Бүгүн, 9-август таңга Бишкектеги Ош базарынын жанында жайгашкан мурдагы эт комбинатынын имаратында өрт чыгып, беш миң чарчы метрди каптады. Өрт өчүрүүчүлөр аны кечке жуук гана өчүрүп бүттү. Ал эми Таластын Манас районунун аймагында корукту каптаган тилсиз жоо 11 күн дегенде араң басылды. Өрткө туруштук берүүгө кыргыз өкмөтүнүн өрт өчүрүү кызматы даярбы жана анын мүмкүнчүлүгү жетиштүүбү?
Михаил Ходорковский түптөгөн “Ачык Орусия” кыймылынын Москвадагы кеңсесинде полиция тинтүү жүргүзгөнүн укук коргоо долбоорунун координатору Полина Немировская билдирди. Ал кеңсеге канча киши келгенин так айта албай, “топ адам" тинтүү жүргүзгөнүн айтты. Алар эмне издегени белгисиз. Тергөө комитетинин өкүлү Светлана Петренко “Интерфакс” агенттигине тинтүү “ЮКОСтун чоң ишине байланыштуу” болгонун гана айтуу менен чектелди. Буга чейин “Ачык Орусиянын” кеңсесинде “ЮКОС ишине” байланыштуу бир нече жолу тинтүү жүргөн. Читать дальше...
Казакстандын Актөбө облусундагы орто мектептин айрым окуучулары бирдиктүү формадан баш тарткандыгы үчүн кийинки класска көчпөй калды. Ушундай төрт окуучунун ата-энесине болсо мектеп жетекчилиги административдик айыппул салды.
Бишкек мэрин шайлоонун айланасындагы талкуу өлкөдөгү кадр саясаты маселесин кайрадан күн тартибине чыгарды.
Бишкек Жылуулук электр борбору (ЖЭБ) боюнча кытайлык ТВЕА компаниясынын Кыргызстандагы өкүлү Мусажан Макелек да камакка алынганы ачыкка чыкты. Улуттук коопсуздук боюнча мамлекеттик комитет (УКМК) буга байланыштуу азырынча комментарий бере элек.
Британияда мурдагы орус тыңчысы менен анын кызынын ууландырылышына байланыштуу Орусияга санкция салаарын АКШ шаршембиде жарыялады. Скрипалдарды ууландырууга эч тиешеси жок экенин билдирген расмий Москва Вашингтондун мындай ниетин кескин сындап жатат. Вашингтондогу орус элчилиги АКШнын жаңы чараларын "өтө катаал" деп мүнөздөп, "Скрипалдарды ууландыруунун артында Москва турат" деген дооматтар негизсиз экенин билдирди. Элчилик 8-августта жарыяланган билдирүүсүндө Вашингтон да, Лондон да бул дооматтарды... Читать дальше...
Онкологиялык ооруларды жеңген балдар арасында Москвада мелдеш өткөн. Анда Бишкектен баргандар байгелүү кайтышты. Алар спорттун алты түрүнөн жети медал жеңип алышты. Бир жыл мурда оору менен алышкан балдар жана алардын эне-аталери бүгүнкү жеңишине кубанып бүтпөй жаткан учуру.
Кыргызстандын Башкы штабы Кой-Таш аскер бөлүгүндөгү чуулгандуу окуяга байланыштуу түшүндүрмө бере элек.
Орусиянын Федералдык жаза аткаруу кызматы (ФСИН) Чита шаарындагы №5 түзөтүү колониясында эки соттолуучунун сөөгү табылганын билдирди. Жаза аткаруу кызматы түрмөнүн өндүрүштүк аймагында эки башка жерден табылган өлүктөрдө кыйнап өлтүрүүнүн белгилери жоктугун билдирди. Мекеме атайын иликтөө иштерин баштады. Жакында ушул эле абактагы үч соттолуучу түрмө кызматкерлери аларды сабап, кыйнап, токко тарттырганын айтып даттанышкан. Өткөн айда жергиликтүү сот Ярославлдагы №1 колониянын 11 күзөт кызматкерин... Читать дальше...
9-августта дагы эки журналист "мамлекеттик “БелТА” агенттигинен маалыматты мыйзамсыз жол менен алган" деген шек менен кармалды. Беларустун Тергөө комитетинин бейшембидеги билдирүүсүндө көз каранды эмес “БелаПАН” агенттигинин башкы редактору Ирина Левшина “компьютердеги маалыматты уруксатсыз алган” деген кине менен кармалганы айтылат. 8-августта Тергөө комитети "БелТАга” байланыштуу иштин алкагында “Немис толкуну” эл аралык агенттигинин кабарчысы Павлюк Быковский менен дагы бир журналист, Беларустагы... Читать дальше...
