Новости за 03.06.2023

Өзгөчө кырдаалдар министрлигинин (ӨКМ) басма сөз кызматы Кара-Балта шаарында кампадан чыккан өрттөн эч ким жабыр тартпаганын билдирди. Мекеменини маалыматында, 3-июнда Чүй облусунун Жайыл районуна караштуу Кара-Балта шаарынын 1-май көчөсүндө жайгашкан кампадан өрт чыккан. Алдын ала маалыматта, кампада сакталган аммиак селитрасы күйгөн. Тилсиз жоо саат 23:38де чектөөгө алынып, ушу тапта толук өчүрүү иши жүрүүдө. Өрт болжол менен 250 чарчы метрдей аянтка жайылган. Аммиак селитрасы - айыл чарбасында жер семирткич катары колдонулат. Читать дальше...

Президенттин басма сөз катчысы Эрбол Султанбаев президент Садыр Жапаров 3-июнда жубайы Айгүл Жапарова менен түрк лидеринин инаугурациясына катышканын билдирди. Султанбаевдин белгилешинче, түрк президенти Кыргызстандын мамлекет башчысына ыраазычылык билдирди. Инаугурацияга Борбор Азиядан Казакстандын, Өзбекстандын жана Түркмөнстандын да президенттери катышкан. Жалпысынан 21 өлкөнүн президенти жана 13 өлкөнүн премьер-министри конок катары чакырылган. Түркиянын маалымат каражаттары аземден кийин... Читать дальше...

Бишкекте ичүүчү суунун жетишсиздигинен рейд жүрүп борбордо сууну көп сарптаган 15 жеке мончо жана автоунаа жуучу жай убактылуу жабылды. Бул тууралуу мэриянын басма сөз кызматы кабарлады. Мэриянын маалыматында, Бишкекти ичүүчү суу менен Орто-Алыш жана Ала-Арча жер астындагы суу алгычы камсыздайт. Анын 40% ашыгы Орто-Алыш суу алгычынан келет. Шаар бийлиги акыркы жылдары өзгөчө жай мезгилинде калкты ичүүчү суу менен камсыз кылуу маселеси турак жайларда гана эмес, бүтүндөй Бишкек шаарында да курчуп кеткенин билдирди. Читать дальше...

Жалал-Абад шаарындагы балдардын психоневрологиялык стационардык мекемесинде 117 бала жатат. Алардын көпчүлүгүн майыптыгы бар балдар түзөт.

3-июнда AnadoluJet авиакомпаниясынын (Turkish Airlines авиакомпаниясынын туунду компаниясы) Анкара-Бишкек-Анкара багыты боюнча биринчи учагы Бишкекке конду. “Манас” эл аралык аэропорту эми жүргүнчүлөр Түркиянын борборуна Бишкектен түз учса болорун билдирди. Маалыматта, каттам жумасына төрт жолу – дүйшөмбү, шаршемби, ишемби жана жекшемби күндөрү болот. Август айынан тарта Бишкектен Анкарага каттамдар күн сайын аткарылары пландалууда. Учуунун убактысы 4 саат 30 мүнөттү түзөт. “Манас” эл аралык... Читать дальше...

“Сорос-Кыргызстан” фонду 3-июнда кыргыз Википедиясынын түзүлгөнүнө 21 жыл болгонун билдирди. Фонддун маалыматына ылайык, алгачкы тогуз жылда анын иши жай жүрүп болгону 1300 макала киргизилген. 2011-жылдан тартып “Сорос-Кыргызстан” маалымат киргизүүгө колдоо көрсөтө баштаган. Ушу күндө Википедияда кыргыз тилиндеги маалыматтардын саны 80 миңден ашты. Википедиянын бардык тил бөлүмдөрүнүн арасынан 142-орундан 81-орунга көтөрүлдү. Интернеттеги Википедия сайтынан 300дөй тилде маалымат алып, түшүндүрмө тапса болот. Читать дальше...

