Болот Шамшиевдин мурасы уланабы?
«Кыргыз керемети» деген атак-даңкка ээ болгон кыргыз кино чеберлеринин бири, атактуу режиссер Болот Шамшиевдин сөөгү жерге берилди.
«Кыргыз керемети» деген атак-даңкка ээ болгон кыргыз кино чеберлеринин бири, атактуу режиссер Болот Шамшиевдин сөөгү жерге берилди.
2019-жылы дүйнөдөгү сөз эркиндиги боюнча рейтингде Кыргызстан 83-орунду ээледи.
Өзбекстанда парламенттик шайлоону президентти колдогон партия утту. Орусия Крымга темир жол каттамын ачты. Орусияда кыргызстандык музыкант ийгилик жарата алды. "Каректе Евразия" берүүсүнүн кезектеги чыгарылышын сунуш кылабыз.
Өкмөт айдоочунун убактылуу күбөлүгүнүн жарактуу мөөнөтүн дагы узартканы жатат. Ал арада убактылуу берилген күбөлүктөрдү оригиналга алмаштыруу иштери узун кезек менен коштолууда.
Жылуулук электр борборун (ЖЭБ) оңдоп-түзөөдөгү коррупция боюнча 15 жылга соттолгон мурдагы өкмөт башчы Сапар Исаковдун жактоочулары Свердлов райондук сотунун өкүмүнө каршы Бишкек шаардык сотуна кайрылат. Бул тууралуу “Азаттыкка” адвокат Замир Жоошев билдирди. Жоошев учурда арыз даярдалып жатканын кабарлады. Ал эми башка соттолуучулар апелляциялык арыз береби - азырынча белгисиз. 6-декабрда Бишкектин Свердлов райондук сотунун өкүмү менен мурдагы премьер-министр Сапар Исаков, “Улуттук энергохолдинг”... Читать дальше...
Түркмөн бийлиги өлкөнүн туңгуч президентин эскерүү иш-чараларын кескин чектеди.
«Өнүгүү-Прогресс» фракциясы Жогорку Кеңештин төрагасы Дастанбек Жумабековду чакыртып алуу боюнча добуш берүүнү токтотту.
Укук коргоочу жана камактагы бир нече саясатчынын адвокаты Нурбек Токтакунов телефондон коркутуу болгонун айтып, милицияга арыз менен кайрылды. Токтакунов “Азаттыкка” маалымдагандай, арызда 18-декабрда өткөн "#REакция 2.0" тынчтык акциясынын алдында белгисиз бирөө чалып, «акцияга барба» деп эскертүү болгонун жазып берген. "24.kg" сайты Биринчи май райондук ички иштер башкармалыгында адвокаттын арызы боюнча териштирүү башталганын жазды. 18-декабрда укук коргоочу Динара Ошурахунова белгисиз адам телефон чалып, коркутканын билдирген. Читать дальше...
Өкмөт айдоочунун убактылуу күбөлүгүнүн жарактуу мөөнөтүн дагы узартканы жатат. Ал арада убактылуу берилген күбөлүктөрдү оригиналга алмаштыруу иштери узун кезек менен коштолууда. Жарандар жумалап документ ала албай убара болуп, күн сайын жүздөгөн киши кезек күтүп жатышканын айтып арызданышты. «Унаа» мамлекеттик ишканасы болсо айдоочулук күбөлүктөрдү берүү үчүн кошумча тейлөө жайлары ачылып, кызматкерлер дем алышсыз иштеп жатканын билдирүүдө.
22-декабрдын түнүндө авариялык кырдаалдан улам электр жарыгы өчкөн айылдарга толугу менен жарык жеткирилди. Бул тууралуу "Жалал-Абад электро" ишканасынын басма сөз кызматынан “Азаттыкка” билдиришти. Сузак, Базар-Коргон райондоруна жана Жалал-Абад шаарынын Көк-Арт, Спутник кичи райондоруна электр тогу үзгүлтүккө учураган. Калың кардын айынан Сузактагы подстанцияларда чубалгылар үзүлүп, айрым мамычалар оодарылып кеткен. Калыбына келтирүү жумуштарына 32 ыкчам топ тартылып, техника бара албаган аймактарга энергетиктер ат менен жөө барышкан. Читать дальше...
