Новости за 25.03.2024

22 мартта Мәскәүдә «Крокус Сити Холл» үзәгендә булган фаҗига Лениногорск халкын битараф калдырмады. 23 март һәм 24 март көннәрендә Ленин исемендәге үзәк мәйданда террактта һәлак булганнар истәлегенә акция узды. Бу хакта «Заман сулышы» яза.

Мәскәү янындагы «Крокус Сити Холл»да теракт нәтиҗәсендә һәлак булучылар саны 139га кадәр арта. 75 кеше танылган, дип хәбәр итте Россия Тикшерү комитеты башлыгы Александр Бастрыкин РФ Президенты Владимир Путин белән киңәшмә вакытында.

Россия Эчке эшләр министрлыгы социаль челтәрләрдә һәм мессенджерларда провокаторлар россиялеләрне террорчылык эшчәнлегенә һәм башка җитди җинаятьләргә этәрә ала. Бигрәк тә үсмерләр һәм яшьләр йомшак категория булып тора, дип билгеләп үтә Россия Эчке эшләр министрлыгының рәсми вәкиле Ирина Волк Телеграм-каналында.

Бөтендөнья татар конгрессы Татарстаннан читтә нәшер ителүче татар телле газеталар, теле- һәм радиотапшырулар редакцияләре һәм журналистлары арасында II бөтенроссия «Хәбәр» конкурсы уздыра. Бу хакта конгресс матбугат хезмәте хәбәр итә.

Гадәттән тыш хәлләр министрлыгы «Крокус»та терактта һәлак булганнарның яңа исемлеген чыгарды. Бу хакта РИА Новости хәбәр итә.

Көньяктан килгән циклон йогынтысында Татарстанда һава торышы сизелерлек начарлана. Өч көндә, 26-28 мартта, республиканың көнбатышында айлык явым-төшем нормасының 30-50 проценты, көньякта һәм көнчыгышта 100 проценты һәм аннан да күбрәк яварга мөмкин. Бу турыда Татарстан Гидрометеорология һәм әйләнә-тирә мохитне күзәтү үзәге тараткан фаразларда белдерелә.

Түбәдән карлы боз төшеп ике кешенең җәрәхәтләнүе турындагы мәгълүматтан соң Казан прокуратурасы тикшерү башлады. Бу хакта Татарстан прокуратурасының рәсми вәкиле Руслан Галиев хәбәр итә.

Мәскәүнең Басман суды Мәскәү өлкәсендәге «Крокус Сити Холл» концертлар залындагы терактта катнашы булган тагын өч кешене сак астына алу турында карар чыгарды. Бу хакта Мәскәүнең гомуми юридикция судлары матбугат хезмәте Телеграм-каналда хәбәр итте.

«Крокус Сити Холл»да терактта катнашы булган тагын өч кешегә гаепләү белдерелгән. Бу хакта ТАСС Басман суды матбугат хезмәтенә сылтама белән хәбәр итә. Тикшерүчеләр аларны кулга алуны таләп итә.

21 март көнне Курган Җәмигъ мәчетендә ифтар булды. Бу хакта Бөтендөнья татар конгрессы матбугат хезмәте хәбәр итә.

Синоптиклар фаразлары буенча, бүген төнлә Татарстанда урыны белән томан көтелә, һава температурасы -1..-6 градуска кадәр төшәчәк.

«Интертат» сайтының «Вконтакте» төркемендә туры эфирда уза торган «Әйтер сүз» рубрикасында «Ватаным Татарстан» газетасының баш мөхәррир урынбасары, Татарстанның атказанган матбугат һәм массакүләм коммуникацияләр хезмәткәре Илнар Хөснуллин татар журналистлары бер-берсенең язмаларын укыса, татар матбугатының көче зуррак булыр иде дигән фикердә.

Бүген Казанда яшәүче ике кеше өстенә түбәдән боз төшкән. Алар имгәнгән.

