Новости за 21.12.2021

2021-жылы Кыргызстанда миңден ашык ымыркайга Токиодогу Олимпиада оюндарында ийгилик жараткан спортчулардын ысымдары ыйгарылган. Бул тууралуу Санарип өнүктүрүү министрлиги билдирди. 2021-жылы төрөлгөн 414 уул балага Акжол, 374 кыз балага Мээрим, 324 кыз балага Айсулуу, 279 кыз балага Айпери деген ысым ыйгарылган. Октябрь айында төрөлгөн үч эм кызга дагы ата-энеси балбан кыздардын атынан Айсулуу, Мээрим жана Айпери деген ысым беришти.  2021-жылы Токиодо өткөн Олимпиада оюндарында Акжол Махмудов менен Айсулуу Тыныбекова күмүш байге... Читать дальше...

Базар-Коргон районунун Талдуу-Булак айыл аймагынын Кой-Багар участкасынын 9 тургуну жаңгак көчөтүн өстүрүп, бакка айлантып жаткан жерди айыл өкмөт трансформацияга берип жибергенине нааразы. Алардын айтымында, эми токойлор кыйылып, ал жерлерге үйлөр салынышы мүмкүн. Айыл өкмөт болсо аймакта миңдеген жергиликтүүлөрдүн турак жай курууга жери жок болуп жатканын айтууда. Токой чарба менен айыл өкмөттүн жер талашынын чоо-жайы.

Түркиянын баш калаасы Анкара шаарында 20-декабрда белгилүү кинорежиссёр, драматург, коомдук жана мамлекеттик ишмер Болот Шамшиевди эскерүү кечеси уюштурулду. ТҮРКСОЙ эл аралык уюму жана Кыргызстандын Анкарадагы элчилиги уюштурган иш-чарага түркиялык кино таануучулар, студенттер жана күйөрмандар чакырылган. Чыгаан кинорежиссёр Шамшивдин 80 жылдыгына арналган сүрөт көргөзмө жана ал тарткан тасмалардын көргөзмөсү Анкарадагы Гази университетинде 22-декабрга чейин уланмакчы. Болот Шамшиев СССРдин... Читать дальше...

2021-жылы Кыргызстандан чыгып кеткен капиталдын агымы көбөйдү. Ишкерлердин кооптонуулары күн санап өсүп, мамлекеттик институттардын адилетсиз мамилеси аларды чет жакка кетүүгө аргасыз кылып жатканын айтышууда. Ушундай коңгуроо каккан ишкерлер бирикмелери мамлекеттик бийликти сапаттуу чечимдерди кабыл алууга чакырып жатат. "Биз эки орусиялык ишкер Кыргызстандын жараны менен биргелешкен ишкана түзгөнбүз. Бишкектин бир районун тейлөө үчүн таштанды ташуучу 10 автоунаа сатып алдык. Бирок, долбоор ишке... Читать дальше...

Бүгүн, 21-декабрда Токтогул Сатылганов атындагы улуттук филармонияда Кыргыз Эл Баатыры, көрүнүктүү мамлекеттик ишмер Жусуп Абдрахмановдун 120 жылдыгы белгиленди. Иш-чарага президент Садыр Жапаров баштаган бийлик өкүлдөрү, мамлекеттик жана коомдук ишмерлер, Жусуп Абдрахмановдун жакындары катышты. Жапаров президентке караштуу Мамлекеттик башкаруу академиясына Кыргыз Эл Баатыры, мамлекеттик жана саясий ишмер Жусуп Абдрахмановдун ысымы ыйгарыларын билдирди. Президенттин айтымында, 9-декабрда Кыргызстандын... Читать дальше...

Кыргызгидромет борбору 22-декабрда түнкүсүн жаан-чачын күтүлбөйт, күндүз Ош, Жалал-Абад, Баткен, Нарын облустарынын кээ бир райондорунда жаан, кар жаай турганын кабарлады. Чүй, Талас облустарынын тоолуу райондорунда кар жаашы күтүлөт. Тоолуу райондордо жолдор тайгак болот. Абанын температурасы: Чүй облусунда түнкүсүн 0...5, күндүз 10…15; Талас жергесинде түнкүсүн -2...+3, күндүз 10…15; Баткен, Ош, Жалал-Абад дубандарында ​түнкүсүн -1…+4, күндүз 10…15; Ысык-Көл облусунда түнкүсүн -3…-8, күндүз 2…7; Нарын облусунда түнкүсүн -18…-23... Читать дальше...

