Новости за 28.02.2023

Бишкектеги Ататүрк паркынын жери боюнча маселе 28-февралда шаардык кеңештин Жергиликтүү өз алдынча башкаруу жана коомдук уюмдар менен иштөө боюнча туруктуу комиссиясынын отурумунда козголду. Депутат Гүлнара Сатыбалдиева мэрияны парктын чек арасын тактоо иштерин жыйынтыктоого чакырды:   “Ататүрк паркынын чек арасын тактап, бекитип салбайсыңарбы сактап калыш үчүн. Эч болбогондо калганын сактап калуу керек деп ойлойм”. Мэриянын өкүлдөрү шаардагы бардык парктардын жерин аныктоо, аларды жакшыртуу боюнча иш жүрүп жатканын айтышты. Читать дальше...

Кыргызгидрометтин кабарлашынча, 1-мартта өлкөдө жаан-чачын күтүлбөйт. Тоо этектеринде жана тоолуу райондордо жолдор тайгак болот. Түштүк-чыгыштан соккон шамалдын ылдамдыгы секундасына 3-8 метрге жетиши күтүлөт. Абанын температурасы: Чүй облусунда түнкүсүн -3…2, күндүз +10…+15, Талас дубанында түнкүсүн -4…1, күндүз +10…+15, Баткен, Ош, Жалал-Абад облустарында түнкүсүн -2…+1, күндүз +11…+16, Ысык-Көл облусунда түнкүсүн -2…-7, күндүз +3…+8, Нарын облусунда түнкүсүн -12…-17, күндүз -4…+1 градуска чейин жогорулайт. Читать дальше...

Кемпир-Абад маселесине байланыштуу камакта отурган активист Эрлан Бекчоро уулу Жогорку Соттун төрагасы Замирбек Базарбаевге кат жолдоп, аны соттук отурумга катышууга чакырды. Активисттин катын жубайы Шаршекүл Аманова 28-февралда Фейсбуктагы баракчасына жарыялады.  Катта Эрлан Бекчоро уулу Кемпир-Абад маселеси боюнча кармалгандар 2022-жылдын 23-октябрынан бери сотту, тергөөчүлөрдү мыйзам талаасына чакырып келе жатканын белгилеген.   "Буга чейин 5 жолу соттук отурумда тергөө кызматкерлери тарабынан... Читать дальше...

Бишкек шаардык соту Кемпир-Абад маселесине байланыштуу камакта отургандарды колдоп, Ички иштер министрлигинин (ИИМ) алдына митингге чыккан жарандык активист Өндүрүш Токтонасыровду жоопко тартуу тууралуу чечимди күчүндө калтырды. Иш шаардык сотто бүгүн 28-февралда каралганын, судья күбөлөрдү суракка алуу тууралуу өтүнүчтү четке какканын, эл аралык уюмдарга бул чечимге каршы кайрылуу жөнөтүлөрүн “Азаттыкка” активист өзү маалымдады. 20-январда Бишкектин Биринчи Май райондук сотунун чечими менен Токтонасыровго 3000 сом айыппул салынган. Читать дальше...

Казакстандагы кыргызстандык эмгек мигранттарынын маселесин эки өлкөнүн башкы дипломаттары Жээнбек Кулубаев жана Мухтар Тлеуберди талкуулашканын Кыргызстандын Тышкы иштер министрлиги 28-февралда билдирди. Мекеменин маалыматына караганда, эки жетекчи Астанада өтүп жаткан АКШ-Борбор Азия жыйыны алкагында жолугушуп, ортодогу кызматташтык тууралуу сүйлөштү. “Талкууланган маселелердин бири чет элдиктердин Казакстандын аймагына кирүүсү жана бул өлкөдө жүрүүсү боюнча жаңы эрежелердин кыргыз жарандарына карата колдонулушу болду. Читать дальше...

27-февралда түндөсү Бишкекте болгон жол кырсыгынан эки адам каза болуп, беш киши жаракат алды. Бул тууралуу "Тез жардам" борборунун дарыгери Борис Егоров "Азаттыкка" маалымдады. Анын айтымында, окуя болгон жерге "Тез жардам" борборунун беш бригадасы барган. Баш калаадагы Масалиев жана Токтоналиев көчөсүндө болгон кырсыкта Honda Stream жана Honda Fit үлгүсүндөгү автоунаалар кагылышып, айдоочулары окуя болгон жерде көз жумган. Жол кыймылынын коопсуздугун камсыздоо башкы башкармалыгынын маалымдашынча, былтыр 7 040 жол кырсыгы катталган. Читать дальше...

