Новости за 31.08.2021

Азыркы муун өлкөбүздүн 30 жылдык эгемендик күнүн белгилөөгө татыктуубузбу же Кыргызстан өз эгемендигин кантип бекемдей алды? Жумушчу сапарларымдын биринде жакынкы өлкөлөрдүн бирине барып, эл аралык деңгээлдеги конференцияга катыштым. Иш-чараны уюштуруп, өткөрүп жаткандарды жана борбор шаарынын, региондорунун ырааттуу өнүккөнүн көрүп оозум ачылды. Сый тамак үстүндө боордош элден келген чоң даражалуу бирөөдөн Кыргызстаныбызга салыштырып, өксүп атканымды айтып муңайсам, ал кишинин мага айткан акылы таасирдүү болду. Читать дальше...

Америка Кошмо Штаттарынын мамлекеттик катчысы Энтони Блинкен Эгемендиктин 30 жылдыгына карата кыргызстандыктарга кайрылуу жасады. Ал АКШ менен Кыргызстандын ортосундагы ондогон жылдык карым-катышты, байланышты жогору баалап, мындан ары да жалпы демократиялык баалуулуктардын чегинде кызматташтык уланарына ишеничин билдирди. "Эки өлкөнүн тыгыз байланышы эки элди эле жакындатуудан тышкары адамзаттын жалпы көйгөйү болгон климаттын өзгөрүшү, улуттар аралык уюшкан кылмыштуулук менен күрөшүү кыйынчылыктарын бирге чечүүгө өбөлгө болот. Читать дальше...

Коомдогу кулмүнөз психологиядан кутулуу үчүн күчтүү мамлекеттик идеология, атуулдук аң-сезим керек. Булар менен биз чөлкөмдө өнүккөн, кубаттуу мамлекет болобуз. Мындай пикирин саясатчы Эмилбек Каптагаев "Азаттыкка" курган маегинде бөлүштү.

Октябрь райондук ички иштер бөлүмү караоке клубдан чыгып келе жаткан кызды бетке урган адамга "Ээнбаштык" беренеси менен кылмыш ишин козгоду. Бул тууралуу райондук ички иштер бөлүмүнүн басма сөз кызматы билдирди. Буга чейин социалдык тармакта тепкичтен чыгып келе жаткан кызды жанындагы адам чыканагы менен бетке тоголото койгон видео тараган. Милициянын маалыматына ылайык окуя 29-августтун түнүндө Бишкектеги караоке клубдардын биринде болгон. Караоке клубдун администраторунун милицияны чакыруу сунушунан запкы көргөн кыз баш тартып... Читать дальше...

31-августта Кыргызстандын эгемендик алганына 30 жыл толду. Өлкө 1991-жылы көз карандысыздыгын жарыялаган. Бул аралыкта алты президент алмашты, алардын үчөөнүн бийлиги ыңкылап жолу менен жаңыланды. Сырттан жасалган кол салуу, ички нааразылыктарды күч менен басуу жана улуттар аралык кагылыш мамлекеттеги талылуу окуялардан болуп калды. Ушундай кыйчалыш учурлар республиканы бирде өргө тартып, бирде артка кетирип олтурду. "Азаттык" Кыргызстан баштан кечирген окуяларды хронологиялык тартипте тизип, эстеп, талдап көрүүгө аракет кылды. Читать дальше...

Эгемендиктин 30 жылдыгына арналган Бишкектеги "Ала-Тоо" аянтында президент Садыр Жапаров бүгүн, 31-августта сөз сүйлөп жатат. Ал 2020-жылдагы оор экономикалык абал, пандемиянын кесепеттери тууралуу айтып, өзү бийликке келгенде бюджет бош болгонун айтты. "2020-жылы пандемияга байланыштуу Кыргызстандын экономикалык өнүгүү темпи 8,6% төмөндөгөн. Азыркы учурда пандемия уланып жатат. Бирок ага карабастан 2021-жылдын жети айында экономикалык активдүүлүк акырындап калыбына келүүдө. Мен президент болуп келгенде бюджет бош... Читать дальше...

