Новости за 14.12.2021

Жогорку Рада Донбасста Украина үчүн согушкан чет элдик ыктыярчылар жана саясий көз карашынан улам куугунтукка кабылган орусиялыктар үчүн украин жарандыгын алуу тартибин жөнөкөйлөттү. УНИАН агенттиги кабарлагандай, айрым адамдардын паспортту жөнөкөй шарт менен алуусуна багытталган “Украинанын жарандыгы жөнүндө” мыйзамына сунушталган өзгөртүүлөрдү Жогорку Раданын 285 депутаты колдоду. Бул мыйзам саясий ишеними боюнча куугунтукка алынган Орусиянын жарандарынын,  Куралдуу күчтөрдө келишимдик негизде... Читать дальше...

Кыргызстандын Улуттук коопсуздук  комитети “Күрд жумушчу партиясы” террордук уюмунун мүчөсү аныкталып, кармалганын кабарлады.   Атайын кызмат  14-декабрда тараткан маалыматка ылайык, шектүү Сирия, Ирак мамлекеттериндеги согуштарга катышып, эл аралык издөөдө жүргөн. Орусиянын күч түзүмдөрү менен биргеликте жүргүзгөн ыкчам-издөө иш аракеттердин негизинде ал Москва шаарында жасалма документтер менен жашырынып жүргөн жеринен кармалган. Шектүү Талас облусунун тургуну. Орусиядан Кыргызстанга 12-декабрда экстрадицияланды. Читать дальше...

Министрлер кабинетинин төрагасынын орун басары Эдил Байсалов коронавирустун “омикрон” штаммы Кыргызстанга 2022-жылы келиши мүмкүн экенин билдирди. Өкмөттүн басма сөз кызматы билдиргендей, Байсалов Кытайдын 1,5 млн. доза Sinopharm вакцинасын алуу иш-чарасында  элди, өзгөчө улгайган жана өнөкөт оорулары бар жарандарды эмделүүгө чакырды. “Биз келерки жылдын орто ченинде жаңы omicron штаммынын пайда болушун күтүүдөбүз. COVID-19 инфекциясы күчөшү ыктымал жана ага чейин жарандар эмдөөдөн өтүүгө үлгүрүшү керек. Читать дальше...

Каржы министрлиги Жогорку Кеңештин депутаты Осмон Турдумамбетовдун Кумтөр кенинде өндүрүлгөн алтындын сатылышы жана сакталышы жөнүндө суроосуна жооп кайтарды. Маселе “Кыргызалтын” мамлекеттик ишканасына тиешелүү экенин мекеменин сайты жазып чыкты. Анда “Кумтөр Голд Компани” ишканасы 2020-жылы республикалык бюджетке 9 млрд. 113,7 млн. сом төгүүнү пландап, 9 млрд. 618,7 млн. сом төккөнү да айтылган. Ал эми 2021-жылдын 11 айында 6 млрд. 998,8 млн. сом төккөн. Жогорку Кеңештин Бюджет жана финансы... Читать дальше...

Тышкы иштер министри Руслан Казакбаев Кытайдын Кыргызстандагы элчиси Ду Дэвэнь менен жолукту. Жолугушуу 14-декабрда болгонун мекеменин басма сөз кызматы маалымдады. Эки тарап кыргыз-кытай кызматташтыгынын актуалдуу маселелери боюнча пикир алмашып, буга чейинки макулдашууларды ишке ашыруунун жүрүшүн талкуулашты. Министр Казакбаев жүк ташуу маселесине көңүл буруп, Түштүк Кореядан Кыргызстанга товар ташыган ишкерлер Кытайдын Циндао жана Ляньюньган деңиз портторунда кыйынчылыкка туш болуп жатканы жөнүндө маалымат берди. Читать дальше...

Орусиянын президенти Владимир Путин Украинага жакын чек арада чыңалуу күчөгөн шартта АКШ жана НАТО менен коопсуздук кепилдиги тууралуу “тез арада” сүйлөшүү жүргүзүүнү сунуштады. Путин 14-декабрда финляндиялык жана франциялык кесиптештери менен телефондон сүйлөшкөндө бул талабын кайра кайталаганын Кремлдин маалымат кызматы кабарлады. Украина менен Батыш Орусиянын чек арага жакын жерде аскерлерин топтоп, аскер кубаттуулугун арттырып жатканын айыпташкан. Орусиянын расмийлери Москванын кандайдыр бир чабуулга даярданып жатканын четке кагып... Читать дальше...

