Новости за 22.06.2020

Өзгөчө кырдаалдар министрлигинин 22 кызматкеринен коронавирус аныкталды. Мекеменин басма сөз кызматы 22-июнда билдиргендей, алар өлкөнүн түрдүү аймагында иштеген адистер. Баары медициналык көзөмөлдө. COVID-19 диагнозу коюлган кызматкерлер менен байланышта болгон кесиптештеринен, туугандарынан да анализ алынды. Кыргызстанда өпкөнү сезгенткен жаңы вируска кабылгандар алгач 18-мартта аныкталган. Андан бери илдетти жуктургандар 3356га жетип, 40 киши көз жумду, 2021и сакайды. Оору жуктуруп алгандар июндун экинчи жарымында көбөйүп... Читать дальше...

АКШнын Лондондогу элчилиги 20-июнда Ридинг шаарында болгон кол салуудан өлгөндөрдүн бири америкалык жаран экенин башыктады. Британ бийлиги үч киши каза болуп, дагы үчөө жаракат алган кандуу окуяны теракт деп сыпаттаган. Полиция бычак сайган 25 жаштагы киши абакта экенин билдирди, бирок аты-жөнүн атаган жок. Батыштагы коопсуздук кызматтарындагы булактардын бири "Рейтерс" агенттигине айтып бергендей, полиция ливиялык Хаири Саадалла деген кишини кармаган. Ал эми Би-би-си аны британ чалгын кызматы билчү деп жазды. Читать дальше...

Чүй облусунун аймагындагы Аламүдүн жана Сокулук райондорунун айрым тургундары өкмөттөн жерди трансформациялоону талап кылышты. Күбөлөрдүн айтымында 22-июнда өкмөт үйүнүн алдында уюштурулган митингге элүүдөй киши катышты. Акциянын "Транформация" кыймылынын атынан чыкканын билдирген катышуучулары үн күчөткүч аркылуу "Трансформация болсун!", "Боронов чыксын!" деп кыйкырып турушту. Көйгөй чечилбесе, митинг уланарын айтышты.  Нааразылык билдирип чыккандар менен өкмөттүн тиешелүү кызматкерлери чыгып... Читать дальше...

«Коммерциялык эмес уюмдар жөнүндө» жана «Юридикалык жактарды, филиалдарды (өкүлчүлүктөрдү) мамлекеттик каттоо жөнүндө» мыйзамдарына өзгөртүүлөрдү киргизүү тууралуу мыйзам долбоорун үчүнчү окуудан кароо маселеси парламенттин Социалдык маселелер, билим берүү, илим, маданият жана саламаттык сактоо боюнча комитетинин 22-июндагы жыйынын күн тартибинен алынды. Буга мыйзамдын демилгечилеринин келбей калганы себеп болду. Аталган комитеттин мүчөсү, депутат Жанарбек Акаев долбоордун авторлору комитеттин кароосунан убактылуу... Читать дальше...

Кытайдан качып чыккан этникалык казактар Кастер Мусаханулы жана Мурагер Алимулы 22-июнда Семей шаарындагы абактан чыгышты. Адвокат Ляззат Ахатова алар 8 айдан ашуун убакыт камакта отуруп чыкканын билдирди.  Мусаханулы жана Алимулы «мамлекеттик чек арадан атайлап мыйзамсыз өткөн» деп айыпталган. Райондук сот быйыл январда алардын ар бирин бир жылга абакка кескен. Адвокаттын айтымында, экөөнүн тең качкын деген макамы эмки айда соңуна чыгат.  Алар былтыр октябрда казак-кытай чек арасынан өтүп, Шинжаңдан Казакстандын Зайсан районуна барышкан. Читать дальше...

