Новости за 27.05.2020

(Саба, 27 май, «Татар-информ», «Саба таңнары», Фәридә Вилданова). Саба районында бәрәңге барлыгы 198 гектар мәйданга утыртылды. Шуның 100 гектары «Саба» җәмгыятенең Тимершык бригадасына туры килә. Бу турыда район басмасы хәбәр итә. Бу көннәрдә районда иң күп мәйданда бәрәңге үстерүче «Тимершык» бригадасында да кызу эш кайный. Тәүге бәрәңге буразналарын 12 майда сызган булсалар, һава торышы эшне берничә көнгә туктатып торырга мәҗбүр иткән. Без килгәндә Тимершык юлы өстендәге 64 гектарлы басуның соңгы мәйданнарын төгәлләп киләләр иде. Читать дальше...

(Питрәч, 27 май, «Татар-информ», «Алга»). «Минем илем» II Бөтенроссия педагогик съезды кысаларында зур конкурста җиңүчеләрне бүләкләү онлайн-тантанасы узды. Анда Россиянең югары педагогик тәҗрибә һәм югары белем бирү сыйфаты күрсәткән иң яхшы белем бирү оешмалары катнаша. Анда Питрәч балалар бакчасы Россиядә иң яхшылар бишлегенә керде. Бу турыда район басмасы хәбәр итә. «Каенкай» балалар бакчасына «Мәктәпкәчә белем бирү өлкәсендә лидер-2020» номинациясендә конкурс лауреаты буларак, «Россиянең 500 иң яхшы белем бирү оешмасы» медале... Читать дальше...

(Казан, 27 май, «Татар-информ»). Нурлат мөхтәсибәтендә яңа туган балалары булган гаиләләргә ярдәм итү йөзеннән «Бәхетле бала» хәйрия акциясе старт алды. Әлеге чара ТАССРның 100 еллыгына багышлана. Бу хакта ТР Диния нәзарәтенең матбугат хезмәте хәбәр итә. Шулай итеп, бүген бала тудыру йортыннан чыкканда Әмир һәм Сәид Җәгъфәр исемле баланың әти-әниләренә тантаналы төстә кием-салым җыелмалары — яңа туган сабыйга кием комплекты һәм 2-3 яшькә кадәрге балалар киеме бүләк ителде. Якын арада яңа туган балалары... Читать дальше...

(Казан, 27 май, «Татар-информ», Рузилә Мөхәммәтова). ТР Фәннәр академиясе Президенты Мәгъзүм Сәлахов Мәрҗани исемендәге Тарих институты ябылу турындагы хәбәрне кире какты. Бу хакта ул «Татар-информ» хәбәрчесенә әйтте. «Беренчедән, андый документлар юк, икенчедән, андый институтны япмыйлар — мин сезгә вәгъдә итәм. Ничек инде тулы бер институтны япсыннар ди? Аңа реорганизация ясарга яки кушарга мөмкин. Ләкин япмаячаклар», — диде Мәгъзүм Сәлахов. «Аны Археология институты белән кушарга мөмкин, элегрәк ул шунда иде. Читать дальше...

(Казан, 27 май, «Татар-информ»). Австриядә яшәүче милләттәшләребез ТАССРның 100 еллыгы уңаеннан Татарстан халкына котлау сүзләрен җиткерә. Бу хакта Бөтендөнья татар конгрессының матбугат хезмәте хәбәр итә. «Без, Австрия татарлары, бу тантаналы көнне бөтенләй башкача бәйрәм итәргә әзерләнгән идек… Без аны Венаның матур концерт залында югары дәрәҗәдәге артистлар катнашкан очрашу итеп күздә тоткан идек. Ә аннан элек безнең яшьләр Европа Берлегендә яшәгән татарларны чакырып, «түгәрәк өстәл» үткәрергә планлаштырган идек. Читать дальше...

(Казан, 27 май, «Татар-информ»). Коронавирус эпидемиясе дөньяның барлык илләре, шул исәптән Россия икътисадында тискәре чагылыш тапты. Илдә эш активлыгы, товарга ихтыяҗ кимү билгеләп үтелде. Нәтиҗәдә эшсезләр саны арткан. Бу хакта Россия Президенты Владимир Путин Россия Федерациясендә хезмәт базары торышына багышланган киңәшмәдә хәбәр итте. «Соңгы мәгълүматлар буенча, Россиядә рәсми рәвештә теркәлгән эшсезләр саны шулай ук арта. Дөресен әйткәндә, монда безнең өчен көтелмәгән нәрсә юк, хәзер 1,9 млн кеше эшсез», — диде Владимир Путин. Читать дальше...

