Новости за 11.12.2019

11-декабрда АКШнын Баграмдагы негизги аба базасындагы кош жардырууда бир киши өлдү. Ал эми жараат алгандардын саны 90 кишиге жетти, алардын арасында беш грузин жоокери да бар. Бул тууралуу жергиликтүү жетекчилер жана НАТОнун өкүлдөрү билдирди. Беш жоокери жараат алганын Грузиянын Коргоо министрлиги да ырастап, алардын жарааты жеңил болгондуктан ооруканага жаткырылбаганын кошумчалады. Аскердик база жайгашкан Парван провинциясынын губернаторунун басма сөз катчысы Вахид Шахкар жардыруудан кийин 30 мүнөттөй атышуу болгонун... Читать дальше...

Нур-Султан шаарынын соту 11-декабрда 14 казакстандыкты террорчулук аракеттерге барган деп таап, 8 жылдан 14 жылга чейин эркинен ажыратты. Сирияда «Ислам мамлекети» экстремисттик уюмунун катарында урушкан деген бул адамдар согушкер топко адамдарды тарткан, терроризмге үгүттөгөн, кастыкты козуткан, зордук-зомбулукка чакырган адабияттарды тараткан деп табылды. 14 кишини бийлик быйыл Сириядан башка казакстандыктар менен кошо алып келген. Казакстан жыл башынан бери «Жусан-1» жана «Жусан-2» операцияларынын... Читать дальше...

Тажикстандын парламенти өлкөдө жарандыгы жок, мыйзамсыз жашап жаткан 20 миңдей адамга мунапыс берген мыйзам долбоорун кабыл алды. Мыйзам аларга өлкөдө туруктуу жашоого уруксат берген документтерди алууга жол ачат. Тажикстанда мыйзамсыз жашап жатат дегендердин көбүн 1990-жылдары Ооганстанда бийликке талибдер келгенде качып келгендер түзөт. Ошондой эле Кыргызстан, Өзбекстандан көчүп барган мурдагы Советтер Союзунун жарандары да бар. Алардын өлкөгө келиши мыйзамсыз деп эсептелип, жарандык берилбей жүрөт. Читать дальше...

Украинадагы “Эл кызматчысы” партиясынын депутаты Андрей Богданец парламенттеги мушташтан кийин ооруканага жаткырылды. Бул тууралуу анын кесиптеши Евгения Кравчук «Фейсбуктагы» баракчасына жазды. Анын айтымында, Богданец мээси чайкалган болушу мүмкүн деген кооптонуу бар. “Эл кызматчысынын” депутаты 11-декабрда “Эркиндик” фракциясынын депутаты Эдуард Леонов менен Жогорку Радада айыл чарба жерлерин менчиктештирүү маселеси каралып жатканда мушташа кеткен. “Эркиндик” фракциясы жерди менчиктештирүүгө каршы болуп келатат. Читать дальше...

Президент Сооронбай Жээнбеков Кыргызстанда соттук реформасынын алгачкы натыйжалары көрүнө баштаганын, бирок кемчиликтер да көп экендигин белгиледи. 2019-жылы күчүнө кирген мыйзам, кодекстер сот адилеттүүгүн орнотууга канчалык салым кошууда? 2019-жылы күчүнө кирген мыйзам, кодекстер сот адилеттүүгүн орнотууга канчалык салым кошууда? Соттор бийликтин ишарасынан арылып, көз карандысыз чечим чыгарууда деп ишеним артууга болобу? “Азаттыктын” “Ыңгайсыз суроолор” телепрограммасы ушул темага арналды.

Жогорку Кеңештин “Республика - Ата Журт” фракциясынын депутаты Зарылбек Рысалиев президент Сооронбай Жээнбековду коштоп Бириккен Араб Эмирликтерине (БАЭ) фракциянын тапшырмасы менен кетти. Бул тууралуу фракциянын лидеринин орун басары Талант Мамытов билдиргенин парламенттин басма сөз кызматы кабарлады. Мамытовдун айтымында, Рысалиев БАЭ, Сауд Арабиясы, Катар жана башка бир катар араб өлкөлөрү менен парламент аралык достук тобунда “Республика - Ата Журттан” мүчө. “Анын үй камагында экени жана... Читать дальше...

