Новости за 13.10.2021

Германиянын бийлиги Беларус жана Польша аркылуу келген мигранттардын саны көбөйүп жатканын билдирди. Федералдык полициянын 13-октябрдагы маалыматына ылайык, август айынан бери Германияга мыйзамсыз жолдор менен келген чет өлкөлүктөрдүн саны 4300дөн ашты. "Беларус багыты" аркылуу Германиянын аймагына кирген жана документи жок мигранттардын арасында Ирактын, Сириянын, Йемендин, Ирандын жарандары бар. Алардын көбү Германиянын Бранденбург штатындагы убактылуу борборлорго жайгаштырылып жатат. Брюсселдеги... Читать дальше...

Милиция өз кызын эки жылдан бери зордуктап жүргөн деген шек менен Жумгал районунун тургунун кармады. Ал буга чейин аялынын өлүмүнө себепкер болуп, сегиз жыл абакта отуруп чыккан. Жумгал районунун 54 жаштагы тургуну 13 жаштагы өз кызын зордуктап жүргөн деп шек саналууда. Милициянын маалыматына караганда, ал мындай ыплас аракетти кызына эки жылдан бери жасап жүргөн. Кылмышка шектүү Жумгал райондук ички иштер бөлүмүнүн убактылуу кармоочу жайында камалган. Райондук сот аны эки айга камакка алуу чечимин чыгарган. Читать дальше...

Жогорку Кеңештин депутаты Бактыбек Райымкулов Бажы кызматынын төрагасынын мурдагы орун басары, коррупция үчүн соттолгон Райымбек Матраимовду коргоп чыкты, аны "командага кошо турган учур келди" деп билдирди. 13-октябрда Жогорку Кеңеште өкмөттүн жаңы курамы талкууланып жатканда ал бийликке сын айткандарды “бөлөк мамлекеттин кызыкчылыгын коргогондор” деп атады жана аларга карата чара көрүүнү Улуттук коопсуздук боюнча мамлекеттик комитеттин төрагасы Камчыбек Ташиевден суранды. "Биздин кыргыздын мыкты жигиттерин каралап келишет. Читать дальше...

Жогорку Кеңештин депутаты Бактыбек Райымкулов бейөкмөт уюмдар боюнча мыйзамды дагы күчөтүш керек деп эсептейт. Мындай пикирин ал бүгүн 13-октябрда парламенттин жалпы жыйынында айтты. Райымкулов коррупцияга каршы күрөш маселесин көтөргөн депутат Дастан Бекешевди “туура эмес сүйлөдү” деп сындап, бийликке сын айткандарды “бөлөк мамлекеттин кызыкчылыгын коргогондор” деп атады жана аларга карата чара көрүүнү Улуттук коопсуздук боюнча мамлекеттик комитеттин төрагасынын милдетин аткаруучу Камчыбек Ташиевден суранды... Читать дальше...

Тажикстандын президенти Эмомали Рахмон Белгиядагы расмий сапарын аяктап, 12-октябрда Брюсселден Парижге барды. Тажик лидеринин басма сөз кызматы билдиргендей, расмий сапардын алкагында Рахмон президент Эммануэль Макрон баштаган француз жетекчилери менен жолугат. Ооганстандагы "Талибан" кыймылынын бийликке келиши менен коштолгон соңку кырдаал Париждеги сүйлөшүүлөрдө башкы тема болору күтүүдө. Эмомали Рахмон Европага сапарынын алдында Тажикстандагы саясий туткундарды коргоо комитети Европарламенттин жетекчилигине кайрылуу жолдоп... Читать дальше...

12-октябрда Түркиянын Текирдаг аймагында жашаган 31 жаштагы кыргызстандык келинди кайнатасы өлтүрүп, денесин бөлүп, таштандыга ыргытып жибергенин жергиликтүү "Демирөрен" кабар агенттиги кабарлады. Кыргызстандык келиндин эки баласы бар экени, окуя болгон түнү күйөөсү жумушта болгону айтылды. Стамбулдагы Башкы консулдук Текирдаг аймагына кызматкерлери кеткенин, үрөй учурган окуя боюнча териштирүү иштерин жүргүзүп жатканын "Азаттыкка" билдирди. Басылма жазгандай, полиция шектүүгө  "адам өлтүрүү" беренеси боюнча кылмыш иши козгоп... Читать дальше...

