Новости за 01.05.2020

(Казан, 1 май, «Татар-информ»). Саратов мөселман җәмгыяте «Рамадан кәрҗине» хәйрия акциясе кысаларында югары уку йортларының чит ил студентларына ярдәм күрсәтте. Бу хакта Россия мөселманнары шурасы матбугат хезмәте хәбәр итә.

(Казан, 1 май, «Татар-информ»). Уфада Россиядә беренчеләрдән булып коронавирус пандемиясе турында «Үзизоляция» дигән өстәл уены ясаганнар. Бу хакта «Башинформ» агентлыгы хәбәр итә.

(Казан, 1 май, «Татар-информ»). Иртәгә, 2 майда, Татарстанда болытлы, салкынча һәм яңгырлы һава торышы саклана. Бу хакта ТР Гидрометеорология үзәге хәбәр итә.

(Казан, 1 май, «Татар-информ»). Telegramда Габдулла Тукайга багышланган стикерлар җыелмасы барлыкка килде. Бу хакта Екатеринбург татарларының социаль челтәрдәге төркемендә хәбәр ителә.

(Казан, 1 май, «Татар-информ»). Мәскәү мөселманнары Диния нәзарәте YouTube видеохостингындагы үз сәхифәсендә «Шатер ТВ» проектын гамәлгә ашырырга кереште. Бу хакта Россия Мөфтиләр шурасының рәсми сайты хәбәр итә.

(Казан, 1 май, «Татар-информ»). Татарстан Президенты Рөстәм Миңнеханов «Үлемсез полк онлайн» акциясендә катнашты. Ул Instagram социаль челтәрендә әтисенең абыйсы Галимҗан Миңнехановның фотосын урнаштырды.

(Казан, 1 май, «Татар-информ»). «Аэрофлот» компаниясенең татар әдәбияты классигы Муса Җәлил хөрмәтенә аталган лайнеры әлеге исем бирелгәннән соң бүген Мәскәүнең «Шереметьево» аэропортыннан тәүге рейска кузгалды.

(Казан, 1 май, «Татар-информ»). 9 май көнне ТНВ телеканалы Бөек Ватан сугышына багышланган фильмнар һәм телетапшырулар трансляцияләнәчәк.

(Казан, 1 май, «Татар-информ»). Майда Татарстанда аена 15 миллион медицина битлеге тегә башлаячаклар. ТР сәнәгать һәм сәүдә министры урынбасары Герман Лернер шул хакта хәбәр итте.

(Казан, 1 май, «Татар-информ»). Урбанист, «Шәһәр – кешеләр өчен» популяр блогы авторы Аркадий Гершман һәм Казанның баш архитекторы урынбасары Тимур Кадыйров туры эфирда Татарстан ишегалларындагы парковкалар проблемасы хакында фикер алышачак. Онлайн-фикер алышу бүген, 1 майда, 17.00 сәгатьтә YouTube видеохостингында узачак.

(Казан, 1 май, «Татар-информ»). Казанның «Ак Барс» хоккей командасы рәсми рәвештә клубтан дүрт уенчы китүе хакында хәбәр итте. Команданың социаль челтәрләрендә шундый мәгълүмат дөнья күргән.

(Казан, 1 май, «Татар-информ», Зилә Мөбәрәкшина). Бүген Чувашия Республикасының Урмай авылында короновирустан вафат булган ике татар кешесе җирләнгән. Аларның мәетләре Мәскәүдән кайтарылган. Бу хакта «Татар-информ» хәбәрчесенә Чувашия татарларының милли-мәдәни мөхтарияте рәисе Фәрит Гыйбатдинов хәбәр итте.

(Казан, 1 май, «Татар-информ»). Россия җитәкчелеге яңа төрдәге Covid-19 коронавирус инфекциясен йоктырган РФ Премьер-министры Михаил Мишустинның үз вазифасыннан китүенә бәйле вариантны карамый. Кремльнең рәсми вәкиле Дмитрий Песков шулай дип белдерде. Бу хакта РИА Новости агентлыгы хәбәр итә.

