Новости за 25.06.2020

Жогорку Кеңештин имаратынын алдында ушу тапта сөз эркиндигин жана интернетти чектөөгө каршы митинг өтүп жатат. Бул иш-чараны уюштуруу демилгеси соңку күндөрү социалдык тармактарда көтөрүлүп, жарандык активисттер, укук коргоочулар жана катардагы жарандар бүгүн чогулууну чечишкен. Иш-чарага, катышуучулардын айтымында, элүүдөн ашуун адам катышууда. Алар эгер парламентте талкууланып жаткан мыйзам кабыл алынса, интернетте өз пикирин ачык айтып чыккан адам экстремист деп таанылып, ага чара көрүлүшү ыктымал экенин белгилешти. Читать дальше...

Акциянын катышуучулары сөз эркиндигин жана интернетти чектөөгө каршы чыгышты.

Бүгүн, 25-июнда Жогорку Кеңеш Салык кодексинин 310-беренесине өзгөртүү киргизүү тууралуу мыйзам долбоорун карап жатат. Ага ылайык, берене “Кен казуучу жана кен иштетүүчү ишканалардын алтын камтылган кендерден жана алтын камтылган концентраттан түшкөн киреше салыгынын өлчөмүн 7%, 2023-жылдан тарта 10% көтөрүү, ал эми алтын, күмүш жана башка баалуу металлдар камтылган концентраттан түшкөн кирешеден салык 5% өлчөм алынат” деп өзгөртүлөт. Бул мыйзам долбоору депутаттарда кайчы пикирлерди жаратууда. Читать дальше...

Коронавирус пандемиясынын Кыргызстандын экономикасына тийгизген терс таасиринин алгачкы эсептери чыкты. Өлкөнүн тышкы соодасы 21% кыскарды.

Ат-Башы районунун тургуну, жөө күлүк Оболбек Осмонбеков 400 чакырым аралыкты беш күндө чуркап өттү. Ал сапарын 19-июнь күнү Ат-Башы районунун Талды-Суу айылынан баштап, 24-июнда Бишкекке келди. Жөө күлүктү Дөлөн Өмүрзаков атындагы стадиондо Жаштар иштери, дене тарбия жана спорт агенттигинин директорунун орун басары Канат Арпачиев баш болгон спорт ышкыбоздору жана журналисттер тосуп алышты.