(Казан, 27 май, «Татар-информ»). Иртәгә, 28 майда, Татарстанда атмосфера фронты узгач, коры һәм җылы һава торышы булачак. Бу турыда Татарстан Гидрометеорология һәм әйләнә-тирә мохитне күзәтү үзәге хәбәр итә.  Республика территориясендә явым-төшем көтелми. Төньяк-көнбатыштан салмак җил исәргә мөмкин. Төнлә һава температурасы +8… +13 градус булачак. Көндез 18–23 градуска кадәр җылытачак.

(Казан, 27 май, «Татар-информ»). Фигуралы шуу буенча 2018 елгы олимпия чемпионы Алинә Заһитова «Большая перемена» онлайн-фестивалендә катнаша. Чара 1 июньдә Интернет челтәрендә уза. Алинә Заһитова тренировка үткәреп, онлайн-фестивальне ачачак. Спортчының марафоны 8:30 сәгатьтә башлана. Онлайн-фестивальгә 1 июньдә Вконтакте челтәрендә аның битендә кушылырга мөмкин. Шулай ук анда тренировканың тулы программасы бар.

(Казан, 27 май, «Татар-информ»). Кытай Халык Республикасының Казандагы Генераль консулы У Инцинь Татарстан Президенты Рөстәм Миңнехановны һәм республика халкын ТАССР оешуның 100 еллыгы белән котлады. Бу хакта республика җитәкчесенең матбугат хезмәте хәбәр итә. «Татарстан үзенең күп гасырлык тарихы, табигый матурлыгы, бай ресурслары, яхшы гореф-гадәтләре һәм мәдәни-тарихи объектлары төрлелеге белән горурлана ала», диелә котлау телеграммасы текстында. Татарстан белән Кытай кызыксына, чөнки төбәктә уңай инвестицион климат... Читать дальше...

(Казан, 27 май, «Татар-информ»). Россия Үзәк сайлау комиссиясе илдә катлаулы санитар-эпидемиологик вазгыять аркасында, көзге сайлауларга 1 мең цифрлы участоклар челтәре төзү планыннан баш тартты. Элегрәк мондый участокларны Татарстанда да булдырырга уйлаганнар иде. Бу турыда Татарстан Үзәк сайлау комиссиясе матбугат хезмәте хәбәр итә.  «Без Татарстан территориясендәге башка төбәкләрдә яшәүчеләр Россия субъектларында уза торган сайлауларда катнаша алсын өчен, цифрлы сайлау участокларын оештыру мәсьәләсен карадык. Читать дальше...

(Казан, 27 май, «Татар-информ», Рузилә Мөхәммәтова). Әтнә театры быел үзенең «Фронтовичка» спектакле белән Грозныйга барачак. Бу мәгълүматны театр директоры Ленур Зәйнуллин раслады. «Безгә Чечняда уза торган „Федерация“ фестиваленнән хат килде. Хатта спектаклебезнең фестиваль программасына кертелүе турында әйтелгән», — диде театр директоры. Хатта билгеләп үтелгәнчә, «Федерация» бөтенроссия милли театрлар фестиваленең экспертлар советының эшен төгәлләгән. Алар тәкъдим ителгән 54 спектакльне карап чыкканнар. Читать дальше...

(Казан, 27 май, «Татар-информ», «Шәһри Казан», Фәнис Мотыйгуллин). Бик борынгы булып күренергә теләп, тирәнгә үк төшеп китмибез. Югыйсә республиканың хәзерге көньяк-көнчыгышында дегет чишмәләре хан чорында ук булган һәм табигатьнең бу нигъмәтеннән гасырлар буена файдаланылган. Патша чорында исә аны Россиядә беренче булып эшкәртү эшләрен дә нәкъ менә татар старшинасы башлап җибәргәнлеге мәгълүм. Әмма төркиләр тарихны теркәп бару белән шөгыльләнмгән, алар аны ясаган. Нефть — тарихны үзгәртергә, дөньякүләм вакыйгаларга тәэсир итәргә сәләтле. Читать дальше...

(Казан, 27 май, «Татар-информ», Надежда Гордеева). Россия халкы бердәмлеге нәтиҗәсендә иң авыр сынауларны җиңде. Бу хакта Татарстан Дәүләт киңәшчесе Минтимер Шәймиев ТАССР төзелүгә 100 ел тулу уңаеннан видеомөрәҗәгатьтә әйтте. «Безнең Россия халкы ерак тарихта да, һәм бүген иң авыр сынауларны үз бердәмлеге белән генә җиңә. Безгә бу бердәмлекне сакларга кирәк. Өстәвенә, без РФ Конституциясенә төзәтмәләр кертәчәкбез. Бу мөһим этап. Бу уңайдан Россия Президенты Владимир Путинның тырышлыгы илебезне тагын да көчлерәк итү өчен алга таба берләшүгә... Читать дальше...

