Новости за 02.12.2019

Аргентиналык Лионел Месси “France football” журналынын жыйынтыгы боюнча “Алтын топко” талапкерлердин арасынан эң көп добуш алган футболчу болду. Добуш берүүнүн жыйынтыгы менен Месси биринчи орунга чыккан. Экинчи орунга “Ливерпулдун” коргоочусу, нидерландиялык Виржил ван Дейк жайгашты. Ал эми үчүнчү орунду португалиялык Криштиану Роналдуга ыйгарышты. Лионел Месси ушуну менен алтынчы ирет “Алтын топту” жеңүүдө. Буга чейин ал 2009, 2010, 2011, 2012 жана 2015-жылдары дүйнөнүн “мыкты оюнчусу” аталган. Читать дальше...

Бишкек дүйнөдөгү абасы булганган шаарлардын катарына кирди. Зыяндуу түтүн чыгаргандарга 1 миллиондон ашуун сом айып салынды. Топоздун этин дүйнөгө тааныткысы келген ишкер. Мюзиклге айланган кыргыз тою.

Эркин журналист Гүлзат Газиева Ош шаардык прокуратурасына кайрылып, журналистти маалымат менен камсыздоону Ош шаардык мэриясына милдеттендирүүнү жана маалымат менен мыйзамга ылайык жабдып бербегени үчүн жоопкерчилигин кароону сурады. Шаар мэриясы журналистке тиешелүү маалымат берилгенин айтууда.

2-декабрда Жогорку сотто июнь окуясы үчүн өмүрүнүн аягына чейин эркинен ажыратылган Азимжан Аскаровдун адвокаттарынын кассациялык арызы каралды. Бул тууралуу Аскаровдун жактоочусу Валерьян Вахитов “Азаттык” радиосуна маалымдады. Анын айтымында, жактоочулардын арызындагы айрым беренелерге декриминализация колдонулду. Тактап айтканда, “Массалык башаламандыкты уюштуруу” беренесинин жаза жылы азайтылып, “Улутуна карап киши өлтүрүү” беренеси “Киши өлтүрүү” беренесине алмаштырылды. Вахитов 3-декабрда Аскаров менен жолугарын... Читать дальше...

Экс-президент Роза Отунбаева Гапар Айтиев атындагы көркөм сүрөт музейинин мурдагы директору Мира Жангарачеванын кызматтан алынышы боюнча Маданият, маалымат жана туризм министрлигине сын айтты. - Социалдык тармактарда салттуу адеп-ахлактын жана баалуулуктардын коргоочулары дуулдашты. Жаш министр териштирип, жыйынтык чыгаруунун ордуна тайсалдап, көркөм сүрөт музейинин директору Мира Жангарачеваны кызматтан алды. Мырзалар, токтогула! Балким силерде административдик күч бардыр, бирок коомдун жана аялдардын тилектештиги деген пикир да бар. Читать дальше...

Бишкекте үй-бүлөдөгү зомбулукка каршы ачылган көргөзмө коомчулуктун сынынан кийин жабылды. Нааразылар көргөзмөнүн уюштуруучуларын аялдардын денесин көрсөтүп, ич кийимдерди илгени үчүн айыпташууда.

Азербайжанда парламент 2-декабрдагы жыйынында өзүн өзү таратуу сунушуна көндү жана президент Илхам Алиевге мөөнөтүнөн мурда шайлоо дайындоону өтүнүп кайрылды. Азери парламентинде Илхам Алиевдин "Жаңы Азербайжан" партиясы үстөмдүк кылат. Аталган партия өткөн аптада "парламенттин азыркы курамы Алиевдин саясатына төп келбейт" деген мазмундагы билдирүү тараткан. Бул өлкөнүн мыйзамы боюнча парламентти президент гана тарата алат жана мөөнөтүнөн мурда шайлоону да мамлекет башчы дайындайт. Азербайжанда... Читать дальше...

Орусиянын "Газпром" мамлекеттик ишканасы 2-декабрдан тарта Кытайга газ жеткире баштады. "Сибирдин күчү" деп аталган газ түтүктөрүнүн ачылышына телекөпүрө аркылуу Орусиянын жана Кытайдын лидерлери катышты. "Газпром" жана Кытайдын CNPC мамлекеттик компаниясы он жылдан ашык сүйлөшүүлөрдөн кийин газ жеткирүү тууралуу 2014-жылы макулдашкан жана 30 жылга түзүлгөн келишимдин баасы 400 миллиард долларга бааланган. Бул убакыт аралыгында кытайлык керектөөчүлөргө 1 триллион куб метр газ жеткирилет деп айтылган. Читать дальше...

