Абдукадырдын үй бүлөсү Борбор Азиядагы мыйзамсыз карго бизнесинен миллиондорду тапкан. Бул иликтөөдө ал каражат дүйнөнүн ар кайсы жеринде кымбат виллаларга, көз жоосун алган көп кабаттуу имараттарга жана кагаз бетинде гана калган инвестицияга кеткени билинди.
Турмушта өзгөчөлөнгөн адамдарга мамилени оюнга айланткан балдар. Ала-Букадагы кыргыз-өзбек чек арасындагы жер талаш. Өжөрлүгү көптөргө үлгү Айдананын тилеги. Китепканалуу болгон аскердик бөлүк. Дүйнөнүн алдыңкы лыжа базаларынын катарына кирген "Каракол" жылгаягы туристтерди кабыл ала баштады. "Данисте" берүүсүнүн кезектеги чыгарылышын сунуш кылабыз.
Жогорку сот парламенттин депутаты Канатбек Исаевдин коррупция боюнча буга чейинки Биринчи май райондук сотунун чечимин өзгөрттү. Бул тууралуу Жогорку соттон кабарлашты. “Бишкектин Биринчи май райондук сотунун Канатбек Исаев, Болот Имамадиев, Мирлан Эсенбековго карата 2018-жылы 4-январдагы жер бөлүп берүү, ТИГ, ТЦТ ишканаларын түзүү, “Яшар” дүкөнүн жылдыруу иши боюнча чечими жокко чыгарылды”, – деп маалымдаган Жогорку сот бул иште кылмыштын курамы жок деп тапты. Канатбек Исаев 2017-жылдын 30-сентябрында камалган. Читать дальше...
«Үмүт 2020» кыймылынын негиздөөчүсү Ширин Айтматованын күйөөсү Сыргак Кенжебаевдин алдамчылык боюнча шектүү катары камакка алынышы талкууланып жатат.
Казакстандын Нур-Султан шаарында өткөн бел боо күрөшү боюнча дүйнө чемпионатында казак күрөшү боюнча таймашта кыргызстандык балбан Тилек Куралов дүйнө чемпиону болду. Биргелешкен күрөш дүйнөсү уюмунун расмий сайтындагы маалыматка ылайык Куралов 21-декабрда 100 килограммга чейинки салмакта финалда грузиялык Гиорги Кобаидзени жеңип, алтын медал тагынды. Тилек Куралов финалдык беттешке чейин казакстандык Сайат Шамшиевди, жарым финалда монголиялык Мансалмаа Мунчулуунду жеңип алган. Тилек Кураловдун... Читать дальше...
Бишкек шаарынын мурдагы мэрлери Албек Ибраимов, Кубанычбек Кулматов баштаган ондон ашык айыпталуучуга карата сот өкүмү чыкты. Өкүмгө ылайык Албек Ибраимов 15 жылга кесилди. Ал эми Кубанычбек Кулматов баштаган айыпталуучуларга сот айып салды.
Текебаев менен Чотоновдун ишин кайра кароо боюнча сотто көрсөтмө берүү үчүн кезек мамлекеттик айыптоочу тараптын күбөлөрүнө келди. Бирок мурда эки саясатчыга каршы көрсөтмө берген күбөлөр ар кандай шылтоолор менен сотко келбей, "Кыргызстандагы коомдук-саясий абалдын өзгөрүүсүнө байланыштуу" деген негиз менен кайра көрсөтмө берүүдөн баш тартып жатканы белгилүү болду.
Өмүрбек Текебаев менен Дүйшөнкул Чотоновдун ишин кайра кароодо мамлекеттик айыптоочу тараптын күбөлөрүнө кезек келди.
"Үмүт 2020” саясий кыймылынын жетекчиси Ширин Айтматова күйөөсүнүн камакка алынышын өзүнүн саясий ишмердиги менен байланыштырууда. Ал билдирүү таратып, басымга карабай бийликтин осол иштерин ашкерелөөнү уланта берерин билдирди: «Күйөөмдүн кармалышы «Үмүт 2020» кыймылынын ишмердигине түздөн-түз байланыштуу. Бул камакка алуу менен ууруларга каршы күрөшүбүздү токтоткусу келип жатат. Укук коргоо органдары коррупция менен күрөшүүнүн ордуна өлкөнү уурулардан арылтууну каалаган биз менен күрөшүп жатат. Читать дальше...
Ооганстандын шайлоо комиссиясынын чечими менен Ашраф Гани экинчи мөөнөткө мамлекет башчысы болду.
