Новости за 10.09.2022

Актаныш районының Түбән Яхшый авылында яңа төзелгән «Мирзаһит» мәчете ачылды. Бу хакта «Актаныш таңнары» газетасы яза. 

«UenFest» II төбәкара Татарстан халыклары уеннары фестивалендә Кукмара районының «Инвожо» фольклор коллективы җиңүче булды. 16-19 сентябрьдә коллектив Сочи шәһәренә һәм Россиянең иң яхшы паркларының берсе – «Сочи паркы»а барачак. Бу хакта «Хезмәт даны» газетасы яза. 

Азнакай районында ике яшьлек бала үлгән юл-транспорт һәлакәтенә бәйле җинаять эше кузгатылган. Җинаять эше, юл хәрәкәте кагыйдәләрен бозу һәм кеше үлеменә китерү маддәсе буенча алып барыла.

SARS-CoV-2 вирусы 2022 ел ахырына кадәр табигатьтә хайваннарга күчү юлы белән үзенә яңа «хуҗа» табарга мөмкин. Мондый фикерне аеруча куркыныч инфекцияләр буенча белгеч, табиб-иммунолог, медицина фәннәре докторы Владислав Жемчугов әйтте. «Российская газета» шул турыда яза.

Татарстанда узган тәүлектә Covid-19 коронавирусы белән зарарлануның 755 очрагы ачыкланган. Бер көн алдан бу күрсәткеч 689 булган. Бу турыда стопкоронавирус.рф порталы мәгълүматлары раслый.

Бүген Казахстан Республикасы Семей шәһәрендә I Иртыш буе Халыкара Сабантуе гөрләп узды. Чарага йөзләгән шәһәр халкы һәм этномәдәни үзәк вәкилләре җыелган иде.

Бүген Казахстанның Семей шәһәрендә Татарстан Республикасы Дәүләт Советы Рәисе Фәрит Мөхәммәтшин һәм Абай өлкәсе Хакиме Нурлан Уранхаевның очрашуы узды.

Бүген Азнакай-Тымытык автомобиль юлының 9нчы километрында көндезге унбердә коточкыч юл-транспорт һәлакәте булган.

Татарстанда 2,5 миллион квадрат метр торак файдалануга тапшырылган, бу еллык планның 91 проценты дигән сүз. Иң күп күләм индивидуаль төзелешкә туры килә – 12 мең 959 йорт яки планнан 104 процент, дип хәбәр итте республиканың төзелеш, архитектура һәм торак-коммуналь хуҗалык министрының беренче урынбасары Алексей Фролов. Бу хакта ул республиканың Хөкүмәт Йортында узган киңәшмәдә сөйләде.

«Төрле өлкәләр белән кызыксынды — тарих, татар әдәбияты һ.б. Шуңа күрә дә сәлкешләр белән һәрвакыт уртак тел таба иде», - диде министр.

10 сентябрьдә Башкортстанның Бәләбәй районы Мәтәүбаш авылының Сабантуй аланында традицион «Пчелотуй» уза. «Башинформ» шул турыда яза.

11 һәм 12 сентябрьдә Татарстан территориясендә һава һәм туфракта урыны белән -1 градуска кадәр суыта. Татарстан Гидрометеорология үзәге шул турыда хәбәр итте.

Саратов өлкәсе Озинки бистәсенең Җәмигъ мәчете каршындагы якшәмбе мәктәбендә квест уены узды. Россия мөфтиләр шурасы шул турыда хәбәр итте.

Татарстан китап нәшриятында шагыйрә Сания Әхмәтҗанованың «Күчеш дәвере» исемле яңа китабы чыкты.

Галим белән хушлашу «Казан нуры» мәчете янында була.

Бүген төнлә республиканың Лениногорск районы Керкәле авылында авария булган.

Кәрим Тинчурин исемендәге Татар дәүләт драма һәм комедия театры базасында яшь режиссерлар өчен курслар ачыла. Дәресләрне Тинчурин театрының баш режиссеры Туфан Имаметдинов алып барачак.

Татарстан кинорежиссёры Əмир Галиәскаров икенче мәртәбә Казан халыкара мөселман киносы фестивале питчингында отты. Əмир Галиәскаров «Алюминиевая лихорадка» проекты белән халыкара питчингта җиңде һәм 500 мең сумлык призга ия булды.

Татарстан Республикасы делегациясенең Сәмәй шәһәренә эшлекле сәфәре дәвам итә. Бүген Татарстан Республикасы Дәүләт Советы Рәисе Фәрит Мөхәммәтшин, Татарстан Республикасы Премьер-министры урынбасары, Бөтендөнья татар конгрессының Милли Шура рәисе Васил Шәйхразыев һәм башка мөхтәрәм кунаклар бөек татар шагыйре Габдулла Тукай һәйкәленә чәчәкләр салды. Бу хакта Бөтендөнья татар конгрессы хәбәр итә.

Бөтендөнья татар конгрессының Башкортстандагы вәкиллегендә Салават Әхсәновның «Күңел дәфтәреннән чыккан хисләр» дип аталган шигырьләр җыентыгын тәкъдим иттеләр. Бу хакта Бөтендөнья татар конгрессы хәбәр итә.

Республика Президенты Рөстәм Миңнеханов татарстанлыларны коронавируста белән авыручылар арту сәбәпле, саклык чараларын күрергә өндәде. Республикада авыручылар саны 1,8 тапкыр артты, дип белдерде ул республиканың Хөкүмәт Йортында узган киңәшмәдә.

Барлык социаль әһәмиятле объектларны һәм торак-коммуналь хуҗалык объектларын җылы җибәрү сезонына әзерләүне тиз арада төгәлләргә кирәк, дип белдерде Татарстан Республикасы Президенты Рөстәм Миңнеханов. Җылылык бирү сезонын тизрәк башлау бурычы салкын көзге һава торышы башлануга бәйле, дип белдерде ул республиканың Хөкүмәт Йортында узган киңәшмәдә.

Эшләүче пенсионерлар эштән киткәннән соң пенсияне индексацияләүгә исәп тота ала. Иң мөһиме – айның соңгы көнендә эштән азат ителү. Айның беренче көннәрендә эштән киткән очракта, бу ай тулысынча эшләнгән ай дип санала һәм пенсияне арттырмыйлар. «Прайм» агентлыгына Россия Халыклар дуслыгы университетының икътисад факультеты доценты Лиса Сорокина шулай дип аңлаткан. Бу хакта РИА Новости яза.

Шушы көннәрдә Татарстанда Зөя монастырен торгызуга 25 ел тулуга багышланган китап дөнья күрде. Анда бинаны торгызуда катнашкан 25 кешенең шәхси тарихы язылган. Китапта шулай ук монастырьдә торган беренче кешеләр һәм руханилар, шулай ук Татарстанның беренче Президенты Минтимер Шәймиев истәлекләре дә бар. Бу турыда Зөя монастыре җирле идарә башлыгы игумен Симеон сөйләде.

Татарстанда 2023 елда югары уку йортлары өчен «Урал-Идел буе археологиясе» дәреслеген бастырып чыгаруга әзерлек эшләре башланачак. Аны 2025 елга тәмамларга ниятлиләр. «Татар-информ» мәгълүмат агентлыгының баш мөхәррире Ринат Билалов белән әңгәмә барышында Халиков исемендәге Археология институты директоры Айрат Ситдыйков шул турыда сөйләде. Очрашу «12 нче кат» проекты кысаларында узды.