Белгилүү кинорежиссер Болот Шамшиев менен коштошуу 24-декабрда Опера жана балет театрында өттү. Топурак салууга президент Сооронбай Жээнбеков баш болгон бир катар мамлекеттик жана коомдук ишмерлер, элчилер, чыгармачыл интеллигенция өкүлдөрү, шакирттери, замандаштары катышты.
Алай районунун Сары-Могол айылына Памирден 11 үй-бүлө көчүп келди. Бул тууралуу өкмөттүн Ош облусундагы өкүлчүлүгүнүн басма сөз катчысы Нуркыз Кадырбекова “Азаттык” радиосуна билдирди. - 49 памирлик тууган көчүп келди. Алардын 12си мектеп окуучусу. 2020-жылы апрелде алар Талды-Суу айылына көчүрүлөт, - деди Нуркыз Кадырбекова. Памирден келген 11 үй-бүлө учурда Сары-Могол айылындагы мектепте жашап жатат. 2020-жылдын апрель айынан баштап Алайдын Талды-Суу айылында жети үй-бүлө үчүн үй курулат. Читать дальше...
Москва шаардык соту 24-декабрда камактагы америкалык жаран Пол Уиландын бөгөт чарасын карап, 29-мартка чейин тергөө абагында калтыруу тууралуу өкүм чыгарды. Мындан бир күн мурун АКШнын Орусиядагы элчилигинин өкүлү Барт Горман орус бийлигине кайрылып, Уиланды бошотууга чакырган. Ал америкалык жарандын "тыңчылык" кылганы тергөөдө далилденбегенин билдирген. Горман ошондой эле Уиланды дарыгерлерге көрсөтүүгө уруксат берилишин суранган. Бир эле учурда Британиянын, Ирландиянын жана Канаданын да жараны болгон... Читать дальше...
19 жаштагы жарым коргоочу Гүлжигит Алыкулов Кыргызстандын мыкты футболчусу аталды. Бул наам үчүн Кыргызстан курама командасынын капитаны Валерий Кичин жана жарым коргоочу Эдгард Бернхард ат салышкан. Футболчуга сыйлык Бишкекте өткөн салтанатта тапшырылды. Кыргызстандын футбол федерациясынын "Football awards-2019" жыл мыктыларын тандоо салтанаты 23-ноябрда Бишкекте өтүп, жыл ичинде футбол тармагында ийгилик жараткандарга сыйлыктар ыйгарылды.
Түркмөнстанда президенттик аппараттын жана өкмөттүн өкүлдөрү, парламент спикери жана башка жогорку даражалуу аткаминерлер катышкан жабык жыйында тунгуч президент Сапармурат Ниязовду эскерүүнү чектеп-кыскартуу тууралуу чечим кабыл алынды. Бул тууралуу "Түркмөнстан хроникасы" сайты кабарлады. Ага ылайык, эми мындан ары Сапармурат Ниязовду эскерүү иш-чарасы Ашхабадда гана өтөт жана ал Ниязовдун эстелигине гүл коюу менен гана чектелет. Аймактагы бийлик өкүлдөрү аны эскерип, арбагына багыштап куран... Читать дальше...
11 жаштагы баланы үйүнүн жанынан түшүрбөй койду деп иштен алынган №7 автобустун айдоочусу күнөөсүз экени аныкталып, кайрадан ишке алынды. Бул тууралуу Бишкек шаардык мэриясынын басма сөз кызматы кабарлады. Мэриядан билдиришкендей, видеожазууларды деталдаштырып кароо учурунда айдоочу окуучуга эч кандай укуктук негизге каршы мамиле кылбаганы аныкталган. Бала өзү бара турган акыркы аялдамадан түшпөй, кайра артка кеткен. Бир канча убакыттан кийин гана ал акчасын жоготуп алганын айтып, автобустан өзү түшүп кеткен. Читать дальше...
24-декабрда Бишкектин Биринчи май райондук соту Ички иштер министрлигин (ИИМ) кыйноого кабылган Эсенбек Анарбек уулуна моралдык чыгым катары 1 миллион сом төлөп берүүгө милдеттендирди. Бул тууралуу «Акыйкаттык» - «Справедливость» укук коргоо уюму билдирди. Мекеменин өкүлү Нурислам Раимжановдун “Азаттыкка” билдиришинче, сот чечимди аткарууну Финансы министрлигине жүктөп, ИИМди каржылоого каралган каражаттан бөлүп берүүнү милдеттендирген. Раимжанов ырастагандай алар 10 миллион сом доо өндүрүп берүүнү талап кылышкан. Читать дальше...
