Новости за 26.06.2023

“Чет өлкөлүк өкүл” деген макам камтылган бейөкмөт уюмдар жөнүндө мыйзам долбоору парламенттеги тармактык комитетинин 27-июндагы отурумунда күн тартибинен алынды. Буга мыйзам долбооруна демилгечи болгон айрым депутаттардын авторлуктан баш тартканы себеп болду.  Ар тармактарда иш алып барган активдүү жарандар “чет өлкөлүк өкүл” аталып калышы ыктымал экени айтылган "Коммерциялык эмес уюмдар жөнүндө" мыйзам долбоорунун айласында окуялар өнүгүп, талаш-талкуу күчөдү. Ак үй алдындагы акция "Бир дүйнө... Читать дальше...

Орусия Федерациясындагы татар улутунун советтик автономиясы үчүн күрөшкөн залкар мамлекеттик ишмер Мирсайит Султан-Галиев жазыксыз жерден сталиндик жазалоого кабылып, 48 жашында набыт кеткен. Анын элеси жана мурасы тууралуу тарыхчынын блогу.   Орусияда КГБнын архиви дагы дээрлик жарым кылымдай жабылып калды. Ал архивде далай залкарлардын жана карапайым советтик жарандардын ачуу тагдыры тууралуу чыныгы маалыматтар катылып жатат. Ал эми татар улутунун көрүнүктүү мамлекеттик жана коомдук ишмери... Читать дальше...

"Америка ыры" сынагына өлкө боюнча 700дөн ашуун мектеп окуучусу катышты. Бишкекте өткөн финалдык таймашта 20 талапкер өнөрүн сынады. АКШ элчилигинин колдоосу менен мектеп окуучулары арасында өткөрүлүп келаткан бул сынак жаштарды англис тилине кызыктырууну көздөйт.

Каза болгондордун төртөө бир үй-бүлө мүчөлөрү, калган экөө да бир үй-бүлөдөн. Баары Алай районунун тургундары экени белгилүү болду. Окуя 24-июнь күнү магистралдын 93-чакырымында орун алган. Ош облустук Жол кыймылынын коопсуздугун камсыздоо башкармалыгы  “Азаттыка” билдиргендей, Ош тарапты көздөй бара жаткан жеңил машине менен Эркечтамга бараткан оор жүк ташуучу автоунаа кагылышкан. Маркумдардын сөөгү 25-июнда жерге берилди. Ушул айдын башында Бишкек–Ош автожолунун Суусамырдын тушундагы тилкесинде жол кырсыгынан 14 адам жабыркап... Читать дальше...

Кыргызстандын Финансы министрлиги "Кабар" улуттук маалымат агенттигин каржылоого мамлекеттик бюджеттен 6,9 миллион сом бөлүүгө уруксат сурап, Жогорку Кеңешке кайрылды. Маселени парламенттин Бюджет, экономикалык жана фискалдык саясат комитети 26-июнда карады. Депутат Дастан Бекешев министрликтин сунушуна каршы чыкты. "Биз мамлекеттик маалымат каражаттарын каржылоо үчүн дайыма бюджеттен акча бөлүп келебиз. "Пирамида", "Бешинчи каналга" да былтыр ар бирине 20 млн. сомдон бөлүнгөн. Аягы эмне болду? Читать дальше...

Бишкек жайкы аптапта сууга чаңкап турат. Суу башында турган өлкөнүн баш калаасы таза сууга зар болот деп ким ойлоптур? Ушул тапта Бишкектин түштүк-батыш аймагындагы Арча-Бешик, Ынтымак, ТЭЦ-2, Селекция, Орок, Ак-Ордо жана Ала-Тоо конуштарынын тургундары ичүүчү суунун машакатын өзгөчө тартууда.

Парламенттин күн тартибинен “чет өлкөлүк өкүл” тууралуу талаштуу мыйзам долбоору алды. Отуздай эл өкүлү сунуштаган долбоордон дагы бир нече депутат авторлуктан баш тартты. Орусиядагы "куралдуу козголоң" маалында киргизилген контртеррордук режим Москвада алынды. 24 сааттын ичинде орус бийлигине сес көрсөтүп, коркунуч жараткан «Вагнердин» башчысы Евгений Пригожин азыр кайда экени белгисиз. Европа Биримдиги Орусияга салган санкциялардын алкагында Бельгиянын банкы Орус-кыргыз өнүктүрүү фондунун активдерин камакка алды. Читать дальше...

