Новости за 07.03.2024

Халыкара хатын-кызлар бәйрәме алдыннан Түбән Камада мобилизацияләнгәннәрнең хатыннарын һәм әниләрен, шулай ук Әфганстан һәм Чечня хәрби конфликтларында катнашучыларның туганнарын котладылар. Бу хакта http://nkamsk-rt.ru хәбәр итә.

Халыкара хатын-кызлар көнендә һәм киләсе ял көннәрендә Татарстан башкаласының муниципаль парковкалары түләүсез эшләячәк. Бу хакта Казан мэриясенең матбугат хезмәте хәбәр итә.

Бүген, 7 мартта, Татарстан мөфтияте бинасында «Шәригать кануннары буенча матурлык» дип исемләнгән чара үткәрелде. Аны нәзарәт һәм Татарстан мөслимәләр берлеге оештырды. Әлеге чара илебездә игълан ителгән Гаилә елы һәм Татарстан мөселманнары Диния нәзарәте игълан иткән Гаилә һәм хәләл яшәү рәвеше елы кысаларында үтте. Бу хакта ТР Диния нәзарәте матбугат хезмәте хәбәр итә.

Россия Банкы чит ил валютасын алуга чикләүләрне тагын ярты елга, 2024 елның 9 сентябренә кадәр озайтты. Бу хакта регуляторның матбугат хезмәте хәбәр итә.

«Мәрхәмәтлелек тартмасы» волонтерлык хәрәкәтен оештырган Валентина Клявлина һәм «Үзебезнекеләр өчен тегәбез. Нурлат» төркемен булдырган Татьяна Ямугинага «Россия волонтеры» медальләрен тапшырдылар.

Фаразлар буенча, быел март Казанда салкын булачак. Ай дәвамында явым-төшем нормасы үтәлер дип көтелә. Бу хакта «Татар-информ»га КФУ профессоры, география фәннәре докторы Юрий Переведенцев хәбәр итте.

Казанда 27 майдан 1 июньгә кадәр Татарстан һәм Россиянең мәдәни тормышындагы мөһим вакыйга - «Нәүрүз» VIII Халыкара театраль-белем бирү форумы узачак. Форум катнаш форматта:онлайн һәм офлайн узачак, дип хәбәр итә Татарстан Республикасы Мәдәният министрлыгы матбугат хезмәте.

Швеция рәсми рәвештә НАТОга кушылды. Альянска керү турында протокол 2024 елның 7 мартында үз көченә керде, дип яза РИА Новости.

«Ирек мәйданы» баш мөхәррире Раиф Усманов почта эшчәнлегенә карата фикерен белдерде.

2024 елның феврале тугызынчы ай рәттән күзәтүләр тарихында иң җылысы дип танылды. Бу хакта Европа Җирне күзәтү агентлыгы (Copernicus) хисабы дәлилли. Бу хакта «Российская газета» яза.

Татарстанда бруцеллез куркынычы аркасында мөгезле эре терлек асраучы предприятиеләргә ябык эш режимына күчәргә кирәк. Бу хакта Татарстан Республикасы Министрлар Кабинетының Баш ветеринария идарәсе башлыгы урынбасары Габделхак Мотыйгуллин «Татар-информ»да узган матбугат конференциясендә белдерде.

Татарстанның Мамадыш районындагы Югары Сон авылы халкы хәрбиләргә беренчеләрдән булып гуманитар ярдәм әзерли башлады. Барысы да «Әнием бәлешләре» акциясе белән башланып китте, ул вакытта мобилизацияләнгән солдатлар әле республика территориясендә, полигоннарда өйрәнү уза иде. Ул вакытта авыл халкы 100 пирог әзерләгән. Хәзерге вакытта активистлар окоп шәмнәре, чәк-чәкләр һәм өй токмачы ясау белән мәшгуль.

Кукмара мәдрәсәсендә күркәм гадәткә әверелгән «Мөслимәләр бәйгесе» дип аталган ярыш-викторина үткәрелде. Әлеге чарада төрле төркемнәрдә белем алучы 3нче курс укучылары катнашты.