(Казан, 1 май, «Татар-информ», Екатерина Ларионова). Бөек Ватан сугышы ветеранының тол хатыны, 93 яшьлек Бибинур Лотфуллина Казанның «Салават күпере» торак комплексында яңа фатир алды. Тыл хезмәтчәненең торак мәсьәләсе Татарстан Президенты Рөстәм Миңнеханов йөкләмәсе белән хәл ителгән.

(Казан, 1 май, «Татар-информ»). Россиядә яңа төрдәге Covid-19 коронавирусына антитәнчекләрне ачыклау өчен эшләнгән тест-система дәүләт теркәвен алды. Бу хакта РИА Новости агентлыгы әлеге тестны әзерләгән Федераль медицина-биологик агентлыгына сылтама белән хәбәр итә.

(Казан, 1 май, «Татар-информ», Зилә Мөбәрәкшина). КФУның Филология һәм мәдәниятара багланышлар институты Хәтер һәм дан елына һәм Бөек Ватан сугышында Җиңүнең 75 еллыгына багышланган #ПомнимЧитаемТворим дип аталган әдәби-иҗади акция башлап җибәрә. Бу хакта «Татар-информ» хәбәрчесенә институт директоры Рәдиф Җамалетдинов хәбәр итте.

(Казан, 1 май, «Татар-информ»). Татарстан мөселманнары Диния нәзарәтенең «Зәкят» хәйрия фонды VIII Республикакүләм ифтар кысаларында Казанда яшәүче чит төбәк студентлары өчен ифтар җыелмаларын өләшүне оештырды. Әлеге чит төбәк студентлары, Татарстанда гомуми үзизоляция режимы кертелү нәтиҗәсендә, тулай торакларда яши һәм азык-төлек сатып алу өчен финанс мөмкинлекләре чикле. Бу хакта ТР Диния нәзарәте матбугат хезмәте хәбәр итә.

(Казан, 1 май, «Татар-информ», Полина Шевчук). Төнлә Татарстанда М7 трассасында юл буендагы кафеның өске катында янгын чыккан. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.

(Казан, 1 май, “Татар-информ”, Рузилә Мөхәммәтова). Әлмәт театры фаҗигале вафат булган актер Илшат Агиевның якты истәлегенә багышланган спектакльләр атнасы игълан итә. Бу хакта театрның матбугат үзәге хәбәр итә.

(Казан, 1 май, «Татар-информ»). Татарстанда Covid-19 коронавирус инфекциясе йоктырган икенче пациент вафат булган. Бу хакта «Татар-информ» агентлыгына ТР Президентының матбугат хезмәте җитәкчесе Лилия Галимова хәбәр итте.

(Казан, 1 май, «Татар-информ»). Бүген Түбән Новгород өлкәсе Бөек Ватан сугышында Җиңүнең 75 еллыгына багышланган «Безнең Җиңү көне» акциясенә кушылды. Әлеге акциянең инициаторы — РФ Президентының Идел буе федераль округындагы вәкаләтле вәкиле аппараты. Бу хакта вәкаләтле вәкиллекнең матбугат хезмәте хәбәр итә.

(Казан, 1 май, «Татар-информ»). Бүген Татарстанда Covid-19 коронавирус авыруының 71 яңа очрагы расланды. Бу хакта «Татар-информ»га ТР Президенты матбугат хезмәте җитәкчесе Лилия Галимова хәбәр итте.

(Казан, 1 май, «Татар-информ»). 6 майдан татарстанлыларның SMS-пропусклар ярдәмендә зиратка бару мөмкинлеге туачак. ТР Министрлар Кабинетының шул хактагы карарын республика Премьер-министры Алексей Песошин имзалаган.

(Казан, 1 май, «Татар-информ»). Татарстан җире элек-электән эш сөючән, талантлы һәм инициативалы кешеләре белән дан тота. Татарстан Республикасы Дәүләт Советы Рәисе Фәрит Мөхәммәтшин, республика халкын Яз һәм хезмәт бәйрәме белән тәбрик итеп, шулай дип белдерде. Бу хакта ТР Дәүләт Советының матбугат хезмәте хәбәр итә.

(Казан, 1 май, «Татар-информ»). «Барс Медиа Груп» «Яңа йолдыз» — беренче телевизион-вокаль проектын башлый. Татар җыры. Фабрика 2020 май аенда башланачак. Бу хакта «Барс Медиа Груп» хәбәр итә.