Улуттук банк "Керемет банк" боюнча козголгон кылмыш ишинин алкагында кызматтык иликтөө жүргүзүп, 4,4 млрд. сом зыян келтирилгенин аныктады. Бул маалыматты башкы банктын башчысы Кубанычбек Бөкөнтаев 26-июнда, Жогорку Кеңештин Бюджет, экономикалык жана фискалдык саясат комитетинде депутат Элвира Сурабалдиеванын суроосуна жооп берип жатып билдирди. Анын айтымында, кызматтык иликтөө 2022-жылы "Росинбанктын" жана "Керемет банктын" иши боюнча жүргүзүлгөн. Башкы прокуратура 2022-жылдын декабрь айынын... Читать дальше...

Кыргыз адабияты менен журналистикасы талантуу кызынан айрылып турат. Кыргыз Республикасынын маданиятына эмгек сиңирген ишмер, акын, журналист Гүлжамила Шакирова 68 жашында мезгилсиз дүйнө салды. Калемгер соңку 30 жылдан бери УТРКнын Кыргыз радиосунда эмгектенип жаткан. Замандаштары аны мекенчил калемгер катары сыпатташат. "Шатыра-шатман жүрүп, жакшы дем менен эмгектенди" 68 жашында өмүрдөн өткөн Гүлжамила Шакирова бир топ жылдан бери эле астма оорусу менен күрөшүп жүргөн. Жакындарынын маалыматына... Читать дальше...

26-июнда Бишкектин Биринчи Май райондук сотунда Кемпир-Абад иши боюнча алдын ала угуулар аяктады. Ошондой эле сотто адвокаттардын "отурумду ачык өткөрүү, тергөө сунуштап жаткан экспертиза жыйынтыктарын далил зат катары карабоо" тууралуу өтүнүчтөрү четке кагылды. Кийинки жараян 7-июлга белгиленди. Ал күнү сот иштин мазмунун кароону баштайт. Кемпир-Абад ишин судья Марат Сыдыков жабык карап жатат. Соттук алдын ала угуу 22-23-июнда башталып, 26-июнда уланды. Бул иш сегиз айлык тергөөдөн кийин сотко өткөн. Читать дальше...

Түндүк Кореянын эли ачарчылык коркунучу тууралуу айтып жаткан учурда бийлик АКШга каршы миңдеген адамдын катышуусунда парад өткөрдү. Мамлекеттик басылмалар Пхенянда Корей согушунун башталганынын 73 жылдыгына карата уюштурулган жүрүшкө 120 миңге адам катышканын жазышты. Алар АКШга каршы ураан менен чыгышты. Буга чейин Би-Би-Си Түндүк Кореянын жарандары менен жашыруун сүйлөшкөндө, алар өлкөдө тамак-аш жетишпей, ачарчылыктан каза болгондор бар экенин билдиришкен. Түндүк Кореянын лидери Ким Чен... Читать дальше...

Коопсуздук кеңешинин катчысы Марат Иманкулов Кыргызстан Орусиянын бийлиги менен өлкөдөгү соңку окуялар боюнча сүйлөшө электигин билдирди. Ал 26-июнда “Азаттыктын” менчик аскердик компаниялардын тобокелдиктери тууралуу суроолоруна жооп берип жатып мындай деди: “Жеке менчик аскердик компаниялар түзүлсө да алар мыйзам менен көзөмөлдөнүшү керек. Мисалы, АКШда, Кытайда да ушундай компаниялар бар. Алар кайтаруу жана башка иштер менен алек болот. Менин билишимче Орусияда алардын ишин жөнгө сала турган мыйзам да жок болушу керек. Читать дальше...

Бишкектин Жылуулук электр борборун (ЖЭБ) реконструкциялоодогу коррупциянын айынан мамлекетке келтирилген зыяндын орду толтурула элек. Бул тууралуу бүгүн 26-июнда Жогорку Кеңештин Эл аралык иштер, коргоо, коопсуздук жана миграция боюнча комитетинин жыйынында депутаттарга маалымат берип жатып энергетика министри Таалайбек Ибраев билдирди. Депутат Чыңгыз Айдарбековдун “Долбоордун алкагында кандайдыр бир акча кайтарылып берилдиби?” деген суроосуна министр “Жок” деп жооп берди жана сот иштери толук... Читать дальше...