Алты спортчу "Жылдын мыкты спортчусу" деп табылды. Алар: балбандар Айсулуу Тыныбекова жана Улугбек Жолдошбеков, паралимпиадачы Жыргалбек Оросбаев, паратриатлончу Жалалдин Абдувалиев, кикбоксчу Авазбек Аманбеков жана балбан Бектурган Кожомуратов. Бишкекте өткөн аземде спортчулардын машыктыруучуларына да атайын сыйлыктар ыйгарылды. Ошондой эле бир катар спортчуларга өкмөттүн сыйлыктары да тапшырылды.
Орусиянын президенти Владимир Путин 23-декабрда Орусия менен аннексияланган Крымды байланыштырган, Керч кысыгындагы көпүрө аркылуу өткөн поезддин каттамын ачты. Украинанын президентинин Крымдагы өкүлчүлүгү муну сынга алды. Ошондой эле Путиндин Крым менен Севастополго барганын айыптады. "Орусиянын бул аракети Украинанын эгемендигин жана аймактык бүтүндүгүн одоно бузуу болуп саналат, Кремль жалпыга маалым принциптерди жана эл аралык укукту сактабаганын көрсөтөт" деп айтылат билдирүүдө. Керч кысыгына... Читать дальше...
Болот Шамишев кино тармагына “Манасчы” аттуу даректүү тасмасы менен кирген. Режиссердун бул тырмак алды чыгармасы 1965-жылы Германияда өткөн кинофестивалда баш байгеге татыган.
Футбол боюнча эл аралык федерациянын (ФИФА) расизмге каршы күрөшүү боюнча протоколу биринчи жолу Лондондо 22-декабрда "Тоттенхем" менен "Челсинин" футбол командаларынын беттешинде колдонулду. Эки команда таймашып жатканда "Тоттенхемдин" түштүк кореялык оюнчусу Сон Хен Мин атаандашы, ынды кара Антонио Рюдигерди буту менен тээп жиберген. Мындан кийин Сон Хен Мин оюндан четтетилген. "Тоттенхемдин" күйөрмандары трибунадан Рюдигерге "маймыл" деп мазактап кыйкыра башташкан. ФИФАнын протоколуна ылайык,... Читать дальше...
Жалал-Абад шаарынын Шерматов көчөсүндө жайгашкан мунайды кайра иштетүүчү базадан чыккан өрт толугу менен өчүрүлдү. Бул тууралуу Өзгөчө кырдаалдар министрлигинин басма сөз кызматы билдирди. 23-декабрда мурда өрт каптаган мунай сактоочу цистернаны жумушчулар аралап жаткан учурда өрт чыгып кеткен. Жалынды өчүрүүгө алты бригада тартылды. Быйыл 10-майда Жалал-Абад шаарынын Көк-Арт кичи районунда мунайды кайра иштетүүчү ушул эле ишканада өрт чыккан. Анда ишкана болжол менен 65 млн. сомдук чыгымга учураганы айтылган. Читать дальше...
Өзбекстан менен Казакстан Борбор Азия чөлкөмүндө алгачкылардан болуп ислам динин жайылткан Кожо Ахмет Ясави (Кул Кожо Акмат) тууралуу биргелешип көркөм тасма тартууну макулдашты. Бул тууралуу 23-декабрда Казакстандын маданият жана спорт министри Актоти Раимкулов менен "Өзбеккино" улуттук агенттигинин башкы директору Фирдавс Абдухаликовдун жолугушуусунда белгилүү болду. Аталган агенттик тараткан билдирүүдө "бул тасма эки өлкөнүн маданий жана тарыхый алака-катышын чыңдоого өбөлгө болот жана кинематография... Читать дальше...
Кыргыз-тажик чек арасындагы чырда курман болгон аскер Равшан Муминовго ыйгарылган мамлекеттик "Эрдик" медалы анын жубайына тапшырылды. 23-декабрда президент Сооронбай Жээнбеков маркумдун жесири Мухайё Муминованы кабыл алды. Мамлекет башчы Муминовага көңүл айтып, Равшан Муминов мекен чегин коргоо учурунда өз өмүрүн берип, баатырдык кылганын белгиледи. Президент курман болгон аскер кызматкеринин үй-бүлөсүнө мамлекет колдоо көрсөтүп турарын кошумчалады. Кыргыз-тажик чек арасында 2019-жылдын... Читать дальше...
АКШ Сенатындагы демократтардын лидери Чак Шумер жарыяланып кеткен жаңы документтерге ылайык, импичмент жарыялоо жараянында жаңы күбөлөр суралышы керектигин билдирди. Мунун алдында Вашингтондун Киевге убада кылган аскердик жардамын токтото туруу боюнча президент Дональд Трамптын администрациясынын кызматкерлеринин электрондук каты ачыкка чыккан. Ал кат Трамп менен Украинанын президенти Владимир Зеленскийдин саясий чуу жараткан телефон аркылуу сүйлөшүүсүнөн кийин 1,5 сааттан кийин эле жазылганы белгилүү болгон. Читать дальше...
