз дарди дандон ранҷ мебарад ва хатари гузаштани зардоби дандон ба майнаи сар зиёд шудааст.

Раиси ҷумҳур Эмомалӣ Раҳмон баъд аз зуҳри 25-уми декабр ба шаҳри Санкт-Петербурги Русия рафтааст.

Душанбе бештар вақт ба далели саркӯби эътирозот дар ВМКБ, боздошти рӯзноманигорон ва фаъолони ҳуқуқи башар ва фишорҳои дигар ба ҳуқуқу озодиҳои шаҳрвандӣ  дар соли 2023 мавриди интиқод қарор гирифт.

Тоҷикистон барои сохтани мактабҳои нав аз Фонди саудии рушд 20 миллион доллар қарз мегирад. Файзиддин Қаҳҳорзода, вазири молияи Тоҷикистон 22-юми декабр дар назди вакилони Маҷлиси намояндагон гуфт, ин қарз ба муддати 25 сол ва бо 1,5 фоизи солона гирифта мешавад.

Фаридун Одилов, варзишгари тоҷик, дар набарди муҳорибаҳои омехта АСА (Absolute Championship Akhmat) 168, ки 24-уми декабр дар толори «ССКА Арена»-и шаҳри Маскав доир гардид, пирӯзӣ ба даст овард.

ИМА аз сарнавишти мухолифи ҳукумати Русия Алексей Навалний амиқан нигарон аст, ки 20 рӯз аст маълум нест дар куҷост. Дар ин бора котиби давлатии ИМА Энтони Блинкен дар саҳифаҳои иҷтимоии X (Твиттер) хабар дод.

Вазорати корҳои дохилӣ садамаеро шарҳ дод, ки навораш дар шабакаҳои иҷтимоӣ баҳсҳои зиёдро ба миён овард. Ҳодиса 23-юми декабр дар роҳ аз самти ноҳияи Рӯдакӣ ба сӯи Душанбе рух дод. Масъулини Вазорати корҳои дохилӣ гуфтанд, дар ин ҳодиса як зан ба ҳалокат расида, се тани дигар маҷруҳ шудаанд.

Ваколатдори ҳуқуқи кӯдак ё "омбудсмен"-и кӯдакон дар Узбекистон Сурайё Раҳмонова ба вилоятҳои он кишвар сафар ва аз вазъи никоҳи барвақтии духтарон ошно шудааст.

Қатли муассиси Ширкати хусусии низомии "Вагнер", соҳибкор Евгений Пригожинро котиби Шӯрои амнияти Русия Николай Патрушев ташкил кардааст, менависад нашрияи амрикоии The Wall Street Journal.

Дар боздоштгоҳҳои муваққати Қирғизистон шиканҷа аз байн бурда шудааст. Дар ин бора вазири корҳои дохилии он кишвар Улан Ниёзбеков хабар дод.