КЛООП медиасы Кыргызстандагы кумар оюндарын ойнотуучу "Гранд казино" компаниясына экс-депутат Арзыбек Буркановдун уулу негиздөөчү болгонун жазып чыкты. "Президенттин досу жана демөөрчүсү Арзыбек Буркановдун уулу "Гранд Казинонун" негиздөөчүсү болду" деген макалада аталган компаниянын негиздөөчүлөрүнүн курамында кезектеги өзгөрүүлөр болгону жазылган. КЛООП макаласын Юстиция министрлигинин сайтындагы маалымат менен ырастап, ага ылайык компания 23-июнда кайра каттоодон өткөнүн, ага жаңы негиздөөчүлөрү... Читать дальше...

Кыргызстанда бүгүнкү күндө 246 мектеп авариялык абалда турат. Бул тууралуу 26-июнда Жогорку Кеңештин Эл аралык иштер, коргоо, коопсуздук жана миграция боюнча комитетинин жыйынында депутаттарга маалымат берип жатып өзгөчө кырдаалдар министринин биринчи орун басары Азамат Мамбетов билдирди. Жыйында Эл аралык өнүктүрүү ассоциациясынын (Дүйнөлүк банктын мекемеси) Кыргызстандын мектептерин жаңылоо үчүн бөлүп жаткан каражаты (жарымы насыя, жарымы грант) тууралуу сөз болду. Мамбетовдун айтымында, бул долбоор алкагында оңдолуп... Читать дальше...

Экономика жана коммерция министри Данияр Амангелдиев Орус-кыргыз өнүктүрүү фондунун камакка алынган активдерин чыгаруу боюнча чечим чыга электигин 26-июнда “Азаттыкка” билдирди. Муну менен ал активдер камакка алынганы тууралуу маалыматтарды ырастады. Буга чейин economist.kg сайты фонддун бельгиялык Euroclear Bank S.A./N.V. каржы мекемесиндеги камакка алынган активдерди чыгаруу боюнча Министрлер кабинетинин мүчөлөрү Брюсселге барганын жазган. Анда делегациянын курамында экономика жана коммерция министри Данияр Амангелдиев... Читать дальше...

Кыргызстанда 27-июнда түнкүсүн жаан-чачын жаабайт. Күндүз Ысык-Көл, Нарын облустарынын айрым жерлеринде, Чүй, Талас, Ош, Жалал-Абад, Баткен облустарынын тоо этектеринде жана толуу райондорунда өткүн өтүп, күн күркүрөйт. Батыштан соккон шамалдын ылдамдыгы секундасына 4-9 метрден 15-20 метрге жетет. Абанын температурасы: Чүй өрөөнүндө түнкүсүн 13…18, күндүз 30…35; Талас өрөөнүндө түнкүсүн 10…15, күндүз 25…30; Баткен, Ош, Жалал-Абад облустарында түнкүсүн 15…20, күндүз 30…35; Ысык-Көл облусунда түнкүсүн 8…13... Читать дальше...

Кытай Иран аркылуу Өзбекстанга контейнер поездин жүргүзө баштады. "Узтемиржолконтейнер" кабарлагандай, Сиямен портунан чыккан поезд тиричилик техникасын жүктөп, Ташкенттеги Сергели станциясына келет. Бирок ал качан жолго чыкканы айтылган жок. Контейнерлер Кытайдан деңиз аркылуу Ирандын Бандар-Аббас портуна жеткирилип, андан соң порттогу темир жол платформаларына жүктөлүп, Түркмөнстан аркылуу Өзбекстанга жетет. Буга чейин Өзбекстандын Транспорт министрлиги Кытайдын Ланжоу станциясынан Ташкентке блок поезди жөнөтүлгөнүн... Читать дальше...

Кыргызстандын футзал боюнча улуттук курама командасы Азия чемпионатынын (Азия Кубогу) тандап алуу оюндарында Мальдив аралдары, Иран, Ливан курамалары менен ойнойт. Кыргызстандын футзал ассоциация билдиргендей, 22-июнда Азия футбол конфедерациясынын баш кеңсесинде футзал боюнча 2024-жылкы Азия Кубогунун тандап алуу оюндарына чүчүкулак тартуу аземи өтүп, анын жыйынтыгында, командалар 8 тайпага бөлүндү. Кыргызстан Мальдив аралдары, Иран, Ливан курамалары менен «С» тайпасына туш болду. «С» тайпасындагы... Читать дальше...

