Новости за 13.05.2020

(Әгерҗе, 13 май, «Татар-информ», «Әгерҗе хәбәрләре»). 12 майдан район мәгариф идарәсе җитәкчесе карары белән Әгерҗе районында азкомплектлы мәктәпләр үз ишекләерн ачты. Бу турыда район басмасы хәбәр итә.

(Казан, 13 май, «Татар-информ»). Татарстан Экология һәм табигать ресурслары министры Александр Шадриков бүген Түбән Камада күчмә киңәшмә үткәрде. Чарада Түбән Кама муниципаль районы башлыгы Айдар Метшин, табигатьне саклау һәм подрядчы оешма җитәкчеләре катнашты. Бу турыда Түбән Кама муниципаль районы рәсми сайтында хәбәр ителә

(Казан, 13 май, «Татар-информ»). Иртәгә, 14 майда, Татарстанда температура фонының түбәнәюе дәвам итәчәк. Бу хакта ТР Гидрометеорология үзәге хәбәр итә.

(Казан, 13 май, «Татар-информ»). Быел унберенче сыйныф укучылары бары тик ике фәннән имтихан тапшырачак, аларга ул Россия югары уку йортларына керү өчен кирәк. Бу хакта Россия мәгариф министры урынбасары Дмитрий Глушко «Россия 24» телеканалы эфирында хәбәр итте.

(Казан, 13 май, «Татар-информ»). Коронавирус белән алдынгы көрәштә булган табибларга «Бердәм Россия» активистлары 4,8 меңнән артык азык-төлек җыелмасы тапшырды. Бу хакта «Татар-информ»га «Бердәм Россия» Бөтенроссия сәяси партиясенең Татарстан төбәк бүлеге мәгълүмат үзәгендә хәбәр иттеләр.

(Казан, 13 май, «Татар-информ»). Россия Мәгариф министрлыгы төбәкләргә уку елын тәмамлау буенча тәкъдимнәр җибәрде. Бу хакта Татарстан Мәгариф һәм фән министрлыгы хәбәр итә.

(Казан, 13 май, «Татар-информ»). Татарстанның Актаныш, Апас һәм Спас районнарында авыл хезмәтчәннәре сабан бодае һәм арпа чәчүне төгәлләде. Бу хакта Татарстан Республикасы Авыл хуҗалыгы һәм азык-төлек министрлыгының матбугат хезмәте хәбәр итә.

(Казан, 13 май, «Татар-информ»). Әлмәт районы башлыгы ярдәмчесе Әнүзәр Юнысов Covid-19 инфекциясе йоктырган. Бу хакта Instagram социаль челтәрендә туры эфир вакытында район башлыгы Тимур Нагуманов хәбәр итте.

(Казан, 13 май, «Татар-информ»). Ерак араларга йөрүче поезд вагоннарында пассажирлар утыртуның вакытлыча схемасы 28 майга кадәр озайтылды. Бу хакта Горький тимер юлларының Казан төбәге матбугат хезмәте хәбәр итә.

(Казан, 13 май, «Татар-информ»). Россиядә Covid-19 инфекциясенә каршы вакцинация ясау өчен беренче препаратлар июльнең икенче яртысында барлыкка киләчәк. РФ Сәламәтлек саклау министры Михаил Мурашко Дәүләт Думасы утырышында шул турыда әйтте. Бу хакта ТАСС хәбәр итә.

(Казан, 13 май, «Татар-информ», Гөлнар Гарифуллина). Татарстанда аерым бер гаиләләр Россия Президенты Владимир Путин игълан иткән 5 мең һәм 10 мең сумлык түләүләрнең икесен дә ала алачак. Бу хакта «Татар-информ» да матбугат конференциясендә Россия Пенсия фонды ТР буенча идарәсенең пенсия билгеләү һәм яңадан исәпләүне оештыру бүлеге башлыгы Светлана Гайдук аңлатты.

(Казан, 13 апрель, «Татар-информ»). Татарстанда «Минем субсидиям» суперсервисын эшләтеп җибәрүгә әзерләүне дәвам итәләр. Бу хакта Татарстан Республикасы Дәүләт идарәсен цифрлы нигездә үстерү, мәгълүмат технологияләре һәм элемтә министрлыгы матбугат хезмәте хәбәр итә.   

(Казан, 13 май, «Татар-информ», Марат Ишкилдин). Казанда Татарстан Сәламәтлек саклау министрлыгы өчен гомуми суммасы 349 млн сум булган биналар комплексы төзелә башлаячак. Тиешле мәгълүмат Дәүләт сатып алулары сайтында урнаштырылган.