Түркиянын "Turkish Airlines", "Pegasus" авиакомпаниялары Кыргызстан менен аба каттамдарды 1-июлдан тарта калыбына келтирүүнү сунуш кылды. Кыргыз өкмөтү макул боло электигин Жарандык авиация агенттигинин башчысы Курманбек Акышев "Азаттык" радиосуна билдирди. Ал коронавирус жуктургандар күн сайын көбөйүп жаткандыктан, эл аралык каттамдарды жандантуу маселеси азырынча күн тартибинде жоктугун айтты. COVID-19 пандемиясынан улам март айында Кыргызстан эл аралык жана ички авиакаттамдарды токтоткон.... Читать дальше...

Сеул Пхеньянды чек ара аймагына үгүт баракчаларын жөнөтүү планынан баш тартууга чакырды. Анын алдында Түндүк Корея 3 миң үйлөмө шарга туташтырып, 12 миллион баракча таратарын эскерткен. Корей жарым аралындагы чыңалуу өткөн аптада Пхеньян каршы тарапка качып кеткен диссиденттер пропагандалык баракчаларды салып жатышат деген негизде коңшу өлкө менен байланыш кеңсесин жардырып жибергенден кийин күчөдү. 22-июнда Түштүк Кореянын Түндүк Корея менен биригүү иштери боюнча министрлигинин басма сөз өкүлү... Читать дальше...

Ирандын азык-түлүк жүктөлгөн кемеси Венесуэланын жээгине жакындап калды. Ислам жумуриятынын Каракастагы элчилиги кабарлагандай, товарлар ал өлкөдөгү биринчи ирандык супермаркетке коюлат. Өткөн айда Тегеран Венесуэлага бир жарым миллион баррель күйүүчү май жеткирген. Бир кездери Түштүк Америкадагы ири мунай өндүрүүчүлөрдөн болгон өлкө терең экономикалык кризистен улам бензин тарыштыгынан жапа чегип жатат. Анын үстүнө АКШ киргизген санкциялар да күчөтүлгөн. Иран ошондой эле Венесуэлага мунай тазалоочу... Читать дальше...

Бишкектин Биринчи май райондук сотунда 22-июнда уланган Кой-Таш окуясы боюнча соттук териштирүүдө мурдагы президент Алмазбек Атамбаевдин кеңешчиси Кундуз Жолдубаевага прокурорлор жети берене менен айып тагышты. Бул тууралуу Жолдубаева өзү билдирип, аны абсурд деп атады. Жолдубаева бийликти күч менен басып алууга, барымтага алууну, массалык башаламандыктарды уюштурууга жана башка кылмыштык аракеттерге айыпталууда. «Прокурорлордун ушундай абсурд айыптоосу – өлкөнү башкарып жаткан үй-бүлөлүк-кландык... Читать дальше...

Дүйнөлүк Саламаттык сактоо уюму дүйшөмбү күнү акыркы бир күндүн ичинде коронавирус дагы 183 миңден ашык адамдан табылганын билдирди. Бул - пандемия маалындагы эң чоң көрсөткүч болуп калды. Ага ылайык, оору жугузуп алгандардын теңинен көбү, 116 миңден ашыгы Түндүк жана Түштүк Америкага туура келет. Бразилияда акыркы бир күндө вирус 55 миңден көп адамдан аныкталып, рекорддук чекке жетти. Бул өлкөдө оорудан 50 миңдей киши көз жумду. АКШда соңку 24 сааттын ичинде дарт 36 миңден ашык кишиден табылды. Читать дальше...

АКШ менен Орусия стратегиялык куралды чектөө боюнча келишимди талкуулаганы жатат. Венадагы сүйлөшүүнүн алдында Москва азыркы келишимди узартууну сунуш кылган. Ага ылайык тараптар стратегиялык өзөктүк дүрмөттөрүн 1 550 даанадан ашырбоого тийиш. Эки атомдук держава ортосундагы бул акыркы чоң келишимдин мөөнөтү 2021-жылдын февралында аяктайт. Орусиянын тышкы иштер министринин орун басары Сергей Рябковдун айтымында, макулдашууну узартуу үчүн кошумча жүйө жок, бирок Москва буга чейинки позициясында турат. Читать дальше...

