Новости за 28.12.2021

Сокулук районунун Новопавловка айыл аймагындагы 18 гектар айыл чарба багытындагы жер калктуу конуштардын категориясына которулду. Бул тууралуу чечимге Министрлер кабинетинин төрагасы Акылбек Жапаров кол койду. Өкмөттүн маалыматына ылайык, аталган чечим Новопавловка айыл аймагында социалдык объектилерди куруу максатында кабыл алынган. Президент Садыр Жапаров "Жер тилкелерин которуу (трансформациялоо) жөнүндө" мыйзамга өзгөртүү киргизүү тууралуу" мыйзамга буга чейин кол койгон. Жапаров 22-ноябрда... Читать дальше...

2021-жылы УКМКнын Чек ара кызматы тарабынан Баткен облусунун аймагында аткезчилик менен жүк ташыган 170 учур аныкталды. Чек ара кызматынын Баткен аймактык башкармалыгынын башчысы Кыялбек Төлөнбаев 28-декабрда “Азаттык” радиосуна билдиргендей, кармалган мыйзамсыз жүктөрдүн жалпы суммасы 60 млн. сомдон ашкан. “28-декабрь күнү дагы чек арага жакын жерден жүктөрдү мыйзамсыз алып өтүүгө аракет кылган төрт унаа кармалды. Аткезчилик менен жүк ташууга аракет кылгандар дээрлик баары Тажикстан менен чек арада жүрүп жатат. Читать дальше...

Камакта жаткан саясатчы Бактыбек Калмаматов анын атынан жалган билдирүүлөр таратылып жатканы тууралуу кайрылуу жасады. Анын кайрылуусун адвокаты Мырза-Айым Камчыбекова жарыялады. Саясатчы анда «бийлик менен сүйлөшүп жатыптыр, Исмаил Исаковго, Ахматбек Келдибековго, Өмүрбек Текебаевге жана Жылдызкан Жолдошевага каршы көрсөтмө берип жатыптыр” деген маалыматтар толугу менен жалган экенин билдирген. Мыйзамсыз абакта отурганын жана ага карата каралоо жүрүп жатканын белгилеген. Парламенттин мурдагы... Читать дальше...

Нарын районунун Кеңеш айылында 150 орундуу мектеп пайдаланууга берилди. Бул тууралуу президенттин Нарын облусундагы өкүлүнүн басма сөз кызматы билдирди. Мектептин курулушуна 57 млн. 937 миң сом бөлүнгөн. Анда 172 окуучу билим алып, 22 мугалим эмгектенет. Кеңеш айылынын окуучулары 2019-2020-жылкы окуу жылын контейнер мектепте окуп баштаган. Бул көрүнүш коомчулуктун кескин сынына кабылып, окуучулар бир айдан кийин жергиликтүү клубдун имаратына көчүрүлгөн. Турак жай - жарандык курулуш департаменти... Читать дальше...

Кыргызгидрометтин маалыматына ылайык, 29-декабрда жаан-чачын күтүлбөйт. Жолдор тоңуп, тайгак болот. Абанын температурасы: Чүй өрөөнүндө түнкүсүн 0...-5, күндүз 4...9, Талас облусунда түнкүсүн -2...-7, күндүз 4...9, Ысык-Көл ойдуңунда түнкүсүн -6...-11, күндүз -1...+4, Баткен, Ош, Жалал-Абад облустарында түнкүсүн 0...-5, күндүз 5...10, Нарын жергесинде түнкүсүн -15...-20, күндүз -5...-10, Бийик тоолуу райондордо түнкүсүн -17...-22, күндүз -5...-10°. Бишкек шаарында жаан күтүлбөйт. Читать дальше...

