Новости за 10.04.2024

Үй-жайы суға кеткен жұрт өтемақы мәселесіне алаңдайды. Азаттық сөйлескен тұрғындар шығын толық өтелсе дейді. Билік өтемақы арыз мақұлданған соң 30 күн ішінде берілетінін айтады. // Ватикандағы Рим папасы Қазақстан халқына рухани тұрғыда жақын екенін білдіріп, тасқыннан зардап шеккен жұртты дұғасына қосты. // Жетібайда желтоқсаннан бері ереуілдеп тұрғандарға қолдау білдіріп барып, билікті сынап сөйлеген жаңаөзендік екі белсінді полицияға шақырылды.

Маңғыстау облысындағы Жетібай кентінде төрт айдан бері ереуілдеп тұрған West Oil Software компаниясының мұнайшыларын қолдап барған жаңаөзендік екі белсенді полицияға шақырылды. Олар жиында билікті сынап, президенттің отставкаға кетуін талап еткен.

Ораза аяқталған күні таңертең Алматының орталық мешітіне көп адам жиналып, айт намазына қатысты

Атырау облысы Құлсары қаласында жағдай әлі қиын. Тасқыннан қатты зардап шеккен қалада қалған тұрғындар суға кеткен үйлерін қарайлап жүр. Ал Қостанай облысында Тобыл өзені тасып, жүзден аса үйді су алды. Есіл өзенінің көтерілуі Солтүстік Қазақстанға, Жайықтың көтерілуі Батыс Қазақстанға қауіп төндіріп тұр.