Новости за 21.05.2020

(Казан, 21 май, «Татар-информ»). Россия Мөфтиләр шурасы һәм РФ мөселманнары Диния нәзарәте рәисе мөфти шәех Равил Гайнетдин изге Рамазан ае тәмамлану һәм Ураза бәйрәме уңаеннан мөселманнарга мөрәҗәгать итте. Бу хакта Россия Мөфтиләр шурасының рәсми сайты хәбәр итә.

(Казан, 21 май, «Татар-информ»). 21-24 сентябрьдә Татарстанда Kazan Digital Week 2020 халыкара форумы узачак. Чараны республика Министрлар Кабинеты Россия Хөкүмәте ярдәмендә оештыра.

(Казан, 21 май, «Татар-информ», Ләйсән Рәхмәтуллина). «Белем.ру» оешмасы директоры, «Татнетны үстерү фонды» коммерцияле булмаган җәмгыятенең башкаручы директоры Раил Гатауллин «Китап» радиосына уңай бәяләмә бирә. Бу хакта ул үзенең инстаграм сәхифәсендә язып чыккан.

(Казан, 21 май, «Татар-информ», Марат Ишкильдин). Казанга ике көн эчендә Якутиядән вахта ысулы белән эшләүче 176 кеше кайтачак. ТР Президентының матбугат хезмәте җитәкчесе Лилия Галимова онлайн-брифингта шулай дип белдерде.

(Казан, 21 май, «Татар-информ», Гөлнар Гарифуллина). «Интертат» электрон газетасының телеграм-каналы пәйда булды. Язмалар, яңалыклар белән танышып бару өчен, каналга язылырга мөмкин.

(Казан, 21 май, «Татар-информ», Диана Авакян). Татарстан Президенты Рөстәм Миңнеханов иң компетентлы төбәк лидерларыннан берсе буларак үз репутациясен раслады. «Минченко консалтинг» коммуникация холдингы башлыгы Евгений Минченко «Татар-информ» агентлыгы хәбәрчесе белән әңгәмәсендә шундый фикерен белдерде.

(Казан, 21 май, «Татар-информ»). Рамазан ае башланганнан бирле мөселманнар фитыр сәдакасын түли башлады. Дин кардәшләргә уңайлы булсын өчен, Диния Нәзарәтенең «Зәкят» хәйрия фонды мохтаҗларга тарату максатыннан фитыр сәдакалары онлайн рәвештә кабул итә башлады. Бу хакта нәзарәтнең матбугат хезмәте хәбәр итә.

(Казан, 21 май, «Татар-информ», Динара Прокопьева). Татарстан Президенты Рөстәм Миңнеханов Ураза гаете уңаеннан мәчеттә бәйрәм намазында катнашмаячак һәм мөселманнар өчен изге саналган әлеге айны өендә генә билгеләп үтәчәк. ТР Президентының матбугат хезмәте җитәкчесе Лилия Галимова онлайн-брифингта шулай дип белдерде.

(Казан, 21 май, «Татар-информ», «Шәһри Казан», Дилбәр Гарифуллина). Бу көннәрдә интернетта «Победа» авиакомпаниясенең билетлар сата башлавы турындагы хәбәр таралды. Аңа кадәр күп кенә илләрнең карантиннан соң үз чикләрен ачарга җыенуы хакында билгеле булды. Әмма Татарстан туроператорлар ассоциациясе президенты Рамил Мифтахов, чит илгә барып ял итүне иң яхшы дигәндә август аена калдырырга кирәк, ди. Аның сүзләренчә, бу — иң иртә срок, ә иң пессимистик срок — октябрь. Аныңча, үзебезнең республиканы якынрак өйрәнү... Читать дальше...

(Казан, 21 май, «Татар-информ»). Татарстан Президенты Рөстәм Миңнеханов һәм республикада яшәүчеләр адресына ТАССР оешуның 100 еллыгы уңаеннан тәбрикләүләр килә башлады. Бүген Мәскәү мэры Сергей Собянин һәм Кырым Республикасы башлыгы Сергей Аксенов котлау телеграммалары юллады. Бу хакта ТР Президентының матбугат хезмәте хәбәр итә.

(Казан, 21 май, «Татар-информ»). Бөтендөнья сәламәтлек саклау оешмасының Россиядәге вәкиле Мелита Вуйнович коронавирус инфекциясенең икенче дулкыны башлану ихтималы хакында хәбәр итте. Кешеләр авыру йоктыру куркынычы әле һаман да саклануын аңларга тиеш, шунлыктан саклык чараларын күрергә кирәк. «Россия 24» телеканалы эфирында ул шулай дип белдерде.