Алтынбек Жумаев президенттин администрациясынын маалыматтык саясат кызматынын жетекчиси болуп дайындалды. Тиешелүү буйрукка 28-декабрда президент Садыр Жапаров кол койду. Мамлекет башчысынын башка буйругу менен Нурай Марс маалыматтык саясат кызматынын жетекчиси кызматынан бошотулду. Ал бул кызматка ушул жылдын май айында дайындалган. 51 жаштагы Алтынбек Жумаев буга чейин бир нече телеканалдарда эмгектенген. Быйыл жыл башында өткөн президенттик шайлоодо Садыр Жапаровдун үгүт кампаниясын жетектеген. Читать дальше...

Ооганстандагы жакындарын чыгарып кеткени Кабулга барган этникалык казактар өздөрү да кайта албай калышты. Буга Казакстандын консулдугу саясий кырдаалга байланыштуу виза бербей калганы себеп болду. "Талибан” кыймылы Ооганстандагы бийликти быйыл жайда басып алган. "Азаттык" теманы үч адамдын мисалында баяндайт. “Эжемдин чоң уулун талибдер атып кетишти” Казакстандын Шымкент шаарында жашап жаткан Шамсадин Абулкарим Ооганстанга беш ай мурда барган. Фарьяб провинциясындагы Андхой шаарына өзбек-ооган чек арасындагы Термез пункту аркылуу кирген. Читать дальше...

Жогорку сот "Альянс" партиясындагы 30% гендердик квотага байланыштуу Борбордук шайлоо комиссиясынын (БШК) арызын карап, Бишкектин административдик сотунун чечимин күчүндө калтырды. Бул тууралуу "Альянс" партиясынан “Азаттык” радиосуна билдиришти. Соттун чечими  "Альянс" партиясынан парламентке Жанарбек Акаевдин барышына жол ачат.  21-декабрда Бишкек шаарынын административдик соту "Альянс" партиясынын арызын канааттандырып, БШКнын гендердик квота боюнча өзгөртүлгөн жобосун жокко чыгарган. 15-декабрда... Читать дальше...

Беларуста Конституцияга өзгөртүү киргизүү долбоору жарыяланды, анда президентке кол тийбестик каралган. "Президенттин кол тийбестиги бар, анын ар-намысы жана кадыр-баркы мыйзам менен корголот. Мөөнөтү бүткөндөн кийин президент өзүнүн ыйгарым укуктарын жүзөгө ашырууга байланыштуу жасаган аракеттери үчүн жоопкерчиликке тартылбайт", - деп Конституциянын жаңы версиясында жазылат . Ошондой эле, бир адамдын эки мөөнөттөн ашык президент болушуна тыюу салуу сунушталууда. Шайлоону даярдоо жана өткөрүү боюнча чыгымдарды чет мамлекеттер жана уюмдар... Читать дальше...

Ирандын өзөктүк программасы боюнча эл аралык келишимди кайра жандандырууну көздөгөн сүйлөшүүлөр 27-декабрда Вена шаарында кайра башталды. Тегеран сүйлөшүүлөрдө Ислам Республикасына каршы санкцияларды алып салуу жана Вашингтондун келишимге кайтып келерине “кепилдик берүү” маселеси каралышы керектигин билдирди. Талкууга төрагалык кылып жаткан Евробиримдиктин өкүлү Ален Маттон Твиттерде "Вена сүйлөшүүлөрүнүн 8-раунду жаңы эле башталды" деп жазды. Венада апрель айында башталган сүйлөшүүлөр Иранда Батышка каршы турган... Читать дальше...

Министрлер кабинети Таластагы Бала-Саруу ГЭСин куруу үчүн Кыргыз-орус өнүктүрүү фондунан каржат бөлүү чечимин кабыл алды. Бул тууралуу өкмөттүн басма сөз кызматы билдирди. Маалыматта "Чакан ГЭС" ачык акционердик коому Талас облусундагы Киров суу сактагычына Бала-Саруу ГЭСин куруу үчүн Кыргыз-орус өнүктүрүү фондунан 22,9 млн. доллар каржы алары айтылат. "Бала-Саруу ГЭС курулуш долбоору - жалпы кубаттуулугу 25 мегаватты түзгөн, үч генераторлуу, орточо 92 млн кВт.с өлчөмүндөгү электр энергиясын иштеп чыгаруучу чакан ГЭСти түшүндүрөт. Читать дальше...

