Новости за 27.10.2021

Тажикстан парламентинин төмөнкү палатасы 27-октябрда тажик-ооган чек арасына жакын жерге аскердик база курууну жактырды. Курулуш тажик Ички иштер министрлиги менен Кытайдын коопсуздук министрлигинин ортосундагы келишимдин алкагында жүрмөкчү. Тажик ички иштер мекемесинин жетекчи орун басары Абдурахмон Аламшозода парламентте билдиргендей, база Тоолуу Бадахшан автономдуу облусундагы Ишкашим районунун Вахан айылына курулат. Маалыматтарга караганда, объектиге тажик күч түзүмдөрү ээлик кылат. Тажик... Читать дальше...

Мындан ары Кыргызстандын курамасы Азиянын жаштар кубогуна катышар-катышпасы Индия командасы менен болгон беттештен көз каранды.

Жогорку Кеңеш 2022-жылга карата Министрлер кабинети сунуштаган бюджеттин долбоорун биринчи окууда жактырды. Кыргызстанда жыл башынан бери адам сатуу боюнча сегиз факты расмий катталды. Оогандык казактар Казакстандан жардам сурап кайрылды.

Борбордук шайлоо комиссиясы мурдагы бажы кызматкери Нурлан Ражабалиевди №2 бир мандаттуу Баткен округунан талапкер кылып каттады. Бул тууралуу Боршайкомдун басма сөз кызматы билдирди. Ички иштер министрлиги Ражабалиевдин соттуулугу жоюлганын билдирген. Бишкектин Биринчи май райондук сотунун 27-январдагы чечими менен Бажы кызматанын төрагасынын мурдагы орун басары, Түштүк-Батыш бажысынын мурдагы башчысы Нурлан Ражабалиев "Коррупция" беренеси менен күнөөлүү деп табылып, ага 260 миң сом айып салынган. Читать дальше...

Борбордук шайлоо комиссиясы тергөө абагында отурган Равшан Жээнбековду бир мандаттуу №16 Ленин шайлоо округунан Жогорку Кеңештин депутаттыгына талапкер кылып каттады. Бул тууралуу боршайкомдун мүчөсү Кайрат Маматов "Азаттыкка" билдирди. Равшан Жээнбеков "Кой-Таш окуясы" боюнча кылмыш ишинде фигурант катары өтүүдө. Ал 2019-жылы камакка алынып, 2020-жылы октябрь окуяларынан кийин абактан бошотулган. Бирок ушул жылдын август айында кайрадан камакка алынган. Жээнбеков шайлоо учурунда үгүт ишин кандай жүргүзөт белгисиз. Читать дальше...

Жогорку Кеңеште Салык кодексинин толук өзгөртүлгөн долбоору биринчи окууда каралды. Министрлер кабинети жаңы салык мыйзамдары өлкөдөгү көмүскө экономиканы кыскартууга багытталган жана заманбап бизнеске ылайык жазылганын билдирүүдө. Бирок серепчилер андагы тобокелдиктерди белгилеп жатышат.  Ошентип, октябрдын башынан бери Экономика министрлигинин сайтында турган “Салык кодексинин" долбоорунун концепциясы парламентте биринчи окуудан өттү. Жаңы салык кодексинин кыскача мазмуну Бул 2008-жылы кабыл алынган кодекске өзгөртүү эмес... Читать дальше...

27-октябрда Америка Кошмо Штаттары Кыргызстанга коронавируска каршы Pfizer/BioNTech вакцинасынын 259 740 дозасын тапшырды. Бул тууралуу АКШнын Кыргызстандагы элчилиги билдирди. Иш-чарага АКШнын убактылуу ишенимдүү өкүлү Соната Култер, Министрлер кабинетинин төрагасы Акылбек Жапаров, саламаттык сактоо министри Алымкадыр Бейшеналиев жана эл аралык COVAX программасына мүчө өлкөлөр Япониянын, Швейцариянын, Британиянын жана Евро Биримдиктин өкүлдөрү катышты. “Кошмо Штаттар ар бир адам коопсуз жана... Читать дальше...

