Новости за 16.08.2021

Ош шаардык ички иштер башкармалыгынын (ШИИБ) үч кызматкери чатакташкан окуя боюнча кылмыш иши козголуп, сотко чейинки өндүрүшкө алынды. ШИИБдин басма сөз кызматы маалымдагандай, иш Кылмыш кодексинин 266-беренеси ("Ээнбаштык") менен козголуп, бирдиктүү реестрге катталды. "Ош ШИИБдин кайгуул кызматынын үч кызматкери жана төрт адам катышкан чатак 26-июлда катталган. Курманжан датка көчөсүндө унаа токтотуучу жай талашып, чатакташкан милиционерлер ошол эле күнү Сулайман-Тоо ички иштер бөлүмүнө жеткирилген. Читать дальше...

Бишкекте орус тилинде сүйлөгөн тейлөөчү кызды калкульятор менен чапкан Али Алимбаев аттуу жаран бир айга Бишкектеги №1 тергөө абагына камалды. Бул тууралуу Октябрь райондук сотунун басма сөз кызматы билдирди. 2-августта Бишкектеги SMagic паркында баласын аянтчага ойноткону алып барган адам тейлөөчү кызматкер кыздан орусча эмес, кыргыз тилинде сүйлөөнү талап кылган. Окуянын видеосунда эркек киши кызматкер кызга улам тап коюп айтышып, столдо жаткан калькулятор менен уруп жибергенин көрүүгө болот. Читать дальше...

Түркиянын Карадеңиз жээгинде болгон суу ташкын менен жер көчкүнүн кесепетинен жеке турак-жайлар кыйрап, жолдор бөгөлдү. Бул тууралуу Түркиянын Өзгөчө кырдаалдар министрлиги кабарлады. Бир нече күндөн бери Түркиянын Карадеңиз жээгинде жайгашкан Кастамону, Синоп жана Бартин провинцияларында суу ташкын болуп, айрым аймактарда жер көчкү жүргөн. Түркиянын Өзгөчө кырдаалдар министрлигинин маалыматы боюнча Кастамонуда 48, Синопто 8 жана Бартинде бир киши каза болду. Кастамону провинциясынын ички иштер... Читать дальше...

Ооганстандагы кырдаалдан улам Кыргызстанга "качкын" макамын сурап кайрылгандар боло элек. Бул тууралуу Саламаттык сактоо жана социалдык өнүктүрүү министрлигинин качкындар жана кайрылмандар менен иштөө башкармалыгынын башчысы Жыпара Мамбетова "Азаттыкка" билдирди. Анын айтымында, Тажикстан менен чек ара ачылса Кыргызстанга да Ооганстандан качкындар өтүп келиши мүмкүн. "Ооганстанда кырдаал курчугандан бери бизге "качкын" макамын сурап кайрылгандан боло элек. Бирок бизге да качкындар өтүп келиши мүмкүн деген божомол бар. Читать дальше...

Орусияда төрт күндөн бери коронавирустан 800дөн ашуун адам каза болууда. Жекшемби күнү илдетке каршы ыкчам штаб бир суткада дагы 816 киши көз жумганын кабарлады. Андан бир күн мурун 819 адам каза болгон. Бул пандемия башталгандан берки эң жогорку көрсөткүч болуп калды. Каза болгондор Москвада, Санкт-Петербургда, Краснодар крайында жана Иркутск облусунда көп. Ушул эле күнү Москванын мэри Сергей Собянин ишканалардын кызматкерлеринин 30%дан кем эмес бөлүгүн аралыктан иштетүү боюнча буйругун жокко чыгарды.

Дүйнө жүзүндөгү 50 өлкө жана Евробиримдик Ооганстандан чыгып кетүүнү каалаган чет элдик жана жергиликтүү тургундардын коопсуздугун камсыздоо тууралуу билдирүүгө кол коюшту. “Жолдор, аэропорттор жана чек аралар ачык болуп, тынччылык сакталышы керек. Ооган эли коопсуз жашоого татыктуу. Ал эми эл аралык коомчулук аларга жардам берүүгө даяр”, – деп жазылган АКШ Мамдепартаменти тараткан биргелешкен билдирүүдө. Жекшемби күнү талибдер Кабулду согушсуз алып, президенттик сарайды ээлеген. Президент Ашраф Гани өлкөдөн чыгып кетти. Читать дальше...

