Նորագավիթում կրակոցներ են հնչել. 1 տղամարդ հրազենային վնասվածքով տեղափոխվել է հիվանդանոց
Քիչ առաջ Երևանի Նորագավիթ թաղամասում կրակոցներ են հնչել, ինչի հետևանքով քաղաքացի է վիրավորվել։
Տեղեկությունը Tert.am-ի հետ զրույցում հաստատեց ՀՀ ոստիկանության ԶԼՄ-ների հետ կապի բաժնի պետ Էդգար Ջանոյանը` հավելելով, որ նման ահազանգ ստացվել է։
«Որովայնի շրջանում հրազենային վնասվածքով հիվանդանոց է տեղափոխվել մեկ տղամարդ։ Տղամարդը Նորագավիթ թաղամասի բնակիչ է»,-ասաց Էդգար Ջանոյանը։
Նա հայտնեց, որ դեպքի հանգամանքները պարզվում են, կատարվում է քննություն։