Президент Сооронбай Жээнбеков Бириккен Араб Эмирликтерине (БАЭ) расмий сапар менен барды. Сапар алкагында кыргыз мамлекетинин башчысы Абу-Дабинин мураскер ханзаадасы жана БАЭнин вице-президенти, премьер-министри Мухаммед бин Рашид Ал-Мактум менен эки тараптуу жолугушуу өткөрөт. Мындан тышкары БАЭнин Соода-өнөр жай палатасынын, ири компаниялардын жана ишкерлер чөйрөсүнүн өкүлдөрү, Зайед фондунун башкы директору Хамад Салем бин Кардоус Ал-Амери жана БАЭде убактылуу жашап жаткан кыргызстандыктар менен жолугушат. Читать дальше...

Зарылбек Рысалиевдин чет өлкөгө чыгуусуна чектөө жок. Бул тууралуу Ички иштер министрлиги кабарлады. Мекеменин басма сөз кызматынын өкүлү Карима Жапаркулова “Азаттык” радиосуна билдиргенине караганда, чектөө быйыл 2-ноябрда алынган: - 2-ноябрда адвокаттын «Рысалиев чет жакта дарыланышы керек» деген өтүнүчү боюнча ИИМдин Тергөө кызматы анын ден соолугунун абалын жана дарылануу зарылчылыгын эске алып Кыргызстандан тыш жакка чыгуусуна чектөөнү алып салган. Жогорку Кеңештин депутаты Зарылбек Рысалиев... Читать дальше...

Америкалык «Time» журналы экологияны коргоо боюнча өспүрүм активист Грета Тунбергди «Жылдын адамы» деп тапты. Бул журналдын тарыхында анын баасын алган эң жаш адам болуп калды. «Time» журналы 16 жаштагы швециялык өспүрүмдү «Жыл адамы» деп табууда анын климаттын глобалдык өзгөрүүсүнө каршы демилге баштап, муну дүйнөлүк кыймылга айландыра алганын эске алган. Америкалык журнал «Жылдын адамын» жыл сайын декабрда жарыялайт.  Грета Тунберг «Fridays for Future» же «Жума күндөрүн келечекке арнайлы!»... Читать дальше...

Kонгресстин Өкүлдөр палатасындагы демократтар президент Дональд Трампка импичмент жарыялоону баштоо жараянынын алкагында ага эки айып такты. Түрк президенти адабият боюнча Нобель сыйлыгын мурдагы серб лидери Слободан Милошевичти колдогон австриялык жазуучу Петер Хандкеге ыйгарылганын сындады. АКШнын Баграмдагы аскердик базасына жакын жерде болгон жардыруулар бир кишинин өмүрүн кыйды, 60тан көбү жараат алды.

10-декабрда Баткендин Сүлүктү шаарындагы шахтада газга ууланып төрт киши каза болду. Мамлекеттик экотехинспекция кырсык катталган шахтада коопсуздук эрежелери сакталбаганын айтты.

Кыргыз-тажик мамлекеттик чек арасында абал туруктуу. Бул тууралуу Чек ара кызматы кабарлады. Мекеменин маалыматына караганда, 11-декабрда Баткен облусунун Баткен районуна караштуу Кара аймагындагы Миң-Булак калктуу конушунда тактала элек тилкеде Тажикстандын жарандары алты трактор менен жерди түздөп, айыл чарба иштерин жүргүзө башташкан. “Кыргыз чек арачылары ал жерге барып, тактала элек жерде ишти токтотууну талап кылышты. Бирок коңшу республиканын тургундары бул талапты аткаруудан баш тартышты. Читать дальше...