Ички иштер министрлиги 24-декабрдан 30-декабрга чейин "Арсенал" аталышындагы иш-чара өткөрүп, элдин колундагы курал-жаракты текшерүүдө. Бул тууралуу министрликтин басма сөз кызматы билдирди. Иш-чаранын жүрүшүндө 3178 мергенчи жана 371 газ-травматикалык куралдын ээлери текшерилген. Ок атуучу куралды сактоо шарттарын бузган 142 факт аныкталган. 131 ок атуучу курал жана 125 даана ар кандай калибрдеги ок-дарылар убактылуу сактоого алынган. Үч ок атуучу куралды ээлери өз ыктыяры менен тапшырышкан. ... Читать дальше...

Узап бараткан жыл Кыргызстанда конституциялык реформа жана шайлоого жыш болду. 2021-жылы өлкө президенттик башкаруу системасына кайтып, жергиликтүү, парламенттик жана президенттик шайлоо өттү. Былтыркы октябрдагы бийлик алмашуудан соң олку-солку менен башталган 2021-жыл  - саясий окуяларга бай болду. Өлкөдөгү башкаруу системасы толугу менен өзгөрүп, жергиликтүү кеңештен президенттикке чейинки шайлоо өттү. Узаган жылдагы добуш берүүлөрдүн парадын президенттик шайлоо менен башкаруу системасын аныктаган референдум ачты. Читать дальше...

Жогорку сот айрым шайлоо тилкелериндеги добуш берүүнүн протоколдорун жокко чыгаруу боюнча кайрылган "Азаттык" партиясынын арызын канааттандырган жок. Бул тууралуу аталган партиядан билдиришти. Буга чейин Жогорку сот "Клооп Медианын" айрым шайлоо тилкелериндеги добуш берүүнүн протоколдору бурмаланганы боюнча жазган арызын да канааттандырган эмес. 28-ноябрда Кыргызстанда Жогорку Кеңешке шайлоо өттү. Добуш берүү аягына чыккан учурда БШКнын Маалыматтык шайлоо системасы бир өчүп-күйүп, жыйынтыкта башаламандык жаралган. Читать дальше...

Коронавируска каршы республикалык ыкчам штабдын бүгүнкү, 28-декабрдагы маалыматына караганда, өткөн суткада Кыргызстанда COVID-19 вирусунан бир киши кайтыш болду. Пандемия башталган 2020-жылдын март айынан бери вирустан жалпы 2 798 киши көз жумду. Өткөн суткада 46 адам COVID-19 вирусун жаңы жуктуруп алганы аныкталган. Алардын басымдуу бөлүгү Бишкекте жана Чүй аймагында.  Бишкек шаары - 19 Чүй облусу - 10 Ош облусу - 4 Нарын - 1 Ысык-Көл облусу - 5 Жалал-Абад облусу - 5 Баткен облусунда - 2. Читать дальше...

Президент Садыр Жапаров Көз карандысыз Мамлекеттер шериктештигине (КМШ) мүчө өлкөлөрдүн башчыларынын бейформал саммитине катышуу үчүн 28-декабрда Санкт-Петербург шаарына учуп кетти. Бул тууралуу президенттин администрациясынан кабарлашты. Кыргыз делегациясынын курамында тышкы иштер министри Руслан Казакбаев, Президенттик администрациянын тышкы саясат бөлүмүнүн башчысы Жээнбек Кулубаев, Кыргызстандын Орусиядагы атайын жана ыйгарым укуктуу элчиси Гульнара-Клара Самат бар. Жолугушууга Армения, Азербайжан... Читать дальше...