Жети-Өгүз районунун Тамга айылында уйлардан кутурма чыгып, төрт баш уй ылаңдап өлдү. Учурда айылга эки айга карантин жарыяланды. Райондук ветеринария, фитосанитардык коопсуздук башкармалыгынын маалыматында ылаң чыккан жерге жакын жердеги бодо мал жана айылдагы иттер эмдөөдөн өткөн.
Саясатчы Өмүрбек Бабанов 13-апрелде Кыргызстанга келбей калды. Бабанов мындай чечимин "башаламандыкты алдын алуу" аракети менен түшүндүрдү.
Саясатчы Өмүрбек Бабанов Кыргызстанга келбей калды. Бабановдун тарапкерлери анын келишине арнап Бишкекте, Таласта, Нарында жана Каракол шаарында митинг өткөрөрүн жарыялашкан. 13-апрелде айрым адамдар митинг өтөт деген ишеним менен Горький гүлбагына чыгышкан.
Талибдердин кол салуусунда бери дегенде 20 адам, анын ичинде эки бала мүрт кетип, 48 адам жарадар болду. Жардыруу Пакистандын түштүк-батышындагы Кветте провинциясында болду. Полиция башчысы Абдур Раззак Чиманын “Азаттыкка” маалымдашынча, бомба жашылча базарына токтотулган машинеге коюлган. Кветтеги жардыруу үчүн жоопкерчиликти өзүнө Пакистандагы талиб кыймылы алды. Мунун алдында Ооганстандын батышындагы Гул провинциясында талибдер полиция кербенине кол салып, жети полиция кызматкерин өлтүргөнү кабарланган. Читать дальше...
Фестиваль 11-13-апрель күндөрү Баткен облусунун борборунда өттү. Анда түрдүү улуттук оюндар уюштурулуп, жергиликтүү өнөрпоздордун, белгилүү ырчы-чоорчулардын катышуусунда элге концерттик программа тартууланды. Айгүл фестивалы жергиликтүү бийликтин демилгеси менен аймакта туризмди өнүктүрүү максатында бир нече жылдан бери уюштурулуп келатат. Айгүл гүлү Баткен облусундагы Айгүл-Таш тоосунда гана өсөт. Бул гүл 1978-жылы СССРдин “Кызыл китебине” киргизилген. Учурда бир даана гүлдү үзгөндөргө 4500 сом айып салынат. Читать дальше...
"Республика" партиясы Өмүрбек Бабановдун Кыргызстанга кийинчерээк кайтып келүү тууралуу чечимин колдойт. Мындай маанидеги билдирүүнү партиянын Бишкектеги штабы таратты. Билдирүүдө "партия лидеринин мекенине кайтып келүүсү тууралуу жарыялангандан кийин аны менен тынч жолугушууларга тоскоолдуктар жарала баштаганы" айтылган. 13-апрелге караган түнү чагым кылууга кызыкдар тараптар бар экени, алар Бабанов келген учурду өз кызыкчылыгына пайдаланууга аракеттенип жатканы тууралуу маалыматта айтылганы жазылган. Читать дальше...
Эл аралык кылмыш соту Ооганстанда аскер кылмыштарын иликтөө боюнча өтүнүчтү четке какты. 12-апрелде жарыяланган чечимде соттор далилдердин жетишсиздигин белгилешти. “Ооганстандагы кырдаалды иликтөө азыркы учурда сот адилеттигине көмөктөшө албайт” деп жазылган чечимде. АКШ бул чечимди кубаттады. Президент Дональд Трамп “бул чыныгы атуулдардын гана эмес, мыйзам күчүнүн да жеңиши” деп билдирди. 2017-жылы ноябрда Эл аралык кылмыш сотунун башкы прокурору Фату Бенсуда ооган улуттук күчтөрүнүн, "Талибан"... Читать дальше...
Санкт-Петербург метросундагы жардырууга байланышы бар деп шектелген мигранттардын иши Ленинград аскердик сотунда каралууда.
Жетинчи Билим фестивалы «Кыргызстандагы санарип муун: билим берүүдө маалыматтык-коммуникациялык технология, IT билим берүү» деген ураандын алдында өтүүдө. Анын алкагында информатика мугалимдерине сабактар өткөрүлүп, катышуучулар Борбор Азиядагы Америка университети менен таанышып, жаңы заманбап технологияларды билим берүүдө колдонуу, инновация боюнча мастер-класстарга катышат.
Өлтүрүлгөндөрдүн арасында полиция башчысы да бар экенин "Associated Press" агенттиги жазды. Маалыматка ылайык, дагы эки кызматкер жана жергиликтүү тургун жаракат алышкан. "Талибан" тараптан төрт киши өлгөн. Ооганстандын батышындагы Гур провинциясында талибдер полиция кербенине кол салган. «Талибан» Ооганстанда жазгы чабуулдарын баштай турганын эскерткен. Кыймылдын 12-апрелде беш тилде жарыяланган расмий билдирүүсүндө жоочулар Ооганстандагы чет өлкөлүк аскерлерге каршы күрөштү улантары жазылган.
