Алматының Көкқайнар ықшам ауданының онға жуық тұрғын үйін су басты. Төрт отбасы қауіпсіз жерге уақытша көшірілген. Толассыз жауған жауыннан жер үйлердің маңынан өтетін шағын өзен арнасынан шығап, тұрғындарды әбігерге салған.
Ақтөбе облысындағы су тасқыны қаупі сейілген жоқ. Дәл қазір Ырғыз ауданындағы бес ауылдың халқы тасқынмен күресіп жатыр. 16 сәуірде су тасу қаупі күшейгендіктен Торғай мен Ырғыз өзендерінің қосылатын тұсындағы Құйылыс ауылының халқы көшіріле бастаған.
Қасым-Жомарт Тоқаев су басып жатқан Солтүстік Қазақстанға барды. Президент барлық шығынды мемлекет өтеп береді дейді. Ал жұрт бір реттік төлем алу үшін кезекте тұр. // Орал қаласының халқы Ресейден келетін мол суға дайындалып, Жайықтың бойын бекітіп жатыр. // Ақтөбе облысындағы Құйылыс ауылының халқы көшіріліп жатыр. Ырғыз бен Торғай өзендері қосылатын тұста елді мекен суға кетуі мүмкін.
Оралда мыңдаған тұрғын Ресейден келетін суға дайындалып, Жайықтың бойын бекітіп жатыр. Жергілікті билік тасқынның екінші толқыны 20 сәуірде келуі мүмкін деп болжайды. Ал қала іргесіндегі саяжай тұрғындары су басқан үйлеріне өтемақы беруді талап етіп, жолды жапты.
Атырау облысы Жылыой ауданы Құлсары қаласы - тасқыннан ең көп зардап шеккен елдімекеннің бірі. Мұнда сәуірдің басында жүздеген үй суға кетіп, мыңдаған адам бір күнде баспанасыз қалды.
Солтүстік Қазақстан облысы халқын тасқын әуреге салып жатыр. Аймақта 1700-ден аса үйді су басып, жеті мыңнан аса адам эвакуацияланды. Азаттық тілшілері өңір орталығы Петропавлдың іргесіндегі елді мекендердегі жағдайды көрді.
Қаратал – Ақтөбе облысы Ойыл ауданы Берсиев селолық округіне қарайтын, халқы малмен жан сақтап отырған ауыл. Екі мыңға жуық адамы бар елді мекен биылғы су тасқынынан қатты зардап шекті. Ауылдағы 236 үй түгелге дерлік тұруға жарамсыз болып қалған. Баспана мен малдан айырылу жергілікті халыққа қиын тиді. Тасқын салдарынан мектеп, фельдшерлік пункт, кітапхана мен клуб ғимараттары да қауіпті күйге түскен. Азаттық тілшісі Қараталдың қазіргі жағдайын көріп қайтты.