Жогорку Кеңештин эки депутатынан жана аппараттын үч кызматкеринен COVID-19 аныкталды. Алардын баары обочолонгонун парламенттин басма сөз катчысы Ибраим Нуракун уулу билдирип, айрым сайттар жазгандай "беш депутаттан коронавирус чыкты" деген маалыматты четке какты. Этика жана коопсуздук чараларынан улам инфекция жуктурган депутаттардын жана аппарат кызматкерлеринин ысымдары ачык айтылбайт. Басма сөз кызматынын жетекчисинин билдиргенине караганда вируска чалдыккан эки депутаттын биринен жаңы аныкталды. Читать дальше...

23-июнда түнкүсүн Нарын облусунун кээ бир райондорунда, Чүй, Ош, Жалал-Абад облустарынын тоолуу аймактарында өткүн өтүп, күн күркүрөйт. Бийик тоолуу райондорго кар жаайт.  Күндүз Ош, Жалал-Абад, Ысык-Көл, Нарын облустарынын көпчүлүк аймактарында, Чүй, Талас, Баткен облустарынын кээ бир райондорунда мезгил-мезгили менен жаан-чачын болот. Батыштан жел согуп турат. Абанын температурасы: Талас облусунда түнкүсүн 14....19, күндүз 28...33, Баткен, Ош, Жалал-Абад облустарында түнкүсүн 17...22, күндүз 31...36... Читать дальше...

Жалал-Абад мэриясы 22-июндан тартып карантинге алынды.  Кызматкерлер онлайн иштей баштаганын мэриянын басма сөз борбору билдирди. 17-июнда калаа башчысы Мураталы Тагаевден COVID-19 аныкталып, аппараттагы 50дөй кызматкер анализ тапшырган. Алардын арасынан үч кишиден коронавирус чыккан. Шаар мэриясына жанаша жайгашкан борбордук базар аптасына бир жолу жабылып, дезинфекцияланууда. (RsK\SE)

Бул тууралуу Адилет Султаналиев 22-июнда "Твиттерге" жазды. Ал мындан ары мамлекеттик эмес уюмдардагы долбоорлордо иштей турганын "Азаттык" радиосуна билдирди.  Султаналиев 2018-жылдын июлунан бери мурдагы премьер-министр Мухаммедкалый Абылгазиевдин басма сөз катчысы болуп иштеди. Мухаммедкалый Абылгазиев кызматтан кетүү тууралуу арызын 15-июнда берген. Аны радио жыштык боюнча иликтенип жаткан иштер аягына чыга электиги менен негиздеген. Президент Абылгазиевдин арызын жана өкмөттүн отставкасын 16-июнда кабыл алган. Читать дальше...

Жалал-Абаддагы балдардын психоневрологиялык социалдык-стационардык мекемесинде кургак учукка кабылган 14 бала ошол мекеменин өзүндө изоляцияга алынды.

"Эже-сиңдилер" берүүсүндө бул жолу өспүрүм кыздардын саламаттыгы, жеке гигиенасы тууралуу баарлаштык. Мектептерде, окуу жайларда, үй-бүлөдө кыздар үчүн ден соолугуна кам көрүп, сексуалдык билимин жогорулатууга шарттар барбы? Адистердин ой-пикирлерине орун берели.

Президент Сооронбай Жээнбеков, мурдагы президент Роза Отунбаева, Жогорку Кеңештин төрагасы Дастан Жумабеков, премьер-министр Кубатбек Боронов баштаган аткаминерлер мамлекеттик жана коомдук ишмер, милициянын генерал-лейтенанты Болот Шердин мезгилсиз дүйнөдөн кайтканына байланыштуу анын үй-бүлөсүнө, жакындарына көңүл айтты. «Болот Шер өмүрү жана басып өткөн эмгек жолу - принципиалдуулуктун, кажыбас эрктүүлүктүн жана күжүрмөндүктүн үлгүсү. Кыргыз Республикасынын мамлекеттүүлүгүнүн бекемделишине, демократиялык баалуулуктардын... Читать дальше...