Габдулла Тукай әдәби музее һәм аның экспозициясе белән якыннан танышырга, танылган татар шагыйре һәм аның замандашлары турында белемнәрен тирәнәйтергә һәм экскурсовод булырга теләүчеләр өчен укулар оештырыла.

Россия төбәкләреннән: Мәскәү, шулай ук Мәскәү, Түбән Новгород, Ульяновск һәм Пенза өлкәләреннән, Татарстан, Башкортстан һәм Мордовия республикаларыннан булган ватандашларыбыз бу көннәрдә гомрә - кече хаҗ кылалар. Бу хакта Россия Мөфтиләр шурасы сайтында әйтелә.

Әгәр ял вакытына эшләми торган бәйрәм көннәре туры килсә, ул автомат рәвештә шундый көннәр санына озайтыла. Бу хакта Хезмәт министрлыгының ВК рәсми битендә әйтелә, дип хәбәр итә «Российская газета».

15-16 апрельдә Татарстан Милли музее филиалы – Габдулла Тукай әдәби музеенда «Тукай укулары-2024» Бөтенроссия фәнни конференциясе була. Конференциядә Россия һәм төбәк әдәбияты, тарихының актуаль проблемалары, әдәби музейлар үсеше аспектларын өйрәнү, мәдәни мирасны саклау буенча мәсьәләләр тикшереләчәк.

Хәзерге авыр вакытта хатын-кызлар махсус хәрби операциядә катнашучылар өчен ышанычлы таяныч булып тора. Бу хакта Татарстан Республикасы Рәисе Рөстәм Миңнеханов «Корстон»да узган Халыкара хатын-кызлар көненә багышланган тантаналы чарада белдерде, дип хәбәр итә республика җитәкчесе матбугат хезмәте.

Татарстан Республикасы Фәннәр академиясе хакыйкый әгъзасы, филология фәннәре докторы, профессор Дания Заһидуллина язучы, драматург, җәмәгать эшлеклесе Шәриф Камалның академик басмасын чыгаруны планга кертү турында сөйләде.

Чиләбенең Башкорт яшьләре берлеге, Татар яшьләре берлеге һәм «Дуслар» милли-мәдәни үзәкләре тарафыннан оештырылган төбәкара турнир булды. Бу хакта Бөтендөнья татар конгрессы хәбәр итә.

Россия Президенты Владимир Путин Советлар Союзы Герое А.К.Серов исемендәге Краснодар югары хәрби авиация училищесы укучылары белән очрашу вакытында модернизацияләнгән Ту-160М самолетында очыш турында сөйләде. Ул февральдә Татарстанга эш сәфәре вакытында очты. Трансляция Кремль телеграм-каналында узды.

Казанның «Ак Барс» көрәш сараенда көрәш буенча Татарстан беренчелеге тәмамланды. Районнар арасында җиңүче булып Лаеш командасы танылды. Икедә – Чаллы, өчтә – Чистай командасы.

Татарстан мөселманнары Диния нәзарәте яңартылган «Казан басмасы»н бушлай таратуны дәвам итә. Мисал өчен, яңа Мүсхәфне Рамазан-шәриф ае алдыннан шушы көннәрдә Арча мөхтәсибәте алды.

Россия Саклану министрлыгында Казан танк училищесындагы янгынның электрүткәргечнең төзексез булуы сәбәп булганлыгын әйткәннәр. Бу хакта «Татар-информ»га Үзәк хәрби округның матбугат хезмәтендә хәбәр иттеләр.

2000 елдан Татарстаннан 1,5 мең күп балалы ана «Ана даны» медале белән бүләкләнде, шул исәптән 2023 елда биш һәм аннан да күбрәк бала тапкан һәм тәрбияләгән 23 ана билгеләп үтелде. Бу хакта Татарстанда бала хокуклары буенча вәкаләтле вәкил Ирина Волынец «Татар-информ»га биргән интервьюсында сөйләде.