«Азаттык» радиосу жемкорлукка каршы күрөштү күчөтүү боюнча жарыялаган сынакка келип түшкөн материалдарды жарыялоону улантат. Сынакка макала кабыл алуу 1-декабрдан тарта токтогон.
Орусиянын Хабаровск крайында Су-57 үлгүсүндөгү кыргын салуучу аскердик учагы сыноо маалында кулап түштү. Анын бортундагы учкуч учактан чыгып кеткенге үлгүрдү. Авария Комсомольский-на-Амур аймагынан 120 алыстыкта орун алды. Учак жергиликтүү авиазаводго таандык болчу. "РИА Новости" маалымат агенттиги ошол маалда учактын кыймылдаткычы сыналып жатканын жазды. "Baza" телеграм-каналынын маалыматы боюнча, издеп-иликтөө иштерине Өзгөчө кырдаалдар министрлигинин өкүлдөрүн аралаштырбай коюшту. "Интерфакс"... Читать дальше...
"Мемориал" укук коргоо борбору Орусиядагы саясий туткундардын жаңыланган тизмесин жарыялады. Ага 314 адамдын аты-жөнү жазылган. Алардын 250сү дин тутуу эркиндигин жайылтуу же диний көз карашынан улам, 64ү саясий көз карашына байланыштуу темир тор артында отурат. Укук коргоочулар бул тизмеге тек-жайы жана ишмердиги такталган кишилер гана киргенин белгилеп, саясий туткундардын чыныгы саны мындан алда канча көп болушу ыктымалдыгын кошумчалашкан. 2019-жылдын октябрында бул тизмеде 305 адамдын аты-жөнү бар эле. Читать дальше...
Украинанын чыгышындагы жаңжалды жөнгө салуу боюнча түзүлгөн үч тараптуу байланыш тобу ушул жылдын аягына чейин туткундарды башма баш алмашуу тууралуу макулдашты. Бул тууралуу украин президентинин кеңсеси 23-декабрда кабарлады. Сүйлөшүү видеоконференция форматында өттү. Бул топтогу Украинанын өкүлү Валерия Лутковская макулдашууну төрт жылдан бери туткунда отурган жарандар үчүн "чоң бакыт" деп сыпаттады. Орусиянын чабарманы Борис Грызлов тараптар бири-бирине эч кандай шарт койбой туткун алмашуу тууралуу орток пикир табышканын бышыктады. Читать дальше...
Жазуучу, котормочу, этнограф Тайтөрө Батыркуловду эскерүү.
Кримтөбөл Азиз Батукаевдин түрмөдөн мыйзамсыз бошотулганына байланыштуу иште айыпталуучулардын бири, дарыгер Абдухалим Раимжановду тез жардам кызматы алып кеткендиктен сот жараянды 26-декабрга жылдырды. Бул тууралуу “Азаттыкка” мурдагы президент Алмазбек Атамбаевдин адвокаты Замир Жоошев билдирди. Соттук кароо Улуттук коопсуздук боюнча мамлекеттик комитеттин (УКМК) имаратында өтүп жаткан. Адвокаттар отурумду Биринчи май райондук сотуна которууну жана аны Атамбаевсиз өткөрө берүүнү өтүнүшкөн. Буга УКМКнын бөлмөсүнө катышуучулар тыгылып... Читать дальше...
Ооганстандын Коргоо министрлиги өлкөнүн түндүгүндөгү Балх провинциясындагы көзөмөл бекетке "Талибан" куралдуу кыймылы кол салып, кеминде жети жоокер ажал тапканын билдирди. Коопсуздук күчтөрүнүн дагы алты кызматкери жарадар болду. Кандуу окуя таңга маал Давлат-Абад районунда орун алды. Куралдуу кол салууну "Талибан" уюштурганын мойнуна алды. Мунун алдында америкалык бир жоокер набыт болгон. AFP маалымат агенттиги кол салууну "Талибан" куралдуу кыймылы уюштурганын мойнуна алганын жазган. Анда аталган... Читать дальше...
Ысык-Көлдүн Чок-Тал айылында тикмечи келиндер тобу аскер формаларын тигип, Орусияга экспорттоп жатышат. ФАПтын имаратында ачылган чакан тигүү цехинде азыр 15 аял эмгектенет. Цехтин ээси буюртма көбөйө турган болсо, айылдык кыз-келиндерге көбүрөөк жумуш ордун түзүүнү пландап жатат.