Жогорку Кеңештин төрагасы парламентте өкмөттү коргоп чыкканы талкууланып бүтө электе депутат Тынчтыкбек Шайназаров да ушундай билдирүү менен чыкты.

Жогорку Кеңештин депутаты Зарылбек Рысалиев президент Сооронбай Жээнбеков баштаган делегациянын курамында Бириккен Араб Эмирлигине кетти. Бул тууралуу өлкө башчысынын маалымат кызматынан кабарлашты. Рысалиев кримтөбөл Азиз Батукаевдин абактан мыйзамсыз чыгарылышы боюнча козголгон кылмыш ишинде фигурант болчу. Ал август айында үй камагында калтырылган. Кылмыш кодексине ылайык, үй камагы айыпталуучунун эркин жүрүшүнө чек коёт. Ал адамга кайсы бир жарандар менен кабар алышууга, күнү-түнү же күндүн... Читать дальше...

Бул тууралуу мамлекеттик "Анадолу" агенттиги маалымат таратты. 10-декабрда Түркиянын Бурдур шаарында массаж салонуна полиция кызматкерлери атайын операция менен кирген. Мындан кийин сойкулукка мажбурланганы айтылган ондогон чет өлкөлүк кыз-келиндер куткарылганы жазылган. Бул окуя боюнча Бурдур ички иштер бөлүмү кылмыш ишин козгоп, кыргызстандык аял жана түрк жараны кармалган. Атайын операцияда куткарылган чет өлкөлүк кыз-келиндер өз мекенине депортацияланат. Түркиянын Жазык кодексинин "Адам... Читать дальше...

12-декабрда Чүй, Талас, Ош, Жалал-Абад, Баткен, Нарын облустарынын кээ бир райондорунда жаан, кар, тоо этектеринде жана тоолуу райондордо кар жаашы мүмкүн. Абанын температурасы: Чүйдө түнкүсүн -3…+2, күндүз +8…+13; Таласта түнкүсүн -2…3, күндүз +9…+14; Баткенде, Ошто, Жалал-Абадда түнкүсүн -2…+3, күндүз +9…+14; Ысык-Көлдө түнкүсүн -3…-8, күндүз +3…+8; Нарында түнкүсүн -9…-14, күндүз -2…+3; Бийик тоолуу райондордо түнкүсүн -17…-22, күндүз -3…-8 градус болот. Бишкекте кар жаабайт. Абанын температурасы түнкүсүн 0…2°... Читать дальше...

Пакистан сотунда 2008-жылы Индиянын Мумбай шаарындагы кандуу чабуулду уюштурууга шектүү деп эсептелген согушкер Хафиз Саидге «Терроризмди каржылоо» беренеси боюнча айып тагылды. Бул тууралуу «Эркин Европа/Азаттык» радиосуна Пенжаб полициясынын терроризмге каршы күрөш башкармалыгынын кызматкери Мухаммад Тахир билдирди. Хафиз Саидге айып тагылган сот жараяны катуу кайтаруу менен өттү. Анын адвокаты Саид өзүн күнөөсүз деп эсептей турганын айтты. «Лашкари Таиба» уюмунун негиздөөчүсү жана башка согушкер топтун башчысы Хафиз Саид быйыл июлда... Читать дальше...

Кыргызстанда беш-алты ири саясий партия биригип, форум өткөрүшөт. Бул тууралуу “Бүтүн Кыргызстан” партиясынын лидери Адахан Мадумаров билдирди. Ал партиясынын кеңсесинде журналисттердин суроолоруна жооп берип жатып, буга чейин Кыргызстанды сактап калуу комитетин түзүүнү сунуш кылганын, коомдогу актуалдуу көйгөйлөрдү талкуулоо зарыл экенин билдирди. Мадумаров бул конференцияга кайсы партиялар кошуларын айткан жок. “Ак Шумкар” партиясынын лидери Темир Сариев мындай конференцияны өткөрүү пландалып жатканын “Азаттыкка” ырастады. Читать дальше...