Кыргызстандын мурдагы президенти Аскар Акаев орусиялык "Московский комсомолец" басылмасына берген маегинде, ага карата "куугунтук токтотулганын", "бардык иштер жабылганын" билдирди. "Эми мага карата эч кандай доо жок, бардык иштер жабылды. Кыргызстандын ар бир жараны сыяктуу каалаган убакта ээн-эркин кирип чыга алам", - деди ал. Акаевдин айтымында, "Кумтөр иши" боюнча сурак берүүгө президент Садыр Жапаровдун телефон чалуусунан кийин макул болгон. Ошол эле кезде Орусиянын президенти Владимир Путин... Читать дальше...

Бүгүн, 21-декабрда Грузиянын Тбилиси шаарында Кыргызстан жана Грузиянын футзал боюнча улуттук курама командалары жолдоштук беттеш өткөрөт. Кыргыз футбол бирлигилигин маалыматына караганда, эки өлкөнүн курамалары алгачкы жолу беттешип жатат. Оюн Бишкек убактысы боюнча саат 19:00дө башталат. Кыргыз курамасы бул беттешти 2022-жылы өтө турган Азия Кубогуна тандоо оюндарына, Грузия курамасы 2022-жылдын 19-январында Нидерландыда баштала турган футзал боюнча Европа чемпионатына даярдык катары өткөрүүдө. Читать дальше...

"Гознак" ишканасы мамлекеттик маанидеги бардык документтерди басып чыгаруу укугун алды. Тиешелүү буйрукка Садыр Жапаров кол койгонун президенттин басма сөз кызматы билдирди. Мындан ары "Гознак" Кыргызстандын аймагында жана анын чегинен тышкары жерлерде мамлекеттик маанидеги документтерди, Кыргызстандын жарандыгын күбөлөндүрүүчү документтердин бланктарын жана атайын мамлекеттик бланктарды даярдайт. Анын ичинде так эсептеги жана отчеттуулуктагы документтер дагы бар. Президент Министрлер кабинетине... Читать дальше...

Ички иштер министрлигинин Ички аскерлеринин кол башчысы Исламбек Кенжекулов аталган түзүмдө аныкталган ири коррупциялык факт боюнча кармалды. Бул тууралуу Башкы прокуратуранын басма сөз кызматы билдирди.  Башкы көзөмөл орган Кенжекуловдун кармалышы боюнча толук маалымат бере элек. Ал ИИМдин Ички аскерлеринин кол башчысы болуп 2019-жылы март айында дайындалган.  Буга чейин Аскер прокуратурасын пландуу текшерүү маалында өздүк курамга сатып алына турган тамак-ашка жана кийим-кечеге бөлүнгөн акча... Читать дальше...

АКШнын Оорулардын алдын алуу жана көзөмөлдөө борбору менен Мамлекеттик департамент коронавирус илдети тездик менен жайылып жатканына байланыштуу азырынча барууга болбой турган өлкөлөрдун тизмесин кеңейтти. COVID-19 тездик менен жайылып жаткан өлкөлөрдүн катарына Испания, Финляндия, Чад, Ливан, Бонайре, Монако, Сан-Марино жана Гибралтар кирген. Кошмо Штаттары оорунун тароо деңгээли жогору деп бааланган тизмеге 85 өлкөнү, Европанын дээрлик бардык өлкөлөрүн киргизген. Оорулардын алдын алуу жана көзөмөлдөө... Читать дальше...