Америкалык миллиардер Жефф Безостун Blue Origin компаниясы 13-октябрда 90 жаштагы канадалык актер Уильям Шетнерди космоско учурганы жатат. Космостук кеме Бишкек сааты боюнча 20:00дө АКШнын Техас штатынан учуп чыгары кабарланган. Эгер бул сапар ийгиликтүү болсо, анда Шетнер космосту көргөн дүйнөдөгү эң улгайган адам болуп калат. Аны менен кошо космоско НАСАнын мурдагы инженери Крис Бошуизен, клиникалык изилдөөлөр багытында иш алып барган бизнесмен Глен де Врис жана Blue Origin компаниясынын вице-президенти, инженер Одри Пауэрс да учат. Читать дальше...

Өкмөттүн жаңы курамында гендердик тең салмактуулук  камсыз кылынат. Бул тууралуу 13-октябрда Жогорку Кеңеште депутаттардын суроолоруна жооп берип жатып Министрлер кабинетинин төрагасынын милдетин аткаруучу Акылбек Жапаров билдирди. “Жакынкы арада биз буга өзгөчө көңүл бурганга аракет кылабыз. Бул президент Садыр Нуркожоевичтин тапшырмасы. Бул багытты оңдогонго аракет кылабыз”. Талкуу учурунда депутат Наталья Никитенко өкмөттүн сунушталып жаткан курамында гендердик өкүлчүлүк жөнүндөгү мыйзам бузулганын айткан. Читать дальше...

13-октябрда АКШнын Жогорку соту Бостон шаарындагы жардыруу боюнча айыпталган Жохар Царнаевге чыккан өлүм жазасын калыбына келтирүү маселеси боюнча аргументтерди уга баштайт.  Былтыр Кошмо Штаттардагы доо арыздар боюнча төмөнкү инстанциядагы сот Царнаевди күнөөлүү деп тапкан сот арачылары толук текшерүүдөн өтпөгөнүн белгилеп, өкүм боюнча кайрадан сот болушу керек деген бүтүмгө келген. Бирок мурдагы президент Дональд Трамптын тушунда АКШнын Юстиция министрлиги бул чечимге каршы арызданган жана бул арыз президент Жо Байдендин тушунда да уланган. Читать дальше...

Сары-Челекке жаңгак терүү үчүн топ-топ болуп келген элден улам милиция кызматкерлери да корук кайтарууга тартылды. Бул маалыматты коруктун жетекчиси Эрнис Токобаев ырастады. Анын айтымында, коруктагы жаңгак быйыл жакшы түшүм берген. Мындан улам ар тараптан жаңгак терүүгө келгендер корук кызматкерлерин түйшүккө салып жатат. 1-октябрдан тарта ондой милиция кызматкери корукчуларга көмөктөшүп жатат. 60 жыл мурун көлдүн айланасында Сары-Челек коругу уюшулган.  24 миң гектар жерди ээлеген корукта дарылык касиети бар өсүмдүктөрдүн 1000ге жакын... Читать дальше...

Кыргызстан менен Кытайдын чек арасындагы көзөмөл-өткөрмө бекеттерине киргизилген чектөөлөр толук алынды. Бул тууралуу 13-октябрда Жогорку Кеңештин жалпы жыйынында маалымат берип жатып Министрлер кабинетинин төрагасынын милдетин аткаруучу Акылбек Жапаров билдирди: “Эки күндөн кийин “Торугарттан” 32 эмес, 64, “Эркеч-Тамдан” 22 эмес, 44 машина кире баштайт. Кытайдын талаптарынын баарын толук аткарып бүттүк. “Торугарт” бүгүнтөн баштап тоскоолдуксуз иштей баштады. “Эркеч-Там” эки-үч күндө баштайт”.... Читать дальше...

Өткөн аптада Стамбул полициясынын Терроризмге каршы башкармалыгы жана Түркиянын Улуттук чалгындоо уюму тыңчылыкка жана уюшкан кылмыштуу топ түзүүгө шектелген ондогон чет өлкөлүк жаран кармалганын кабарлаган. Алардын арасында орусиялык, ооганстандык жарандар бар экени айтылууда. 10-октябрда Түркиянын Улуттук чалгындоо уюму тыңчылыкка шектелген алты чет өлкөлүк жаранды кармаганын билдирди. Habertürk басылмасы жазгандай, кармоо операциясы Анталияда жана Стамбулда өткөрүлдү. Шектүүлөрдөн үч тапанча алынган. Читать дальше...