Бозгунда жүргөн беларус оппозициясынын лидери Светлана Тихановская күйөөсү, блогер Сергей Тихановскийдин 18 жылга кесилгени тууралуу комментарий берди. "Сергейди Лукашенко жеке душманы деп эсептесе керек. Ошондуктан бул жаза анын жеке өч алуусу болду", - деди ал. Беларустун президенттигине талапкерлигин коюуну пландап жүргөн видеоблогер Сергей Тихановский 14-декабрда 18 жылга кесилди. Тополоң уюштурган деп айыпталган Тихановский жана аны менен кошо айыпталган адамдардын соту Гомел шаарындагы тергөө абагында жабык каралды. Читать дальше...

Ирандык "Персеполис" командасынын чакыруусу аркылуу Тегеранга барган эки тажик футболчусу менен келишим түзүлө электиги кабарланды. Вахдат Ханонов менен Манучехр Сафаров учурда Тегерандагы мейманканалардын биринде жашап жатканын билдиришти. Бул тууралуу "Озоди" радиосу кабарлады. Эки футболчунун Ирандын командасына өткөнү тууралуу кабар соңку эки айда эки өлкөнүн маалымат каражаттарында эң көп талкууланды. Алар буга чейин Ирандагы «Персеполис» командасы менен биргеликте бир нече ирет машыгып... Читать дальше...

Чаткалдагы Терек-Сай айылынын тургундары 13-декабрда жолду бууп, боз үй тигишкен. Мурдагы президент Аскар Акаев "Кумтөр иши" боюнча Кыргызстанга келди. Беларус оппозициясынын лидерлери узак мөөнөткө абакка кесилди.

Айыл чарба министрлиги Улуттук статистика комитети менен биргеликте өлкөдөгү малдын башына санак жүргүзүү жөнүндө буйрук чыгарып, иш-план бекитилди. Бул тууралуу мекеменин басма сөз кызматы маалымдады. Буйрукка ылайык, өлкө аймагындагы мал-жандыктарды жана үй канаттууларын кайра каттоого алуу жыл аягында башталып, жыйынтыгы 2022-жылдын 16-февралында белгилүү болот. Атайын адистер ар бир үй, дыйкан чарба сыяктуу мал кармоого ылайыктуу жайдын баарынын короосуна милдеттүү түрдө кирип, санап чыгышат. Читать дальше...

Бишкектин Октябрь райондук ички иштер бөлүмүнүн жашы жете электер менен иштөө боюнча инспекторлору TikTok социалдык тармактарында адам өмүрүнө коркунуч келтире турган видеолорду тартуу популярдуу болуп жатканына байланыштуу окуучуларга түшүндүү иштерин жүргүзүүдө. Бул тууралуу мекеменин басма сөз кызматы маалымдады. №39 мектеп-гимназиясында инспекторлор "антисептикти партада өрттөө" деген сыяктуу видеолорду атайын адистер аткарып видео тартарын, жөнөкөй мектептерде андай тасмаларды кайталабоону түшүндүрүштү. Читать дальше...

Адам укуктары боюнча Европа соту Орусиянын өкмөтүн 2017-жылы күйөөсү колунун манжаларын балталап салган Маргарита Грачевага медициналык жардам көрсөтүүгө кеткен чыгымдары үчүн 330 миң 660 евро жана моралдык зыян үчүн дагы 40 миң евро кенемте төлөөгө милдеттендирди. Сот мындай чечимди үй-бүлөлүк зомбулукка кабылган орусиялык аялдардын жамааттык доо арызынын алкагында кабыл алды. Адам укугу боюнча Европа соту Орусияны кыйноолорду, адамгерчиликсиз же кадыр-баркты басмырлаган мамилеге мыйзамдуу жаза колдонууну бузганы үчүн күнөөлүү деп тапты. Читать дальше...

