Новости за 26.09.2022

«Актаныш-информ» хәбәр иткәнчә, «Лачын» спорт мәктәбенең 9 яшь чаңгычысы 24, 25 нче сентябрь көннәрендә Җәлил бистәсендә Татарстан Республикасы беренчелеге өчен чаңгычы-йөгерешчеләр ярышында катнашты.

Пенза өлкәсенең Кузнецк шәһәрендәге 1903 нче номерлы мәчет каршында хатын-кызлар өчен якшәмбе курслары кабат башланды. Бу хакта җомга вәгазендә, шулай ук социаль месенджерларда хәбәр ителде. Россия мөселманнары Дини җыены Үзәкләштерелгән дини оешмасы шул турыда хәбәр итә.

Пензада яшәүче милләттәшебез Фирдәвес Тумеркина (Дашкина) үзенең ерак бабасы Шакир Яваев турында «Шакир-паша эзләреннән» («По следам Шакир-паши») дигән китап нәшер итте. Бу турыда Бөтендөнья татар конгрессы хәбәр итә.

Россия Президенты Владимир Путин Геннадий Красниковны биш елга Россия Фәннәр академиясе президенты итеп раслау турындагы карарны имзалады. Шундый документ хокукый мәгълүматның рәсми интернет-порталында урнаштырылган.

Пенза өлкәсенең Татар Канадысы авылында 24 сентябрьдә «Сөмбелә» бәйрәме булды. Уңыш бәйрәме Кузнецк районы администрациясе ярдәмендә үтте. Бөтендөнья татар конгрессы Пенза өлкәсе татар автомномиясенә сылтама белән шул турыда хәбәр итә.

Татарстан Республикасы Президенты Рөстәм Миңнеханов Төрекмәнстанга килде. Ул ил җитәкчелеге чакыруы буенча Төркмәнстан Бәйсезлегенең 31 еллыгына багышланган чараларда катнаша.

Камал театрына Татарстанның халык шагыйре Разил Вәлиевның иҗат кичәсенә килүчеләр аны фойедан ук котлый башлады.

Үрәзмәт авылы мәдәният йортында «Үрләр яулар Үрәзмәт» китабын тәкъдим итү кичәсе үткәрелде. Бу турыда «Мөслим-информ» хәбәр итте.

Россия Федерациясе мөселманнары Диния нәзарәте рәисе мөфти шәех Равил Гайнетдин Удмуртиядәге мәктәптә булган фаҗигагә бәйле кайгы уртаклашты. Россия Мөфтиләр шурасы шул турыда яза.

Татарстан Дәүләт Советы депутатлары Ижевск шәһәрендә фаҗигадә һәлак булучыларның туганнарының кайгысын уртаклашты. Парламентарийлар исеменнән Татарстан Дәүләт Советы Рәисе Фәрит Мөхәммәтшин Удмуртия Дәүләт Советы Рәисе Владимир Невоструев исеменә телеграмма җибәрде.

Казанның Ленин бакчасында Ижевск мәктәбенә һөҗүм корбаннарын искә алдылар. Шәһәрдә яшәүче дистәләгән кеше сквердагы мемориалга чәчәкләр һәм йомшак уенчыклар алып килде. Бу турыда «Татар-информ» хәбәрчесе яза.

23 сентябрьдә Яңа Чишмә мөхтәсибәте Үзәк мәчетенең укыту-тәрбия бинасы ачылды. Анда район башлыгы Вячеслав Козлов, бинаны торгызуда ярдәм күрсәтүчеләр, имамнар, район кунаклары һәм башка рәсми затлар катнашты.

Тикшерү комитетының соңгы мәгълүматларына караганда, Ижевскиның 88нче мәктәбенә һөҗүм аркасында 15 кеше үлгән, алар арасында 11 бала һәм 4 өлкән кеше бар. 24 кеше җәрәхәтләнгән, шуларның 22се – бала һәм икесе – олы кеше.

Республикада беренче кар яуган. Социаль челтәрләрдә Балакатай районы Билән авылы халкы 26 сентябрьдә кыш килүен хәбәр итә. «Башинформ» шул турыда яза.

Татарстан Республикасы Президенты каршындагы Татар телен һәм Татарстан республикасында яшәүче халыкларның туган телләрен саклау, үстерү мәсьәләләре комиссиясе ярдәме белән Татарстан Республикасы Язучылар берлеге 2022 елның 1 октябреннән Татар телендәге әдәби әсәрләргә яңа бәйге игълан итә.

Россия Президенты Владимир Путин Ижевскидагы мәктәпкә һөҗүмнән соң төбәк һәм федераль хакимиятләргә барлык кирәкле йөкләмәләрне бирде, ул кешеләрнең фаҗигале үлеме белән бәйле хәлгә бик нык кайгыра. Бу хакта Россия лидерының матбугат секретаре Дмитрий Песков белдерде, дип хәбәр итә РИА Новости.

Уфада 12 нче тапкыр башкорт һәм татар җырларын башкаручыларның «Идел» дип аталган халыкара фестиваль-конкурсы узачак. Чара 19 һәм 20 ноябрьдә «Башкортстан» дәүләт концертлар залында узачак, дип хәбәр итә «Башинформ».

Бүген Татарстан Сәламәтлек саклау министрлыгы Ижевскта зыян күрүчеләргә ярдәм итү өчен Казан һәм Чаллы табибларыннан торган ике бригада җибәрде. Табиблар Россия Сәламәтлек саклау министры һәм Татарстан Республикасы Президенты йөкләмәсе буенча җибәрелде. Бу хакта «Татар-информ» мәгълүмат агентлыгында министрлыктан хәбәр иттеләр.

Удмуртия Республикасы башлыгы Александр Бречаловның соңгы мәгълүматларына караганда, Ижевскның 88 нче номерлы мәктәбендәге атыш нәтиҗәсендә 13 кеше үлгән, шуларның тугызы – балалар. 23 кеше яраланган, шул исәптән 21 бала.

Сочида уза торган «Бөтен Россия – 2022» медиафорумында узган түгәрәк өстәлдә «Татмедиа» акционерлык җәмгыяте генераль директоры Шамил Садыйков медиахолдингтагы социаль юнәлештәге видеопроектлар белән таныштырды.

Татарстан Республикасы Президенты Рөстәм Миңнеханов Ижевскның 88 нче номерлы мәктәбендәге фаҗигадән соң, Удмуртия Республикасы башлыгы Александр Бречаловка кайгы уртаклашу телеграммасын җибәрде.

Бүген Пермь шәһәрендә Максим Горький исемендәге китапханәдә «Пермьдә татар фәне һәм мәдәнияте көннәре, 300 ел бергә» фәнни-гамәли конференциясе ачылды. Бу хакта Бөтендөнья татар конгрессы сайты хәбәр итә.

Россиядә өлешчә мобилизация кертелү сәбәпле, чикләрне ябу турында бернинди карар да кабул ителмәгән. Бүген бу хакта журналистларга Кремльнең рәсми вәкиле Дмитрий Песков хәбәр итте, дип яза «РИА Новости».

Сочида уза торган «Вся Россия – 2022» медиафорумында «Татмедиа» акционерлык җәмгыяте генераль директоры Шамил Садыйков мастер-класс уздырды.

Соңгы мәгълүматлар буенча, әлеге фаҗигадә корбаннар саны 13кә җиткән.