Кумтөр алтын кенинде жер көчкүдөн кийин эки кызматкер дайынсыз болууда.

Түркиянын Миграция департаментинин сайтына чыккан маалыматка ылайык, 2020-жылдан баштап Түркияда туристтик визаларын узартууга берген документтер кабыл алынбайт. Чет өлкөлүктөр жана эл аралык коргоо мыйзамынын 6458-беренеси «Түркияга турист катары келген чет өлкөлүк жаран 1 жылда бир гана жолу виза ала алат» деп редакцияланган.  Түркиядагы кыргызстандык мигранттардын дээрлик баары туристтик виза менен иштегендиктен 2020-жылдан баштап эмгек визасын алууга мажбур болушат. Муну Түркиянын Миграция... Читать дальше...

«Газпром» компаниясы үч миң чакырымга созулган «Сибир күчү» газ куурун ишке киргизди. Бул куур аркылуу орустар Кытайды көгүлтүр отун менен камсыздамакчы. Мальтанын премьер-министри Йозеф Мускат эмки айда кызматан кетет.

Дубайда Райымбек Матраимовдун аялына бир нече кыймылсыз мүлк катталган. Жалпы баасы 12,5 млн. долларлык эки жер тилкеси жана кымбат баадагы батир Матраимов Бажы башчысынын орун басары болуп турганда алынган. Бирок бул мүлк анын декларациясында көрсөтүлгөн эмес.

Орусиянын Санкт-Петербург шаарында 76 жаш курагында дирижёр Марис Янсонс оорудан улам ажал тапты. Ал Ригада туулуп-өскөн жана белгилүү дирижёр Арвид Янсонстун уулу. Марис Янсонс 1956-жылы ал кездеги Ленинград шаарына ата-энеси менен көчүп келген. Консерваторияда скрипка, фортепиано жана дирижёрлук бөлүмдө окуган. Андан кийин окуусун Австриянын Вена жана Зальцбург шаарларында уланткан. Мариске Евгений Мравинский, Ханс Сваровски жана Герберт фон Караян сыяктуу окутуучулар билим берген. Марис Янсонс... Читать дальше...

Мальтанын премьер-министри Йозеф Мускат январдын ортосунда кызматынан кетүүнү көздөп жатканын 1-декабрда билдирди.

Кыргызстан Евразия Экономикалык Биримдигинен кандай пайда тапты? Өлкөнүн бул уюмга мүчө болуп киришинин төрт жылдыгы "Кыргызстан ЕАЭБде: жыйынтыгы, тажрыйба жана перспективасы" деген практикалык конференцияда талкууланды.

Орусиянын Забайкальск аймагында 19 адамдын өмүрүн алган жол кырсыгына байланыштуу 2-декабрь аза күтүү күнү деп жарыяланды. Чөлкөмдөгү бардык мамлекеттик мекеме-ишканалардагы туулар түшүрүлүп, көңүл ачуучу иш-чаралар токтотулду. Жекшембиде Сретен районунда эл ташыган автобус көпүрөдөн кулап кеткенде дагы 22 жүргүнчү жабыркаган. Алардын ичинен төртөөнүн абалы оор. Баштапкы маалыматтарга караганда, кырсыкка автобустун алдыңкы дөңгөлөгүнүн жарылышы себеп болгон. Автобус көпүрөдөн Куэнга дарыясына кулап түшкөн. Читать дальше...

Чүйдүн Молдовановка айылындагы №1 түрмөдө жаза мөөнөтүн өтөп жаткан 23 жаштагы адам өз жанын кыйды. Бул маалыматты Жаза аткаруу мамлекеттик кызматынын (ЖАМК) басма сөз кызматынын өкүлү Самат Калыков ырастады. Анын маалыматына караганда, окуя 1-декабрда болгон. Айрым жалпыга маалымдоо каражаттары каза болгон адамдын туугандары өлгөн киши суицидге барбаганын, анын денеси күйгөнүн байкаганын билдиришкенин жазып чыгышты. Калыков бул боюнча да комментарий берди. - Тергөөчү менен эксперт анын денесин текшерген. Читать дальше...

