Новости за 02.03.2024

Әгерҗедә Ләбиб Айтуганов исемендәге мәдәният йортында бөтен гомерен сәнгатькә, мәдәнияткә, иҗатка багышлаган, шагыйрь, үзешчән композитор, күп санлы хикәяләр һәм пьесалар авторы, һәрвакыт иҗат дәрте белән янып яшәгән, Татарстанның атказанган мәдәният хезмәткәре, 4 китап авторы Наил Хәбибулла улы Нәбиуллинны искә алу уңаеннан «Күңелем белән сездә калам» исемле кичә узды. Бу хакта «Әгерҗе хәбәрләре» яза.

«Әл-Әнгам» мәчетендә Яшел Үзән һәм Яшел Үзән районы имамнары утырышы узды. Бу хакта «Яшел Үзән» сайтында хәбәр ителә.

Бүген Актаныш район оешма һәм предприятияләре, авыл җирлекләре арасында Гаилә елына багышлап уздырылган кышкы спартакиадада җиңүче командалар билгеле булды. Бу хакта «Актаныш-информ» хәбәр итә.

Казанда «Киләчәк уеннары»ның «YOTA Фиджитал MOBA. MLBB» дисциплинасында катнашкан уенчы Xomyakot (Санкт-Петербургтан, исеме – Маргарита) компьютер уеннары зыянлы, балалар виртуаль дөньяга китәргә мөмкин дигән фикергә каршы. Ул үзен нәкъ менә компьютер уеннары тәрбияләгәнен әйтте.

Бүген Казанның «Ак Барс» хоккейчылары Екатеринбургның «Автомобилист» командасына җиңелде. Матч Казанда «Татнефть Арена» боз сараенда узды.

Кукмарада «Татарстан Республикасында яшь гаиләләрне торак белән тәэмин итү» программасы уңышлы гына эшләп килә. Район башлыгы Сергей Димитриев әлеге программа кысаларында ике яшь гаиләгә торак шартларын яхшырту өчен сертификатлар тапшырды. Үткән ел әлеге программа нигезендә өч гаилә торак шартларын яхшырта алган. «Хезмәт даны» шул хакта яза.

Россия Хөкүмәте Дәүләт Думасына кредит каникуллары процессында махсус операция хәрбиләренә өстәлгән процентларны гамәлдән чыгару турында закон проектын кертте. Бу хакта Дәүләт Думасы электрон базасында хәбәр ителә.

«Киләчәк уеннары» мультиспорт турнирын ябу тантанасын «Россия-1» каналы эфирында күрсәтәчәкләр. Искәртик, уеннар иртәгә, 3 мартта, тәмамлана. Трансляциягә шулай ук сылтама буенча онлайн кушылырга мөмкин.

19-26 февральдә Татарстанда кайбер яшелчәләр һәм башка азык-төлек бәяләре артты. Татарстанстат мәгүлүматларына караганда, гыйнвардагы тренд үзгәргән: республикада кыяр бәясе төшкән, ә помидорныкы арткан.

Татарстан волонтерлары Рубежное шәһәрендә вакытлыча урнашу пунктына ярдәм итте. «Бергә без күбрәк булдыра алабыз» хәрәкәте активистлары шефлыкка алынган шәһәргә инвалид коляскасы, памперс, азык-төлек һәм көнкүреш химиясе китерде. Түбән Кама халкы җыйган гуманитар йөк мөмкинлекләре чикләнгән кешеләргә вакытлыча урнашу пунктында яшәү шартларын яхшыртырга мөмкинлек бирәчәк.

Россия Президенты Владимир Путинның Федераль Җыенга юлламасыннан соң «Гаилә» илкүләм проекты иң фикер алышына торган булды. Бу хакта ТАСС Brand Analytics тикшеренү мәгълүматларына нигезләнеп хәбәр итә.

