Новости за 08.11.2021

Bütindünýä Saglyk Guramasynyň (BSG) wekili Türkmenistanyň öz serhet çäginde koronawirusyň ýokdugy baradaky öňe sürmesine ilkinji gezek resmi ýagdaýda şübhe bildirdi. Türkmen häkimiýetleri pandemiýa başlanaly bäri, ýurtda ölüm howply ýokanjyň ýeke ýagdaýynyň hem resmi taýdan hasaba alynmandygyny aýdyp gelýär. Galyberse-de, resmi Aşgabat ýurtda wirusa ýolugýanlaryň we ondan ölýänleriň köpdügi baradaky syzyp çykýan maglumatlara hem hiç hili reaksiýa görkezmeýär. “COVID-19 pandemiýasy eýýäm iki ýyl wagt bäri dünýäde ýaýraýar. Читать дальше...

Noýabryň başyndan bäri Türkmenabatda ýaşaýjylaryň iki aýdan gowrak ozal girizilen karantin çäklendirmelerine garşy nägilelik bildiriji köpçülikleýin çykyşlary döredi. 1-nji noýabrda onlarça bazar satyjysy işiň täzeden başlamagyny talap edip, bazaryň gapdalyndaky uly köçäni petikledi we 5-nji noýabrda awtobus sürüjileri iş taşlaýyş etdi. Azatlygyň habarçylary Türkmenabatda bolup geçen wakalaryň jikme-jikliklerini 8-nji noýabrda habar berdiler.

Türkmenistanda geçen hepdäniň ahyrynda “ählihalk bag ekmek dabarasy” geçirildi. Farapda oturdylan agaç nahallary býujet işgärleriniň hasabyna maliýeleşdirildi. Özbegistandan süýşüp gelen tozan Lebap ýaşaýjylaryny kyn güne goýdy. Tokaý hünärmeni sebitde oturdylýan agaçdan çapylýan agajyň sanynyň has köpdügini çaklaýar. Bular barada Azatlyk Radiosynyň habarçysy maglumat berýär.

Maryda 50 kilogramlyk bir halta ýokary hilli unuň bahasy 600 manat, birinji sort unuň haltasy 500 manat. Sebitde unuň gymmat bahasy saklanyp galýar. Ýöne beýleki käbir azyk önümleriniň bahalary pese düşüp başlady. Bu aralykda, geçen hepdäniň ahyrynda paýtagt Aşgabatda, häkimiýetleriň görkezmesi bilen, hususy söwda dükanlaryny ýapmak işleri bat aldy. Ýerli ýaşaýjylar munuň gysga möhletli wagtlaýyn çäredigine umyt baglaýar. Häkimlik wekilleri öz penasyndaky hususyýetçilere bu çäräniň “ýagdaýlar aýdyňlaşýança”... Читать дальше...

Birleşen Milletler Guramasynyň edaralary Owganystandaky çagalara poliomiýelite garşy sanjym kampaniýasyna başladylar. Bu soňky üç ýyldan gowrak wagtyň dowamynda ölüm howply kesele garşy göreşmek boýunça amala aşyrylýan ilkinji milli kampaniýadyr. Saglygy goraýyş ministrliginiň işgärleri 8-nji noýabrda başlanýan öýme-öý sanjym kampaniýasy wagtynda 5 ýaşa çenli 10 million çaga sanjym damjalarynyň beriljekdigini aýdýarlar. Bu san uruş sebäpli heläkçilige uçran ýurduň käbir ýerlerinde ýokanç kesele... Читать дальше...

BMG-niň Klimatyň üýtgemegi boýunça Çarçuwaly konwensiýasyna gatnaşyjylaryň (COP26) 26-njy mejlisiniň ikinji hepdesinde esasy üns howanyň üýtgemegine garşy göreşmek üçin garyp ýurtlara goldawyň artdyrylmagyna gönükdiriler. Muňa baý we ösýän ýurtlaryň krizisi ýeňletmek üçin bilelikde işleşip biljekdigi ýa-da bilmejekdigi babatynda synag hökmünde garalýar. 8-nji noýabrda Şotlandiýanyň Glazgow şäherinde geçirilýän ýygnakda hökümetler global maýlama garşy göreşmek we munuň eýýäm ýüze çykan zyýanynyň... Читать дальше...

Wise-premýer Serdar Berdimuhamedow jemi içerki önümiň ösüş depgininiň 6,2% ýokarlanandygyny aýdyp, prezidente hasabat bereninden soň, döwlet baştutany hepde ahyrynda geçiren mejlisinde hemleli gürläp, hökümetiň iň girdejili pudagynyň birnäçe ýolbaşçysyna käýinç, şol sanda "nebit-gaz toplumynda prokuror gözegçiligini gowşadan" baş prokurora berk käýinç we soňky duýduryşyny berdi.

Aşgabatda ak reňk mejburylygyna degişli täze talaplar peýda boldy. Şu günler kiçi we uly ýük ulaglaryň kabinasynyň, şeýle-de öndüriji tarapyndan başga reňkde göz öňünde tutulan radiator gözenekleriniň we gapdal aýnalarynyň indi ak reňkde bolmagy talap edilýär. Bu talabyň jikme-jikleri barada Azatlyk Radiosynyň habarçysy paýtagtdan maglumat berýär.

Aşgabadyň ýokary okuw jaýlarynyň (ÝOJ) tas ählisiniň talyplary şenbe güni, ýagny 6-njy noýabrda geçiriljek ählihalk bag ekmek çäresine gatnaşmaly edildi. Bu barada paýtagtyň ÝOJ-da okaýan talyplaryň ençemesi anonimlik şertinde Azatlyk Radiosynyň habarçysyna gürrüň berdi.

Pakistanyň hökümeti Yslamabat şäherine tarap edilen protest ýörişiniň aňyrsyndaky radikal yslamçy partiýa garşy girizilen gadagançylygy ýatyrdy. Bu ýöriş polisiýa bilen protestçileriň arasynda adam pidalaryna getiren çaknyşyklara sebäp bolupdy. Içeri işler ministrligi “Tehrik-e Labiak Pakistan” (TLP) partiýasyna garşy gadaganlygy 7-nji noýabrda ýatyrdy we partiýanyň “has uly milli bähbit” dogrusynda esasy syýasata gatnaşmagyna rugsat beriljekdigini aýtdy. Bu ädim, TLP bilen premýer-ministr Imran... Читать дальше...

Gazagystanyň Hazar deňziniň kenaryndaky port şäheri Aktauda bolan uly partlama iki gatly binany doly weýran etdi. Bu binada kafe ýerleşýärdi. Ýurduň Adatdan daşary ýagdaýlar boýunça ministrliginiň Mangystau sebitindäki müdirligi partlamanyň 7-nji noýabrda gije bolandygyny aýtdy. Wakada adam pidalarynyň bolandygy barada häzirlikçe maglumat ýok. Halas ediş gullugynyň işgärleri galyndylaryň aşagynda adam pidalarynyň bardygyny ýa ýokdugyny anyklaşdyrmak üçin gözleg işlerini geçirýärler. Ministrligiň... Читать дальше...