Lebap welaýatynda awtoulaglar üçin niýetlenen nebit önümi bolan solýarkanyň gytçylygy emele geldi. Munuň bilen bagly welaýatyň administratiw merkezi Türkmenabat şäherindäki ýangyç guýýan beketleriň käbirinde awtoulaglaryň uly nobatlary döredi. Bu gytçylyk türkmen häkimiýetleriniň daşary ýurtlara, şol sanda Özbegistana bahasy millionlarça amerikan dollaryna barabar bolan nebit önümlerini eksport eden mahalyna gabat geldi.
Resmi metbugat 2021-nji ýyl üçin ýurt boýunça pagta plan borçnamasynyň doly berjaý edilendigini habar berdi. Şol bir wagtda, Azatlyk Radiosynyň Mary welaýatyndaky habarçylary sebitde pagta hasylynyň pes bolandygy sebäpli borçnamany dolup bilmedik kärendeçileriň köpdügini aýdýarlar. Bu aralykda, Maryda döwlet telewideniýesine ýazgy etmek üçin nobatdaky köpçülikleýin mejbury çäre geçirildi. "Hasyl toýy" mynasybetli geçirilen çärä býujet işgärleri, talyplar we çagalar mejbury gatnaşdyryldy.
Adam hukuklaryny goraýjy guramalar 20-nji oktýabrda Orsýetde ýitirim bolan türkmen oppozisiýa agzasy Azat Isakow Türkmenistana bikanun ekstradisiýa edildi diýip, pikir edýärler. Adam hukuklaryny goraýjy "Memorial" we "Türkmen Helsinki fondy" guramalary ýaýradan bilelikdäki beýanatynda Azat Isakowyň alyp baran işleri we ýitirim bolmagynyň jikme-jikleri barada habar berdiler. Munuň öňýany Orsýetiň Içeri işler ministrliginiň Isakowyň Türkmenistana meýletin uçandygy barada resmi jogap berendigi milim boldy. Читать дальше...
Türkmenistanda dowam edýän ýiti ykdysady krizisden, şol sanda işsizlikden, azyk gymmatçylygyndan we gytçylygyndan ejir çekýän raýatlaryň eklenç üçin galplyklara, aldaw ýoly bilen gazanç etmäge baş urýandygy baradaky habarlar artýar. Şu günler Mary welaýatynda lukmanlara para berip, maýyplyk hatyny almaga synanyşýan sagat adamlar köpelýär. Bu barada maryly lukmanlar we bu ýagdaýlary başdan geçirýän raýatlar Azatlyk Radiosynyň sebitdäki habarçysyna gürrüň berdiler. "Häzir ýurtda işsizlik, garyplyk gurşap alansoň... Читать дальше...
12-nji noýabrda Türkiýäniň Stambul şäherinde Türki dilli döwletleriň hyzmatdaşlyk geňeşiniň (Türki Geňeş) VIII sammiti geçýär. Geňeşiň ýokary derejeli sammitine ilkinji gezek agza hökmünde gatnaşýan Türkmenistana prezident Gurbanguly Berdimuhamedow wekilçilik edýär.
Aşgabadyň polisiýasy çörek nobatlaryndaky alyjylara gözegçiligini güýçlendirdi we nobatda duran adamlaryň jübi telefonlaryny ulanylmagynyň öňüni almaga çalyşýar. Şeýlelik bilen polisiýa dükanlaryň öňünde bolup geçýän ýagdaýlary görkezýän wideo ýazgylaryň we suratlaryň köpçülige elýeterli bolmagynyň öňüni almaga synanyşýar. Ir bilen, entek ýagty düşmänkä Türkmenistanyň paýtagtynda çörek satyn almak üçin uzyn nobatlar soňky hepdelerde adaty bir zat boldy. Dükanlar entek açylmanka alyjylar eýýäm köpçülik... Читать дальше...
Gaz geçirijisini girew düzgünine öwürmek. Ýowuz energiýa şertnamalary. Göge ýetip barýan bahalar. Ýewropada "gyş närazylygy" ýaňy başlanýar. Munuň bir sebäbi Ýewropa Bileleşiginiň energiýa syýasaty saýylýar, emma sebitiň iň uly gaz üpjün edijisi bolan Russiýanyň niýetlerine şübheler hem artýar. Mundan başga-da, rus resmileriniň aýdan sözleri-de oňa itergi berdi. Oktýabr aýynda Moskwada geçen energiýa konferensiýasynda, Russiýanyň prezidenti Wladimir Putin Russiýanyň energiýa çeşmelerini ýene-de... Читать дальше...
Belarusyň döwlet eýeçiligindäki “Belawiýa” howaýollary gullugy Türkiýeden yrakly, siriýaly we ýemenli raýatlary Belarusa getirmegini togtadandygyny mälim etdi. 12-nji noýabrda “Belawiýa” bu karara Türkiýäniň haýyşy esasynda gelendigini aýtdy. Bu aralykda, Belarus bilen Ýewropa Bileleşiginiň arasyndaky serhetdäki migrant krizisi barha ýitileşýär. Mundan bir gün öň, BMG-de Günbatar döwletleri ýakyn gündogarly müňlerçe adamyň Belarus bilen Polşanyň serhedinde gabalmagyna getiren Belarusyň alyp barýan syýasaty sebäpli Minski ýazgardylar. Читать дальше...
BMG-niň Şotlandiýada geçýän klimat boýunça sammiti 12-nji noýabrda öz işini jemleýär. Iki hepde dowam eden maslahatyň dowamynda global maýlamany selsiý boýunça 1,5 gradus derejede peseltmek üçin kömürturşy gazlaryny azaltmak barada häzire çenli ylalaşyga gelmek başartmady. Maslahatyň jemlenmegine bir günüň galmagy bilen, dünýä döwletleriniň göz öňünde tutulýan maksada ýetmek üçin, gysga möhletde kömürturşy gazlarynyň möçberini azaltmak ugrundaky tagallalary güýçlendirmek boýunça ylalaşyga golaýlandygyna meňzemeýär. Читать дальше...
Hytaýyň häkimiýet başyndaky Kommunistik partiýanyň täsirli merkezi komiteti, Pekinde dört günläp dowam eden maslahatyň dowamynda, prezident Şi Jinpingiň häkimiýetdäki güýjüni hasam berkitdi. 12-nji noýabrda ýapyk gapylaryň aňyrsynda geçirilen maslahata gatnaşan komitetiň 400 töweregi agzasy “taryhy” diýlip häsiýetlendirilen rezolýusiýany kabul edip, onda 68 ýaşly Şini “dolandyryjy” we “halkyň lideri” diýip atlandyrdy. Bu Şini ozalky uzak wagtlap lider bolan Mao Zedong we Deng Şiaoping bilen bir hatarda goýýar. Читать дальше...
Russiýanyň Baş prokuraturasy Ýokary suda ýüzlenip, adam hukuklary boýunça iş alyp barýan ýurduň iň belli “Memorial” toparynyň halkara şahamçasyny ýapmagy sorady. Prokuratura topary ýurduň dawaly “daşary ýurt agenti” baradaky kanunynyň talaplaryna boýun bolmazlykda aýyplaýar. “Halkara Memorial” 2016-njy ýylyň oktýabrynda “daşary ýurt agentleri” sanawyna goşulypdy. Topar bu iş boýunça diňlenişigiň 25-nji noýabrda boljakdygy barada 11-nji noýabrda mälim etdi. “Halkara Memorial” “daşary ýurt agenti”... Читать дальше...