Кыргызстан менен Тажикстандын чек ара маселеси президенттер Садыр Жапаров менен Эмомали Рахмондун Чолпон-Ата шаарындагы жолугушусунда да көтөрүлдү. Анда эки өлкө башчы азыркы учурга чейин жетишилген натыйжага ынанып жатканын айтышты.  2-июнда Чолпон-Ата шаарында өткөн “Европа Биримдиги – Борбор Азия” саммитине келген Тажикстандын президенти Эмомали Рахмон өлкө башчы Садыр Жапаров менен жолукту. Анда чек ара маселесине өзгөчө көңүл бурулганын мамлекет башчынын маалымат кызматы билдирди. “Кыргыз-тажик... Читать дальше...

Мамлекет башчы Садыр Жапаров менен Европа Кеңешинин президенти Шарль Мишел сүйлөшүүлөрдүн жыйынтыгы боюнча жалпыга маалымдоо каражаттары үчүн биргелешкен билдирүү кабыл алышты. Жолугушуу 3-июнда Ысык-Көлдүн Чолпон-Ата шаарында өттү. “Жолугушууда президенттер демократия, адам укуктарын жана мыйзам үстөмдүгүн урматтоо, экономикалык кызматташтык жана туруктуу өнүктүрүү максаттарына негизделген эки тараптуу кеңири кызматташууну мындан ары тереңдетүү ниетин билдиришти”, - деп айтылат президенттин басма сөз кызматы тараткан маалыматта. Читать дальше...

Улуттук коопсуздук боюнча мамлекеттик комитеттин (УКМК) басма сөз кызматы пара берүүгө аракет кылган диний уюмдун эки өкүлү кармалганын, алардын бири чет өлкөнүн жараны экенин билдирди. Маалыматка ылайык, христиандык диний уюмдардын биринин өкүлдөрү мурда диний чөйрөдөгү мыйзамдарды бузганы үчүн административдик жоопкерчиликке тартылган. Алар Кыргызстанда иштөө үчүн уруксат албай эле чет өлкөлүк миссионерлерди тартуу менен диний ырым-жырымдарды өткөрүшкөн. Айып салынгандан кийин чет элдик жаранга... Читать дальше...

Европа кеңешинин президенти Шарль Мишел Чолпон-Атадагы саммиттен кийинки маалымат жыйынында “Азаттык” радиосунун “Евробиримдик Кыргызстанга, Казакстанга же Өзбекстанга санкция салышы мүмкүнбү?” деген суроосуна жооп берди. Ал Европа Биримдиги Орусиянын согуш машинасын колдогондорго чара көрүп жатканын, жаңы санкциялар учурда талкууланып жатканын белгиледи. “Биз буга чейин Орусиянын согуш машинасын колдогондорго көп чараларды көргөнүбүз анык. Биз санкциялардын 10 пакетин макулдашканбыз. Биз учурда... Читать дальше...

Кыргызгидромет борбору кабарлагандай, 4-июнда бийик тоолуу райондордо кар жаайт. Калган аймактарда күн ачык болот. Батыштан соккон шамалдын ылдамдыгы секундасына 4-9 метрден, күндүз айрым жерлерде 15-20 метрге жетет. Абанын температурасы: Чүй өрөөнүндө түнкүсүн 13…18, күндүз 29…34, Талас жергесинде түнкүсүн 10…15, күндүз 27…32, Баткен, Ош, Жалал-Абад аймактарында түнкүсүн 10…15, күндүз 31…36, Ысык-Көл дубанында түнкүсүн 6…11, күндүз 20…25, Нарын облусунда түнкүсүн 6…11, күндүз 21…26... Читать дальше...

Кылмыш-жаза кодексинин “Шайлоочулардын добуштарын сатып алуу” беренесине шек саналып кармалган эки адам үй камагына чыгарылды. Мындай чечимди Бишкектин Свердлов райондук соту 31-майда Бишкек шаардык ички иштер башкармалыгынын Тергөө кызматынын тергөөчүлөрүнүн өтүнүчү менен чыгарды. Бул тууралуу “Азаттыкка” Бишкек шаардык сотунун басма сөз кызматы билдирди. №26 бир мандаттуу Ленин шайлоо округунан Жогорку Кеңештин депутаттыгына талапкер Дамира Ниязалиеванын штабынын эки кызматкери 29-май күнү кечинде кармалган. Читать дальше...