Орусияда акыркы бир суткада коронавирустан 1 123 киши каза болду. Муну менен бул көрсөткүч кайрадан бир күндүк эң жогорку чекке жетти. Федералдык ыкчам штабдын маалыматына караганда, бир күндө дагы 36 582 киши илдетти жугузуп алды. Ушу тапта 1,3 миллион орусиялык COVID-19 менен ооруп жатат. Шейшембиде саламаттык сактоо министри Михаил Мурашко 13 региондо катаал чектөөлөрдү киргизүү, ооруканаларда керебеттердин санын көбөйтүү зарылдыгын айткан. Маалыматтарга караганда, айрым жерлерде стационарлар толуп, кризис коркунучу тереңдеди. Читать дальше...

Бишкек шаарында көп кабаттуу имараттын үстүнөн боюн таштаган 22 жаштагы жигит каза болду. Бул тууралуу Бишкектин Октябрь райондук ички иштер бөлүмү билдирди. Милициянын маалыматына ылайык, саат 12.39да "102" кызматына Байтик Баатыр жана Абды Сүйөркулов көчөлөрүнүн кесилишиндеги жаңы курулуп жаткан көп кабаттуу имараттын үстүнө чыгып алган жигит тууралуу маалымат түшкөн. Ал жанын кыя турганын айтып коркуткан. Бир нече саатка созулган көндүрүү аракетинен майнап чыкпай, ал сегизинчи кабаттан боюн таштаган. Читать дальше...

Гуманитардык кризиске кабылган Ооганстанда этникалык казактар тез арада көчүрүп кетүүнү өтүнүп, Нур-Султанга кайрылды. Оогандык казактар тамак-аш тартыштыгын баштан кечирип, чыдоого мүмкүн болбой калганын билдирген. Буга чейин Казакстандын делегациясы Кабулга гуманитардык жардам жеткирген. БУУ азык-түлүк тартыштыгы чечилбесе, Ооганстандын калкынын жарымынан көбү ачкачылыкка дуушар болорун эскертүүдө. "Жагдайыбыз жакшы болбой калды" Гуманитардык кризиске кабылган Ооганстанда жашаган этникалык казактар жумушсуз калып... Читать дальше...

Ош облусунун Алай районундагы Согонду айылында көмүр кенин казууга каршы болгон эки жүздөй адам нааразычылык акциясын өткөрдү. Бул тууралуу "Азаттыкка” жергиликтүү тургун Миртемир Рахманбердиев билдирди. Чогулгандар айылдан 2500 метр аралыктагы Тайгак-Таш аймагынан көмүр казууга каршы. Алар кен иштетүүнү максат кылган компания кайра изилдөө иштерин баштаганын айтып, эгер көмүр казылып баштаса экология бузулуп, таза суу булганышы мүмкүн экенин билдирүүдө. Нааразы болгондор менен Алай районунун акиминин орун басары Шерикбай Жапанов жолуккан. Читать дальше...

Кошмо Штаттардын мамлекеттик катчысы Энтони Блинкен Судандын бийликтен кулатылган өкмөт башчысы Абдалла Хамдок менен сүйлөштү. Судандын бийлигин басып алган аскердик жетекчилер Хамдокту бир аз мурда гана бошотушкан.   Мамлекеттик департаменттин өкүлү Нед Прайстын айтымында, Блинкен Хамдоктун бошотулушун кубаттап, Судандагы аскердик күчтөрүн «камактагы баардык жарандык лидерлерди эркиндикке чыгарып, алардын коопсуздугун сактоого дагы бир жолу чакырды. Ошондой эле африкалык мамлекеттеги аскердик төңкөрүшкө «терең тынчсыздануусун» билдирди. Читать дальше...

Спортчу, машыктыруучулар аймакка өлкө башчысынын облустагы өкүлү Бакытбек Нарбековдун чакыруусу менен келишкен.

Бишкекте жана Чүйдө тамакка ууланып ооруканага кайрылгандардын саны 290го жетти. Алардын 39у жаш балдар. Тамак-аштан ууланып кайрылгандардын 66сы ооруканада дарыланууда. Балдардын 21и жаткырылды. Бул тууралуу Мамлекеттик санитардык-эпидемиологиялык көзөмөл борборунун тамак-аш гигиенасы бөлүмүнүн башчысы Махамат Мурзашев "Азаттыкка" билдирди. Саламаттык сактоо министрлигинин басма сөз кызматы 27-октябрга карата алардын абалы туруктуу деп бааланып жатканын кабарлады. Уулангандар 23-октябрда "Империя... Читать дальше...