(Казан, 27 май, «Татар-информ»). Казан һәм Татарстанның башка шәһәрләре ел саен халыкара һәм бөтенроссия эшлекле, спорт, мәдәни чаралар үзәкләренә әйләнә. Монда килгән һәр кунак үзе белән кунакчыллыкның бер өлешен алып китә. Бу турыда РФ Президентының Идел буе федераль округындагы Тулы вәкаләтле вәкиле Игорь Комаров ТАССРның 100 еллыгы уңаеннан котлау телеграммасында язган. «Татарстан — ислам һәм православие культуралар үзәге. Бүген ул Россиянең барлык халыклары өчен конфессияара дуслык үрнәге булды», — дип язган Игорь Комаров. Читать дальше...

(Казан, 27 май, «Татар-информ»). Татарстан Республикасы мөселманнары Диния нәзарәте волонтёрлары «Чиста мәчет» акциясенең җәйге сезонын башлап җибәрә. Әлеге башлангыч кысаларында алар янәдән Казан мәчетләрен чистарту-җыештыру эшенә керешәчәк. Бу хакта нәзарәтнең матбугат хезмәте хәбәр итә. Хәзерге вакытта өмә үткәрү өчен мәчетләр исемлеге төзелә. Яшь егет-кызлар, гадәттәгечә, тәрәзәләрне, стеналарны, идәннәрне юачак, тузаннарны сөртәчәк, чүпләрне түгәчәк. Дөньяда авыр эпидемиологик хәл урнашу аркасында... Читать дальше...

(Казан, 27 май, «Татар-информ», Марат Ишкильдин). Татарстан башкаласында Казан дәүләт мәдәният институты бинасы янында ТАССРның 100 еллыгын бәйрәм итү көненә «вакыт капсуласы»н салдылар.  «Йөзьеллык Татарстанны мәдәнияттән башка күз алдына да китереп булмый. Бүген республика артистлары, галимнәре, мәгариф учреждениеләре һәм Татарстанның һәр кешесе саклаган мирасны тапшыра. Без барыбыз бергә үз халкыбыз мәдәниятен саклап, зур эш башкара алабыз», — диде тантана барышында республика вице-премьеры Ләйлә Фазлыева. Читать дальше...

(Казан, 27 май, «Татар-информ»). Чиләбе өлкәсе татарлары конгрессы татар телен һәм татар мәдәниятен белүчеләрне 1-9 сыйныф укучыларын дәрестән соң татар телен, әдәбиятын өйрәтү процессына кушылырга тәкъдим итә. Бу турыда Бөтендөнья татар конгрессы сайтында хәбәр ителә. 2020-21 уку елыннан өлкәнең һәр мәктәбендә шундый мөмкинлек барлыкка киләчәк. Мәгълүмат хатлары һәм мәгариф министрлыгы тарафыннан дәрестән тыш эшчәнлек алып бару өчен расланган милли компонентлы программалар исемлеге җибәреләчәк. Читать дальше...

(Казан, 27 май, «Татар-информ»). Быел чыгарылыш сыйныф укучылары Бердәм дәүләт имтиханын тапшырганчы ук, ягъни 20 июньнән югары уку йортына керү турында гариза бирә ала. Бу хакта «Беренче канал» эфирында Россия фән һәм югары белем бирү министры Валерий Фальков сөйләде. «Без, узган елдагы кебек үк, барлык абитуриентларга 20 июньнән башлап югары уку йортына тиешле юнәлешкә яки белгечлеккә керү турында гариза бирү мөмкинлеге тудырырга булдык. Ягъни бу елның үзенчәлеге БДИ тапшырганчы ук югары уку йортына  гариза бирергә мөмкин булуда»... Читать дальше...

(Казан, 27 май, «Татар-информ», Полина Шевчук). Татарстанда яшен сукканнан соң, йорт түбәсе һәм агач яна башлаган. Бу хакта Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр. Бүген төнлә ашыгыч хезмәтнең 112 бердәм номерына Лениногорскида Кооператив урамында шәхси йорт түбәсе януы турында хәбәр килә. Янгынның яшен сугуы аркасында чыкканлыгын ачыклаганнар. Янгын 60 кв. метр мәйданга зыян китергән. Шул ук көнне төнлә Әлмәт районының Чупай авылында яшен агачны суккан. Читать дальше...

