Новости за 17.02.2018

Европехь бехачу Нохчийн Къоман Ассамблейн цхьаьнатохаралло Чиллан -беттан 23-чохь ХIаагерчу кхелана хьалха митинг дIахьур ю. Цигахь цхьаьнакхеттачара лерина ду ХIаагерчу дуьненаюкъарчу ТIеман трибуналан векалшка Нохчийчохь Оьрсийчоьнан куьйгалло а, эскарийн буьйранчаша а, тIемалоша адамашна тIехь лелийначу зуламех йолу рапорт дIакховдон. И 200 агIонна тIехь йолу рапорт  хIоттийна "Машар а, адамийн бакъонаш а" цIе йолчу юкъаралло. ХIаагера Дуьненаюкъара Кхелан компетенцехь ду геноцидаца, тIеман зуламашца... Читать дальше...

Мюнхенерчу Дуьненаюкъарчу кхерамазаллин конференцехь скандале дIахьедар дина Германин арахьарчу гIуллакхийн министро Габриэл Зигмара. Оьрсийчоьнан арахьарчу гIуллакхийн министраца Лавров Сергейца шен конференцин кхерчахь хиллачу цхьаьнакхетарехь цо аьлла, жим-жима йохуш дIаяха йолон еза Малхбузено Оьрсийчоьнна дуьхьал яьхна санкцеш. Габриэлна хетарехь, иза дан долон деза Цхьаьнакхеттачу Къаьмнийн Юкъараллин машарбаран эскарш Донбасс регионе хьовсийначул тIаьхьа. Дуьненаюкъара машарбаран эскарш... Читать дальше...

"Демократеш йохо" гIерта аьлла, Оьрсийчоь бехке а еш, Украинан президенто Порошенко Петрос оьрсийн байракх цхьанхьа а лесто магийта мегар дац аьлла. ТСН телеканална еллачу интервьюхь дина цо и къамел. 54-чу кхерамзаллех Мюнхенехь хIоттийначу конференцехь вистхуьлуш, Порошенкос ша дуьхьал ву аьлла, ГIирмехь Оьрсийчоьнан президентан харжамаш дIабахьарна а, Европан Кхеташонан парламентан Ассамблейхь Оьрсийчоьнан бакъонаш юхаметтахIитторна а. "Мехаллех къаьстина ша хуьлийла дац я политика а, я бизнес а. Читать дальше...

Оьрсийчоьнан Францица юкъаметтигаш латточу векалтан куьйгалхо, президентан Путин Владимиран пресс-секретаран Песков Дмитрийн хилла хIусамнана Солоцинская Екатерина тIедогIучу деношкахь даржера йохош ю, цунах  тешам байна хиларца. Бахьана шиъ ду – декларацехь цо гучу ца яьккхина ши бизнес, дуьйцу "Дождь" телеканало. Ша дIаяккхарна дуьхьало ян гIоьртина Солоцинская, Собчак Ксенияца а, Кадыров Рамзанца а шен юкъаметтигаш хилар дуьхьал а детташ. Хьайн лаамехь дарж дита аьлла, шена хьехча, дуьхьало ян гIоьртина иза... Читать дальше...

Алматахь кикбоксингах летачу 10 шо долчу Тажибай Абайс Нохчийчоьнан куьйгалхочун кIентий шеца лата кхойкхуш видео дIаязйина.Tengrinews.kz хьостано бина и хаам. "Шен 8 шо кхаьчча дуьйна ву иза кикбоксинге лелаш. Шен хенарчу берашлахь Астана гIалин чемпион велира иза хIетахь. Цул тIаьхьа ши шо даьлча а баьккхира цо толам. Шо хьалха "Ахмат" клубан латарийн лигехь ММА-н профессионалан доьхка Кадыровн кIенташа даьккхича, лаам хилира Тажибайн шеца лата уьш кхайкха. ХIетахь оха ца магийтира цунна, хIунда аьлча, тоъал хаарш дацара цуьнан. Читать дальше...

Италхойн компанино мебел еш фабрика схьайиллина Нохчийчохь. Соьлж-ГIалин Италерчу Bellissimo Royal компаница бина барт бара и схьаелла дахначу шарахь дуьйнна. Кху деношкахь фабрика болх бан йолайолуьйтуш церемони дIаяьхьна аьлла, дийцина "Кавказан узел" агенталле администрацин белхахочо. Мэрин векало дийцарехь, 40 стаг ву тахана цу фабрикехь болх бан волавелла, тIейогIучу хенахь мебел яр шор а деш, кхи а 80 стагна белхан меттигаш нисбан Iалашо ю церан. Азербайджанера говзанчаш бу белхалой Iамо, кхайкхина. Читать дальше...

Нохчийчохь бизнесхо а вийна, къера хилла Iедална тIевеана полисхо. Меттигерчу бахархоша дийцарехь, чIир хилла царна юкьахь, Iедалхоша кест-кеста шаьш дечу маслаIатех хаамаш бахь а. Оршотдийнахь хилла и зулам аьлла, дийцина "Кавкахан узел" агенталле ницкъаллийн структурашкарчу хьастано. Цо бахарехь, машенчохь воьдучу бизнесхочунна герз диттина полисхочо. ШолгIачу дийнахь дарбан цIийнехь кхелхина иза йиначу чевнех хьалха а ца ваьлла. Зуламхо Iедална тIевеана, ша динчух даредан. Бехкзуламан гIуллакх дуьхьал а даьккхина, лаьцна иза. Читать дальше...