3-июнда Чолпон-Ата шаарында Европа Кеңешинин президенти Шарль Мишелдин Кыргызстанга расмий сапарында кеңейтилген форматтагы жолугушуу болду. Кыргызстандын президенти Садыр Жапаров европалык делегация менен жолугушууда Европа Биримдиги Кыргызстандын ишенимдүү өнөктөшү экенин айтканын мамлекет башчынын басма сөз кызматы билдирди. “Биринчиден, мен Европа Биримдигине өлкөбүздүн туруктуулукка, өнүгүүгө жана демократияга карай жолунда баа жеткис колдоосу жана жардамы үчүн чын жүрөктөн ыраазычылык билдирем. Читать дальше...

Кыргызстандын Тажикстандагы элчиси Эрлан Абдылдаев 2-июнда Тажикстандын башкы прокурорунун орун басары Дилшод Талбакзода менен жолугушту. Бул тууралуу Кыргызстандын Тышкы иштер министрлигинин (ТИМ) басма сөз кызматы билдирди. Мекемеден кабарлашкандай, жолугушууда Тажикстанда жүргөн кыргыз жарандарынын укуктарынын корголушу жана бул өлкөдө соттолуп, жазасын өтөп жаткан Кыргызстандын жарандарын Кыргызстандын абактарына которуу маселеси көтөрүлдү. ТИМ Тажикстанда канча кыргыз жараны абакта жатканын тактаган жок. Читать дальше...

Быйыл май айында Орусиядан Кыргызстанга төрт мигранттын сөөгү жеткирилди. Бул тууралуу Кыргызстандын Орусиядагы элчилиги маалымдады. 2022-жылы чет мамлекеттерден 350 кыргызстандыктын сөөгү мекенине алынып келген, алардын 200дөн көбү Орусияда каза болгондор. Тышкы иштер министрлигинин (ТИМ) расмий маалыматына караганда, 2021-жылы Кыргызстанга четтен 540 адамдын сөөгү “Жүк-200” болуп келген.   Кыргызстандын миллиондон ашуун жараны бүгүнкү күндө Орусияда эмгек мигранты болуп жүрөт. Акыркы 30 жылдын... Читать дальше...

3-июнда Ысык-Көл облусунун Чолпон-Ата шаарында Европа Кеңешинин президенти Шарль Мишелдин Кыргызстанга болгон расмий сапары башталды. Кыргызстандын президентинин басма сөз кызматы мамлекет башчы Садыр Жапаров менен Шарль Мишель эл аралык маанидеги маселелерди талкуулап, аймактагы кызматташтык боюнча пикир алмашканын билдирди. “Биздин өлкөгө жана регионго сиздин жеке көңүл бурганыңыз бизге Европа Биримдиги менен өнөктөштүк мамилелерди мындан ары ар тараптуу өнүктүрүү жана чыңдоо үчүн кошумча стимул берет. Читать дальше...

Индиянын чыгышындагы Одиша штатында жүргүнчү жана жүк ташыган поезддер кагышып, кеминде 233 адам мерт кетип, дагы 900дөй киши жаракат алды. Жума күнү болгон кырсыктан каза болгондор дагы көбөйүшү мүмкүн экени айтылды. Бул тууралуу Reuters агенттиги жазды. Индиянын өкмөтү бул темир жол кырсыгын өлкөнүн акыркы он жылдагы эң кандуу окуясы деп атады. Одишанын Баласор районунда кырсык болгон жерге 200дөн ашык “Тез жардам” чакырылып, 100 кошумча дарыгер тартылган. Маалыматка караганда, Калькутта шаарынан... Читать дальше...

Конституциялык сот “Жогорку Кеңештин депутаттарына кылмыш ишин козгоо үчүн парламенттин макулдугу кереги жок” деген чечимине түшүндүрмө берди. Мекеме “Жогорку Кеңештин регламенти жөнүндө” мыйзамда башкы прокурор депутатка кылмыш ишин козгошу үчүн депутаттардын жалпы санынын көпчүлүгүнүн макулдугу керек деген жобо эл өкүлдөрүнүн Конституцияда белгиленген укуктарын кеңейтип салганы айтылат. Конституциялык сот парламентарийлерге депутаттардын макулдугу жок эле иш козгосо болорун, бирок аларды жоопкерчиликке... Читать дальше...