Новости за 21.12.2021

Түркиянын президенти Режеп Тайып Эрдоган чукул чараларды көрөрүн жарыялагандан кийин лиранын доллар менен еврого карата наркы кескин көтөрүлдү. 20-декабрда жасаган билдирүүсүндө президент кандай чаралар көрүлөрүн тактаган эмес. Ошол эле күнү лиранын куну 20% көтөрүлүп, 21-декабрда бир доллар 11,61 лирага барабар болду. Ноябрдан тартып лира кунун кескин жогото баштаган. Ал эми 20-декабрда буга чейин болуп көрбөгөндөй деңгээлге түшүп, бир доллардын баасы 18,41 лирага чейин жогорулады. Өткөн айдын... Читать дальше...

“Кумтөр Голд” жабык ационердик коому 2021-жылдагы ишмердүүлүгүнүн алдын ала жыйынтыгын чыгарды. Анда 2021-жылдын 11 айында кен казуу иштеринин көлөмү 185,6 млн. тоннаны түзгөнү ишкананын “Фейсбуктагы” баракасына жарыяланды. Бул 2020-жылга салыштырмалуу эки эске көп. Кумтөргө сырттан башкаруу кирген мезгилден тартып муздарды талкалоо 2020-жылга салыштырмалуу 60% кыскарган. Бардык тоо-кен иштери коопсуздук эрежелерин сактоо менен жүрүп жатканы, таштанды жайгашкан аймакка үзгүлтүксүз көзөмөл жүргүзүп... Читать дальше...

Чүйдөгү айланма жолдун жээгинде чыккан өрт өчүрүлдү. Бул тууралуу Өзгөчө кырдаалдар министрлиги кабарлады. Маалыматка караганда, бүгүн, 21-декабрда кечке маал 6 гектар жердеги кургаган чөп, бак-дарактар күйгөн. Ага үч өрт өчүрүүчү бөлүм тартылды. Буга чейин социалдык тармактарда Чүйдөгү айланма жолго жакын жердин алоолонуп күйүп жаткан видеолору тараган болчу. Учурда ӨКМ өрт эмнеден чыкканын тактап жатат. Бүгүн Бишкекте эртең менен саат 8:00гө жакын күйүүчү-майлоочу май сакталган жеке менчик үйдүн биринде өрт чыккан. Читать дальше...

Бишкектин административдик соту "Альянс" партиясынын арызын канааттандырып, Борбордук шайлоо комиссиясынын (БШК) гендердик квота боюнча өзгөртүлгөн жобосун жокко чыгарды. Токтому мыйзамсыз деп табылган БШК азырынча расмий комментарий бере элек. Боршайком 15-декабрда партиялык тизме менен шайланып келген талапкерлер арасында 30% гендердик квота кандай сакталары тууралуу жобосун өзгөрткөн. Жаңы эрежеде үч мандат алган партиядан - бир, жети мандат алган партиядан - үч аял депутат келет деп жазылган... Читать дальше...

Улуттук коопсуздук боюнча мамлекеттик комитет Аскар Акаевге козголгон кылмыш иши жабылбай, тескерисинче, ага жаңы айыптар коюлганын билдирди. 36 жашында Сталиндик репрессиянын курмандагы болгон Кыргыз Республикасынын баатыры, коомдук жана мамлекеттик ишмер Жусуп Абдрахмановдун 120 жылдыгы белгиленди. Дүйнөлүк саламаттык сактоо уюму коронавирустун “Омикрон” штаммынан сактаныш үчүн жаңы жылдык кечелерди өткөрбөй турууга үндөдү.

Токтогул Сатылганов атындагы улуттук филармонияда коомдук жана мамлекеттик ишмер Жусуп Абдрахмановдун 120 жылдыгына арналган жыйынтыктоочу расмий иш-чара өттү. Анда мамлекеттик ишмердин азыркы коомго үлгү болчу эмгектери белгиленип, анын мурастарын улоо, элесин түбөлүккө калтыруу максатында жүрүп жаткан иштер айтылды. Иш-чарага катышкан президент Садыр Жапаров Орусиядагы жана Казакстандагы архивдерден Абдрахмановго тиешелүү 200 баракка жакын документ табылганын билдирди.

