Новости за 15.05.2020

(Казан, 15 май, «Татар-информ»). Бүген Түбән Кама «Эшкә — велосипедта» акциясенә кушылды. Иртәнге шәһәр буйлап, Түбән Кама мэры Айдар Метшин эшкә велосипедта килде. Бу турыда Түбән Кама муниципаль районы рәсми сайтында хәбәр ителә.

(Азнакай, 15 май, «Татар-информ», «Маяк», Лиза Нурлыева). Халыкара гаилә көне уңаеннан, Азнакай районы үзәк сырхауханәсендә Никоноровлар һәм Хуҗиннар гаиләләрен хөрмәтләделәр. Бу турыда район басмасы хәбәр итә.

(Казан, 15 май, «Татар-информ»). Югары әзерлек режимы яки гадәттән тыш хәл игълан ителгәндә дистанцион укыту турында закон проектын май аенда Дәүләт Думасына кертергә планлаштыралар. Бу хакта «Парламентская газета»га Федерация Советының фән, мәгариф һәм мәдәният комитеты башлыгы Лилия Гомәрова хәбәр итте.

(Казан, 15 май, «Татар-информ», Надежда Гордеева). Кытай шәһәрләре мәктәпләрендә дистанцион рәвештә әзерлек курслары оештырылган. Быел аларда 45кә якын абитуриент Казан федераль университетына укырга керергә әзерләнә. Бу хакта Казан федераль университеты ректорының тышкы элемтәләр буенча урынбасары Тимирхан Алишев туры линиядә хәбәр итте.

(Казан, 15 май, «Татар-информ»). Саратов мөфтие Мөкаддәс Бибарсов үзенең Инстаграм битендә мөселманнарны коронавируска бәйле хәйрия проектларында катнашырга өндәде.

(Казан, 15 май, «Татар-информ»). Түбән Камадан Сургутка яңа авиаюнәлеш ачылачак. Самолетлар атнага ике тапкыр очачак. Бу хакта «ЮВТ АЭРО» матбугат хезмәте хәбәр итә.

(Казан, 15 май, «Татар-информ»). Татарстанда «Безнең ишегалды» программасы буенча нейтраль балалар мәйданчыклары урнаштырылачак. Бу хакта балалар өчен киңлекләр өлкәсендә белгеч Белла Филатова онлайн-лекциядә сөйләде.

(Казан, 15 май, «Татар-информ»). Россия Президенты Владимир Путин киләсе атнада коронавирус йоктырган пациентларны дәвалаучы медицина хезмәткәрләренә өстәмә түләүләр турында киңәшмә үткәрәчәк. Бу хакта дәүләт башлыгы РФ Оборона министрлыгының Covid-19 инфекциясен йоктырган пациентларны дәвалау өчен медицина үзәкләре ачу тантанасында белдерде. Бу хакта Sputnik радиосы хәбәр итә.

(Казан, 15 май, «Татар-информ», Диана Авакян). Татарстан Дәүләт төзелеш күзәтчелеге инспекциясе Татарстан Президенты Рөстәм Миңнеханов күрсәтмәсе буенча төзелешләрдә тикшерүләр санын киметәчәк. Бу хакта ведомствоның матбугат хезмәте хәбәр итә.

(Казан, 15 май, «Татар-информ»). Татарстан социаль хезмәткәрләренә Covid-19 таралу куркынычы чорында аена 35 мең сумга кадәр акча өстәләчәк. Бу турыда бүген Татарстан Хезмәт, халыкны эш белән тәэмин итү һәм социаль саклау министрлыгы матбугат хезмәте хәбәр итә.

(Казан, 15 май, «Татар-информ»). Татарстан Үзәк сайлау комиссиясе дистанцион электрон һәм почта аша тавыш бирү белән бәйле федераль закон проекты нигезләмәләрен аңлатты.

(Казан, 15 май, «Татар-информ»). Шаһитлар «Татмедиа» бинасы янындагы янгынны сүндергәнне видеога төшергән. Бу хакта шаһитлар хәбәр итте.

(Казан, 15 май, «Татар-информ»). Бүген Татарстан Президенты Рөстәм Миңнеханов Бөек Ватан сугышы ветераннары Николай Александрович һәм Галина Михайловна Петровларны Гаилә көне белән котлады. Бу хакта республика җитәкчесенең матбугат хезмәте хәбәр итә.

(Казан, 15 май, «Татар-информ»). Казан кызы үзенә бәйләнгән танышына 27 тапкыр пычак белән чәнчегән. Бу турыда Россия Тикшерү комитетының Татарстан буенча Тикшерү идарәсе җитәкчесенең өлкән ярдәмчесе Андрей Шептицкий хәбәр итте.