АКШ Британияда мурдагы орус тыңчысы менен анын кызынын ууландырылышына байланыштуу Орусияга санкция салаарын жарыялады. Скрипалдарды ууландырууга эч тиешеси жоктугун билдирген расмий Москва Вашингтондун мындай ниетин кескин сындап жатат.
Стамбулда миллиондогон жүргүнчүлөрдү кабыл алган "Ататүрк" аэропорту быйыл 31-октябрда жабылат. Ошол эле күнү шаардагы жаңы аэропорт ишке кирет. Алгачкы эл аралык каттам Азербайжанга жүргүзүлөөрү кабарланды. Стамбул шаарындагы жаңы аэропорттун жалпы аянты 76,5 миллион чарчы метрди түзөт. Терминалдын аянты 1,6 миллион чарчы метр. Шаарда ошондой эле Сабиха Гөкчен атындагы эл аралык аэропорт иштейт. "Ата Түрк" аэропортунан 2017-жылы 32 миллиондон ашык чет өлкөлүк жүргүнчү өткөн. Алардын 105 миңге жакыны кыргызстандыктар. Читать дальше...
Ош шаарынын көчөлөрүндөгү жөө киши өтчү жолдорду тазалоо иши башталганын мэриянын басма сөз кызматынын жетекчиси Азамат Абсаттаров билдирди. - “Азаттыктын” түз эфирин көргөндөн кийин мэр өзүм билемдик менен тосулган жолдорду тазалоого тапшырма берди, - деди Абсаттаров. Кабарчыбыз Ыдырыс Исаков 9-августта түш ченде Оштогу тротуарларды бөгөп турган турак жайларды, соода түйүндөрүн жана оорукананы тартып, “Азаттыктын” "Фейсбуктагы" барагы аркылуу түз эфирге чыккан. Аны миңдеген адам көрүп, жергиликтүү бийликке нааразы пикирлерин жазышкан. Читать дальше...
Талас районунда "38 жаштагы эркекти зордуктоого аракет кылды" деп шек саналган 48 жаштагы адам кармалды. "Азаттыкка" райондук милиция 9-августта кабарлагандай, ал ички иштер бөлүмүнүн убактылуу кармоочу жайына киргизилди. Шектүүгө каршы Кылмыш-жаза кодексинин 131-беренеси ("Жыныстык мүнөздөгү аракеттерге мажбурлоо") менен кылмыш иши козголду. (AlS)
Бишкек шаардык соту 9-августта мурдагы өкмөт башчы Сапар Исаковдун бөгөт чарасын карап, өзгөртүүсүз калтырды. Биринчи май райондук соту 31-июлда аны тергөө аяктаганга чейин камакта сактоо тууралуу чечим чыгарган эле. Исаковдун адвокаты Нурбек Токтакунов билдиргендей, жараян ачык өттү. Адвокат "Сапар Исаковду камакка алуу мыйзамсыз болгон" деп, анын абактагы мөөнөтүн өзгөртүү тууралуу кассациялык арыз менен шаардык сотко даттанган. Бишкек Жылуулук электр борборун (ЖЭБ) жаңылоого байланыштуу... Читать дальше...
Мындан 73 жыл мурда Жапониянын Хиросима шаарынан кийин эле Нагасакиге АКШ атом бомбасын таштаган. Адамзат тарыхындагы бул апаатты эскерүү иш чарасына Бириккен Улуттар Уюмунун баш катчысы Антониу Гутерреш учуп барды. Бул анын Нагасакиге биринчи барышы. Тынчтык паркында өткөн эскерүү жөрөлгөсүндө Гуттереш дүйнөдө өзөктүк куралдан арылуу жараяны солгундап, ал тургай токтоп калганын баса белгилеп, тескерисинче өзөктүк арсеналы бар өлкөлөр аны заманга ылайыктап жатканына токтолду. «Нагасакиде туруп... Читать дальше...
Чолпон-Ата шаарында "Мекендештер" форуму жыйынтыкталып, 9-августтан баштап Көлдүн тескейинде уланууда. Иш-чарага келгендер учурда Кажы-Сайга, Бөкөнбаев жана Тосор айылдарына саякат кылып жатышат.