16-августка караган түнү 143 ооган аскери тик учак менен өлкөдөн учуп чыгып, Тажикстандын Хатлон облусунун Бохтар аэродромуна конду. Бул тууралуу "Озоди" тажик кызматы билдирди. Тажикстандын Өзгөчө кырдаалдар министрлигиндеги булактар ооган качкындары жергиликтүү университеттин жатаканасына жайгаштырылганын билдирди. “Алардын арасында эки аял бар, кечээ кечинде учуп келишти. Азыр башка жакка которуу маселеси каралууда. Бирок чечим кабыл алына элек”, – деди атын атагысы келбеген маалымат булагы. Читать дальше...

Президент Садыр Жапаров Ооганстандагы кырдаалга тыкыр көз салып, тийиштүү мамлекеттик мекемелерден маалымат алып жатат. Бул тууралуу мамлекет башчынын басма сөз кызматы билдирди. "Мамлекет башчысы Улуттук коопсуздук мамлекеттик комитети, Коопсуздук кеңешинин Катчылыгы жана Тышкы иштер министрлиги аркылуу саат сайын тиешелүү маалыматтарды алууда", - деп айтылат маалыматта. Тышкы иштер министрлигине Ооганстандын аймагында убактылуу жүргөн кыргыз жарандары менен дайыма байланышта болуп, алардын... Читать дальше...

16-августка караган түндө Балыкчы - Ананьево - Каракол жолунун Корумду аймагында "Мазда" жана "Ауди" үлгүсүндөгү унаалар кагышып, "Аудинин" 24 жаштагы айдоочусу менен 20 жаштагы жүргүнчүсү каза болгон. Дагы төрт киши ооруканага жеткирилген. 15-августта саат 15:00 чамасында Балыкчы - Ананьево - Каракол жолунда Тору-Айгыр жана Чырпыкты айылдарынын ортосунда бараткан унаа оодарылып, 80 жаштагы карыя каза тапкан. Беш киши түрдүү жаракат менен Балыкчыдагы ооруканага жеткирилген. Арасында алты жаштагы бала бар. Читать дальше...

Кыргызстан Ооганстанга гуманитардык жардам катары 500дөй студенттик виза бергенге даяр. Бул тууралуу Улуттук коопсуздук комитетинин (УКМК) төрагасы Камчыбек Ташиев айтканын мекеменин басма сөз кызматы кабарлады. “Кыргызстанды өзгөчө тынчсыздандырган нерсе – ооган жаштарынын, айрыкча аялдардын тагдыры. Алар кыргыз жаштары сыяктуу заманбап билим алууга, жаңы технологияларды өздөштүрүүгө жана өз мекенинин жыргалчылыгы үчүн иштөө үчүн талап кылынган кесиптерге ээ болууга умтулушат. Биз өлкөнүн экономикалык жашоосу шал болуп... Читать дальше...

Тажикстандын Тышкы иштер министрлиги Ооганстандын президенти Ашраф Гани өлкө аймагына кирбегенин маалымдоодо. "Азаттыктын" тажик кызматы кабарлагандай, ооган президенти отурган учак Тажикстандын аба мейкиндигине кирбегени расмий айтылды. Мындан тышкары тажик бийлиги Ооганстан тараптан бул мазмунда сунуш болбогонун да ырастайт.  "Озоди" радиосу 15-августта тажик өкмөтүнө жакын булактарына таянып, Ооганстандын президенти Ашраф Гани Дүйшөмбүгө келип, бир нече сааттан кийин Оманга чыгып кеткенин кабарлаган. Читать дальше...

