Курган өлкәсе татарлары съезды булды
Курган өлкәсе Татар мәдәнияте үзәгендә «Урал аръягы» төбәк иҗтимагый оешмасында өлкә татарлары съезды булды. Бу хакта Бөтендөнья татар конгрессы матбугат хезмәте хәбәр итә.
Чара Курган өлкәсе хөкүмәте, Курган өлкәсе Мәдәният идарәсе, муниципаль округлары, Шадринск шәһәре администрацияләре башлыклары ярдәмендә узды. Утырыш Чиләбе һәм Курган өлкәләре мөселманнарының Диния нәзарәте рәисе Ринат хаҗи Раевның сәламләү сүзе белән башланып китте.
М.Р. Юнысов Курганның «Урал аръягы» төбәк иҗтимагый оешмасының 2024 елгы эшенә һәм планнарына тукталды.
Татарлар күпләп яшәгән муниципаль округлар администрацияләре вәкилләре шулай ук үз округларында татар иҗтимагый берләшмәләренең эше турында сөйләделәр.
«Муниципаль округлар хакимияте башлыкларына һәм татар активистларына «Урал аръягы» төбәк иҗтимагый оешмасының Рәхмәт хатлары тапшырылды.
Фойеда милли аш-су күргәзмәсе урнашкан, аларны муниципаль округлар осталары пешергән. Чара муниципаль округлардан килгән иҗат коллективларының концерты белән тәмамланды.
«Урал аръягы татарлары» җәмгыяте идарәсе әлеге съездны оештыруда һәм үткәрүдә катнашкан барлык кешеләргә зур рәхмәт белдерә. Мондый очрашулар чираттагы тапкыр безнең бер зур эш башкарганыбызны исбатлыйм, милли мәдәниятне саклыйбыз, үстерәбез һәм популярлаштырабыз», диелгән хәбәрдә.