АКШ менен Орусия Москванын коопсуздук боюнча сунуштарын эмки айда талкуулашы мүмкүн. "Биз Орусия менен күнүн тактайбыз. Январь айында болот деп жоромолдоп жатабыз", - деди мамлекеттик катчынын жардамчысы Карен Донфрид 21-декабрда. Ал ошондой эле НАТО Орусиянын сунуштарын талкуулоо үчүн бүгүн жыйын өткөрөрүн кошумчалады. 17-декабрда Орусия коопсуздук жаатында өзүнүн радикалдык жаңы сунуштарын жарыялаган. Донфрид Орусиянын айрым талаптары акылга сыйбастыгын жана Москва муну жакшы билерин айтты. Читать дальше...

Кабулда жүздөгөн оогандар жүрүшкө чыгып, банктагы миллиарддаган долларды камактан чыгарууну талап кылышты. Эл аралык коомчулук бийликти басып алган талибдерден адам укуктарын сактоону талап кылып, банктагы акчаны камакка алган. «Биздин камактагы акчабызды кайтаргыла» деген ураан чакырган демонстранттар борбордук көчөлөр менен жүрүп отуруп, АКШнын Кабулдагы элчилигинин алдына топтолушту. Алардын коопсуздугуна талибдер көз салып турушту "Талибан" кыймылы (Кыргызстанда тыюу салынган) августта Ооганстанда көзөмөл орноткон соң... Читать дальше...

Эл аралык Түрк академиясы 2022-жылды Ишеналы Арабаевге арнайт. Бул тууралуу Эл аралык Түрк академиясынын президенти Дархан Кыдырали президент Садыр Жапаров менен жолуккан учурда билдирди. Мамлекет башчы Кыдыралини бүгүн, 21-декабрда кабыл алганын басма сөз кызматы кабарлады. Жолугушууда түрк элдеринин маданияты менен салттарын сактоо жана бекемдөө боюнча пикир алмашышты. Бул багытта өз ара тыгыз кызматташуу маанилүү экени белгиленди. Кыдырали кыргыздын көрүнүктүү мамлекеттик жана саясий ишмери... Читать дальше...

Кыргызстанда сурак берип кеткен мурдагы президент Аскар Акаев орус басылмасына берген маегинде сапары Путин жана Жапаров менен макулдашылганын жарыялады. Ал Москвага кайткан күнү 2010-жылдагы убактылуу өкмөттүн мүчөлөрү Өмүрбек Текебаев, Кеңешбек Дүйшөбаев июнь окуясы боюнча суракка чакырылды. Ал арада бул эки окуянын саясий байланышы бар экени айтыла баштады. "Кыргызстанга сапарым Путин, Жапаров деңгээлинде макулдашылган" 2005-жылы өлкөдөн чыгып кетип, ошондон бери Орусияда жашап жүргөн Аскар... Читать дальше...

Орусиялык Gulagu.net укук коргоо уюму Сибирде кургак учукка чалдыккандарды дарылаган түрмөнүн ооруканасында болгон делген кыйноолор тууралуу видеолорду жарыялады. 20-декабрда жарыяланган видео Красноярск шаарындагы түрмөнүн ичиндеги туберкулез диспансеринде тартылганы белгиленген. Видеодо Жаза аткаруу кызматынын өкүлдөрү камактагы эки адамга үчүнчүсүн уруп-сабоо үчүн инструктаж берип жатканын көрүүгө болот. Андан соң алар айтылгандардын баарын аткарышат. Gulagu.net долбоорунун негиздөөчүсү Владимир Осечкиндин айтымында... Читать дальше...

Кытай АКШга жооп чара катары Американын эл аралык дин эркиндиги боюнча комиссиянын төрт мүчөсүнө санкция киргизди. Өткөн аптада Вашингтон Шинжаңдагы адам укуктарынын басмырланышына байланыштуу кытай аткаминерлерине жана бир нече компанияга санкция салган. Кытайдын Тышкы иштер министрлигинин расмий өкүлү Чжао Лицзян 21-декабрда билдиргендей, комиссиянын төрайымы Надин Маэнзага, анын орун басары Нюри Тюркелге жана комиссиянын дагы эки мүчөсүнө Кытай, Гонконг жана Макаонун аймагына кирүүгө тыюу салынат. Читать дальше...