Президент Садыр Жапаровдун жарлыгы менен Гүлмира Абдралиева Мамлекеттик камсыздандыруу уюмунун жетекчиси болуп дайындалды.  Быйыл февралда Транспорт, архитектура жана байланыш министри болуп дайындалган Гүлмира Абдралиева башка ишке өткөнүнө байланыштуу деген жүйө менен министрлик кызматынан 10-августта бошотулган. Анын ордуна министр болуп 45 жаштагы Эркинбек Осоев дайындалды. Осоев аталган мекемеде 2006-2017-жылдары иштеп, бир жылча министрдин орун басары болгон. (ZKo)

Миргазы Исаков Бишкек шаарынын мэриясынын аппарат жетекчиси болуп дайындалды. Бул тууралуу мэриянын басма сөз кызматы билдирди. Ал буга чейин президенттин администрациясынын уюштуруу-текшерүү иштери жана региондор менен өз ара аракеттенүү бөлүмүнүн инспектору болуп иштеп келген. Министрлер кабинетинин төрагасы Улукбек Марипов 12-августта Бишкек шаарынын мэринин милдетин аткаруучу кылып Айбек Жунушалиевди дайындаган. 45 жаштагы Жунушалиев буга чейин Министрлер кабинетинин төрагасынын биринчи орун басары болуп иштеп жаткан. Читать дальше...

Активисттер Бишкектеги АКШ элчилигинин алдына Кумтөр алтын кенинин айланасындагы сот иштери боюнча акция өткөрүп жатат. Алар Кумтөр кенин иштеткен канадалык "Центерра голд" компаниясынын "Кумтөр голд" компаниясын банкрот деп таануу боюнча арызы Нью-Йорктогу сотто калыс каралсын деген талап менен чыккан. Акциянын уюштуруучуларынын бири Нарис Калчаевдин айтымында, акция 17-августта Нью-Йоркто башталчу сот ишине байланыштуу өтүп жатат. "Нью-Йоркто "Центерра голд" компаниясынын арызы менен сот болгону жатат. Читать дальше...

Коргоо министрлиги аскер бөлүктөрүндө күжүрмөн даярдык боюнча окуу-машыгууларды улантып жатат. Бул тууралуу Коргоо министрлигинин басма сөз кызматы билдирди.  Анын алкагында, 52806 аскер бөлүгүндө түнкү ок атуу даярдыктары болуп өткөн. "Өздүк курам теориялык билимдерин жана практикалык көндүмдөрдүн жогорулатышууда", - деп билдирди Коргоо министрлиги. (МТа)

Курамына 180ден ашык коомдук уюмдар жана эксперттер кирген "Зомбулукка каршы бирге" кыймылы "Президентти жана Жогорку Кеңештин депутаттарын шайлоо жөнүндөгү" мыйзамга кол койбоого президентти чакырды. Муну мыйзам күчүнө кирсе, парламентте 16 гана аял мандатка ээ болуп калары менен негиздеди.

16-августка карата COVID-19 вирусуна каршы вакцинанын 1-дозасын 587 441 адам алды. 264 233 киши 2-дозасын алды. Саламаттык сактоо жана социалдык өнүктүрүү министрлигинин маалыматына караганда, ушул тапта 2 184 084 доза вакцина бар. Акыркы суткада 3676 адам коронавируска каршы эмделди. Эмделгендердин эсеби Саламаттык сактоо жана социалдык өнүктүрүү министрлигинин Электрондук саламаттык борборунун маалымат базасында күнү-түнү жаңыртылууда. Кыргызстандыктарды эмдөөгө негизинен Кытайдын Sinopharm компаниясынын вакцинасы... Читать дальше...

Дүйнөлүк бокс легендасынын небереси профессионалдык карьерасындагы дебюттук беттешинде атаандашын биринчи эле раундда жеңип алды.

16-августка карата Кыргызстанда 237 адам илдет жуктуруп алганы лабораториялык жактан тастыкталды. Коронавирустан 5 адам каза тапты. Бишкекте - 120 адам Ош шаары - 4 Чүй облусу – 37 Ош облусу – 1 Талас облусу - 7 Нарын облусу - 0 Ысык-Көл облусу – 39 Жалал-Абад облусу – 11 Баткен облусу - 18 Жалпысынан былтыр март айынан бери коронавирус менен ооругандардын саны 172 327 адамга жетти. Оорудан 163 249 киши сакайды. Вирустан көз жумгандардын жалпы саны 2451 адам. Ушул тапта ооруканаларда 3112... Читать дальше...