Окуя 29-августта өлкө чемпионатында "Токусима Вортис" менен "Ависпа Фукуока" командаларынын беттешинде болгон.

Спорттук мелдеште катышуучулар ар кыл дистанцияда сууда сүзүп, велосипед тээп, жөө чуркап күч сынашат.

Коронавируска каршы республикалык ыкчам штабдын 31-августтагы маалыматына караганда, Кыргызстанда бир суткада коронавирустан төрт киши каза болду. Жалпысынан өлкөдө коронавирустан каза болгондордун расмий саны 2 528 адамга жетти. Соңку бир күн ичинде вирус дагы 145 адамдан табылды. Өлкөдө бул оору жуккандардын расмий катталган жалпы саны 175 714 адамга жетти. Бир күндө 360 ​адам айыгып чыкты. Азыр ооруканада 1 071 адам жатат, дагы 914 ​бейтап үйдөн дарыланууда. Жалпы айыккандардын саны 169 777​ киши. Читать дальше...

Өзбекстандын Тышкы иштер министрлиги (ТИМ) өлкө талибдердин режиминен качып жаткан ооганстандыктар үчүн чек арасын ачууга даяр экени жөнүндөгү маалыматты четке какты. Буга чейин Reuters агенттиги Өзбекстанга барган Германиянын тышкы иштер министри Хайко Мааска шилтеме кылып, Ташкент Ооганстандагы талибдердин запкысынан коркуп, өлкөдөн чыгып кетүүнү көздөгөн Германиянын тизмесинде турган жарандарга чек арасын ачууга даяр экенин кабарлаган. "Коопсуздукту камсыз кылуу максатында учурда өзбек-ооган чек арасы толук жабык. Читать дальше...

Түркмөнстандын президенти Гурбангулы Бердымухамедов ооганстандык качкындар өлкөгө киргизилбей турганын расмий түрдө ырастады. Бул тууралуу ал 29-августта Европа Кеңешинин президенти Шарль Мишель менен телефон аркылуу сүйлөшкөндө айтты. Түркмөнстандын мамлекеттик маалымат агенттиги жазгандай, өз сөзүндө Бердымухамедов азыркыдай жеңил эмес эпидемиологиялык шартта качкындарды кабыл алуу боюнча туура чечимдер болушу керектигин белгиледи. "Азыр адам өмүрү үчүн кооптуу болуп жаткан коронавирус инфекциясынын... Читать дальше...

Жарандык активисттер телефон сүйлөшүүлөрүн тыңшоого уруксат берген кызматкерлерди жоопко тартууну талап кылууда. Нурбек Токтакунов, Клара Сооронкулова, Сания Токтогазиева жана башка он чакты активист тараткан билдирүүгө ылайык, Биринчи Май райондук соту 6-январда жүздөн ашуун адамдын телефонун тыңшоого уруксат берген токтом чыгарган. Буга ИИМдин тергөө кызматынын башчысы А. Жумабаевдин өтүнүчү негиз берген. Тергөө кызматы жүздөн ашуун адамдын иши былтыр 5-октябрдагы Ак үйдү басып алуу боюнча... Читать дальше...

Кыргызстандын экс-президенти Роза Отунбаева Эгемендиктин 30 жылдыгына карата “Азаттыкка” маек куруп, Эгемендиктин барк-баасы, көз карандысыз мамлекет куруудагы кыйынчылыктар, соңку 30 жылдагы өлкөдөгү олку-солкулуктун себептери жана сабактары, прогресстивдүү коом куруу тууралуу пикирин билдирди.

Ички иштер министрлигинин экстремизмге жана мыйзамсыз миграцияга каршы кызматы Бишкек шаарында, Ысык-Көл жана Чүй облусундагы чет өлкөлүк жарандарга, алардын ичинде Кыргызстандагы окуу жайларда окуган чет өлкөлүк студенттерге түшүндүрүү иштерин жүргүзүп жатат. Аларга Кыргызстанда жүрүү тартиби, санитардык-эпидемиологиялык эрежелер тууралуу маалымат берилди. Ал эми транзит аркылуу үчүнчү өлкөлөргө кете турган жарандарга мейманкана жана үйлөрдөн зарылчылыгы жок чыкпоо эскертилди. Бул тууралуу Ички... Читать дальше...