(Казан, 13 май, «Татар-информ», Гөлнар Гарифуллина). Яшел Үзән районында бер кеше хакында «Советлар Союзы герое» дип элмә такта куйганнар. Норлат авыл җирлеге башкарма комитеты җитәкчесе урынбасары Камил Шәкүров «Татар-информ» хәбәрчесенә Татар Исламы авылында хаталы элмә такта беркетүгә мөнәсәбәтен белдерде.

(Казан, 13 май, «Татар-информ»). Бүген кич һәм төнлә Татарстан территориясендә урыны белән көчле җил булачак. Бу хакта ТР Гидрометеорология үзәге кисәтә.

(Казан, 13 май, «Татар-информ»). Дәүләт Думасы сайлауларда һәм референдумнарда почта аша һәм дистанцион рәвештә тавыш бирү мөмкинлеге, шулай ук «Дәүләт хезмәтләре» порталыннан файдаланып, кандидат өчен имзалар җыю турында закон кабул итте. Бу хакта РИА Новости хәбәр итә.  

(Казан, 13 май, «Татар-информ»). Кадер кичәсе алдыннан Иранда мәчетләрне вакытлыча ачалар. Бу хакта Иран массакүләм мәгълүмат чараларына сылтама белән «Интерфакс» хәбәр итә.

(Казан, 13 май, «Татар-информ»). Дәүләт Думасы транспорт чаралары хуҗаларының гражданлык җаваплылыгын мәҗбүри иминиятләштерү (ОСАГО) тарифларын индивидуальләштерү турында закон кабул итте. Бу хакта РИА Новости хәбәр итә.

(Казан, 13 май, «Татар-информ»). Яңа Covid-19 коронавирус инфекциясе йоктырган Россия Премьер-министры Михаил Мишустин терелүгә таба бара. Россия Сәламәтлек саклау министрлыгы башлыгы Михаил Мурашко шул турыда сөйләде. Бу хакта ТАСС хәбәр итә.

(Казан, 13 май, «Татар-информ», Полина Шевчук). Татарстан прокуратурасы кешеләрнең битлек һәм перчаткаларны кайсы урыннарда кияргә тиешлеген аңлатты. Бу хакта «Татар-информ»га Татарстан прокурорының өлкән ярдәмчесе Руслан Галиев сөйләде.

(Казан, 13 май, «Татар-информ», Гөлнар Гарифуллина). Татарстанда Россия Федерациясе Президенты Владимир Путин билгеләгән ун мең сум акча ничә балага түләнәчәге билгеле. Бу хакта «Татар-информ» агентлыгында матбугат конференциясендә Россия Пенсия фонды ТР буенча идарәсенең пенсия билгеләү һәм яңадан исәпләүне оештыру бүлеге башлыгы Светлана Гайдук әйтте.

(Казан, 13 май, «Татар-информ»). 14-15 майда төнлә Татарстан территориясендә урыны белән кырау төшәргә мөмкин. Бу хакта Татарстан Гидрометеорология һәм әйләнә-тирә мохитне күзәтү үзәге хәбәр итә.

(Казан, 13 май, «Татар-информ», Гөлнар Гарифуллина). Балалы гаиләләргә дәүләттән бирелә торган түләүләр мәсьәләсе буенча баланың опекуны күп функцияле үзәккә яки Пенсия фонды бүлекчәсенә шәхсән үзе килергә тиеш. Бу хакта «Татар-информ» агентлыгында матбугат конференциясендә Россия Пенсия фонды ТР буенча идарәсенең пенсия билгеләү һәм яңадан исәпләүне оештыру бүлеге башлыгы Светлана Гайдук әйтте.

(Казан, 13 май, «Татар-информ»). Татарстанда җиңел машина пошины бәрдергән һәм шуннан соң юл кырыена төшеп киткән. Машина йөртүче имгәнгән. Бу хакта «Татар-информ» агентлыгына шаһитлар хәбәр итте.

(Казан, 13 май, «Татар-информ», Гөлүзә Ибраһимова). Байкал аръягындагы хәрби частьта хезмәттәшләрен атып үтергән Рамил Шәмсетдиновның өлкән солдатлар тарафыннан җәберләнүен Икенче Көнчыгыш өлкә хәрби суды да таныган. Моңа кадәр Чита гарнизоны хәрби суды Руслан Мухатовны яшь солдатларны җәберләүдә гаепле дип тапкан иде. Бу хакта «Татар-информ» хәбәрчесенә адвокат Равил Тугушев сөйләде.