Эр-Рияддагы прокуратура саудиялык журналист Жамал Хашогжинин Стамбулда өлтүрүлүшү боюнча беш адам өлүм жазасына кесилгенин билдирди. Сентябрь айында бул өлкөнүн ханзадаасы, тактынын мураскери Мухаммед ибн Салман Хашогжинин өлүмү үчүн жоопкерчилик сезерин айткан. Бирок ал кылмышка жогорку бийлик өкүлдөрү аралашкан деген дооматты четке кагып, Хашогжини өлтүрүү операциясы тууралуу кабарсыз болгонун билдирген. «The Washington Post» басылмасы менен кызматташып келген журналист Жамал Хашогжи өткөн... Читать дальше...
Израиль бийлиги Газада жашаган христиандарга Рождество майрамы маалында Иерусалим менен Иордан дарыясынын Батыш жээгине келишине уруксат берди. Аталган өлкөнүн Коргоо министрлигинин атайын бөлүмү тараткан билдирүүдө "уруксат коопсуздук чараларын эске алуу менен жана жаш курагына карабай берилери" белгиленген. Мунун алдында Израиль Газадан Рождество майрамы маалында христиандардын келишин чектеп койгон жана бул эл аралык коомчулуктун сынына кабылган. Тель-Авив ХАМАС куралдуу тобу башкарган Газа... Читать дальше...
Евразия Экономикалык Биримдигине (ЕАЭБ) мүчө үч өлкө - Кыргызстан, Беларус жана Казакстан Орусиянын базарында сатылып жаткан смартфондорго, компьютерлерге жана акылдуу телевизорлорго кошумча орусиялык программаларды орнотууга милдеттендирген мыйзамды сындады. Бул тууралуу Евразия экономикалык комиссиясына караштуу ички базарлардын иштеши боюнча департаменттин токтомуна таянып орусиялык «Ведомости» басылмасы жазды. Евразиялык экономикалык комиссиянын басма сөз кызматы биримдикке мүчө өлкөлөрдүн бул... Читать дальше...
АКШнын аскер жетекчилиги өлгөн жоокердин аты-жөнү жана окуянын чоо-жайы тууралуу маалымат тараткан жок. AFP маалымат агенттиги бул кол салууну "Талибан" куралдуу кыймылы уюштурганын мойнуна алганын жазды. Анда аталган уюмдун өкүлү Забихулла Мужахид "WhatsApp" аркылуу жоочулар Кундуз провинциясында Чара-Дара районунда америкалык унааны жардырып жиберишкенин айтып берген. Ооганстанда куралдуу кагылыштарда, кол салууларда быйыл жыл башынан бери 20 чет өлкөлүк аскер набыт болду. Бул өлкөдө 18 жылдан... Читать дальше...
Мамлекеттик чек ара кызматы Чоң-Капка көзөмөл-өткөрмө бекетинде дээрлик 2 миллион сомдук аткезчилик жүк кармалганын билдирди. 23-декабрда таратылган кабарга ылайык, тийиштүү документтери жок жүк Казакстандан Кыргызстанга өткөрүлүп жатканда колго түшкөн. “Volvo” жүк унаасындагы товарлардын арасында дары-дармек, сагыз жана парфюм каражаттары болгон. Айдоочу көрсөткөн документте машинеде сантехника буюмдары бар экени жазылган. Жүктүн жалпы суммасы 1 905 000 сом деп эсептелип, Экономикалык кылмыштарга... Читать дальше...
Журналисттерди коргоо боюнча эл аралык комитети, Адам укуктары боюнча эл аралык өнөктөштүк уюму, Норвегиядагы Хельсинки комитети жана Адам укуктары боюнча Хельсинки фонду Кыргызстандагы коррупциялык иштерди иликтөөдөн кийин жаралган жагдайга кабатыр болгон билдирүү таратты. Билдирүүдө "кыргыз бийлиги өкмөттөгү коррупциялык иштерди иликтеген журналисттерди, алар менен байланышы бар адвокаттарды жана активисттерди куугунтуктаганды токтотушу керек жана аларды коркутуп, опузалагандарга чукул арада чара көрүшү зарыл" деп айтылат. Читать дальше...
Бишкектин Ленин райондук сотунда 23-декабрда мурдагы мэрлер Албек Ибраимовго жана Кубанычбек Кулматовго өкүм чыкты.