Мелдеш 17-августта Өзбекстандын Ташкент шаарында башталат. Анда Кыргызстан, Өзбекстан, Казакстан жана Тажикстан командалары ат салышмакчы.

Бириккен Улуттар Уюмунун Коопсуздук кеңеши бүгүн 16-августта Ооганстан боюнча чукул жыйынга чогулат. “Талибан” кыймылы Ооганстандын баш калаасы Кабулдагы президенттик сарайды кечээ кечинде ээлеп алды. Президент Ашраф Гани бийлигин алдыргандан кийин өлкөдө чыгып кетти. Ал алгач Тажикстандын борбору Душанбеге барганы, кийин ал жерден башка жакка жөнөп кеткени, кайсы жер экени так айтылбай жатканы кабарланды. Ооганстандагы чет өлкөлөрдүн дипломатиялык өкүлчүлүктөрү өз жарандарын чыгарып кетүүдө. Читать дальше...

Иранда бүгүн 16-августта коронавируска байланыштуу алты күндүк обочолонуу башталууда. Бардык шаарлардагы базарларда, мекемелерде, кинотеатрларда, машыгуу залдарында жана ресторандарда чектөө эрежелери кирет. Шаарлар ортосундагы ички каттам да убактылуу токтойт. Кечээ Иранда бир күндө коронавирустан 620 адам каза болду. Бийлик муну эң жогорку көрсөткүч деп атоодо. Жалпысынан бул өлкөдө коронавирустан каза болгондор 98 миңге жакындады. Талдоочулар чындыгында көз жумгандар мындан көп экенин белгилеп жатышат. Читать дальше...

Гаитиде жер титирөөдөн каза болгондор 1300кө чамалады. 14-августта Кариб деңизиндеги бул өлкөнүн түштүгүндө күчү 7,2 баллга жеткен жер титирөө болуп, бийлик бир айлык өзгөчө кырдаал жарыялады. Жараат алгандардын саны 6 миңге жакындаганы айтылууда. Жереми жана Ле-Ке шаарларындагы турак жайлардын көбү кыйрап калды. 11 жыл мурда жети баллдык жер титирөө борбор шаар Порт-о-Пренстин көп бөлүгүн урандыга айлантып, болжол менен 300 миң кишинин өмүрүн алган. (RK)

Президенттик администрациядагы пара алуу аракети жөнүндө айтып чыкканы үчүн иштен алынганын билдирген мурдагы кызматкер президент Садыр Жапаровдун кабыл алуусунда болот. Жолугушуу бүгүн, 16-августка белгиленгенин “Азаттык” радиосуна президенттик администрацияда эксперт болуп иштеген Уран Чекирбаев билдирди. Чекирбаевдин айтымында, өкмөттөгү жана президенттик администрациядагы жооптуу адамдар Дүйнөлүк банк каржылай турган Digital CASA долбоорун ишке ашыруу укугун тендер аркылуу утуп алган ишканадан пара талап кылып... Читать дальше...

Ысык-Көл облусунун Жети-Өгүз районунда Улуу Үркүндү эскерүү иш-чарасы өттү. Эскерүү жүрүшүн “Тосор коому” уюму уюштурганын жетекчиси Тыныбек Жукешов “Азаттык” радиосуна 15-августта билдирди. Жукешовдун айтымында, трекинг түрүндө уюштурулган акцияга 50 чакты адам катышты, алар жалпысынан 27 чакырым жерди жөө басып өтүштү: “Биздин Тосор айылыбыздын жанында Кыргын Сай деп аталган жер бар. 1916-жылы ошол жерде 300-500 адам мыкаачылык менен өлтүрүлгөн экен. Элди тарыхыбыздын ошол барактарына кызыктыруу үчүн трекинг түрүндө уюштурдук. Читать дальше...