Борбордук шайлоо комиссиясы (БШК) 28-ноябрга дайындалган Жогорку Кеңештин депутаттарын шайлоодо үгүт жүргүзүү жараянына катышуучу маалымат каражаттарын жана интернет-басылмаларды каттай баштады. Боршайкомдун маалымдашынча, аккредитациядан өтүүгө документтерди кабыл алуу 18-сентябрда аяктайт. БШК парламенттик шайлоодо үгүт жүргүзүү жараянына аймактардагы маалымат каражаттарын жана интернет-басылмаларды жигердүү катышууга чакырды. Маалыматта Боршайком шайлоо өнөктүгүнүн жүрүшү, шайлоо комиссияларынын... Читать дальше...

Бүгүн, 31-августта Жамааттык коопсуздук келишим уюмунун Баш катчысы Станислав Зась Кыргызстанга келет. Тышкы иштер министрлигинин маалыматына караганда, ал Кыргызстанда 2-сентябрга чейин болот. Сапар алкагында баш катчы өлкө жетекчилери, аскер башчылары менен жолугат. Жолугушууда Станислав Зась ЖККУнун 15-16-сентябрда Тажикстандын борбору Дүйшөмбү шаарында өтө турган кезектеги сессиясына даярдыкты талкуулайт. Мындан тышкары уюм алкагындагы аймактардагы кырдаал тууралуу маалымат берет. Дүйшөмбү... Читать дальше...

Эгемендиктин 30 жылдык мааракесин майрамдоо салтанатын уюштуруу жана өткөрүү иштери учурунда Бишкектин бир нече көчөсү саат 02:00 тартып жабылат. Мэриянын басма сөз кызматы кабарлагандай, Чүй проспекти менен Абдумомунов көчөсү Орозбеков көчөсүнөн Эркиндик көчөсүнө чейин жабык болот. Аскер парадына катышуучу атайын техникалардын жүрүүсүнө шарт түзүү үчүн Валиханов, Чүй, Тыныстанов, Гоголь көчөлөрү, Чүй жана Фучик көчөлөрүнүн кесилиши, Профсоюзный көчөсү да жабылат. Отуз жылдык мааракеге байланыштуу бүгүн... Читать дальше...

Президент Садыр Жапаровду Кыргызстандын Эгемендигинин 30 жылдыгы менен бир нече өлкөлөрдүн мамлекет башчылары куттукташты. 30-августта Түркиянын мамлекет башчысы Режеп Тайып Эрдоган, Өзбекстандын президенти Шавкат Мирзиёев жана Европа Кеңешинин төрагасы Шарль Мишель телефон чалып, президентти жана жалпы Кыргызстандын элин өлкө эгемендигинин 30 жылдыгы менен куттукташты. Өлкөгө өсүп-өнүгүү жана кыргызстандыктарга бакубат жашоо каалашты. Президент Жапаровдун расмий сайтындагы маалыматка ылайык,... Читать дальше...

Кыргызстан мурдагы Советтер Союзунун курамынан бөлүнүп, көз карандысыздыгын жарыялаганына бүгүн, 31-августта 30 жыл толду. Отуз жылдык мааракеге байланыштуу бүгүн борбор калаа - Бишкекте президент Садыр Жапаровдун катышуусунда салтанаттуу иш-чара өтөт. Борбордук Ала-Тоо аянтында көз карандысыздыктын 30 жылдыгына арналып аскер парады, театрлаштырылган оюн-зооктор жана концерттик программа болот. Эгемендиктин 30 жылдыгы өлкөнүн бардык аймактарында, чет өлкөлөрдөгү элчиликтеринде майрамдалат.... Читать дальше...

Уюмдун мелдеши 3-сентябрда Москва шаарында өтөт. Ал Кыргызстан менен Россиянын эриш-аркак жылына карата уюштурулууда.