Новости за 28.06.2023

29-июнда жалпы Кыргызстан боюнча жаан-чачын күтүлбөйт. Батыштан соккон шамалдын ылдамдыгы секундасына 4-9 метрге, күндүз айрым жерлерде 15-20 метрге жетиши күтүлүүдө. Абанын температурасы: Чүй өрөөнүндө түнкүсүн 13…18, күндүз 28…33; Суусамырда түнкүсүн 1... 6, күндүз 17...22;  Таласта түнкүсүн 8…13, күндүз 25…30; Баткен, Ош, Жалал-Абад облустарында түнкүсүн 16…21, күндүз 29…34; Ысык-Көл облусунда түнкүсүн 8…13, күндүз 18…23; Нарын облусунда түнкүсүн 6…11, күндүз 21…26 градус жылыйт. Читать дальше...

"Альфа Телеком" же "Мега" ишканасынын мурдагы жетекчиси Азат Базаркулов коррупциялык иштерге шек саналып кармалды. Бул аталган компаниянын жетекчилери кармалган алгачкы учуру эмес. "Тендерде артыкчылык берилген" “Меганын” мурдагы директору Азат Базаркулов 27-июнда кармалды. Улуттук коопсуздук боюнча мамлекеттик комитет ​анын коррупцияга шек саналып кармалганын, “Мегакомдун” жетекчилиги жеке компаниялар менен сүйлөшүп, тендерлерде аларга артыкчылык берип турганы менен негиздеген. Атайын кызмат... Читать дальше...

Тажикстандын президенти Эмомали Рахмон улам ажылыкка баргандарды сынга алды. 27-июндун кечинде Курман айтка байланыштуу куттуктоосунда Рахмон айрым жарандар ыйык жайларга зыярат кылууну "үй-бүлөлүк жарышка айлантып жатканына" тынчсыздануусун билдирди. Анын айтымында, кээ бирөөлөр жашоо-турмушу жакшы болбосо да Меккеге зыяратка барып жатат. Дин иштери боюнча комитеттин маалыматына ылайык, Тажикстанда 200 миңдей киши ажылыкка барып келген. Жыл сайын төрт миңдей адам Сауд Арабиясына зыяратка барышат. Читать дальше...

Кыргыз Эл акыны Сүйөркул Тургунбаев 83 жашта. Азыр ал адабий чөйрөдөн алыс, Токмок шаарында жашайт. Бирок "Кечки троллейбус", "Замандаштын дүйнөсү", "Жарыктын ыры", "Эки аска" өңдүү ондогон китептерине кирген ырлары аны кыргыз поэзиясында өзгөчө изи, үнү бар акын экенин эбак далилдеп койгон. Акын бала кезинен Барпы Алыкулов, Сүйүнбай Эралиев, Лермонтов, Пастернак баштаган кыргыз, орус таланттарынын чыгармаларына кантип сугарылганы, "Кечки троллейбусу” эмнеге “буржуазиялык” деген сынга кабылганы, жоготуулары, ден соолугу тууралуу айтып берди. Читать дальше...

Кыргыз Эл акыны Сүйөркул Тургунбаев 83 жашта. Азыр ал адабий чөйрөдөн алыс, Токмок шаарында жашайт. Бирок "Кечки троллейбус", "Замандаштын дүйнөсү", "Жарыктын ыры", "Эки аска" өңдүү ондогон китептерине кирген ырлары аны кыргыз поэзиясында өзгөчө изи, үнү бар акын экенин эбак далилдеп койгон. Акын бала кезинен Барпы Алыкулов, Сүйүнбай Эралиев, Лермонтов, Пастернак баштаган кыргыз, орус таланттарынын чыгармаларына кантип сугарылганы, "Кечки троллейбусу” эмнеге “буржуазиялык” деген сынга кабылганы, жоготуулары, ден соолугу тууралуу айтып берди. Читать дальше...

Жогорку Кеңештин депутаты Надира Нарматова Кыргызстандагы акча алмаштыруучу жайларга Көзөмөл-кассалык машина (ККМ) орнотууну караган мыйзам долбоорун сунуштады. Ал иштеп чыккан долбоор парламенттин сайтында коомдук талкууга чыгарылды. Тиешелүү кабарда бул мыйзам долбоору Кыргызстандын аймагында алмаштырылган акчанын эсебин алуу, салыкты көбүрөөк жыйноо, валюталык курстардын олку-солкулугун алдын алуу жана башка нерселерди максат кылары айтылат. Документтин маалымдама-негиздемесинде көрсөтүлгөндөй... Читать дальше...