Бишкектин административдик соту 21-декабрда "Альянс" партиясынын БШКнын 30% гендердик квота боюнча өзгөртүлгөн жобосуна каршы арызын карап, канааттандырды. Бул тууралуу аталган партиядан билдиришти. Жогорку соттун басма сөз кызматы "Альянстын" доо арызы канааттандырылып, БШКнын тиешелүү токтому мыйзамсыз деген негизде жокко чыгарылганын ырастады. БШК чечим тууралуу комментарий бере элек. Боршайком 15-декабрда партиялык тизме менен шайланып келген талапкерлер арасында 30% гендердик квота кандай сакталары тууралуу жобосун өзгөрткөн. Читать дальше...

22-декабрда Жогорку сот "Батукаев иши" боюнча адвокаттардын бир жыл мурдагы арызын карайт. Бул тууралуу "Азаттыкка" Алмазбек Атамбаевдин адвокаты Замир Жоошев билдирди. Жогорку сот "Батукаев иши" боюнча сот болорун, толук маалымат сот отурумунан кийин берилерин билдирди. Андан сырткары Биринчи май райондук сотунда Кой-Таш окуясы боюнча иш каралат. 21-декабрда Калыс-Ордо жаңы конушундагы мектептин курулушу жана Орхан Инандыга Кыргызстандын жарандыгын берүүнү териштирген кылмыш иштин алкагында Атамбаевдын бөгөт чарасы өзгөртүлдү. Читать дальше...

20-21-декабрь күндөрү Кочкор районунун Көк-Жар айылында иликтөөчү журналист Уланбек Эгизбаевдин элесине арналган көк бөрү мелдеши өттү. Ага UFC уюмунун аялдар арасындагы эң жеңил салмактагы чемпиону, кыргызстандык Валентина Шевченко да күбө болду. Оюнга Нарын облусу боюнча 13 команда катышкан. Финалдык беттеште "Соң-Көл" командасы "Ат-Башы" командасын утуп, баш байге - автоунаага ээ болушту. Экинчи орунду "Жумгал" командасы алган. "Азаттык" радиосунун чыгаан журналисти Уланбек Эгизбаев 1990-жылы... Читать дальше...

Ош шаарында туура эмес таштанды төккөн жарандар менен күрөшүү максатында 20 жерге видео көзөмөл орнотулат. Бул тууралуу "Ош-Тазалык" муниципалдык ишканасынан билдиришти. Мекеменин маалыматына караганда, камералар таштандыны атайын идишке салынбаган жана курулуш калдыктары көп төгүлгөн жерлерге орнотулууда. Алар 24 саат иштеп, жарандардын жүзүн, автоунаасын жазып алат. Мыйзам бузуп видео көзөмөлгө түшкөн жарандар айыпка жыгылат.  "Ош-Тазалык" - шаарда 220 миң кишини тейлеп, жылдык бюджети 90 миллионго чукулдайт. Читать дальше...

АКШда "Омикрон" штаммы коронавирустун учурда жайылып жаткан негизги вариантына айланды. Жаңы штаммдан улам дүйнөнүн бир катар өлкөлөрүндө жаңы чектөөлөр киргизилүүдө. Дүйнөлүк саламаттыкты сактоо уюму Рождество жана Жаңы жылга карата эл көп катышкан майрамдык иш-чараларды токтото турууга чакырды.  Соңку бир аптада Кошмо Штаттарда коронавирусту жугузуп алгандардын 73 пайызынан "Омикрон" штаммы табылды. АКШнын Ооруларды көзөмөлдөө жана алдын алуу борбору 20-декабрда билдиргендей, мындай кырдаал дүйнөнүн... Читать дальше...

Кыргыз эл сүрөтчүсү Маратбек Шарафидинов Абдылас Малдыбаев атындагы улуттук академиялык опера жана балет театрынын башкы сүрөтчүсү. Ал “Азаттыкка” келип, сүрөтчүлүк өнөр, театр, анда бирге иштешкен өнөр адамдары, кыргыз маданиятынын күңгөй-тескейи тууралуу “сыябан-маек” курду.

Тажикстандын президенти Эмомали Рахмон 21-декабрда парламентке жасаган жылдык кайрылуусунда калктын уюлдук телефонду «ашкере» пайдалануусуна каршылыгын билдирип, жарандардын байланыш каражатын колдонуу маданиятын «кайра карап чыгыш керек экенин» кошумчалады. «Келечекте олуттуу маселелер, мээнин рагы сыяктуу ар кандай оорулар болушу мүмкүн»,-деди Рахмон. Тажик президенти калк 90% чет элдик компанияларга караган мобилдик операторлорго жыл сайын үч миллиард сомони төлөп жатканын билдирди. «Бул аз каражат эмес. Читать дальше...