Украинанын мурдагы президенти Петро Порошенко "мамлекетке чыккынчылык кылган жана терроризмди колдогон" деп шектелүүдө. Бул тууралуу жергиликтүү басылмалар жазып чыкты. УНИАН агенттиги Улуттук коопсуздук жана коргоо комитетинин мурдагы катчысы Александр Турчиновго шилтеме берип жазды. Украинанын прокуратурасы экс-президентке "2014-жылдын аягы, 2015-жылдын башында жикчилдер басып алган Донбасстан мыйзамсыз түрдө көмүр ташып келип, Орусиянын кызыкчылыгын колдогон" деп айыптап, кылмыш ишин козгогону айтылууда. Читать дальше...

Бүгүн, 21-декабрда Баткенде "Мен ишкермин" деген аталыштагы бизнес форум башталды. Форумдун максаты - аймактагы ишкерлерге бизнести өнүктүрүү үчүн жаңы мүмкүнчүлүктөрдү жана идеяларды бере турган аянтча түзүү. Форум "Тилектеш жамааттар" долбоорунун алкагында "Youth of Osh" коомдук уюму тарабынан JIA жана BOOST долбоору менен биргеликте уюштурулган.  Уюштуруучулардын белгилешинче, форумга ар кыл тармактагы 100дөн ашуун ишкер, эл аралык уюмдардын өкүлдөрү катышып, тажрыйба жана идея алмашууга мүмкүнчүлүк алышат. Читать дальше...

Коронавируска каршы республикалык ыкчам штабдын бүгүнкү, 21-декабрдагы маалыматына караганда, өткөн суткада Кыргызстанда COVID-19 вирусунан эки киши кайтыш болду. Каза болгондордун экөө тең вакцина алган эмес деди республикалык штаб. Ушуну менен 2020-жылдын март айынан бери вирустан 2 786 киши көз жумду. Бир суткада 51 адам COVID-19 вирусун жаңы жуктурганы аныкталды. Бишкек шаары - 14 Жалал-Абад облусу - 9 Чүй облусу - 16 Ош шаары - 1 Ош облусу - 3 Баткен - 3 Ысык-Көл облусу - 5 учур катталды. Читать дальше...

Бишкек шаарындагы Жибек-Жолу жана Темирязев көчөлөрүнүн кесилишиндеги күйүүчү-майлоочу май сакталган кампадан чыккан өрт чектөөгө алынды. Бул тууралуу Өзгөчө кырдаалдар министрлиги билдирди. Өрт эртең менен саат 8:00гө жакын күйүүчү-майлоочу май сакталган жеке менчик үйдүн биринде чыккан. Өрттөн кошуна жайгашкан үйлөр дагы жабыр тартканы белгилүү болду. ӨКМ учурда өрттү толук өчүрүү иштери жүргүзүлүп жатканын айтты. Кыргызстанда жыл башынан тартып үч миңдей өрт кырсыгы катталып, 33дөн ашык киши каза болгон. Читать дальше...

Өзгөчө кырдаалдар министрлигинин маалыматына караганда, Кыргызстанда жыл башынан бери 2918ден ашуун өрт кырсыгы катталды. Бул өткөн жылга салыштырмалуу 17% көп. Кырсыктан 37 киши каза болду. Анын ичинен жетөө жаш балдар. Ал эми 51 киши жабыр тарткан. Адистердин айтымында, кырсыкка көп учурда электр жабдууларын колдонуудагы этиятсыздык себеп болот. Өрттүн алдын алуу жана өчүрүү боюнча эл аралык техникалык комитеттин (CTIF) маалыматына ылайык, Кыргызстанда абал өтө деле жакшы эмес. Соңку төрт жылдагы изилдөөгө караганда... Читать дальше...

Бүгүн, 21-декабрда Бишкекте балдарын жалгыз багып жаткан энелерге арналган "Сен жалгыз эмессиң..." деген фотокөргөзмө ачылат. Ага "Азаттык" радиосунун фотокабарчысы Гүлжан Турдубаеванын жалгыз бой энелердин жашоо турмушун чагылдырган 20дан ашык документалдык сүрөттөрү коюлат. Турдубаева MediaJasa долбоорунун алкагында "Сорос-Кыргызстан" фондунун жардамы менен октябрь айынан бери Кыргызстандагы жалгыз бой энелердин жашоосу тууралуу бир катар фотобаяндарды жарыялады. Бул долбоордун максаты - жалгыз... Читать дальше...