Татарстанда Россия Саклану министрлыгы белән хәрби хезмәт турында контракт төзегән пилотсыз очу аппаратлары операторлары Үзәк хәрби округ полигоннарында әзерлек уза. 2024 ел башыннан Үзәк хәрби округның Свердловск өлкәсендәге Пилотсыз оча торган аппаратлар белгечләрен әзерләү үзәге инструкторлары махсус хәрби операциядә бурычларны үтәү өчен FPV-дрон белән идарә итүче 100дән артык операторны өйрәткән.

Кызганычка, бер генә ил дә террорчылыктан тулысынча саклана алмый. Аңа каршы көрәшү өчен, дәүләтләргә халыкара дәрәҗәдә хезмәттәшлек итәргә кирәк. Россия Президенты матбугат секретаре Дмитрий Песков шулай дип белдерде, дип яза ТАСС.

Мәскәү Татар мәдәни үзәгендә татар теле дәресен укытучы Альбина Вәлиева «Иң яхшы татар теле һәм әдәбияты укытучысы» исеменә лаек булган. Бу хакта Бөтендөнья татар конгрессы матбугат хезмәте хәбәр итә.

Теләче районы Сауш авылында «Академик Тәлгать Сираҗетдинов укулары» фәнни-гамәли конференциясе оештырылган.

Бүген Буада 22 мартта Мәскәү өлкәсенең «Крокус Сити Холл» концерт залындагы фаҗигале вакыйгага бәйле террорчылыкка каршы планнан тыш утырыш үткәрелде. Шәһәр башкарма комитетында эш көне бер минут тынлыктан башланды.

Биләргә һәм Чистайга галимнәрнең, бигрәк тә археологларның игътибары җитми. Мәдәният министры Ирада Әюпова бу проблеманы Татарстан Республикасы Рәисе карамагындагы Мәдәният буенча совет утырышында күтәрде.

Татарстан Рәисе Рөстәм Миңнеханов «Вайлдберриз» ҖЧҖ генераль директоры Татьяна Бакальчук белән очрашты. Очрашуда алдагы хезмәттәшлекне үстерү мәсьәләләре, шул исәптән ихтыяҗ аеруча зур булган товарлар тупланачак үзәк ачу мөмкинлеге хакында фикер алыштылар. Бу хакта республика җитәкчесенең матбугат хезмәте хәбәр итә.

Татарстан Рәисе Рөстәм Миңнеханов «Россия – Ислам дөньясы: KazanForum» Халыкара икътисади форумына әзерлек һәм аны үткәрү буенча республика оештыру комитеты составын киңәйтте. Шул хактагы указ хокукый мәгълүмат порталында урнаштырылган.

Мәдәният министры Ирада Әюпова Татарстан Республикасы Рәисе карамагындагы Мәдәният буенча совет утырышында катнашучыларга 110 ел элек яздырылган уникаль архив язмасын тыңлатты. Анда ир кеше тавышы Габдулла Тукайның балачагы турында сөйли.

«Россия – Ислам дөньясы» Стратегик караш төркеме Мәскәү өлкәсендәге «Крокус Сити Холл»да булган һәм 137 кешенең гомерен өзгән терактны кискен гаепләп чыкты. Төркемнең белдерүен аның җитәкчесе, Татарстан Рәисе Рөстәм Миңнеханов та хуплады. Бу хакта ТР Рәисенең матбугат хезмәте җитәкчесе Лилия Галимова хәбәр итә.

Татарстан Республикасы Рәисе карамагындагы Мәдәният буенча совет утырышында татар мәдәнияте һәм теленә кагылышлы диссертацияләрне татар телендә язып булмау мәсьәләсе күтәрелде.

Россия Президенты Владимир Путин бүген көннең икенче яртысында киңәшмә үткәрә, анда Мәскәү өлкәсендәге «Крокус Сити Холл»да булган теракттан соң күрелә торган чаралар хакында фикер алышачаклар. Бу хакта РИА Новости агентлыгы Кремльнең рәсми вәкиле Дмитрий Песковка сылтама белән хәбәр итә.