(Казан, 27 май, «Татар-информ»). Татарстан - Россиянең алга киткән төбәкләренең берсе. Республика халкы илне ныгытуга зур өлеш кертә, шуңа күрә ТАССРның 100 еллыгын бөтенроссия бәйрәме дип санарга мөмкин. Бу хакта Татарстан Президенты Рөстәм Миңнеханов республиканың юбилее уңаеннан тәбрикләүдә әйтте. «Без һәрвакыт башлангычка кире кайтырга тиеш. ТАССРның 100 еллыгы — республикабыз бәйрәме генә түгел, бу гомумроссия бәйрәме, чөнки без зур илебезнең бер өлеше. Бәйрәм көне Россия Президенты боерыгы белән билгеләнде. Читать дальше...

(Казан, 27 май, «Татар-информ»). Җиңү парады көне ял итеп игълан ителергә мөмкин. Бу хакта президентның матбугат секретаре Дмитрий Песков сүзләренә сылтама белән РИА Новости хәбәр итә. «Мин әлегә бу сорауга җавап бирергә әзер түгел, әмма шулай булырга мөмкинлеген фаразлый алам», — диде ул журналистларга. 24 июньгә Мәскәүдә чикләү чараларын бетерү мөмкинлегенә килгәндә, Песков бер ай эчендә шәһәрдә COVID-19 белән белән бәйле вазгыять үзгәрәчәк һәм хакимият «тиешле төзәтмәләр» кертәчәген әйтте. ... Читать дальше...

(Казан, 27 май, «Татар-информ», Динара Прокопьева). Татарстанга балаларга «Путин түләүләре»нә якынча 8,5 млрд сум бүлеп биргәннәр. Бу хакта Россия Пенсия фондының республика буенча бүлеге матбугат хезмәте хәбәр итә. «Республикада 770 меңнән артык 3 яшькә кадәрге һәм 3 яшьтән 16 яшькә кадәрге бала 5 һәм 10 мең сум түләүгә дәгъва кыла», диелә хәбәрдә. Татарстанда өч яшькә кадәр балалары булган гаиләләрнең күбесе вәгъдә ителгән финанс ярдәмне алды. 3 яшьтән 16 яшькә кадәрге балаларга түләүләрне быелның 1 июненнән бирә башлаячаклар. Читать дальше...

(Казан, 27 май, «Татар-информ»). Россия төбәкләре башлыклары һәм чит ил вәкилләре ТАССРның 100 еллыгы уңаеннан Татарстан Республикасы Президенты Рөстәм Миңнеханов адресына котлау телеграммалары җибәрүләрен дәвам итә. Бу хакта республика җитәкчесенең матбугат хезмәте хәбәр итә. Аерым алганда, Кытайның Хэйлунцзян провинциясе губернаторы Ван Вэньтао Татарстанда яшәүчеләрне котлаган. «Соңгы 100 ел дәвамында Татарстан Республикасы динамик рәвештә үсте, барлык өлкәләрдә уңышларга иреште. Киләчәктә Татарстанның... Читать дальше...

(Казан, 27 май, «Татар-информ»). Татарстан Президенты Рөстәм Миңнеханов Россия Сәнәгать һәм сәүдә министрлыгы башлыгы урынбасары Олег Бочаров һәм «Берләшкән авиатөзелеш корпорациясе» ГАҖ генераль директоры Юрий Слюсарь белән авиация сәнәгатен үстерү мәсьәләләре буенча фикер алышты. Бу хакта республика җитәкчесенең матбугат хезмәте хәбәр итә. Татарстан Хөкүмәте йортында узган очрашуда Россия авиатөзелешенә ярдәм итү буенча беренче чираттагы чаралар турында сүз барды. Моннан тыш, очрашуда Татарстан Премьер-министры Алексей Песошин... Читать дальше...

(Казан, 27 май, «Татар-информ», Әдилә Зыятдинова). ТАССРның 100 еллыгын һәм республика тарихы белән бәйле башка даталарны бәйрәм итәргә кирәк, чөнки алар яңа Россия Федерациясенең федератив дәүләт буларак формалашу этаплары булып тора. Бу хакта ТР Дәүләт Советының VI чакырылыш депутаты, «Яңа Гасыр» телерадиокомпаниясе генераль директоры, Татарстан Журналистлар берлеге рәисе Илшат Әминов республика парламентының тантаналы утырышы барышында әйтте. «Татарстан - илдә федерализм сакчысы ул, чөнки Татарстанга башка төбәкләр карый. Читать дальше...