Россия Президенты Владимир Путинның юлламасы илдәге тышкы вазгыять һәм мобилизацион икътисадның кирәклеге белән аңлатылды. Дәүләт башлыгы моңа кадәр куелган бурычлар даирәсен тагын бер кат төгәл билгеләде, дип саный Россия Федераль Җыены Федерация Советы әгъзасы Александр Терентьев.

Татарстан прокуроры боерыгы белән Руслан Галиевка Тукай районы прокуроры вазифасын башкару йөкләнгән. Татарстан прокурорының өлкән ярдәмчесе 4 марттан алып ведомствоның яңа җитәкчесе билгеләнгәнче бу вазифада эшләргә тиеш була. Ведомствода шул хакта хәбәр иттеләр.

Курган өлкәсе Татар мәдәнияте үзәгендә «Урал аръягы» төбәк иҗтимагый оешмасында өлкә татарлары съезды булды. Бу хакта Бөтендөнья татар конгрессы матбугат хезмәте хәбәр итә.

Якутиядә якынча 130 милләт вәкиле яши, шуларның 30ы ислам динен тота. Мөселманнарның Рамазан аен билгеләп үтәргә әзерләнүләре һәм төбәктә бәйрәм итүнең үзенчәлекләре турында мөфти урынбасары - имам Хәбибулла хәзрәт Хикмәтов сөйләде.

Прокуратура түбәләрне кардан һәм боздан вакытында чистарту өчен җаваплы Яшел Үзән оешмасының бурычларын үтәүне тикшерә. Татарстан прокурорының өлкән ярдәмчесе Руслан Галиев шул хакта хәбәр итә.

2 мартка Татарстанда торак төзү планы 21 процентка төгәлләнгән. 668 мең квадрат метр мәйдан тапшырылган. Бу хакта Татарстан Хөкүмәте йортында киңәшмәдә республиканың төзелеш, архитектура һәм торак-коммуналь хуҗалык министры Марат Айзатуллин сөйләде. Бу хакта Татарстан Рәисенең матбугат хезмәте хәбәр итә.

Татарстанда «Күпфатирлы йортларда гомуми мөлкәткә капиталь ремонт ясауны оештыру турында»гы закон нигезләмәләре төгәлләштерелде. Үзгәрешләр кертелгән документны Татарстан Рәисе Рөстәм Миңнеханов имзалады.

Татарстанда «Музейлар һәм музей эше турында»гы законга үзгәрешләр кертелде. Бу документны Татарстан Рәисе Рөстәм Миңнеханов имзалады.

«Шәһри Казан» газетасы баш мөхәррире Радик Сабиров почта эшчәнлегенә карата фикерен белдерде.

Бүген, 2 мартта, «Казан Экспо» халыкара күргәзмә үзәгендә оештырылган Киләчәк уеннары шәһәре халыкара мультиспорт турниры кунаклар өчен үз эшен дәвам итә.

Бөтендөнья татар конгрессы каршында эшләп килүче «Ак калфак» татар хатын-кызлары иҗтимагый оешмасы рәисе Кадрия Идрисова Казан федераль университетының Филология һәм мәдәниятара багланышлар институтының белем күтәрү курсларында укучы татар теле һәм әдәбияты укытучылары, Татарстан районнары һәм Россиянең төрле төбәкләреннән килгән укытучылар һәм институт студентлары белән очрашты.

Россия хөкүмәте каршындагы Финанс университетының татар якташлык җәмгыяте үз уку йортларында уникаль вакыйга — FoodFest, ягъни милли аш-су традицияләре фестивале уздырган. Бу хакта Мәскәү татарларының милли-мәдәни мохтарияте сайтында хәбәр ителә.

1 март көнне Казан федераль университеты студентлары Казан шәһәренең Чехов урамында урнашкан, язучы Әмирхан Еники яшәгән 53нче йорт фасадында урнашкан мемориаль тактага чәчәкләр салды.

Агымдагы елның 19-26 февралендә Татарстанда дизель ягулыгының бәясе бераз төште. Татарстанстат мәгълүматларында шул хакта белдерелә.