Улуттук коопсуздук комитети (УКМК) "Кумтөр иши" боюнча, анын ичинде Аскар Акаевге байланыштуу тергөө уланып жатканын жана бул иш боюнча жаңы айыптар тагылганын маалымдады. "Акаевге коюлган бардык айыптарды алып салуу боюнча айрым адамдардын такталбаган билдирүүлөрүнө байланыштуу, УКМК бул кылмыш иши боюнча иликтөөнүн алдын ала жыйынтыктары тууралуу коомчулукка объективдүү маалыматтарды жеткирүүнү туура деп эсептейт.  Жүргүзүлүп жаткан тергөөгө тиешеси жок, иш боюнча ишенимдүү маалыматы жок адамдардын... Читать дальше...

Дүйнөлүк саламаттык сактоо уюму коронавирустун «омикрон» деген вариантынан сактануу үчүн алдыдагы жаңы жылдык кечелерди өткөрбөй турууга чакырды. «Өмүрдү чектегенден көрө, майрамдык кечени чектеген жакшы. Майрамдап алган соң, жакыныңыздын коштошуу зыйнатына баргандан көрө, кийинчерээк белгилеген жакшы»,-деди уюмдун баш катчысы Тедрос Адханом Гебрейсус. Ал ошондой эле баары пандемиядан чарчаганын, бирок бул апааттын аягына чыгуу үчүн мамлекет башчыларына оор чечимдерди кабыл алууга туура келерин кошумчалады. Читать дальше...

Өзбекстандын Фергана облусунун башчысы Хайрулла Бозоров билдиргендей, ашыкча салмактагы адамдарга ар бир таштаган килограмм үчүн 500 миң сум (3800 сом) берилерин жарыялады. Жергиликтүү маалымат каражаттары жазгандай, мындай билдирүүнү ал облус кеңешинин жыйынында жасаган. Бозоров Дүйнөлүк саламаттык сактоо уюмуна таянуу менен оорулардын 50-55% ашыкча салмактан, туура эмес тамактануудан, аз кыймылдоодон келип чыгарын айткан. “Биз анализдеп көрсөк, кант диабети менен 32 миң бейтап каттоодо турат... Читать дальше...

Ат-Башынын Баш-Кайыңды айылында автоунаанын газына ууланып эки адам каза болгондугун райондук ички иштер бөлүмүнөн маалымдашты. Маалыматта айтылгандай, 20-декабрда Ат-Башы райондук милициянын нөөмөт бөлүмүнө Баш-Кайыңды айылында гаражда токтоп турган автоунаанын ичинде эки адам каза болгондугу тууралуу маалымат түшкөн. Окуя болгон жерге ыкчам-тергөө тобу барган учурда Honda Odyssey үлгүсүндөгү автоунаадан эки кишинин сөөгү табылган. "Каза болгондор 1982-83-жылы туулган жубайлар экени аныкталды. Читать дальше...

Бүгүн, 21-декабрда УКМКнын Ош шаары жана Ош облусу боюнча башкармалыгынын алдына Папан айыл өкмөтүнөн көмүр ташыган жыйырмадай айдоочу нааразылык акциясына чыгышты. Чогулгандар бийликтен жол маселесин чечип берүүнү талап кылышты. Алар оор жүк тарткандар үчүн салынган айланма жол кышкысын кооптуу болуп калгандыктан, айыл аралоого туура келип жатканын айтышты. Буга Папан айылынын тургундары каршы болуп, айыл ичиндеги жолдон өткөрбөй, чыр чыгып жатканын билдиришти. Айдоочулар талаптары аткарылбаса... Читать дальше...

20-декабрда Талас шаарында  жаштарга  "Тирек" сыйлыгы  тапшырылды.  Облустук жаштар иштери, дене тарбия жана спорт башкармалыгынын башкы адиси Жолдошбек Жанузаков билдиргендей, иш-чарага облус аймагындагы активдүү жаштар катышкан. Аларга жыл ичинде мамлекеттик жаштар саясатын жүзөгө ашырууга кошкон салымдары үчүн сыйлыктар, грамоталар берилди. "Тирек" сыйлыгы быйыл экинчи ирет уюштурулган. Быйыл аймакта жаштарга багытталган долбоорлорго 3 млн. сом тартылган. (MKt)