Сузак: тойдо уулангандар 100дөн ашты
Жалал-Абад облусунун Сузак районунда 11-октябрдагы тойдо тамак-ашка ууланган 100дөн ашык киши ооруканага кайрылды.
Жалал-Абад облусунун Сузак районунда 11-октябрдагы тойдо тамак-ашка ууланган 100дөн ашык киши ооруканага кайрылды.
Кыргызстанда кайрадан өкмөт алмашты. Министрлер кабинети жана президенттик администрациянын жетекчилигине Акылбек Жапаров келип, амбициялуу планын жарыялады. Экономика оор абалга кептелип, энергетикалык кризис тооруп, өлкө ири саясий өнөктүк болгон парламенттик шайлоо алдында алмашкан өкмөттөн эмне күтсө болот? Жапаров жар салган план реалдуу ишке ашабы же кезектеги куру убадабы? Талкууга жаңы куралган министрлер кабинетинин төрагасынын орун басары Эдил Байсалов, «Ата Мекен» партиясынын лидери Өмүрбек Текебаев... Читать дальше...
“Ата Мекен” партиясынын лидери Өмүрбек Текебаев азыркы бийлик алдыдагы парламенттик шайлоону ачык жана калыс өткөрүүгө милдеттүү экенин билдирди. Бул тууралуу саясатчы “Азаттык” радиосунун “Эксперттер талдайт” берүүсүнө катышканда айтты. “Биз бир жылдан бери кризистебиз. Биз алты кризисти санап жүрөбүз, ушул шайлоо оор кырдаалдан чыгып кетүүнүн мүмкүнчүлүгү. Эгер шайлоону адилеттүү уюштура алсак, элдин оюн айткан, мейли бийликти колдобосо дагы өз позициясы менен багытын колдогон оппозиция келбесе тең салмактуулук болбойт. Читать дальше...
Министрлер кабинети быйыл бюджетти 280 миллиард сом менен жаап, кийинки жылы 400 миллиард сомго көбөйтө турганын жарыялады. Жыл сайын тартыштык менен аткарылган бюджет жакынкы жылдары дароо көбөйүп, секирик жасарына экономисттер ишенбей турат. Президент Садыр Жапаров Министрлер кабинетинин жаңы төрагасы Акылбек Жапаров “бюджетти көбөйтөм” деп убада бергенин билдирип, анын талапкерлигин көрсөтүүнүн бирден-бир себеби катары атады. Акылбек Жапаров өзү да Жогорку Кеңеште бюджетти кескин көбөйтүп... Читать дальше...
Министрлер кабинетинин төрагасынын орун басары болуп жаңы дайындалган Эдил Байсалов мындан ары өкмөт мурдагыдай парламентке көз каранды жагдайда иштебей турганын айтты. Ал “Азаттык” радиосунун “Эксперттер талдайт” берүүсүнө катышканда эл ызы-чуудан чарчаганын, жаратмандык, өнүгүүнү каалап турганын белгиледи. “Демократия - чыр же хайп эмес. Демократиянын максаты жана милдети - элдин жашоо деңгээлин оңдоо. Мындан ары өкмөт мурдагыдай техникалык болбойт. Биз мурдагыдай парламенттин каалоосу менен кетип калбайбыз. Читать дальше...
Косовонун түндүгүндө полициянын аткезчиликке каршы операциясы косоволук сербдердин нааразылык акциясы менен коштолду. Бул акция тартип коргоо кызматкерлери менен кагылышууга жол ачып, андан алты полиция офицери жана онго жакын жергиликтүү тургун жараат алды. Полиция 8 кишини кармаганы белгилүү болду. Күч органдары чогулгандарды көздөн жаш чыгаруучу газ менен таратты. Евробиримдиктин тышкы саясат боюнча комиссары Жозеп Боррел Белград жана Приштина менен байланышта экенин билдирип, Косовонун түндүгүндөгү кырдаалды жөнгө салууга чакырды. Читать дальше...