Ош шаардык мэриясы парламенттик шайлоону таза, калыс өткөрүүнү убада кылууда. Мыйзам бузуулардын алдын алуу үчүн милициянын көзөмөлү күчөтүлгөнү айтылды. Ал эми жарандык коом өкүлдөрү мындай убадаларга карабай, чыныгы демократиялуу шайлоо болорунан күмөн санап турат. Ош шаарындагы бардык тармактын жетекчилери, участкалык, аймактык шайлоо комиссиясынын мүчөлөрү, укук коргоо органдарынын башчылары катышкан жыйында шайлоону уюштуруу иши талкууланды. Ош аймактык шайлоо комиссиясынын төрагасы Бакыт Алматовдун айтымында... Читать дальше...

Анарбек Калматов президенттин Жогорку Кеңештеги өкүлү кызматынан бошотулуп, президенттик администрациянын Ырайым кылуу комиссиясынын жооптуу катчысы болуп дайындалды. Бул тууралуу жарлыкка мамлекет башчы Садыр Жапаров кол койгонун президенттин басма сөз кызматы кабарлады. Калматов экс-президент Сооронбай Жээнбековдун тушунда аталган комиссиянын жооптуу катчысы болуп иштеген. Ал президенттин Жогорку Кеңештеги өкүлү болуп 2021-жылдын 27-ноябрында дайындалган болчу. Ырайым кылуу комиссиясынын... Читать дальше...

Президенттин Баткен облусундагы ыйгарым укуктуу өкүлү Абдикарим Алимбаев менен Тажикстандын Согд облусунун аткаруу бийлигинин төрагасы Раджаббой Ахмадзода 27-октябрда жолугушту. Ага кошуна эки өлкөнүн чектеш облустарынын күч түзүмдөрүнүн жетекчилери, райондордун акимдери катышты. Жыйын Баткен районунун Орто-Боз айылы менен Тажикстандын Хожъало айылына чектешкен Төрт-Көчө участогунда өткөндүгүн Баткен облустук бийлигинин маалымат кызматы ”Азаттык” радиосуна билдирди. Жолугушууда чек арадагы соңку... Читать дальше...

Жогорку Кеңеш бүгүн, 27-октябрда “Кыргыз Республикасынын 2022-жылга республикалык бюджети жана 2023-2024-жылдарга болжолу жөнүндө” мыйзамдын долбоорун биринчи окууда карады. Анда келерки жылы консолидацияланган бюджет 400 млрд. 700 млн. сомду түзөрү айтылды. Финансы министри Алмаз Бакетаевдин айтымында, мамлекеттик бюджет 302 млрд. 700 млн. сом, Социалдык фонддун кирешелери - 38 млрд. 400 млн. сом, Милдеттүү медициналык камсыздандыруу (ФОМС) - 1 млрд. 900 млн., активдер жана милдеттемелер 54 млрд. Читать дальше...

27-октябрда Таластын борбордук аянтында Токио Олимпиадасында жана Ослодо өткөн Дүйнө чемпионатында байге алган спортчуларды, алардын машыктыруучуларын сыйлоого арналган иш-чара уюштурулду. Иш-чарага Токио Олимпиадасынын күмүш байгесинин ээси, дүйнөнүн эки жолку чемпиону (кыз-келиндер күрөшү) Айсулуу Тыныбекова, Токио Олимпиадасынын күмүш байгесинин ээси (грек-рим күрөшү) Акжол Махмудов, Токио Олимпиадасынын коло байгесинин ээси (кыз-келиндер күрөшү), дүйнө чемпиону Мээрим Жуманазарова, кыз-келиндер... Читать дальше...

Украинанын куралдуу күчтөрүнүн Башкы штабы Түркияда жасалган “Байрактар” дрону биринчи жолу колдонулганын билдирди. Пилотсуз учак артиллериялык батареяга сокку уруп жатканы тартылган кадрлар 26-октябрда тарады. Маалыматка караганда, душмандын бир артиллериялык куралы жок кылынды. "Би-Си-Си" жазгандай, украин армиясынын командачылыгы Донбасстагы жикчилердин аткылоосунан бир жоокер окко учуп, экинчиси жарадар болгонун билдирген. “Сыягы, "Байрактар” дронун ошол чабуулга жооп иретинде колдонушкан",- деп айтылат жаңылыкта. Читать дальше...