Депутаттардын жолдоштук футбол беттеши 13-апрелде Ош шаарында болду. Беттеш 3:2 эсебинде, Ош шаардык кеңешинин депутаттарынын жеңиши менен аяктады. Ош шаардык кеңешинин чакыруусу менен Бишкек шаар кеңешинин депутаттары 13-апрелде Ош шаарына келишкен. Алар расмий иш-чаралардан тышкары Ошто «Сулайман-Тоо» музей комплексин кыдырып, түштүк борбордун тарыхы тууралуу кеңири маалымат алышты. (MdN)
Орусиянын президенти Владимир Путин 2018-жылы 8 648 353 рубль тапкан. Путиндин былтыркы орточо айлык акысы 720,7 рублди түзгөн. Орус президентинин кирешеси жана мүлкү тууралуу жазылган декларация Кремлдин сайтына жарыяланды. Декларациядагы маалыматтарга караганда, Путиндин кыймылсыз мүлкүндө өзгөрүү болгон эмес. Анын менчигинде 77 чарчы метр батир, 153,7 чарчы метрлик батир жана 18 чарчы метр өлчөмүндөгү гараж бар. Путинге катталган эки автоунаа бар: "Волга" ГАЗ М21 жана "Скиф" деп аталган чиркегичи бар "Нива" автомашинасы. Читать дальше...
Өмүрбек Бабановду тосуп алууга арналган митинг саясатчы Москвадан келбей калганына байланыштуу өткөн жок. "Республика" партиясынын мүчөсү Канат Мидин уулу митингдин катышуучуларына кабар берилгенин айтты. Бирок Бишкектеги Горький гүлбагында онго жакын адам митингди күтүп, бир аз убакыттан кийин тарап кетишти. Таласта да митинг өткөн жок. Бул күнү Талас шаарынын борбордук аянтында АРИС уюму ветеринария кызматкерлерине мотоцикл тапшырды. Өмүрбек Бабановдун тарапкерлери мурдараак анын келишине арнап Бишкекте... Читать дальше...
Жаан-чачындарга байланыштуу Кыргызстандын тоолуу аймактарында, Бишкек-Ош жолунун Төө-Ашуу ашуусунда, Чычкан капчыгайында, Каракол-Эңилчек жолунда кар көчкү түшүү коркунучу сакталат, жолдордун айрым жерлери тайгак болуп, муз тоңот. Автоунаалардын ортосундагы кыймыл 500 метрден ашпоосу зарыл. 14-апрелде Кыргызстанда жамгыр жаабайт. Бийик тоолуу райондордо жолдор тайгак жана тоңголок болот. Абанын температурасы: Чүй өрөөнүндө түнкүсүн 5…10, күндүз 20…25; Суусамыр өрөөнүндө түнкүсүн -3…+2... Читать дальше...
Митингдер өтпөй турганын парламентте "Республика" партиясынын депутаты Кенжебек Бокоев "Азаттыкка" билдирди: "Көрдүңүздөр, ал өзү видеокайрылуусунда тарапташтарынан "токтоткула, чыкпагыла" деп суранып атат. Биз албетте ал суранычын кабыл алабыз. Биз адегенде ынтымактуу, чогуу болушубуз керек". Өмүрбек Бабановдун тарапкерлери мурдараак анын келишине арнап Бишкекте, Таласта, Нарында жана Каракол шаарында митинг өткөрөрүн жарыялашкан. 12-апрелде Бишкек мэриясы Бабановдун тарапкерлерине аны... Читать дальше...
Жыл сайын апрель айынын башында «Регби жети» (Hong Kong Rugby Sevens) мелдешин көрүш үчүн Гонконг шаарына 100 миңден ашык спорт ышкыбоздору чогулат. Бул Гонконгго миллиондогон киреше алып келчү ири мелдештердин бири.
Жетинчи жолу өтүп жаткан фестивал "Кыргызстандагы санарип муун" деп аталат. Иш-чараны экс президент Роза Отунбаева ачып, санариптик билим берүүнүн маанисине токтолду. "Ушул тапта Кыргызстан боюнча 1000 эле информатика мугалими бар экен. Бул абдан аз. Айрым мектептерде информатика кабинеттери ачылбай турат. Анткени мугалимдер балдардын алдында компьютерде иштегенден уялышат экен. Эки жүз гана мектепте акылдуу такталар бар. Бирок алардын көбү иштебей турат. Санарип жылы деп атап коюу жетишсиз. Биз... Читать дальше...