Жогорку Кеңеш Акылбек Жапаров баштаган Министрлер кабинетинин жаңы курамын жактырды. Жалал-Абад облусунун Сузак районунда тамак-ашка ууланган 70тей тургун ооруканага кайрылды. АКШнын Жогорку соту Бостондогу теракт боюнча айыпталган, Кыргызстанда туулган Жохар Царнаевге чыккан өлүм жазасын калыбына келтирүү маселесин караганы жатат.
Бүгүн, 13-октябрда Жогорку Кеңеште Министрлер кабинетинин жаңы курамы ант берүү учурунда сүйлөгөн сөзүндө президент Садыр Жапаров парламент мүчөлөрүнө өлкөдөн чыгарылган алтын концентраттары тууралуу маалымат берди. “Бир депутат 17 жүк ташуучу унаа менен алтын концентраты Кытайга чыгып кетти деп элди дүрбөттү. Мындай концентраттар кечээ эле чыгып кеткен жок, 20 жылдан бери мыйзам чегинде чыгып келе жатат. Андан бизге 3,5 – 4 миллиард сомго чейин салык түшүп жатат. Бирок бул каражат бизди багат дегенден алыспыз... Читать дальше...
Жамааттык коопсуздук келишими уюму 22-23-октябрда Тажикстандын Ооганстан менен чек арасына жакын аймагында биргелешкен аскердик машыгуусун өткөрөт. Бул тууралуу Кремлдин басма сөз катчысы Дмитрий Песков 13-октябрда журналисттерге билдирди. Ал уюмдун ыкчам аракеттенүүчү күчтөрүнүн бул машыгуусу "абдан маанилүү" экенин, мындан аскердик иш-чара Ооганстандагы кырдаалга байланыштуу чөлкөмдө тынчсыздануу күчөп жаткан шартта өтүп жатканын кошумчалады. "Жакында ЖККУнун президенттери Ооганстандагы кырдаалдын өнүгүшүнө камтамачылыгын билдиришкен. Читать дальше...
Бүгүн, 13-октябрда Жогорку Кеңеште Министрлер кабинетинин жаңы курамы бекиди. Жыйында Улуттук коопсуздук боюнча мамлекеттик комитеттин төрагасы Камчыбек Ташиев депутаттардын суроолоруна жооп берип жатып, өлкөдө уюшкан кылмыштуу топторго катуу көзөмөл жүрүп жатканын айтты. “Кылмыштуулук боюнча акыбал бир жыл мурда кандай эле, жакшы билесиздер. Бир жыл мурда уюшкан кылмыштуу топтор мамлекетти бүт ороп алган эле. Түштүктө өзүнчө мафиясы бар, түндүктө өзүнчө бар болчу. Керек болсо мамлекеттик кызматкерлерге... Читать дальше...
Улуттук статистика комитети быйыл өлкөдө дан эгиндеринин түшүмү мурдагы жылдарга салыштырмалуу аз экенин кабарлады. 2021-жылы жалпы 533 миң гектар аянттан түшүм жыйналган. 2020-жылга караганда быйыл бир миллион тоннадан ашык эгин аз жыйналды. Статком кылкандуу дан эгиндеринин аз болуусуна быйылкы жайдын өзгөчө ысык болуп, сугат суунун жетишпей калганын жүйө келтирген. Жалпы өлкө боюнча буудайдын дүң жыйымы 42,1%, арпанын 48,7%, бакча өсүмдүктөрү 14,6%, мөмө-жемиш 6,5%, картошка 5% жана жашылчанын түшүмү 1,6% азайды. Читать дальше...
Президент Садыр Жапаров бүгүн, 13-октябрда Жогорку Кеңеште Министрлер кабинетинин жаңы курамын бекитүү учурунда сөз сүйлөп жатып, парламенттик шайлоого талапкерлигин койгон азыркы депутаттарды добуш сатып албоого чакырды. "Көпчүлүгүңүздөр алдыда боло турган шайлоого талапкерлигиңерди коюп жатасыңар. Кай бириңер партия менен, кээ бириңер бир мандаттуу аймактардан. Менин сиздерден суранарым, шайлоону таза, адилеттүү жана так өткөрөлү. Талапкерлер, партиялар добуш сатып алууну токтотсоңор, административдик... Читать дальше...