Түркия менен Армения карым-катышын жөнгө салуу аракеттеринин алкагында өз ара атайын өкүлдөрдү дайындайт. Бул тууралуу Reuters агенттиги Түркиянын тышкы иштер министри Мевлүт Чавушоглуна таянып билдирди. Мындай билдирүү дүйшөмбү күнү түрк парламентинде мамлекеттик бюджет талкууланган жыйында айтылды. Мевлүт Чавушоглу Армения менен алака маселесинде түрк тарап Азербайжан менен кеңешкенин жана келечекте Баку менен да өз аракеттерин координациялай турганын белгиледи. Министр атайын өкүлдөрдү дайындоо... Читать дальше...

Беларуста оппозиция лидери Светлана Тихановскаянын күйөөсү Сергей Тихановский баштаган алты активист-блогер 14 жылдан 18 жылга чейин абакка кесилди. Аларга "жапырт башаламандык уюштуруу" сыяктуу бир нече  айып коюлган. Тихановская "Беларустун диктатору күчтүү оппоненттеринен өч алып жатканын" айтты. Беларустун түштүк-чыгышындагы Гомель шаарында көпчүлүктүн көңүл борборунда турган сот иши боюнча өкүм 14-декабрда түштөн кийин чыкты. Ага ылайык, белгилүү блогер Сергей Тихановский 18 жылга, “Эркин... Читать дальше...

14-декабрдагы иш-чара "Поэзия зомбулукка каршы" деп аталат. Ал Бириккен Улуттар Уюмунун жана өкмөттүн жардамы менен уюштурулган. Анда акындар Нуркыз Рыскул кызы, Акбар Кубанычбеков, Бердибек Жамгырчиев, Алтынбек Исмаилов, Мелис Маматжан уулу гендердик теңчилик, зордук-зомбулукка каршы, жаштарды тарбияга, кыз-келиндерди урматтап-сыйлоого чакырган ырларын окушту. Уюштуруучулардын айтымында, зордуктоо үчүн кармалган кылмышкерлердин көбү 18-24 жаштагылар. Андыктан бүгүнкү иш-чарага негизинен дал ушул курактагы жаштар, студенттер чакырылган. Читать дальше...

Президент Садыр Жапаров 14-декабрда окууда ийгилик жараткан 80 студентке президенттик стипендия тапшырды. Бул тууралуу мамлекет башчысынын басма сөз кызматы билдирди. Мамлекет башчы жолугушууда студенттерди окуудагы жетишкендиктери менен куттуктап, эмгеги жана өжөрлүгү үчүн ыраазычылык билдирди. Президент өз сөзүндө билим берүү тармагын реформалоо боюнча программаны ишке ашыруунун жол-жоболору каралып жатканын да айтты. "Бала бакчалардан тарта жалпы билим берүүчү орто мектептерди, жогорку жана... Читать дальше...

Блогер Сергей Тихановский 18 жылга, медиа кеңешчи Игорь Лосик 15 жылга күчөтүлгөн режимдеги колонияга кесилди. 14-декабрда Гомелдеги тергөө абагынын аймагында "Тихановскийдин иши" боюнча өкүм чыкты.  Бул Беларустагы 2020-жылдагы президенттик шайлоо өнөктүгү жана ага каршы нааразылык акцияларынан кийинки эң жогорку жаза мөөнөтү. Буга чейин президенттикке талапкер Виктор Бабарико 14 жылга, Мария Колесникова 11 жылга эркинен ажыратылган. Мамлекеттик "Белта" агенттиги билдиргендей, Тихановский... Читать дальше...

Таласта 16 жаштагы кыз сегиз күндөн бери дайынсыз болууда. Бул тууралуу "Азаттыкка" облустук милициянын басма сөз кызматы билдирди. Маалыматка караганда, Бүбүсара Түркменова 5-декабрда Талас шаарынын Сатаев көчөсүндөгү 36-үйүнөн чыгып кеткен бойдон кайтып барган эмес. Бою  1,60, кара тору, үстүндө күрөң сары түстөгү күрмө, көк шым, бутунда кара түстөгү кышкы бут кийим кийген. Шаардык милиция кызды табуу үчүн издөө жарыялады. Аны көргөн билгендер 0700 11 47 62  телефонуна чалып койсо болот.

Москванын соту The Insider басылмасына (Орусияда "чет элдик агент" деп таанылган) "чет элдик тыңчы" деген жазылманы белгилебегени үчүн 500 миң рубль айып салды. Бул тууралуу "Интерфакс" маалымат агенттиги билдирди. Басылма "чет элдик тыңчы" функцияларын аткарган чет элдик маалымат каражатынын ишинин тартибин бузуу" беренеси боюнча административдик жазага тартылып, акчалай айыпка жыгылды. Шейшембиде сот Чехиянын Medium-Orient маалымат агенттигине (Орусияда чет элдик маалымат агенттиги катары таанылган) ушул эле берене боюнча айып пул салды. Читать дальше...