Конституциялык соттун мурдагы судьясы Клара Сооронкулова шайлоодо добуш сатуу акчалуу талапкердин ниетин бузарын "Азаттыкка" билдирди: "Биз саясатчыларды күнөөлөрдөн мурда адегенде өзүбүздү да бир карап алсак. 500-1000 сомго сатылып жаткан соң, ар бир бай адам элди оңой эле сатып алам деп ойлойт. Эми өз максатына жетүү үчүн социалдык тармактар аркылуу элди колдонууга аракет кылып жатышат. Ошондуктан эл саясатчылардын куралы болбоого тийиш. Бул өзүнүн шайлоочусун, элин сыйлабагандык. Бир күнү туруп бирди айтат, эртеси башкасын айтат. Читать дальше...
Военно-Антоновкадагы балдар интернатынан 16 жаштагы өспүрүм үчүнчү ирет качып кетти. Ал тарбиячылар менен интернаттагы айрым балдардан ыдык көргөнүн айтып, Башкы прокуратурага арыз жазганы кабарланды.
Өмүрбек Бабанов үчүн тынчтык, элдин биримдиги маанилүү экенин Жогорку Кеңеште "Республика" партиясынын депутаты Кенжебек Бокоев "Азаттыкка" билдирди: "2017-жылы шайлоо бүткөндө эле шайлоонун жыйынтыгын тааныбай турган бизди, тарапташтарын өзүнүн беделине шек келсе да, тынчтык үчүн деп, нааразылыкка чыгарбай токтотуп койгон. "Кандай жол менен болсо да шайланды, бийлик эми иштесин" деп токтотуп койгон. Бул жолу да ошондой болду. Демек, ал мамлекеттин туруктуулугун биринчи орунга койгон инсан экенин далилдеди". Читать дальше...
Орусиянын Тюмень калаасында күч органдары "Ислам мамлекети" террордук тобуна мүчө деп шек саналгандарды атып жок кылды. "Интерфакс" кабарлагандай, шаарда 12-апрелде контртеррордук операция жүрдү. Өлтүрүлгөндөрдүн так саны тууралуу расмий маалымат айтыла элек. Кабарларга караганда, алгач шек саналган эки киши күч органдарынын кызматкерлерине куралдуу каршылык көрсөткөн. Операция учурунда турак жайлардын биринде өрт чыккан. Бир канча көчөдө жарык өчүрүлүп, тургундар лицейлердин бирине убактылуу жайгаштырылган. Читать дальше...
Өмүрбек Бабанов "Мекенге кайтып келем" деп миңдеген шайлоочуларын ишендирип коюп, келбей койгону аны саясий банкроттукка жеткирди. Бул тууралуу "Азаттыкка" Жогорку Кеңештеги "Ата Мекен" фракциясынын лидери Алмамбет Шыкмаматов билдирди: "Өмүрбек Бабанов эгер жүзү жарык болсо, мыйзам алдында күнөөсүз болсо, Өмүрбек Текебаевдей болуп Кыргызстанга келип, камалганына да кайыл болуп, камакта болсо да сот, адвокаттар аркылуу, ага ишенип жаткан 600 миң элдин колдоосу аркылуу өзүнүн күнөөсүздүгүн далилдесе болмок. Читать дальше...
Бишкектеги Эски аянтта Ден соолук күнүнө карата иш-чаралар башталууда. Дене тарбия көнүгүүлөрү, спорттук оюндар жана ыр-бийлер коштогон иш-чаранын башында Дүйнөлүк саламаттык сактоо уюмунун Кыргызстандагы өкүлү менен саламаттык сактоо министри сөз сүйлөйт. Андан соң велосипедчендердин шоу-көргөзмөсү башталып, аянттан Эмен багын аралай веложүрүш болот. Аянтта улуттук спорт оюндары, шахмат, ушу, акробатика жана башка спорт оюндары ойнотулуп, каалоочуларга чеберлер бул оюндар тууралуу маалыматтарды беришет. Читать дальше...
Өмүрбек Бабанов Москвадагы аэропорттон видеокайрылуу жасады.
Өмүрбек Бабанов Кыргызстанга жакынкы күндөрү келет. Бул тууралуу Өмүрбек Бабанов бүгүн, 13-апрелде Москвадагы аэропорттон видеокайрылуу жасаган учурда билдирди: "Кымбаттуу элим! Мен үчүн Кыргызстанда мени күтүп жаткандардын жашоосу кымбат. Мени колдогон, мага күч кубат берген менин күчүм - силерсиңер, элим. Мен силердин бирөөгө курал болууңарды каалабай турам. Бүгүн митингге чыгууну токтотууну суранам. Кыргызстанга тынчтык, биримдик керек. Үмүтүңүздөрдү актай албасам кечирим сурайм. Убакыт өткөндө тарых өзү баа берет. Читать дальше...