2020-жылдын январь-апрель айларында Кыргызстандын ЕАЭБ өлкөлөрү менен соода жүгүртүүсү 764,5 млн. долларды түзүп, өткөн жылдын тиешелүү мезгилине салыштырмалуу 8,1% төмөндөдү. Бул тууралуу Улуттук статистика комитетинин ай сайын жарыяланчу жаңы баяндамасында маалымдалды. Мунун ичинен 599 млн. 621 миң доллар импортко туура келет жана ал 5,2% кыскарды. Аталган өлкөлөргө экспорттун көлөмү 164 млн. 892 миң доллар болуп, былтыркы жылдын төрт айына салыштырганда 17,4% азайды. Кыргызстан биримдиктин... Читать дальше...

Өзгөн шаарынын 19 жаштагы тургуну селкинчектен кулап, ооруканада көз жумду. Окуя 20-июнда Сарахсий көчөсүндөгү эс алуу багында болгонун "Азаттык" радиосуна Ош облустук ички иштер башкармалыгынын басма сөз катчысы Жеңишбек Аширбаев билдирди.  Факт сотко чейинки өндүрүшкө алынып, милиция териштирүүдө. Аширбаев эс алуучу жай менчик экенин, ээсинин жоопкерчилиги да караларын кошумчалады. Өзгөн шаардык мэриясынын маалыматына ылайык, бир жыл мурда да  ушул жерде бир киши селкинчектен кулап кетип каза тапкан. Читать дальше...

Кыргыздын кайра жаралуу сезимин ойготкон Болот Шерден айрылдык.

Кыргызстанда соңку бир суткада 26 медициналык кызматкер коронавирус жуктуруп алганы аныкталды. Саламаттык сактоо министри Сабиржан Абдикаримов 22-июндагы брифингде билдиргендей, алар төмөнкү аймактарда иштешет: Бишкек шаарында – 6 Чүй облусунда – 3 Ош шаарында – 2 Ош облусунда – 4 Баткен облусунда – 2 Ысык-Көл облусунда – 6 Нарын облусунда – 2 Талас облусунда – 1 Жалпысынан COVID-19 диагнозу 582 медицина кызматкерине коюлган. Алардын экөө каза болуп, 387си айыккан.  Кыргызстанда... Читать дальше...

Эгерде орусиялыктар 1-июлдагы жалпы элдик референдумда конституциялык өзгөртүүлөрдү колдосо, президент Владимир Путин кийинки шайлоого барарын четке какпайт. Бул тууралуу 20 жылдан бери бийлик башында турган 67 жаштагы орус мамлекет башчысы жергиликтүү телеканалга айтты.

Бишкек шаардык аймактык шайлоо комиссиясынын төрагасы Кайрат Маматовдон COVID-19 вирусу табылды. Бул тууралуу ал өзү "Фейсбуктагы" баракчасына жазды. Маматов ооруканаларда орун жетишсиздигин айтып, үйдө дарыланып жатканын билдирди. Өз сөзүндө «вирустун экинчи толкуну келгенин» белгилейт. Мурдараак Жалал-Абад шаарынын мэри Мураталы Тагаевден, Оштун Араван районунун акими Курбанбай Айтибаевден, Жогорку Кеңештин басма сөз кызматынын башчысы Ибраим Нуракун уулунан вирус табылган. Кыргызстанда 22-июнда дагы 205 кишиден коронавирус табылды. Читать дальше...

Коронавирус маселеси боюнча жарандарга кеңеш берүүчү 118 ыкчам телефон номуру күнү-түнү иштөө тартибине өттү. Бул тууралуу Бишкек мэриясынын Саламаттык сактоо шаардык башкармалыгынын башчысы Бактыгүл Исмаилова билдирди:  "Июнда коронавирус маселелери боюнча жарандардын кайрылуусу кескин көбөйдү. 21-июнда Республикалык штабдын жана Саламаттык сактоо министрлигинин чечими менен мобилдик бригадалар күнү-түнү иштөө тартибине өттү. 118 ыкчам номуруна туташкан 14 линияда адистер 24 саат бою кеңеш берүүдө". Читать дальше...