(Казан, 15 май, «Татар-информ», Екатерина Ларионова). Казанда мәҗбүри изоляция чорында өйдән чыгу өчен цифрлы пропусклар сервисы эшен тәэмин итүче мәгълүмати системалардан Татарстан халкының шәхси мәгълүматларын юк итү процедурасы узды.

(Казан, 15 май, «Татар-информ»). Казан эшмәкәре Георгий Анастасов бер тапкыр кулланыла торган саклау битлекләре чыгару буенча җитештерү линиясен эшләтеп җибәрде. Бу хакта Татарстан Сәнәгать һәм сәүдә министрлыгы матбугат хезмәте хәбәр итә.

(Казан, 15 май, «Татар-информ»). Укыту дистанцион форматка күчү аркасында Бердәм дәүләт имтиханын үткәреп карамадылар. Аның өчен түләнгән акчаны кайтарып булачак. Бу турыда Татарстан Мәгариф һәм фән министрлыгы аңлатма бирде.

(Казан, 15 май, «Татар-информ»). Татарстан территориясендә иртәгә төнлә һәм көндез урыны белән көчле җил көтелә. Бу хакта ТР Гидрометеорология үзәге кисәтә.

(Казан, 15 май, «Татар-информ»). Татарстанда электричкада битлек һәм перчатка кимәгән пассажирларны административ җаваплылыкка тарта башлыйлар. Бу турыда Татарстан Транспорт һәм юл хуҗалыгы министрлыгы матбугат хезмәте хәбәр итә.

(Казан, 15 май, «Татар-информ»). Татарстан Президенты Рөстәм Миңнехановка «Ак Барс Арена» стадионында VIII Республика ифтарында катнашучылар өчен ланч-боксларның ничек әзерлзнүен күрсәттеләр. Рөстәм Миңнеханов азык-төлек җыелмасы составын һәм сыйфатын тикшерде. Бу хакта ТР Президенты матбугат хезмәте хәбәр итә.

(Казан, 15 май, «Татар-информ»). Россия тимераякта фигуралы шуу федерациясе башкарма комитеты 2020/21 елгы сезонга Россия җыелма командасы составын раслады. Анда 2018 елгы Олимпия чемпионы Алинә Заһитова һәм ике тапкыр дөнья чемпионы Евгения Медведева керде. Бу хакта Россия тимераякта фигуралы шуу федерациясе башкарма комитеты президенты Валентин Писеев сүзләренә сылтама белән РИА Новости хәбәр итә.

(Казан, 15 май, «Татар-информ»). Бүген Татарстан Президенты Рөстәм Миңнеханов «Ярдәм янәшә! Помощь рядом!» республика хәрәкәтенең азык-төлек билгеләү үзәгендә булды. Ул республикада яшәүче мохтаҗлар өчен әзерләнгән азык-төлек җыелмаларының составы һәм сыйфаты белән шәхсән танышты. Бу хакта Татарстан Президенты матбугат хезмәтендә хәбәр иттеләр.

(Казан, 15 май, «Татар-информ»). Табибларга Covid-19 коронавирус инфекциясе йоктырган пациентлар белән эшләгән өчен акча үз вакытында бүленергә тиеш. Бүген Татарстан Президенты Рөстәм Миңнеханов ТР Хөкүмәте йортында узган киңәшмәдә шундый бурыч куйды.

(Казан, 15 май, «Татар-информ», Динара Прокопьева). Үзизоляция режимы вакытында Татарстанда 500дән артык пар гаилә корган. ЗАГС хезмәткәрләре аларның хәленә кергән, чөнки бу «аерым очраклар» булган, дип сөйләде ТР Министрлар Кабинетының ЗАГС идарәсе башлыгы Гөлшат Нигъмәтуллина Андрей Кузьминга биргән интервьюсында.

(Казан, 15 май, «Татар-информ»). Илдә һәм дөньяда килеп туган кыенлыкларга да карамастан, илкүләм проектларны гамәлгә ашыру юнәлешендәге эш интенсив рәвештә һәм график буенча бара. «Бердәм Россия» төбәк сәяси советы президиумының илкүләм проектларны гамәлгә ашыру һәм мәгълүмат бирүдә ярдәм күрсәтү мәсьәләләре комиссиясе рәисе, ТР Дәүләт Советы Рәисе урынбасары Татьяна Ларионова шулай дип белдерде. Бу хакта республика парламентының матбугат хезмәте хәбәр итә.