Орусия климаттагы өзгөрүүлөр менен глобалдык коопсуздукту байланыштырган резолюцияны четке какты. Климаттын өзгөрүшү коопсуздукка кандай залакасын тийгизерин карап чыгуу чакырыгы камтылган документти Нигер жана Ирландия иштеп чыккан. 13-декабрда Бириккен Улуттар Уюмунун (БУУ) Коопсуздук кеңешинде колго салынган резолюция долбоорун 15 мүчө-мамлекеттин 12си колдоду. Вето укугуна ээ Орусия менен катар Индия каршы добуш берип, Кытай калыс калды. Документтин авторлору БУУнун баш катчысы ​Антониу Гутерришке кайрылып... Читать дальше...

EXPO-2020 көргөзмөсүнүн алкагында Бириккен Араб Эмирлигинин Дубай шаарында Кыргызстандын улуттук күнүнө арналган иш-чара өттү. Ага министрлер кабинетинин төрагасы Акылбек Жапаров, БАЭнин толеранттуулук министри, көргөзмөнүн башкы комиссары Нахайян бен Мубарак Аль Нахайяна, расмий делегация өкүлдөрү, ишкерлер жана кыргыз диаспорасынын өкүлдөрү катышты. Өкмөттүн басма сөз кызматы билдиргендей, Жапаров куттуктоо сөзүн сүйлөп, туризм жаатында, соода экономикалык багыттагы кызматташууларга токтолду. Читать дальше...

Казакстандын Байкоңур шаарындагы орус мектептеринин программасына биринчи жолу казак тили жана адабияты сабагы киргизилет. Бул тууралуу орусиялык "Интерфакс" маалымат агенттиги Кызылорда облусунун башчысы Гүлшара Абдыкаликовага шилтеме берип маалымат таратты. Анын айтымында, бул тууралуу келишимге Москва менен Нур-Султандын ортосундагы 2019-жылдан бери улантылып келе жаткан өкмөттөр аралык комиссиянын сүйлөшүүлөрү аркылуу жетишилди. Москва Байкоңурду 2050-жылга чейин андагы ушундай аталыштагы... Читать дальше...

Орусиянын Тува республикасында аскердик мектеп-интернаттын 79 окуучусу тамактан ууланып, ооруканага жаткырылды. "Роспотребнадзордун" алдын ала версиясы боюнча, буга эки себеп болушу мүмкүн: тамак-аштын сапатсыздыгы же жеке гигиенанын сакталбагандыгы. Бул тууралуу "Интерфакс" маалымат агенттиги Орусиянын Өзгөчө кырдаалдар министрлигинин аймактык башкармалыгына таянып билдирди. Республиканын башчысы Владислав Ховалыг Туванын кадет корпусунун окуучулары ууланып, ооруканага жаткырылганын ырастады. Читать дальше...

Жалал-Абад облусуна караштуу Чаткал районунун Терек-Сай айылында алтын казган кыргыз-түрк "Эти Бакыр Терексай" компаниясына байланыштуу дагы нааразылык чыкты. 12-13-декабрь күндөрү чогулгандар компанияны "айылды чаңдатып, жумушчуларды негизсиз иштен кетирип жатат" деп айыпташты жана боз үй тигип, жол тосушту. "Эти Бакыр Терексай" болсо мындай дооматты негизсиз деп билдирип келет. "Азаттык" буга чейин"Эти Бакыр Терексайга" байланыштуу сын-дооматтын чоо-жайын иликтеген. Терек-Сай айылынын тургуну Нуркалык Өмүрбековдун ырасташынча... Читать дальше...

Суджин Хан менен Улук Шаршенов - жаш түгөйлөр. Алардын үй-бүлө куруп жашап жатканына бир жылдан ашык убакыт өттү. Суджин - корей тектүү америкалык, ал мектепте мугалим болуп иштейт. Улук - программист. Алар менен бүгүн баалуулуктар, стереотиптер жана мамиле куруудагы өзгөчөлүктөрү тууралуу сүйлөшөбүз.