Новости за 19.03.2024

Согуд Гарәбстанында Хабар шәһәрендә National Tatar iftar «Аш» узды. Бу хакта Бөтендөнья татар конгрессы «Ислам башкаласы» телеграм-каналына сылтама белән хәбәр итә.

Президент Владимир Путин паралимпиячеләрнең «Без бергә. Спорт» кышкы уеннары» Халыкара комплекслы спорт ярышларында катнашучыларны һәм кунакларны сәламләде. Телеграмма Кремль сайтында урнаштырылган.

Россия Президентын сайлау илебезнең киләчәк үсеше өчен фундаменталь булды. ТР Дәүләт Советы депутаты, КПРФ партиясенең Татарстан бүлегенең беренче секретаре Хафиз Миргалимов«Татар-информ» хәбәрчесенә шундый фикер белдерде.

Россия Дәүләт Думасы депутатлары РФ Кораллы көчләрендә махсус хәрби операция чорында хәрби хезмәт узу турында контракт төзегән затларны җинаять җаваплылыгыннан азат итү механизмын беркетүче ике закон кабул итте.

Бүген Татарстан Дәүләт Советы Рәисе, «Бердәм Россия» партиясенең Татарстан төбәк бүлеге секретаре Фәрит Мөхәммәтшин партия рәисе Дмитрий Медведевның төбәк иҗтимагый кабул итү бүлмәсендә гражданнарны кабул итте.

1 апрельдә старт алачак язгы чакырылыш вакытында электрон повесткалар сынау режимында киләчәк. Бу хакта ТАСС Дәүләт Думасының оборона комитеты башлыгы Андрей Картаполов сүзләренә сылтама белән хәбәр итә.

Дәүләт Думасы педофилиядә шикләнелүчеләр белән махсус хәрби операциядә хезмәт итү өчен контракт төзүне тыйды. Бу хакта ТАСС хәбәр итә.

Танылган спорт комментаторы, журналист һәм «Эгриси» футбол клубы хуҗасы Василий Уткин 52 яшендә вафат булган. Бу хакта чыганакларга сылтама белән «Чемпионат» яза.

Татарстан Дәүләт Советы Рәисе Фәрит Мөхәммәтшин республика халкына Россия Федерациясе Президентын сайлауда актив катнашулары өчен рәхмәт белдерде. Бу хакта Татарстан Дәүләт Советы матбугат хезмәте хәбәр итә.

Бүген ТР Дәүләт Советы Рәисе урынбасары, ТР Рәисе каршындагы татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе рәисе Марат Әхмәтов гаиләле яшь татар язучылары белән гаиләдә татар телен саклау турында сөйләште. Очрашуда ТР Дәүләт Советының Мәгариф, мәдәният, фән һәм милли мәсьәләләр комитеты рәисе Айрат Зарипов, Татарстан язучылар берлеге рәисе Ркаил Зәйдулла катнашты. Очрашу Татарстан Язучылар берлегенең яңа төзекләндерелгән бинасында үтте. Читать дальше...

Татарстанда күп балалы гаиләләр өчен социаль ярдәм чаралары 23 яшькә кадәрге көндезге бүлектә укучы студент балалары булган гаиләләргә дә кагылачак. Моннан тыш, күп балалы гаилә статусының вакыты чикләнми. Бу закон проектын Татарстан Министрлар Кабинетына керттеләр.

Чик сакчыларының коры җирдә дә, диңгездә дә, беренче чиратта, Кара диңгез төбәгендә хәрби мөмкинлекләрен үстерергә кирәк. Бу хакта Федераль иминлек хезмәте коллегиясендә Россия Президенты Владимир Путин белдерде. Трансляция ТАСС телеграм-каналында узды.

17 мартта Новосибирск Татар мәдәнияте йортында «Язгы очрашу» концерты узган. Бу хакта Новосибирск өлкә Татар мәдәнияте үзәге «ВКонтакте» социаль челтәрендәге сәхифәсендә хәбәр итә.

Амур өлкәсендә тау металлургия комбинатының «Пионер» руднигында тау токымнары ишелгән, хәрабәләр астында 13 кеше калган. Бу хакта Россия Гадәттән тыш хәлләр министрлыгы хәбәр итә.

Чаллы мэры аппарат киңәшмәсендә, кар ишелеп төшмәсен өчен торак йорт һәм социаль объект түбәләреннән һәм түбә кыекларыннан карны чистартырга кушты. Наил Мәһдиев республикада соңгы көннәрдә булган берничә вакыйганы искә төшерде, дип яза «Татар-информ».

Татарстан Рәисе Рөстәм Миңнеханов Габдулла Тукай исемендәге ТР Дәүләт премиясе комиссиясе составын үзгәртү турындагы карарны имзалады. Документ хокукый мәгълүмат порталында чыкты.

Россия власовчыларның совет җирендә нәрсә эшләгәнен хәтерли, һәм бүгенге хыянәтчеләрне дә гафу итмәячәк. Бу хакта РФ Президенты Владимир Путин Федераль иминлек хезмәте коллегиясе утырышында белдерде. Трансляция ТАСС телеграм-каналында узды.

Татарстан Фәннәр академиясенең Мансур Хәсәнов исемендәге Татар энциклопедиясе һәм төбәкне өйрәнү институтында гыйльми сәркатибе, композитор, Татарстанның атказанган сәнгать эшлеклесе Эльмира Галимова музыка юнәлешендә яңалык табып иҗат итүен әйтте.

Россия Президенты Владимир Путин Иран коллегасы Эбрахим Раиси белән телефоннан сөйләште. Бу хакта Кремльнең матбугат хезмәте хәбәр итә.

Сергей Миронов җитәкчелегендәге «Гадел Россия - хакыйкать өчен» депутатлар төркеме 2025 елдан башлап Россия Федерациясендә транспорт салымын гамәлдән чыгару турындагы закон проектын Дәүләт Думасына кертте. Бу хакта РИА Новости Парламентның Түбән палатасының мәгълүмат базасына сылтама белән хәбәр итә.

Габдулла Тукай исемендәге Татар дәүләт филармониясендә Татарстанның халык шагыйре Равил Фәйзуллинның юбилей кичәсе узачак. «Тагын килде язлар…!» дип аталган әдәби-музыкаль кичә 27 март көнне була.

Театр тәнкыйтьчесе, «Әкият» Татар дәүләт курчак театрының сәнгать җитәкчесе киңәшчесе, ТР мәдәният министры киңәшчесе, ТР Мәдәният министрлыгының Иҗтимагый советы рәисе, халыкара һәм Бөтенроссия фестивальләре эксперты Нияз Игламов театрга йөргән кешене теарга йөрмәгән кешегә караганда яхшырак дип саный. Ул бу хакта «Татар-информ»да Түбән Камада узачак театр атналыгына багышланган матбугат конференциясендә әйтте.

Төркиядә яшәп иҗат итүче журналист, язучы Айзирәк Гәрәева-Акчура язучылык белән акча эшләп булмау мәсьәләсен дөнья күләмендәге проблема дип атады.

Танылган театр белгече Нияз Игъламов Татарстан Язучылар берлегендә эшли башлады.

Хәрби-диңгез флотының баш командующие вазифасын вакытлыча башкаручы итеп Россия Герое, адмирал Александр Моисеев билгеләнде, дип хәбәр итә РИА Новости.