Новости за 05.03.2024

Төмән өлкәсенең Тубыл шәһәрендә 8 март – Халыкара хатын-кызлар көненә багышланган концерт була. Бу хакта Тубыл себер-татар мәдәни үзәгенең Вконтакте сәхифәсендәге төркемендә хәбәр ителә.

«Әле мин бер милләтнең дә ел саен шундый җыеннарга җыелып килгәнен күргәнем юк», – диде Васил Шәйхразыев җыенның пленар утырышына йомгак ясаганда.

XII Бөтенроссия татар авыллары эшмәкәрләре җыены кысаларында Ленин исемендәге мәдәни-ял итү комплексында Россиянең татар авыллары ассоциациясе рәисе, композитор, җырчы, шагыйрь Фәнир Галимов җырларыннан төзелгән «Туган ягым» дип исемләнгән кичә булды. Кичә кысаларында «Бабай утары» картиналар күргәзмәсе тәкъдим ителде.

Россия БРИКС берләшмәсендә рәислеге кысаларында 200дән артык чара оештыра, шулардан 20 зур утырышны Татарстан кабул итәчәк. Алар — министрлар дәрәҗәсендә, БРИКС илләре башлыклары саммитын кертеп, шулай ук БРИКС+ һәм БРИКС аутрич форматындагы утырышлар. Бу хакта Татарстан Рәисе Рөстәм Миңнеханов Ислам хезмәттәшлеге оешмасы әгъза-дәүләтләре илчеләре белән очрашуда әйтте.

Халыкара туган тел көнендә Башкортстанның Коргат авылы мәктәбе һәм клубы хезмәткәрләре белән берлектә укучыларга «Татар халык уеннары» үткәрелде. Бу турыда Мәчетле районы татарлары автономиясе «ВКонтакте» челтәрендәге сәхифәсендә хәбәр итте.

Бөтендөнья татар конгрессының татар эшмәкәрләре белән эшләү бүлеге җитәкчесе Фәрит Уразаев киләчәктә «Татар казы» дигән каз токымы булдыру ихтималы барлыгын белдерде.

Мәскәүнең Халык хуҗалыгы казанышлары күргәзмәсе паркында «Хатын-кызлар: традицияләрне саклыйбыз - Россияне үстерәбез» Бөтенроссия форумының беренче көне тәмамланды. Татарстан үз стендында бик зур программа тәкъдим итте: мавыктыргыч мастер-класслар, лекцияләр һәм күренекле гүзәл затлар белән очрашулар.

Татарстан Рәисе Рөстәм Миңнеханов Мәскәүгә эш сәфәрендә Россия Хөкүмәте Рәисе урынбасары Виктория Абрамченко белән очрашты.

Халыкара хатын-кызлар көне алдыннан «Татмедиа» бинасының беренче катында «Тормыш энергиясе» фотокүргәзмәсе ачылды. Бу онкология белән очрашкан, әмма үзендә яшәргә һәм каты авырудан дәваланырга көч тапкан хатын-кызлар турындагы проект, дип яза «Татар-информ» хәбәрчесе Арина Потапова.

«Флешка, рэп һәм мәхәббәт» спектакле – татар театры сәхнәсендә беренче тапкыр куела торган рэп-опера.

Татарстан Рәисе Рөстәм Миңнеханов Ислам хезмәттәшлеге оешмасы әгъзалары булган дәүләтләр илчеләре белән очрашуда аларны һәм аларның ватандашларын «Россия - Ислам дөньясы: KazanForum» Халыкара икътисади форумына чакырды. Ул май аенда уза. Бу хакта республика җитәкчесенең матбугат хезмәте хәбәр итә.

Татарстан Рәисе, «Россия - Ислам дөньясы» стратегик караш төркеме җитәкчесе Рөстәм Миңнеханов Мәскәүгә сәфәрендә Ислам хезмәттәшлеге оешмасы әгъзалары булган дәүләтләрнең илчеләре белән очрашты. Очрашу Россия Тышкы эшләр министрлыгының Кабул итү йортында узды. Бу хакта республика җитәкчесенең матбугат хезмәте хәбәр итә.

