Новости за 11.09.2022

Чирмешән районының барлык мәктәпләрендә оештырылган тимурчылык отрядлары актив эшли. Бу хакта «Безнең Чирмешән» газетасы яза. 

Казан кинофестиваленең «Милли бәйге» номинациясе җиңүчеләрен Татарстан мәдәният министры Ирада Әюпова игълан итте.

Казан халыкара мөселман киносы фестиваленең гран-приын – «Иң яхшы тулы метражлы нәфис фильмы» призын «Тыныч дан» (»Тихая слава») иран фильмы алды. Кинофестиваль статуэткасы фильмның режиссеры Нахит Хәсәнзадәгә тапшырылды.

"Ибн Фадлан» документаль-нәфис фильмына Казан кинофестиваленең махсус призы бирелде. «Вакыйганың тарихи әһәмиятен чагылдыру өчен» дип аталган дипломны кинофестивальнең башкарма директоры Миләүшә Айтуганова фильмның төп режиссеры Айназ Мөхәммәтҗановка тапшырды. «Ниһаять, Болгар җилләре исте. Иң мөһиме - тамашачы фильмны тулы заллар белән карады. Бер тамашачының «Мин кайткач Коръән укыячакмын» дигән сүзләре минем өчен иң кадерле сүзләр булды», диде ул.

9 сентябрьдә Саба районының Шәмәрдән «Үсеш» лицеенда «Яшьармиячеләр» слеты узды, анда Саба муниципаль районы яшьармиячеләре җыелды. Бу хакта «Саба таңнары» газетасы яза. 

Казан кинофестиваленең махсус бүләге - Казан шәһәре мэрының призы «Галиябану» фильмына тапшырылды.

Зәй ГРЭСында «Алтын көз» мәдәни-спорт бәйрәме уздыру традициягә әйләнде. Бәйрәмдә 800гә якын энергетик катнаша. Бу хакта «Зәй офыклары» газетасы яза. 

Казан халыкара мөселман кинофестивале ябылу тантанасында Идел буе Болгар дәүләтенең рәсми рәвештә Ислам динен кабул итүнең 1100 еллыгына багышланган җыр премьерасы булды.

Татарстан һәм Казахстан бергә төшергән «Тарлан» фильмы Казан халыкара мөселман кинофестиваленең «Тамашачы мәхәббәте» призын яулады.

Татарстан Президентының «Кино сәнгатендә гуманизм» махсус призы Казахстаннан «Рух» фильмына бирелде.

Бүген, 11 сентябрьдә, Әгерҗедәге 8нче бермандатлы сайлау округында җирле үзидарә органнары депутатларын сайлыйлар. 466нчы сайлау участогына Димитров, Калинин, Камал, Энергетиклар, Чехов, Октябрьнең 50 еллыгы урамнарында яшәүчеләр килде, дип яза «Агрызские вести» газетасы.

Татарстанның Мамадыш районында Бердәм тавыш бирү көнендә беренче тапкыр катнашкан сайлаучыларга истәлеккә сувенир тапшырдылар. 18 яше тулган кешеләр сайлауда үз тавышын бирү хокукына ия. Бу хакта «Татар-информ» агентлыгына район хакимиятеннән хәбәр иттеләр.

15.00 сәгатьтә Татарстанда җирле үзидарә вәкиллекле органнарын өстәмә сайлауда тавыш бирү хокукы булган гражданнарның яртысы диярлек катнашкан. Бу хакта ТР Үзәк сайлау комиссиясенең Telegram-каналында хәбәр ителә.

Кичә кич Түбән Кама шәһәренең Химиклар проспектында «Лада Гранта» автомобиле зебрада өлкән яшьтәге кешене һәм ике яшүсмерне бәрдергән. Бу хакта «Татар-информ» агентлыгына ТР буенча Эчке эшләр министрлыгының матбугат хезмәтеннән хәбәр иттеләр.

11 сентябрьдә Татарстанда «Халык участковые» Бөтенроссия бәйгесенең беренче этабы башлана, ул инде уникенче тапкыр үткәрелә.

Татарстанда башланган Бердәм тавыш бирү көне гадәти режимда уза. Күпме сайлаучының участокларга килүе турында якынча мәгълүматлар билгеле инде. ТР Үзәк сайлау комиссиясе рәисе Андрей Кондратьев сайлаулар мәгълүмати үзәге мәйданчыгында шул хакта хәбәр итте.

Авария кичә кичә Балтач – Шәмәрдән юлында, Борбаш авылы янында булган. Биредә җиңел автомобиль юл читенә төшеп киткән. 

Менделеевск укучылары Бердәм тавыш бирү көненә кушылды – бу көнне районның барлык мәктәпләрендә Балалар Думасына сайлаулар уза. Район муниципаль берәмлеге вәкиллекле органнары депутатларын өстәмә сайлауда катнашучы олылар белән беррәттән, алар үз кандидатлары өчен тавыш бирә.

Татарстанда җирле үзидарә вәкиллекле органнары депутатларын өстәмә сайлауларда тавыш бирүчеләрнең активлыгы 36,38 процент тәшкил иткән. «Сайлаулар» дәүләт автоматлаштырылган системасы 12.00 сәгатькә шундый мәгълүматлар тәкъдим итте.

«Рубин» клубы «Велес» командасына каршы Беренче лиганың тугызынчы туры кысаларындагы уенда старт составын тәкъдим итте.

«Ибн Фадлан» фильмында Татарстан мөфтие Камил хәзрәт Сәмигуллинның төшүе өстәмә тамашачы китерәчәк дип саный кинокартинаның режиссерлары.

Бүген Түбән Камада 9нчы Шинниклар бермандатлы сайлау округы буенча дүртенче чакырылыш дәүләт Советы депутатын өстәмә сайлаулар уза. Бердәм тавыш бирү көнендә участокларда сайлаучылар өчен бай программа әзерләнгән.

Татарстан Дәүләт Советы депутатларын өстәмә сайлауларга тавыш бирүчеләрнең 2,82 проценты килгән. «Сайлаулар» дәүләт автоматлаштырылган системасы иртәнге 10га шундый мәгълүматлар тәкъдим итте.

Казан халыкара мөселман киносы фестивале кичә «Ибн Фадлан» фильмын өстәмә күрсәтте. Фильм параллель өч залда баруга карамастан тамашачы залдагы урыннарга сыймады.

Әфганстанның Сәмәнган провинциясендә 60нчы яшендә провинциянең баш аксакалы, Әфганстан татар җәмгыятенең танылган активисты һәм Бөтендөнья татар конгрессының ике съездында катнашкан Камалетдин Татар вафат булган. Бу хакта «Татар-информ» агентлыгына Әфганстан татарлары Советы башлыгы Зәбихулла Нәдери Татар хәбәр итте.