Новости за 20.02.2018

Францехь а, Австрехь а концерташ дIаяхьира бевзаш болчу нохчийн артисташа. Димаев Iелий, Уцаева Маликий, Айдаева Мариний дахнера  Малхбузехь бехачу махкахошна шайн шира а, керла а эшарш йовзийта. Ниццехьий, Венехьий дIаьяхьанчу концерташка бIеннашкахь вайнах гулбеллера. Венерчу 300 стаг чу тарлуш йолу концертан зал юьзнера, цхьа а маьрша меттиг ца буьсуш. Иштта хьал дара Францерчу концертехь а. Димаевс а, цуьнца еанчу Уцаевас а, Айдаевас а масех сохьтехь самукъадаьккхира нохчийн эстрадина сагатделлачу хьовсархойн. Читать дальше...

Чиллан-бутт болалуш Роскомнадзоро юха а айина хилла Нохчийчоьнан куьйгалхочуьнан Кадыров Рамзанан Facebook-ра а, Instagram-ра а агIонаш дIакъовларца доьзна хаттар. Цунах лаьцна РИА Новости агенталле хаам бина цу урхаллан куьйгалхочуьнан когаметто Субботин Вадима. Цо дийцарехь, Роскомнадзоран белхахой цхьаьнакхеттера Facebook-ан векалшца. Цара юха а кехат кечдина Кадыровн агIо хьокъехь. "Цхьа бутт белла оха, коллегашка жоп ца даладелира", - даладо Субботинан дешнаш РИА Новости агенталло. Кадыровн Instagram-ра а... Читать дальше...

Оьрсийчохь цхьана еакIов метран мах лаьрча, уггаре йораха хIусамаш ю Нохчийчохь, Дагестанехь, ГIебартойн-Балкхаройчохь. Цунах лаьцна хаам бина РИА Новости агенталло, говзанчаша далочу терахьашна тIе а тевжаш. Иштта Нохчийчохь гIишлон цхьана еакIов метран мах бу 30 эзар сом, Дагестанехь – 31 эзар сом, ткъа ГIебартойн-Балкхаройчохь – 32 эзар сом. Говзанчаш дийцарехь, и мехаш цу кепара хилар доьзна ду, меттигерчу бахархой дукхачу хьолехь, петаршна чохь а ца бехаш, шайн доларчу хIусамашкахь баха лууш хиларца.

"Исламан пачхьалкхан" (ДАIИШ) тIемалойн тобано кIело йина Иракъерчу шиIатийн милцошна. Офицалан болчу хаамца, цара вийна 27 стаг. ШиIатийн милцой гIуллакх деш болчу Халкъан мобилизацин ницкъийн буьйранчалло дIахьедр дина, и тIелатар Чиллан-беттан 19-чохь ХIавиджа олучу меттехь хилла аьлла. Иза ю БагIдадана къилбаседехьа 30 километр хиллал. Милцойн тоба буьйсанна рейд еш хилла кхерамазалла ларъярехула. Ши бутт хьалха Иракъерчу Iедалша дIакхайкхийнера "Исламан пачхьалкх" шех олучу тобанна тIехь толам баьккхина шаьш аьлла.

Карарчу 2018-чу шарахь дуьйна Францин латаран чемпионатехь дакъалаца йиш ю "Францин вахархо" статус йоцучу къона спортхойн. Оцу бахьанца дIадахначу мукъаденошкахь Францерчу Шильтигайм гIалахь хиллачу охьатохарх латаран чемпионатехь дакъалаца йиш хилира Францин бахархойн статус йоцучу вайнехан берийн а. Цара лакхара меттигаш ехира тайп-тайпанчу йозаллин категорешкахь. Царна юккъехь ю 4 хьалхара меттиг, 2 шолгIа меттиг, 3 кхозлагIа меттиг а.

Оьрсийчоьнан тIеман никъийн Инарлан штабо буьйр дина Шемахь йолчу Оьрсийчоьнан тIеман базашкахь сотан телефонан зIе лакъайе аьлла. Цунах лаьцна хаам бина РБК агенталло, инарла-лейтенанто Кузнецов Юрийс Чиллан-беттан 2-чу дийнахь динчу омрана тIе а тевжаш. И хаам тIечIагIбина Оьрсийчоьнан тIеман министраллерчу хьастано. Ша аьлча, ХIмеймим авиабазан территори тIехь сигнал лакъор ю кхушеран Зазадоккху-бутт чекхбаллалц. Ткъа оьрсийн эскарш дIатардинчу кхечу территорешкахь -- Мангал-беттан 1-ра де тIекхаччалц, аьлла ду цу документеха тIехь. Читать дальше...