Бишкекте бала асырап алуу ишине көмөк көрсөтүү убадасын берген акимчиликтин кызматкери кармалганын "Азаттыкка" Бишкектин Октябрь райондук милициясынын басма сөз кызматы билдирди. Маалыматка караганда, Бишкектеги акимчиликтин биринде иштеген кызматкер бала асырап алуу ишине жардам берүүнү убада кылып, шаар тургунунан 3 миң доллар  сураган. Акчасын алып, убадасын аткарбай койгонун айтып, ал жаран 6-октябрда милицияга кайрылган. Факт Кылмыштардын жана жоруктардын бирдиктүү реестрине "Алдамчылык" беренеси менен катталып... Читать дальше...

Кытай өкмөтү Европага Кыргызстан аркылуу да товар ташууга кызыкдар болууда. Бул тууралуу 13-октябрда Жогорку Кеңеште депутаттардын суроолоруна жооп берип жатып Министрлер кабинетинин төрагасынын милдетин аткаруучу Акылбек Жапаров билдирди: “Кытайда экономика катуу өсүп жатат. Сегиз пайыздан өттү. Товары аябай көп. Америка менен соода-сатык каршылыктары болгондуктан океан менен барган товарларга бөгөт коюлуп, азыр биз аркылуу Европага товар ташыйбыз деп жатышат. Бизден кетип жатат, өзүбүздүн алган милдеттерибизди так аткара албай ... Читать дальше...

Орусиянын баш калаасы Москвада акыркы эки апта ичинде COVID-19га чалдыккан мектеп окуучуларынын саны 42 пайызга, ал эми акыркы бир ай ичинде 2,5 эсе көбөйдү. Бул тууралуу шаршемби күнү Москванын мэринин орун басары Анастасия Ракова билдирди. Анын айтымында, соңку бир айда орус баш калаасында коронавирустун жаңы түрлөрүн жугузуп алган 280 мектеп окуучусу ооруканага жаткырылды. Азырынча Москванын бийлиги мектептерди аралыктан билим берүү тартибине өткөрө элек. Кеминде 10 мектепте окуучуларды экспресс-тесттен... Читать дальше...

"Хьюман Райтс Уотч" (HRW) укук коргоо уюму Өзбекстандагы президенттик шайлоого талапкерлерди каттоого байланыштуу чектөөлөрдү сындап, өлкөдө адам укуктары багытында "артка чегинүүлөр" бар экенин билдирди. Баш кеңсеси Нью-Йоркто жайгашкан бул уюм мындай мазмундагы билдирүүсүн 13-октябрда таратты. Анда уюм Өзбекстанда каттоодон өткөн партиялар көрсөткөн талапкерлер гана президенттик шайлоого катыша алат деген талап "кеңири саясий топторду саясий өнөктүктөн обочодо калтырып койгонун" белгиледи. Ал... Читать дальше...

Жогорку Кеңештин 13-октябрдагы жыйынында депутат Дастан Бекешев менен Улуттук коопсуздук боюнча мамлекеттик комитеттин (УКМК) төрагасынын милдетин аткаруучу Камчыбек Ташиевдин ортосунда Бажы кызматынын төрагасынын мурдагы орун басары Райымбек Матраимовго байланыштуу кайым айтышуу болду. Бекешев “Министрлер кабинетинин айрым мүчөлөрү “кустуризация” болуп жаткандардын тоюна барганын бир столдо отурганын көрүп, көптөгөн жаштар өлкөдөн кетип калгысы келүүдө. Алар мунун баарын көрүп көңүлү калууда.... Читать дальше...

Жалал-Абад облусунун Сузак районунда тамак-ашка ууланган 70тей тургун ооруканага кайрылды. Бул тууралуу "Азаттыкка" 13-октябрда райондук жалпы дарыгерлер тажрыйба борборунун жугуштуу оорулар бөлүмүнүн башчысы Асадилла Мурсалиев билдирди. Анын айтымында, Бек-Абаддагы ооруканага бейтаптар 11-октябрдын түнүнөн тартып кайрыла баштаган. Учурда ооруканада 14 бейтап дарыланууда. Алардын төртөө жаш бала, арасында кош бойлуу аял да бар. Бейтаптар өзүлөрү жылкы этинен ууланышы мүмкүндүгүн айтууда. Маалым болгондой... Читать дальше...

Европа Биримдиги Украинага көбүрөөк колдоо көрсөтөрүн убада кылды. Бул тууралуу 12-октябрда Киевде украин лидерлери менен Еврокомиссиянын төрайымы Урсула фон дер Ляйен жана Еврокеңештин жетекчиси Шарль Мишель өткөргөн саммит учурунда айтылды. Анда бирдиктүү авиациялык мейкиндик боюнча макулдашууга кол коюлду. Украинанын президенти Владимир Зеленский Киев Евробиримдикке кирүү шарттарын аткарып жатканын айтып, бул боюнча көрсөтүлүп жаткан жардамга ыраазычылык билдирди. Киевде Евробиримдик менен Украинанын 23-саммити өтүп... Читать дальше...