Бүгүн, 13-октябрда Борбордук шайлоо комиссиясы 28-ноябрда өтө турган парламенттик шайлоого бир мандаттуу аймактан талапкерлердин арызын кабыл алууну токтотту. Кечки саат 18:00дөн кийин БШКнын имаратына катталуу үчүн барган талапкерлердин узун кезеги түзүлдү. Буга чейин арыз бергендердин саны 300дөн ашкан. 13-октябрь бир мандаттуу округдан депутаттыкка ат салышуу үчүн арыз тапшыруунун акыркы күнү. Ал эми катталуу үчүн документтер 18-октябрга чейин кабыл алынат. Бир талапкер бир округдан гана каттала алат. Читать дальше...
Аксыда кен казганы жаткан кытайлык “Ориел Голд” компаниясына байланыштуу нааразылык чыкты. Айрым жергиликтүү тургундар бул компания Тактазан жайлоосунан алтын каза баштаса кеминде үч айылдын эли таза суусуз, жайытсыз калат деп тынчсызданып турушат. “Ориел Голд” болсо мыйзамдуу иш жүрүп жатканын билдирип, экологияга байланыштуу дооматтарды четке кагууда.
Орусиялык дипломаттар АКШ менен жогорку деңгээлдеги сүйлөшүүлөрдө жылыш бар экенин белгиледи. Орусиянын тышкы иштер министринин орун басары Сергей Рябковго шилтеме берген орусиялык маалымат агенттиктери Ооганстанга байкоо салуу үчүн америкалык аскерлердин Борбор Азиядагы аскер базаларын пайдалануу маселеси талкууланганын, бирок Москва бул идеяга каршы экенин жазды. АКШнын мамлекеттик катчысынын орун басары Виктория Нуланд Орусиянын тышкы иштер министринин орун басары Сергей Рябков менен Москвада 11-октябрда жолуккан. Читать дальше...
Жалал-Абад облусунун Сузак районунда тамак-ашка ууланып ооруканага кайрылгандардын саны 106га жетти. Бул тууралуу "Азаттыкка" 13-октябрда райондук жалпы дарыгерлер тажрыйба борборунун жугуштуу оорулар бөлүмүнүн башчысы Асадилла Мурсалиев билдирди. Ооруканага кайрылгандардын көбүнүн ичи өтүп, кусуп, дене табы көтөрүлгөн. Анын айтымында, Бек-Абаддагы ооруканага бейтаптар 11-октябрдын түнүнөн тартып кайрыла баштаган. Учурда ооруканада 16 бейтап дарыланууда. Алардын төртөө жаш бала, арасында эки кош бойлуу аял да бар. Читать дальше...
Бишкек шаарындагы айрым мектептерде окуучулардын арасынан коронавирус инфекциясы аныкталгандыктан кээ бир класстар карантинге жабылды. Бишкек мэриясынын басма сөз кызматы билдиргендей, учурда карантинге жабылган 7 класс бар. Ал эми № 67 гимназия мектеби Мамлекеттик-санитардык эпидемиологиялык көзөмөл борборунун чечиминин негизинде толугу менен карантинге жабылды. Республикалык ыкчам штаб билдиргендей, акыркы суткада коронавирус инфекциясын жуктуруп алган 63 учур катталды. Эки бейтап каза болду. Читать дальше...
Талас облустук ички иштер башкармалыгы Kerben Palace мейманканасында ээнбаштык кылган шектүүнү кармады. Белгисиз жаран 11-октябрь күнү таңкы саат төрттөр чамасында Талас шаарындагы мейманкананын каалгасын сындырып, чатак салган. Ошол күнү окуяга күбө болгон мейманкананын жашоочулары мас болгон киши эки автоунаанын айнектерин кошо талкалаганын социалдык тармактарга жазышкан. Талас облустук ички иштер башкармалыгынын кызматкерлери 11-октябрь күнү бул кылмышка шектүү деп Талас шаарынын 38 жаштагы тургунун кармап... Читать дальше...