"Коомдук телерадиокорпорациянын (КТРК) "Ала-Тоо-24" каналынын журналисти Бурулай Пусурманкулованы сөгүп, акарат кылды" деген мамлекеттик кызматкер иштен боштулду. Бишкек мэриясынын басма сөз катчысы Калперизат Айдарбекова "Азаттыкка" билдиргендей, Жер пайдалануу жана курулуш башкармалыгынын жетектөөчү адиси Рустам Бейшеналиевдин маселесин бул мекемеде түзүлгөн этикалык комиссия карап, 9-августта ушундай чечим чыгарды: - Рустам Бейшеналиев Мамлекеттик жана муниципалдык кызматкерлердин этикалык кодексинин эрежелерин сактабаганы аныкталды. Читать дальше...
GULNUR Fashion брендинин негиздөөчүсү, Австрияда Атом энергиясы боюнча эл аралык агенттикте (МАГАТЭ) иштеген Гүлнур Тоялиева "Азаттыкка" маек куруп, чет жакта жүргөн кыргызстандыктардын мекенине кошкон салымы жана мода тууралуу ой бөлүштү.
"Мекендештер" форуму 9-августта Ысык-Көлдүн тескейинде уланууда. Анын катышуучусу, “Кыргызстан - Түркия" достук жана маданият коомунун жетекчиси Айбек Сарыгул "Азаттыкка" билдиргендей, иш-чарага келгендер Кажы-Сайга, Бөкөнбаев жана Тосор айылдарына саякат кылып жатышат. Эки жылда бир жолу өтүүчү "Мекендештер" форуму ушуну менен төртүнчү ирет уюштурулуп, 8-августтагы жыйынына президент Сооронбай Жээнбеков да катышты. Жалпысынан 27 мамлекеттен 150дөн ашуун делегат келди. Ысык-Көлдөгү "Рух-Ордо"... Читать дальше...
Хатлон облусундагы Шаартуз райондук соту 10 эркекке ВИЧ инфекциясын жуктурган, сойкулук менен акча тапкан аялды бир жыл эркинен ажыратты. Аты-жөнү А.З. деп шарттуу белгиленген аял "өзү сексуалдык кызмат көрсөткөн бир нече эркекке илдетти жуктурган" деп айыпталды. Сот залында айыпкер мындан ары "сойкулукка барбайм" деп убада берип, кечирим сураган. Сот анын үй-бүлөлүк оор шартын эске алып, өкүмүн жумшартты. Шаартуз районунун прокурору Үмөт Каримзоданын белгилешинче, мыйзамда мындай кылмыш... Читать дальше...
Орусиянын Тергөө комитетинин кызматерлери Борбордук Африка Республикасынын баш калаасы Банги шаарына учуп барып, июль айынын этегинде киши колдуу болгон үч журналистти ташыган жергиликтүү айдоочуну суракка алышты. Бул тууралуу “Медиазона” агенттигине Бангидеги кылмыш ишин иликтөөдөн кабардар киши билдирген. Мурдарак Бьенвеню Ндувокама аттуу айдоочу камакка алынганы белгилүү болгон. Бирок ал кылмыш ишинде кандай макам менен өтүп жатканы белгисиз. 31-июлда орусиялык чыгармачыл топко чабуул коюлганда айдоочу аман калган. Читать дальше...
АКШнын Федералдык иликтөө бюросу (ФБР) Орусиянын бир нече жаранын кармады. Тастыктама катты ФБР Кошмо Штаттардагы орустардын дипломатиялык өкүлчүлүгүнө жиберди. Бул тууралуу Нью-Йорктогу Орусиянын Башкы консулдугунун басма сөз катчысынын айтканына таянып, РИА "Новости" агенттиги жазып чыкты. Маалыматка караганда, үч орусиялык жаран "Интернет аркылуу көз боёмочулук кылган" деген шек менен кармалган. Башка булактар азырынча маалыматты бышыктай элек. Мурдарак АКШда төрт орусиялык кармалган. Аларга... Читать дальше...
Качан болсо эле “жапондор бизден тараган” деп мактанганды жакшы көргөн менин кыргыздарым эмне үчүн жок дегенде күнүнө бир эле сааттан жапон боло албай жатат?
Нарындын Ат-Башы районундагы Кара-Суу айылдык кеңеши жергиликтүү бийликтин ишине нааразылык иретинде өзүн өзү таркатты. Бул айылдык кеңештин төрагасы Жаныбек Иманкулов "Азаттыкка" билдиргендей, 8-августта 21 депутаттын 14ү ушундай чечимге кол коюшту. Иманкулов буга чейин айыл өкмөтүнүн жетекчилиги каржылык мыйзам бузууга жол бергени тууралуу прокуратурага жана жогорку бийликке кат жибергенине карабай, чара көрүлбөгөндүктөн ушундай кадамга барууга аргасыз болгонун айтты. Анын айтымында, эл өкүлдөрү... Читать дальше...