(Казан, 21 май, «Татар-информ», Ксения Перепеченова). Татарстанда яңа төрдәге Covid-19 коронавирус инфекциясе йоктырган тугызынчы пациент вафат булган. ТР Президентының матбугат хезмәте җитәкчесе Лилия Галимова онлайн-брифингта шулай дип белдерде.

(Казан, 21 май, «Татар-информ»). Чаллыда Түбән Кама ГЭСының буасына кергән пошиларны коткаралар. Бу хакта вакыйга урыныннан «Татар-информ» корреспонденты хәбәр итте.

(Казан, 21 май, «Татар-информ», Ксения Перепеченова). Татарстанда узган тәүлектә яңа төрдәге Covid-19 коронавирус инфекциясе йоктыруның 71 яңа очрагы теркәлгән. ТР Президентының матбугат хезмәте җитәкчесе Лилия Галимова онлайн-брифингта шулай дип белдерде.

(Казан, 21 май, «Татар-информ», Артур Шипилов). Казанның «Ак Барс» хоккей клубы команда символикасы төшерелгән битлекләрне сатуга чыгарган. Клуб кибетендә аның бәясе 149 сум тора.

(Казан, 21 май, «Татар-информ»). Чаллы янындагы «Энергетик» бакчачылык җәмгыятендә тагын алтмышка якын участокны су баскан. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.

(Казан, 21 май, «Татар-информ»). Татарстан Республикасы Авыл хуҗалыгы һәм азык-төлек министрлыгы эш башлаучы авыл хуҗалыгы кулланучылар кооперативларына грантлар бирү өчен конкурс сайлап алуында җиңүчеләрне билгеләде. Бу турыда министрлыкның матбуга хезмәте хәбәр итә.

(Чаллы, 21 май, «Татар-информ», Эльвира Мөхәммәтдинова). Россия Тикшерү комитеты ТР буенча Тикшерү идарәсенең Чаллы бүлекчәсе җитәкчесе Камил Халиев вазифасыннан азат ителде. Шул хактагы боерыкны Россия Тикшерү комитеты җитәкчесе Александр Бастрыкин имзалаган.

(Казан, 21 май, «Татар-информ»). Татарстан мөфтие Камил Сәмигуллин Татарстан Республикасы мөселманнарының Диния нәзарәте һәм шәхсән үз исеменнән Идел буе Болгар дәүләтендә Ислам динен кабул итү көне белән котлады. Бу турыда Диния нәзарәтенең матбугат хезмәте хәбәр итте.

(Казан, 21 май, «Татар-информ»). 19 майда Кукмара мәдрәсәсендә быелгы чыгарылыш шәкертләренең бер өлеше диплом эшләрен якладылар. Санитар-эпидемиологик вәзгыятьне исәпкә алып, чара онлайн режимда — видеоэлемтә аша оештырылды. Бу турыда Татарстан Диния нәзарәтенең матбугат хезмәте хәбәр итте.

(Чирмешән, 21 май, «Татар-информ», «Безнең Чирмешән», Кадрия Гамирова). Чирмешән бавырсагы, Татарстанның 100 еллыгы уңаеннан, логотип-тамга белән сатуга чыга. Бу турыда район басмасы хәбәр итә.

(Казан, 21 май, «Татар-информ»). Татарстан Президенты Рөстәм Миңнеханов республика халкын Идел Болгарстанында ислам дине кабул ителү көне белән котлады. Бу турыда Татарстан Президентының матбугат хезмәте хәбәр итте.

(Казан, 21 май, «Татар-информ», «Сөембикә», Диләрә Әхмәтова). Россия Федерациясе мөселманнары Диния нәзарәтенең матбугат үзәге җитәкчесе Вәсилә Рәхимова белән әңгәмә корган.

(Казан, 21 май, «Татар-информ»). Казанда «Игелекле эшләр көне» фондының хәйрия проектлары үз эшен яңарта — «Изге куллар» хәйрия склады, социаль такси, шулай ук юристларның бушлай консультацияләре дәвам итәчәк. Бу турыда казан мэриясенең матбугат хезмәте хәбәр итте.

(Казан, 21 май, «Татар-информ»). Татарстан Экология һәм табигать ресурслары министрлыгының Кама аръягы территориаль идарәсе инспекторлары квадрокоптер ярдәмендә Сарман районының Җәлил бистәсендәге торак пункты чигендә чүпләнгән җир кишәрлеге булуын ачыклаган. Гаражларны сүтүдән барлыкка килгән төзелеш калдыклары мәйданы 3,3 га тәшкил иткән. Бу турыда министрлык матбугат хезмәте хәбәр итә.