Европа Биримдигинин (ЕБ) Кыргызстандагы өкүлчүлүгү 2021-2027-жылдарга жарандык коом менен иштешүүнүн жаңы жол картасын кабыл алды. Бул тууралуу аталган өкүлчүлүктүн басма сөз кызматы кабарлады. Стратегиялык документ ЕБдин Бишкектеги өкүлү Кыргызстандагы жарандык коомдун уюмдары менен кандай негизде иштей турганын аныктайт. Ак ниет башкаруу, санарип трансформация, инклюзивдүү сапаттуу билим берүү, гендердик теңчилик, жаштардын укуктарын жана мүмкүнчүлүгүн кеңейтүү, жашыл экономика жана климаттын... Читать дальше...
Президент Садыр Жапаров бүгүн, 13-октябрда Министрлер кабинетинин мүчөлөрүн дайындаган бир катар жарлыкка кол койду. Ага ылайык айрым жетекчилер мурда жүктөлгөн милдеттерин аткаруудан бошотулуп, айрымдары жаңы дайындалды. Ага ылайык: -Данияр Амангелдиев - экономика жана коммерция министри; - Алмаз Бакетаев - финансы министри; - Руслан Казакбаев - тышкы иштер, тышкы соода жана инвестициялар министри; - Аяз Баетов - юстиция министри; - Эркинбек Осоев - транспорт жана коммуникациялар министри;... Читать дальше...
Президент Садыр Жапаров жаңы куралган өкмөт туруктуу жана узак иштейт деп ишенет. Бул тууралуу ал бүгүн, 13-октябрда парламентте өкмөттүн курамы бекитилгенден кийинки сөзүндө айтты: “Кудай буюрса бул өкмөт туруктуу иштейт деп ишенем. Мүмкүн болушунча узак убакыт иштеши керек деген ойдомун. Анткени эгемендик алган 30 жыл ичинде 35ке жакын өкмөт алмашып кетти. Бул ар бир өкмөттүн иши алдыга жылбай, бир эле орунда турду дегенди билдирет”. 11-октябрда президент өкмөттүн жаңы курамы жана түзүлүшү тууралуу мыйзамга кол коюп... Читать дальше...
Орусия жана АКШнын жогорку расмий өкүлдөрүнүн сүйлөшүүлөрү пайдалуу болду, бирок элчиликтердин кызматкерлери боюнча талаш чечилген жок. Бул тууралуу тараптар 12-октябрда Москвадагы жолугушуудан кийин билдиришти. Ошондой эле, Борбор Азиядагы базаларды пайдалануу маселеси сөз болду. АКШнын Мамлекеттик катчысынын саясий иштер боюнча орун басары Виктория Нуланд президент Жо Байдендин администрациясынын эки өлкө ортосундагы алака-катнашты оңдоо аракеттеринин алкагында орус башкалаасында 3 күндүк визит менен жүрөт. Читать дальше...
Президент Садыр Жапаров 13-октябрда кол койгон жарлыкка ылайык, Акылбек Жапаров мурда жүктөлгөн милдеттерин аткаруудан бошотулду. Мамлекет башчынын дагы бир жарлыгы менен ал Министрлер кабинетинин төрагасы — президенттин администрация жетекчиси болуп дайындалды. Жапаров 12-октябрда "Инстаграм" социалдык тармагындагы расмий баракчасына жаңы дайындалган Министрлер кабинетинин курамы тууралуу билдирүү тараткан. Анда ал кабинеттин жаңы төрагасы Акылбек Жапаровдун ар бир кадамын жеке өзү көзөмөлдөй турганын жазган. Читать дальше...
“Али Токтакунов МедиаХабынын” журналисти кабылган зомбулук маселеси бүгүн 13-октябрда Жогорку Кеңеште көтөрүлдү. Депутат Наталья Никитенко Улуттук коопсуздук боюнча мамлекеттик комитеттин (УКМК) төрагасы Камчыбек Ташиевге кайрылып, кабарчы кызга зомбулук көрсөткөн адам өзүн УКМК кызматкери деп тааныштырганын, бул иш сөзсүз иликтениши керектигин айтты: "Эгер ал чын эле УКМК кызматкери болсо, эркек катары да, офицер катары да ошондой агрессия көрсөткөнү туура эмес. Иш сөзсүз иликтениши керек". ... Читать дальше...