Парламентте бүгүн, 28-февралда өтүп жаткан “Кыргыз Республикасынын мамлекеттик тили жөнүндөгү” мыйзам долбоору талкууланган жыйында ЖКнын мурдагы депутаты Евгения Строкова кыргыз тилин мектеп, бала бакча, жогорку окуу жайларда окутуу усулдары өнүкпөй, тескерисинче, артка кеткенин айтып, буга Мамлекеттик тил комиссиясын айыптады. "Биринчи кезекте Мамлекеттик тил боюнча комиссиянын тил боюнча алгачкы мыйзамды иштеп чыгуусунан тарта текшериш керек. Алар толук кандуу иш алып барбаганы үчүн жазага тартылууга тийиш. Читать дальше...

Кыргызстандын Улуттук банкы эсептик ченди 13% деңгээлинде сактап туруу чечимин кабыл алды. Чечим 28-февралда күчүнө кирди. Бул тууралуу мекеменин расмий өкүлү Аида Карабаева 28-февралда Бишкекте өткөн басма сөз жыйынында билдирди. Карабаева быйыл жыл башынан бери Кыргызстанда керектөө баалары 2,8% жогорулап, жылдык инфляция 15,9% түзгөнүн айтып, «инфляциялык фон салыштырмалуу орточо» деңгээлде турганын кошумчалады. Улуттук банктын маалыматына караганда, өлкөдө экономикалык активдүүлүк жогорулап, ички суроо-талап калыбына келүүдө. Читать дальше...

Улуттук банктын карамагында, 25-февралга карата маалымат боюнча, 46,7 тонна алтын бар экенин мекеменин расмий өкүлү Аида Карабаева 28-февралда “Азаттыкка” билдирди: “Бул акыркы эки жылда чогултулган алтын. 46,7 тонна. Улуттук банктын карамагындагы бул алтын 2021-2023-жылдар аралыгында биздин өлкөдө өндүрүлгөн алтынды сатып алуу жолу менен чогултулган”.   Карабаева 16 тонна Улуттук банктын 87,3 миллиард сомго барабар алтын-валюта резерви, ал эми запастагы алтын 138,5 миллиард сомго барабар экенин кошумчалады. Читать дальше...

Жазуучу, публицист Аким Кожоевдин блогу. Автордун пикири "Азаттыктын" көз карашын чагылдырбай турганын эскертебиз. Султан Раев – бүгүнкү күндө кыргыз адабиятын дүйнөгө таанытып жаткан саналуу жазуучулардын бири. Анын драмалык чыгармаларын айтпаганда да ой өрүшү кенен, терең философиялык жалпылоолорго чейин өсүп жеткен романдары эл аралык абройлуу сынактарда алдыңкы орундарды ээлеп, оң баага арзыгандыгын билебиз. Султан Раев мыкты драматург жана романчы гана эмес, ал ошондой эле чебер аңгемечи да. Читать дальше...

Кошмо Штаттар Орусия менен стратегиялык өзөктүк куралданууну чектөө жөнүндөгү СНВ-3 деп аталган келишимди толук аткаруу үчүн биргелешип иштөөгө даяр. Бул тууралуу 27-февралда АКШнын мамлекеттик катчысынын орун басары Бонни Женкинс билдирди. АКШ президенти Жо Байдендин администрациясында куралдануу маселелерин көзөмөлдөө кызматын ээлеген Женкинс Бириккен Улуттар Уюмунун Женевада өткөн куралсыздандыруу маселелери боюнча конференцияда: "Орусия жоопкерчиликтүү өзөктүк держава эмес экенин бүткүл дүйнөгө дагы бир жолу көрсөттү", - деп айтты. Читать дальше...

Мурдагы президент Курманбек Бакиев Кыргызстандын буга чейинки башчыларынын Дубайдагы жолугушуусу тууралуу NazarNews басылмасына маек куруп, мындай форматтагы жолугушуу ал үчүн эле эмес, бардыгы үчүн күтүүсүз болгонун, бул баргандардын биринчи реакциясынан эле байкалып турганын айтты. 27-февралда жарыяланган маегинде Бакиев демилгени оң баалаганын, жолугушуу тынч өткөнүн, баары аягына чейин отурганын, Садыр Жапаровдун жеке кызыкчылыгы болбогонун белгилеген. “Бул демилге анын саясатчы катары жетилгенин көрсөтөт”,- деген Бакиев. Читать дальше...

Жогорку Кеңештеги Эл аралык иштер, коргоо, коопсуздук жана миграция комитети 27-февралдагы жыйынында өлкөдөгү кан жолдорду курууга, оңдоого  алынган насыя, гранттар тууралуу тармактык министрликтен маалымат алды. Анда каражатты максаттуу, сарамжал пайдалануу, салынган жолдордун сапаты жана коррупцияга байланыштуу маселелер көтөрүлдү. Кыргызстандын тышкы карызынын теңинен көбү жол курууга алынган жана бул жагдай талкуу жаратып келген. "...жол оңолду дейсиңер" Кыргызстан эгемен тарыхында жол... Читать дальше...