"Талибандын" улук лидери Хибатулла Ахунзада анын өкмөтү Ооганстанда аялдардын жашоосун жакшыртуу үчүн зарыл чараларды көргөнүн билдирди. Бул кайрылуу өлкөдө талибдер бийликке келгени кыз-келиндердин эркиндиги кескин чектелип, эл аралык коомчулуктун сынына кабылып, эл аралык уюмдар ишин токтотуп жаткан чакта жасалды. Ооганстанда жана башка ислам өлкөлөрүндө ушул жуманын ортосунда белгилене турган Курман айт майрамынын алдында жарыяланган билдирүү араб, дари, англис, пушту жана урду тилдеринде таратылды. Читать дальше...

Бүгүн, 26-июнда Бишкектин Биринчи Май райондук сотунда Кемпир-Абад иши боюнча алдын ала угуулар уланды. Сотко абакта кармалып тургандар жеткирилип, үй камагындагылар жана айыпталуучулардын адвокаттары келгенден кийин жараян башталды. Абакта кармалып тургандардын адвокаттары алардын бөгөт чарасын өзгөртүү өтүнүчү менен сотко кайрылууну көздөп жатышканын адвокат Кантемир Турдалиев "Азаттыкка" билдирди. 23-июндагы сотто абакта кармалып турган жарандык активисттер Рита Карасартова менен Атай Бейшенбек үй камагына чыгарылган. Читать дальше...

“Бийлик сырлары” берүүбүздүн бул жолку мейманы советтик армиянын полковниги, Кусейин Карасаев атындагы Бишкек мамлекеттик университетинин профессору Валимжан Таңырыков болду. Ал маегинде кантип аскер кызматкери болгонун, ойдо жок жерден Москвада котормочулукка окуп калганын, Сирияда кылган кызматын, Айтматовго жолукканын, “өзгөчө тапшырмаларды” аткарганын, айдалган тыңчылар, тонолгон-таланган аскер курал-жарактары ж.б. жөнүндө кеп кылат. - Валимжан ага, сиз Ош мамлекеттик институтунун англис тили мугалими адистигин бүткөн экенсиз... Читать дальше...

Орусияда Дүйшөмбүнүн өтүнүчү менен тажикстандык активист Жунайдулло Худоёров кармалды. Бул тууралуу "Озоди" радиосу активисттин бир тууганы Фарход Худоёровго таянып кабарлады. Маалыматка караганда, Жунайдулло Худоёров 22-июнда Ханты-Мансы автоном округундагы Березово айылында кармалып, соттун чечими менен эки айга камакка алынган. "Озоди" радиосунун колуна тийген документке ылайык, Жунайдулло Тажикстандын Рашт райондук ички иштер башкармалыгынын өтүнүчү менен кармалган. Анда Худоёров мекенинде "бейбаштыкка" шектелип жатканы жазылган. Читать дальше...

Парламенттик комитетте каралганы жаткан “чет өлкөлүк өкүл” жөнүндөгү мыйзам долбоору күн тартибинен алынды. Бул маалыматты бүгүн 26-июнда “Азаттыкка” Жогорку Кеңештин басма сөз кызматынан тастыкташты. Укук тартиби, кылмыштуулукка жана коррупцияга каршы күрөшүү боюнча комитет "Коммерциялык эмес уюмдар жөнүндө" мыйзамга жана Кылмыш-жаза кодексине өзгөртүүлөрдү киргизүү жөнүндөгү мыйзам долбоорун 27-июнда 1-окууда карамай болуп жаткан. Маселе комитеттин бул күнкү күн тартибине №6 болуп киргенин... Читать дальше...

Улуттук банктын 26-июндагы көрсөткүчүнө ылайык, бүгүн орус рублинин курсу 1 сом төрт тыйын болду. Ал эми коммерциялык банктарда бир рубль 1 сомдон алынып, 1 сом төрт тыйындан орточо сатылууда.  24-июнь, ишемби күнү рублдин курсу Кыргызстанда кескин төмөндөгөн. Коммерциялык банктар 1 рублди 78-90 тыйындан алып жатканы кабарланган. Рублдин арзандашына ал күнкү Орусияда Пригожиндин "куралдуу козголоңунун" таасир эткени айтылган. Улуттук банктын 26-июндагы көрсөткүчүнө ылайык, 1 евро 94 сом 72 тыйын... Читать дальше...