Халыкара хатын-кызлар көне алдыннан Мәскәүдә Халык хуҗалыгы казанышлары күргәзмәсендә «Хатын-кызлар: традицияләрне саклыйбыз - Россияне үстерәбез» форумы уза.

Төмәннең «Яңарыш» газетасында Гөлнур Вәлиеваның «Җәлил хөрмәтенә кичә» дигән язмасы чыкты.

Татарстан белән Казахтанның икътисади хезмәттәшлек һәм сәнәгать кооперациясе өчен зур потенциалы бар. Бу хакта Казахстан Республикасы парламентының мәҗлес рәисе Ерлан Кошанов Казанда ТР Дәүләт Советы Рәисе Фәрит Мөхәммәтшин белән очрашуда белдерде, дип яза «Татар-информ» хәбәрчесе Надежда Гордеева.

Россиялеләрнең 80 проценты РФ Президентын сайлауда тавыш бирәчәкләрен белдерде. Бу хакта Бөтенроссия җәмәгатьчелек фикерен өйрәнү үзәге уздырган сораштыру мәгълүматларыннан билгеле булды. Әлеге сораштыру 2-3 мартта үткәрелде. Анда балигъ булган яшьтәге 1,6 мең граждан катнашты.

Казахстанда быел татар телендә казах халык әкиятләре җыентыгын чыгарачаклар. Бу хакта Казахстан Республикасы парламенты мәҗлесе рәисе Ерлан Кошанов хәбәр итте, дип яза «Татар-информ» хәбәрчесе Надежда Гордеева.

Татарстан Республикасы башкаласында БРИКС саммиты 2024 елның 22-24 октябрендә узачак. Дата турында Россия Президенты ярдәмчесе Юрий Ушаков ТАССка интервьюда әйтте.

Россиядә коронавирус инфекциясен йоктыручылар саны соңгы бер атна эчендә 2,1 процентка арткан, дип белдерделәр журналистларга Яңа коронавирус инфекциясенә каршы көрәш буенча федераль оператив штабта. Бу хакта РИА Новости агентлыгы хәбәр итә.

Г. Ибраһимов исемендәге Тел, әдәбият һәм сәнгать институтының Сәнгать белеме үзәге галимнәре соңгы берничә елда дөнья күргән басма фәнни хезмәтләре циклын тәкъдим итте.

Быел фестиваль сигезенче тапкыр үткәрелә.

Татарстан Рәисе Рөстәм Миңнеханов татарстанлыларны «Дуслык» ордены һәм «ТАССР төзелүнең 100 еллыгы» медале белән бүләкләде. Карарлар хокукый мәгълүмат порталында басылып чыкты.

Гаиләдә тартып торучы үзәк, җитәкчеләр, волонтерлар – хатын-кызлар күп кенә өлкәләрдә сизелерлек нәтиҗәләргә ирешә. Алар илкүләм үсеш максатларына ирешүгә һәм традицион рухи-әхлакый кыйммәтләрне саклауга гаять зур өлеш кертә. Россия Президенты Владимир Путин, Бөтенроссия хатын-кызлар форумында катнашучыларга мөрәҗәгать итеп, шулай дип белдерде. Бу хакта Кремльнең матбугат хезмәте хәбәр итә.

Бөтенроссия татар авыллары эшмәкәрләре форумында Чечен республикасы Шелковской районы Гребенская станицасындагы татар җәмгыяте җитәкчесе Мөслим Хәйбуллин катнашты. Ул төбәктә 20 елдан соң яңадан Сабантуй үткәрү теләге булуын әйтте. Ул бу хакта Бөтенроссия татар авыллары эшмәкәрләренең Татарстан Рәисе Рөстәм Миңнеханов катнашуында узган пленар утырышта сөйләде.

Татарстан белән Казакхтанның тарихи дустанә мөнәсәбәтләрен саклап калу мөһим. Бу хакта Татарстан Дәүләт Советы Рәисе Фәрит Мөхәммәтшин Казахстан Республикасы парламенты мәҗлесе Рәисе Ерлан Кошанов белән очрашуда белдерде.