Иркутск полициясы Ковыктинск газ кенинде иштеген кыргызстандык жана тажикстандык мигранттар ортосунда 23-июнда чыккан калайман мушташтын он катышуучусун камакка алды. Бул тууралуу "Озоди" радиосу Иркутскидеги тажик диаспорасына таянып жазды. Жергиликтүү маалымат каражаттары мушташта тогуз киши жабыркап, жыйырма чактысы кармалганын жазган. Күбөлөрдүн айтымында уруш ашканадагы кезек күтүүдөн улам чыккан. Буга чейин Кыргызстандын Тышкы иштер министрлиги билдиргендей, Кыргызстандын Орусиядагы элчилиги жараат алган беш адам менен байланышкан. Читать дальше...

Түштүк Кореянын жарандары расмий түрдө бир жылга жашарды. 28-июнда өлкө адам жашын эсептөө боюнча эл аралык стандартка өттү. Тактап айтканда, буга чейин түштүк кореялыктар төрөлгөндө эле бир жаш деп эсептелчү. Ал эми жыл жаңырганда бала дароо экиге чыкчу. Мисалы, 31-декабрда төрөлгөн бала 1-январда эки жашка чыгып калар эле. Буга байланыштуу өлкөдө социалдык башаламандык көп катталып келген. Эми административдик жана жарандык кодекстерге киргизилген өзгөртүүлөргө ылайык, түштүк кореялыктардын... Читать дальше...

29-июнь - 2-июль күндөрү Ысык-Көл жээгиндеги “Акун Ысык-Көл” пансионатында "Жылдыздуу жээк - 2023" поэзия фестивалы өтөт. Бул тууралуу Чыныбай Турсунбеков атындагы фонддон кабарлашты. Анын алкагында акын, мамлекеттик жана коомдук ишмер, маркум Чыныбай Турсунбеков атындагы адабий сыйлык үчүн акындар арасындагы сынактын жеңүүчүлөрү аныкталат. Чыныбай Турсунбеков атындагы адабий сыйлыкка 18 - 45 жаштагы 113 акын катышты жана калыстар тобу тарабынан беш акын финалист деп аныкталды. Конкурстук чыгармалар 15-марттан 15-майга чейин кабыл алынган. Читать дальше...

Бишкектин электр тармактары ишканасы электрге карызы бар 4800 абоненттин жарыгын 29-июндан тартып өчүрө турганын эскертти. Бул тууралуу маалымат мекеменин социалдык түйүндөрдөгү баракчасына жарыяланды. Мекеме февраль-март айларында 7 миңдей колдонуучуга ушундай эскертүү берген. Андагы маалыматтарда кыш күндөрү суук болгондуктан карызы бар абоненттердин электр энергиясы өчүрүлбөгөнү айтылган. Кыргызстанда, анын ичинде Бишкекте электр энергиясын колдонуучулардын көп бөлүгүнө автоматташтырылган... Читать дальше...

Жалал-Абад облусунун Майлуу-Суу шаардык сотунун имаратын оңдоого бөлүнгөн каражаттардын 4 миллион сому бюджеттен мыйзамсыз чыгарылып кеткени аныкталды. Бул тууралуу Улуттук коопсуздук боюнча мамлекеттик комитеттин (УКМК) басма сөз кызматы билдирди. Маалыматта айтылгандай, бул фактыга байланыштуу Жогорку сотко караштуу Сот департаментинин Жалал-Абад облусу боюнча башкармалыгынын техникалык көзөмөлдөө боюнча адиси К.Р.С. жана башкы адиси А.Д.К. кармалды. Тергөөнүн жүрүшүндө аталган кызматкерлер... Читать дальше...

Тоолуу Карабак жикчил аймагынын де-факто бийлиги 28-июндун таңында билдиргендей, азери армиясынын огунан төрт этностук армян аскери мерт болду. Ал эми Азербайжандын Коргоо министрлиги алардын позициялары Тоолуу Карабак тараптан аткыланып, бир азери аскери жарадар болгонун кабарлады. Окуя 27-июнда, Кошмо Штаттарда Армения менен Азербайжандын тышкы иштер министрлеринин үч күндүк тынчтык сүйлөшүүлөрү башталган маалда болду. Буга чейин АКШнын мамлекеттик катчысы Энтони Блинкен Твиттерге жазгандай... Читать дальше...