Жогорку Кеңеш Тартип бузуу жөнүндө кодекске жана Жоруктар боюнча кодекске өзгөртүү киргизди.

Тажикстандын тышкы иштер министри Сирожиддин Мухриддин “Ишкобод” заставасына кол салуу болгондо аялдар менен балдар каза тапканын билдирди. Бул тууралуу министр 10-декабрда Тажикстан менен Евробиримдиктин кызматташтык кеңешинин жыйынынан кийин «Озоди» радиосунун кабарчысынын суроосуна жооп берип жатып айтты. «20 согушкерден турган топ заставага чабуул койгон. Жоочулар жок кылынган, бешөө кармалган. Күч органдары да жоготууларга учураган. Тилекке каршы, согушкерлер аялдар менен балдарды пайдаланышкан. Читать дальше...

Баш кеңсеси Нью-Йоркто жайгашкан Журналисттерди коргоо комитетинин (CPJ) 11-декабрда тараткан жаңы баяндамасында 2019-жылы кытай өкмөтү 48 журналистти камакка алганы айтылат. Бул Кытай быйыл журналисттер эң көп камалган өлкө дегенди билдирет. Уюмдун жылдык баяндамасында быйыл дүйнөдө кеминде 250 журналист камакка алынганы, былтыр бул сан 250 болгону белгиленген. Кытай биринчи орунда болсо, 47 кабарчы камалган Түркия экинчи орунда турат. Түркияда былтыр 68 журналист кармалган. Сауд Арабиясы менен... Читать дальше...

«Human Rights Watch» (HRW) эл аралык укук коргоочу уюм Өзбекстанды түрмөлөрдөгү кыйноого жана ырайымсыз мамилеге чекит коюуга чакырды. 10-декабрда жарыяланган баяндамада уюм расмий Ташкенттин эл аралык өнөктөштөрүн өлкө жетекчилиги менен жолугушууларда бул маселени козгоп турууга үндөдү. «Өзбекстан менен мамилелер кыйноону жоюу аракеттерине көз каранды болору айтылууга тийиш», деп белгиледи «Human Rights Watch». Айдын башында Бириккен Улуттар Уюмунун комитети Өзбекстан боюнча документинде 2017-2018-жылдары кыйноо тууралуу арызданып... Читать дальше...

Өкүлдөр Палатасынын Юридикалык комитети 11-декабрда президент Дональд Трампка импичмент жарыялоо боюнча ишти карай баштайт. АКШнын Өкүлдөр Палатасындагы демократтар президент Дональд Трампка импичмент жарыялоо жараянынын алкагында ага эки айып коюшту. Анда Кошмо Штаттардын 45-президенти «кызмат абалынан кыянат пайдаланды» жана «Конгресстин иликтөө ишине тоскоолдук кылды» деп күнөөлөнүп жатат. Бул тууралуу 10-декабрда Өкүлдөр Палатасынын спикери Нэнси Пелоси билдирди. Дональд Трампка «өлкөнүн... Читать дальше...

«Азаттык» радиосу жемкорлукка каршы күрөштү күчөтүү боюнча жарыялаган сынакка келип түшкөн материалдарды жарыялоону улантат.

Пакистандын соту 11-декабрдагы чечими менен мурдагы президент Асиф Али Зардарини саламаттыгына байланыштуу күрөөгө бошотту. Анда мурдагы президент ооруканада дарыланып чыгышы керек экендиги айтылды.  Мурдагы премьер-министр Беназир Бхуттонун күйөөсү, экс-президент Асиф Али Зардари быйыл июнь айында бир канча миллион долларды адалдаган деген шек менен Коррупцияга каршы кызмат тарабынан кармалган.  Ал азыр парламенттин төмөнкү палатасынын депутаты. Зардари өзүнө коюлган айыптардын баарын четке кагууда. Читать дальше...