Қазақстанда тасқын су қатері әлі басылмады. 12 облыс аумағында бірнеше елдімекенді су басқан. // Ақорда тасқынға байланысты жиын өткізді. Халықтан кешірім сұраған президент үкіметті сынады. // Әр аймақ халқы апаттан зардап шеккендерге көмек ұйымдастыруға кірісті.
Қазақстанның 12 облысында ауыл-аймақты су алып, 13 мыңға жуық адам қауіпсіз жерге көшірілген. Оның 5 мыңға жуығы — бала. Эвакуация орталықтарында әлі 6 жарым мың адам жатыр.
Қазақстандықтар су тасқынынан зардап шеккен адамдарға жылу жинап, көмектесіп жатыр. Ірі қалаларда пункттер ашылып, тұрғындар киім, азық, гигиеналық заттар апарып, тапсырып жатыр.
Тасқын судың ортасында қалған жеңіл көліктің төбесінде бір адам аяғын салбыратып, тұнжырап отыр. Ол мәшинесін шығару қиын екенін әрі оны таяуда ғана несиеге алғанын айтып торығады. Тағы бір адам бәйгеге қосып жүрген жылқысы суға батып өлген сәтін TikTok әлеуметтік желісінде жариялады. Жағаға жетемін деп жанталасқан жануардың әлсіреп барып суға батып кеткені көрінетін видеоға ол "әке, Ханторыны құтқар!" деген баласының дауысын қоса жүктеген. Оннан астам облысты қарғын су басқан Қазақстанда әлеуметтік... Читать дальше...
Ақтөбе облысы Ойыл ауданы Шығанақ Берсиев атындағы ауылдағы бөгетті тасқын су бұзып кеткен. Су басқан ауылда жүздеген адам суық мектепті паналап, екі күн көмек күткен. Үйі мен қорасының шатырында қалғандар да бар дейді тұрғындар. 30 наурызда оларға үш тікұшақ пен төрт қайық барған. Құтқарушылар әуелі қарт адамдарды, балалар мен жүкті әйелдерді әкеткен. Азаттыққа Берсиев ауылы тұрғындары жіберген суреттерді назарыңызға ұсынамыз.
Қазақстанда көктем сайын қайталанатын су тасқынынан кейін қоғамда суды тиімді пайдалану мәселесі жиі айтыла бастады. Ернеуінен асып жататын өзен-көл мен еріген қар суы әбігерге салатын кей аймақтар жазда қуаңшылықтан зардап шегеді. Кей белсенділер көктемде асып-тасып жататын суды жинап, жаз мезгілінде пайдалануды ұсынып жатыр. Елді тасқын мен қуаңшылықтан құтқара алатын технология бар ма? Қазақстан суды қаншалықты тиімді пайдаланып жатыр?