14-октябрда Кыргызстандын аймагында жаан-чачын жаабайт. Абанын температурасы: Чүй облусунда түнкүсүн 0...5, күндүз 13…18; Талас жергесинде түнкүсүн 0...5, күндүз 10…15; Баткен, Ош, Жалал-Абад дубандарында ​түнкүсүн 2…7, күндүз 16…21; Ысык-Көл облусунда түнкүсүн -1…+4, күндүз 11…16; Нарын облусунда түнкүсүн -4…+1, күндүз 10…15; Бийик тоолордо түнкүсүн -15…-20, күндүз -1…-6; Бишкекте жаан-чачын жаабайт. Абанын температурасы түнкүсүн 3…5, күндүз 15…17 градус жылуу болот.

Казакстандын президенти Касым-Жомарт Токаев Азиядагы өз ара аракеттенүү жана ишеним чаралары боюнча кеңештин жаңы түзүлгөн Аксакалдар кеңешинин төрагалыгына Нурсултан Назарбаевди сунуштады. Бул тууралуу Токаев кеңештин делегацияларынын Нур-Султан шаарындагы жыйынында айтканын "Акордонун" расмий сайты кабарлады. "Биринчиден, Аксакалдар кеңешинин төрагалыгына Азиядагы өз ара аракеттенүү жана ишеним чаралары боюнча кеңештин негиздөөчүсү, Казакстандын биринчи президенти Нурсултан Назарбаевдин талапкерлигин көрсөтүү ... Читать дальше...

"Мен - Малала" аттуу китептин бет ачары 13-октябрда Кант шаарындагы Чүй облустук китепканасында өттү. Иш-чарага китепти кыргыз тилине которгон Бактынур Абдиева жана мектеп окуучулары катышты. Китепте талибдердин аялзатынын билим алуусуна тыюу cалганына каршы күрөшкөн кыздын тагдыры баяндалат. Малала Юсуфзай - бүткүл дүйнөдөгү аялзатынын жалпы билим алуусун көздөгөн пакистандык жигердүү кыз. Ал Нобел тынчтык сыйлыгынын эң жаш лауреаты. Малала аскер кабарчысы Кристина Лэмб менен бирдикте өз өмүр баянын жазган. Читать дальше...

Кыргызстанда жакынкы күндөрү дары-дармек кескин арзандайт. Бул тууралуу 13-октябрда Улуттук коопсуздук боюнча мамлекеттик комитеттин (УКМК) төрагасынын милдетин аткаруучу Камчыбек Ташиев Жогорку Кеңеште билдирди. Депутаттардын фармакологиядагы мафия тууралуу суроосуна жооп берип жатып Ташиев бул уюшмага мамлекеттик кызматта иштегендер да аралашып кеткенин белгилеп, Дары-дармек менен камсыздоо департаментинин айрым адистери тергөө абагына отургузулганын, башка да адамдар боюнча иш жүрүп жатканын айтты... Читать дальше...

Абактагы оппозициячыл саясатчы Равшан Жээнбеков парламенттик шайлоого талапкер болуп катталуу үчүн Борбордук шайлоо комиссиясына арыз тапшырды. 12-сентябрда Борбордук шайлоо комиссиясына Равшан Жээнбековду абак кызматкерлери коштоп келди. Кой-Таш окуясы боюнча айыпталып жаткан саясатчы парламенттик шайлоого Бишкек шаарынын Ленин районунан талапкер болууга арыз тапшырды. Жээнбеков талапкер болуп катталууга мыйзам жол берерин айтып, “эгер каттабай койсо, бийликтин каршылаштарына бут тосуу аракети катары бааланат” дейт. Читать дальше...

Өкмөттүн жетекчилигине сунушталып жаткан Акылбек Жапаров мындай мүмкүнчүлүк ага жана анын муунундагы саясатчыларга акыркы жолу берилип жатышы ыктымал деп эсептейт. Бул тууралуу ал бүгүн 13-октябрда парламентте сүйлөп жатып айтты.  Жапаров эгемен Кыргызстандын тарыхындагы окуяларга ал да жооптуу экенин белгиледи: “Мен биздин муундагы саясатчылар сыяктуу эле 30 жылдын ичинде өлкөбүздө болуп жаткан окуяларга жооптуубуз. Бирок азыркы биздин муундагы саясатчылар үчүн дагы бир жолу, балким, акыркы шанс берилип жатат. Читать дальше...