30-июнда Ысык-Көлдүн жээгинде "Асман" шаарынын курулушу башталганы турат. Кыргыз бийлиги кеминде 500 миң кишиге ылайыкташкан, экологиялык, заманбап архитектуралуу шаар курула турганын 2021-жылы жайында жарыялаган. Ээн жерде, эрме чөлдө жаңы калаа түптөө идеясы жаңы эмес. Дүйнөдө андай дымактуу долбоорлор Бразилиядан Индиянын Чандигарх, малайзиялык Путраджайя же Абу-Дабидеги Масдар-Ситиге чейин ишке ашкан. Азыр дагы жүрүп жаткан курулуштар бар. “Акылдуу”, жашыл энергияга, жогорку технологияларга негизделген шаар куруу канчалык реалдуу? Читать дальше...

Свердлов райондук ички иштер бөлүмүнөн билдиришкендей, эски аянтта окулган айт намазага кирип бараткандарды текшерип өткөрүү бекеттеринин биринен газ менен иштеген травматикалык тапанча алып өтүп бараткан 1990-жылы туулган Э. А. аттуу жаран кармалды. Бул факт мыйзам бузуу катары каттоого алынып, шектүү милиция пунктуна жеткирилди. Алгачкы маалымат боюнча аталган жарандын тапанчаны сактоого гана уруксаты болгон. Окуянын чоо-жайы андан ары териштирилүүдө. Бишкек шаардык ички иштер башкармалыгынын... Читать дальше...

Бүгүн, 28-июнда Кыргызстанда Курман айт майрамы белгиленүүдө. Бардык мечиттерде майрамдык Айт намазы окулду. Эл эң көп чогулган Айт намазы Бишкектин Эски аянтында өттү. Кыргызстан мусулмандар дин башкармалыгынын басма сөз кызматынын эсебинде намазга болжол менен 50 миңдей киши чогулду.

Ысык-Көл жана Соң-Көлдө балыктын өндүрүштүк, баалуу жана эндемикалык түрлөрүн кармоого, ташууга, сатууга жана чыгарып кетүүгө тыюу салуу демилгеленди. Президенттин тийиштүү жарлыгынын долбоору Айыл чарба министрлиги тарабынан иштелип чыгып, коомдук талкууга коюлду. Маалыматка караганда, жарлык көлдөрдөгү балыктын жок болуп бараткан түрлөрүн калыбына келтирүү максатында иштелип чыкты. Тыюу салуу менен маселе чечилбестиги, ушул тармакты жөнгө салып, саясатын жүргүзгөн тиешелүү мамлекеттик органдардын материалдык-техникалык базасын чыңдап... Читать дальше...

Кечээ, 27-июнда Токмок шаарында кыргыз тайганына арналган эл аралык "Тайган фест" фестивалы өттү. "Кыргыз тайган клубу" уюмунун жетекчиси Болот Мураталиевдин маалыматына караганда, жыл өткөн сайын кыргыз тайганына кызыгуу артып баратат. Мурда ал тайган сүйүүчүлөр арасында гана колго алынып келсе, 2021-жылы өкмөттүн № 146 токтому чыккандан тартып мамлекеттен аз болсо да колдоо таба баштады. "Тайган фест" биринчи ирет Токтогулда өткөн, кийинки жылы ал Талас облусунда болмокчу. Кыргыз тайганына Германия... Читать дальше...

Бүгүн, 28-июнда Бишкек шаарындагы Турдакун Усубалиев атындагы аянтта Курман айт намазы окулду. Мусулмандар башкармалыгынын муфтийи Замир Ракиев кыргызстандыктарды бул күн менен куттуктап, өлкөдө тынчтык, бейпилдик, ынтымак жана береке болушун каалады. Айт намазга Министрлер кабинетинин төрагасы Акылбек Жапаров, Улуттук коопсуздук мамлекеттик комитетинин төрагасы Камчыбек Ташиев, Жогорку соттун төрагасы Замирбек Базарбеков, Бишкек шаарынын мэри Эмилбек Абдыкадыров, Жогорку Кеңештин айрым депутаттары жана ошондой эле шаар тургундары катышты. Читать дальше...

Ошто соттук-медициналык экспертиза иликтөөчү журналист Ыдырыс Исаков "жараат алган эмес" деген бүтүм чыгарды.  Милиция экспертизанын жыйынтыгына жараша жакынкы күндөрү журналистке кол көтөргөн жарандын кылганына укуктук баа берилерин билдирди. 12-июнда “Исаков Жетекчилерге жем болгон пансионат” деген программасынын уландысын тартып жүргөн учурда Ош пансионаты мекемесинин мурдагы директору Маматкарим Койчукулов журналистти жаакка чапкан. Коомчулук журналистке ыдык көрсөткөн окуяны кескин сындаган.