Кытай бийлиги Гонконгго байланыштуу мыйзам кабыл алганы үчүн АКШга жана башкы кеңсеси Кошмо Штаттарында жайгашкан "Human Rights Watch" жана "Freedom House" сыяктуу өкмөттүк эмес уюмдарга санкция салды. Өлкөнүн Тышкы иштер министрлиги тараткан билдирүүдө Вашингтондун  "жоопкерчиликсиз кылык-жоругун" айыптады жана "Бээжиндин ички ишине кийлигишти" деп сындады. Кытай бийлиги дүйшөмбүдөн тарта америкалык аскердик кемелер менен учактардын Гонконгго барышы тууралуу өтүнүчүн кароону токтотту. Өткөн... Читать дальше...

Улуттук коопсуздук боюнча мамлекеттик комитет (УКМК) «Азаттыктын» иликтөөсүнө тиешеси бар адамдардын баары суракка чакырыларын билдирди.

Орусиянын тышкы иштер министри Сергей Лавров 2-декабрда эки күндүк жумушчу сапар менен Азербайжанга келди. Ал Бакуда президент Илхам Алиев жана азери тышкы иштер министри Эльмар Мамедъяров менен жолугат. Орусиянын Тышкы иштер министрлиги бул сапардын алдында "Сүйлөшүүлөрдүн жүрүшүндө эки тараптуу алака-катыштын урунттуу маселелери талкууланат. Эл аралык жана аймактык маселелер, анын ичинде Тоолуу Карабак боюнча пикир алмашуу болот" деп билдирген. 1990-жылдардын башында Азербайжанда армяндар басымдуулук... Читать дальше...

Шаардын борборунда 2-декабрда чак түштө кеңсе кызматкерлери көчөгө чыгып, бир канча айдан бери нааразылык акцияларын уюштуруп жаткандарга тилектештик билдиришти. Анын алдында революциялык ураандарды чакырып, «Гонконгдун боштондугун» талап кылган миңдеген адамдарды полиция күч менен таркаткан жана көздөн жаш агызган газ колдонгон. Тоз-тополоң бир нече демонстрант камакка алынган. Бул өткөн айдын аягында жергиликтүү кеңештерге өткөн шайлоодон берки алгачкы калайман нааразылык акциясы болуп калды. Читать дальше...

Мальтанын премьер-министри Йозеф Мускат январдын ортосунда кызматын тапшырарын 1-декабрда билдирди. Мунун алдында мындан эки жыл илгери киши колдуу болгон иликтөөчү журналист Дафне Каруана Галициянын ишин иликтөөдө жаңы жагдайлар ачыкка чыккан жана анда өкмөттөгү бир катар министрлер менен премьердин айрым жакын адамдарынын аттары аталган эле. Премьердин отставкасын талап кылган демонстранттар болсо Мускаттын кызматтан дароо кетишин талап кылууда. Ал бийликтеги Лейбористтер партиясынын төрагасына... Читать дальше...

Өткөн аптада дүйнөдө болуп өткөн орчундуу окуялар сүрөттөрдө.

3-декабрда Чүй, Талас, Ош, Жалал-Абад, Баткен облустарынын кээ бир райондорунда туман түшөт. Күндүз жаан-чачын жаабайт. Жолдор тоңголок жана тайгак болот. Батыштан соккон шамалдын ылдамдыгы секундасына 4-9 метрден, Ысык-Көл акваториясында 15-20 метрге жетет. Абанын температурасы: Чүйдө түнкүсүн 0…-5, күндүз 6…11; Таласта түнкүсүн 0…-5, күндүз 7…12; Баткенде, Ошто, Жалал-Абадда түнкүсүн -2…+3, күндүз 8…13; Ысык-Көлдө түнкүсүн -1…-6, күндүз 1…6; Нарында түнкүсүн -9…-14, күндүз -2…-7; Бийик тоолуу райондордо түнкүсүн -19…-24... Читать дальше...

АКШнын президенти Дональд Трамп жана анын адвокаттары Өкүлдөр Палатасындагы импичмент жарыялоо жараянынын алкагындагы коомдук талкууга катышпайт. Бул туууралуу Ак үйдүн адвокаты Пэт Чиполлоненин 1-декабрдагы аталган палатанын Юридикалык комитетине жөнөткөн катында айтылат. Ал өз катында демократтарды "иликтөө калыстыкка негизделген эмес, керектүү укуктук жол-жобосу жок", деп айыптады. Ак үйдүн адвокаты коомдук талкууга мындан ары президенттин өкүлдөрүнүн катышар-катышпасы ушул жуманын аягында белгилүү болоорун кошумчалады. Читать дальше...