25-nji noýabrda Türkmenistanyň prezidenti Gurbanguly Berdimuhamedow Aşgabadyň hem-de welaýatlaryň häkimleriniň gatnaşmagynda wideoşekilli iş maslahatyny geçirdi. Bu barada TDH habar berýär.
Aşgabatly zenanlar awtoulag sürmek hukugy ugrunda göreşini dowam etdirýärler we hususan-da, dürli döwlet edaralaryna ýüz tutýarlar.
Gürji polisiýasy daňdanyň öň ýany 30 minut ultimatum bereninden soňra parlamentiň golaýyndaky protestçileri dargatmak üçin, suw toplaryndan peýdalanyp, birnäçe aktiwisti tussag astyna aldy. Ondan birnäçe sagat ozal müňlerçe adam paýtagtda ýygnanyp, saýlaw reformalaryny talap edipdiler.
Aşgabadyň S.A.Nyýazow adyndaky hassahanasynyň liftinde bolan betbagtçylygyň netijesinde bir adam öldi. Azatlyk Radiosynyň bu barada habar berýän aşgabatly habarçysy 24-nji noýabrda bolan wakada hassahananyň liftini dolandyrýan işgäriň heläk bolandygyny aýdýar.
Şu günler Balkanda häkimiýetler welaýatyň çäginde gurluşygy dowam edýän desgalary “wagtynda tabşyrmak maksady bilen” diýip ýerli býujet işgärlerinden adam başyna 500 manat möçberinde pul ýygnaýar.
Dopinge garşy Bütindünýä Agentliginiň (WADA) möhüm edarasy Russiýany, dopinge garşy kadalary berjaý etmeýändigi üçin, dört ýyl möhlet bilen sport bäsleşiklerinden çetleşdirmegi teklip etdi. Barabarlygy seljerýän komitet ýanwarda Moskwanyň laboratoriýasyndan alnan maglumatlaryň käbirinde “ylalaşmazlyklaryň” bardygyny aýtdy. WADA-nyň Dolandyryjy komiteti rekomendasiýany we ondan gelip çykýan netijeleri 9-njy dekabrda maslahat etjekdigini mälim etdi. Russiýanyň Dopinge garşy agentliginiň (RUSADA)... Читать дальше...
Albaniýada dörän ýer sarsgynynda azyndan 13 adam öldi we 300-e golaýy ýaralandy, şeýle-de binalar weýran boldy. ABŞ-nyň Geologiýa gözegçilik gullugynyň maglumatyna görä, 6,4 bal derejedäki ýer titremäniň episentri paýtagt Tirananyň 30 kilometr demirgazyk-günbatarynda bolupdyr. Prezident Ilir Meta “ýagdaýyň örän pajygalydygyny” aýtdy. Ol “weýrançylygyň aşagynda galanlary halas etmek boýunça ähli çäreleriň görülýändigini” hem sözüne goşdy. Premýer-ministr Edi Rama goňşy ýurtlaryň, Ýewropa Bileleşiginiň... Читать дальше...
Gürjüstanyň paýtagty Tbiliside polisiýa protestçileri dargatmak üçin suw toplaryny ulandy we birnäçe aktiwisti tussag etdi. Mundan birnäçe sagat öň, ençeme müň adam saýlaw reformalaryny talap edip parlament binasynyň daşynda ýygnanypdy. Içeri işler ministrligiň 26-njy noýabrda beren maglumatyna görä, “polisiýa boýun bolmazlykda we huligançylykda” aýyplanyp 29 protestçi saklanypdyr. Olaryň arasynda oppozisiýadaky Birleşen Milli Hereket toparynyň iki agzasynyň hem bardygy aýdylýar. Saglyk ministrligi dört adamyň ýaralanandygyny... Читать дальше...
Türkmenistanyň futbolçy zenanlary 2019-njy ýylyň CAFA U-23 Aýallar çempionatynyň oýunlarynyň çäginde, 25-nji noýabrda Özbegistanyň futbolçy zenanlaryndan 7-0 hasabynda ýeňildi. Mundan öň, Türkmenistanyň aýallar komandasy Eýranyň toparyndan 5-0, Owganystanyň oýunçylaryndan hem 2-1 hasabynda ýeňilipdi. CAFA Merkezi Aziýa Futbol Assosasiýasy Merkezi Aziýanyň futbol oýnaýan döwletleriniň bileleşigidir. 22-28-nji noýabr aralygynda Täjigistanyň Duşenbe we Hisor şäherlerinde geçirilýän çempionatda Owganystanyň... Читать дальше...
Gyrgyzystanyň paýtagty Bişkekde 2 müň töweregi protestçi Azatlyk Radiosynyň Gyrgyz gullugynyň, Guramaçylykly jenaýat we korrupsiýa maglumatlary taslamasynyň, Gyrgyzystanyň Kloop habar neşiriniň ýurduň gümrük gullugyndaky giň ýaýran korrupsiýa we ýurtdan uly möçberlerde pul çykarylyşy boýunça bilelikde geçiren derňewiniň merkezinde durýan adamlaryň “jezalandyrylmagyny” sorap, ýöriş geçirdiler. 25-nji noýabrda geçirilen demonstrasiýada protestçileriň ellerinde “Biz kanunyň hökmürowanlygyny talap edýäris”... Читать дальше...
Täjik prokurorlary bikanun neşe gaçakçylygy bilen ilteşikli güman edilýäni gynamakda aýyplanýan polisiýanyň dört işgärine uzak möhletleýin türme tussaglygynyň berilmegini soradylar. Azatlyk Radiosynyň Täjigistanyň kanun goraýjy edaralaryndaky çeşmeleriniň 25-nji noýabrda beren maglumatyna görä, prokurorlar Duşenbäniň sudundan ofiserlere 15-den 23 ýyl aralygynda türme tussaglygynyň berilmegini sorapdyrlar. 22-nji noýabrdaky sud diňlenişiginde edilen bu talap häzirlikçe resmi taýdan yglan edilmedi. Читать дальше...
Lebap welaýatynda edara-kärhanalaryň işgärleri, studentler we esgerler pagta ýygymyna mejbury gatnaşdyrylýar. Olar gowaça meýdanlarynda ýok pagtany ýygmaga mejbur edilýär diýip, Azatlyk Radiosynyň Lebapdaky habarçylarynyň biri habar berýär.