Новости за 01.03.2024

Актаныш районында халык театрлары айлыгы дәвам итә. Бүген Әлфия Авзалова исемендәге район мәдәният сарае сәхнәсендә Богады халык театры Туфан Миңнуллинның «Әлдермештән Әлмәндәр» моңсу комедиясен күрсәтте. Бу хакта «Актаныш» сайтында хәбәр ителә.

Казан халкын киләсе атнада Халыкара хатын-кызлар көне уңаеннан өстәмә ял көтә. Бу ТР Хезмәт министрлыгы сайтында бастырылган җитештерү календаре нигезендә билгеләнә.

Рамазан ае алдыннан Мәскәүдә мөселманнар өчен зур чара UmmaForum ачыла. Әлеге форумда уникаль MuslimMoscow проекты да тәкъдим ителәчәк, дип хәбәр итте Мәскәү мөселманнары Диния нәзарәте башлыгы, мөфти Илдар Галәветдинов. Бу хакта РИА Новости яза.

РФ Президенты Владимир Путин запаста булган россиялеләрнең бер өлешен хәрби җыеннарга чакыру турындагы указ имзалады. Документ хокукый актларны рәсми бастырып чыгару порталында урнаштырылган.

4,1 магнитудалы җир тетрәү Төркиянең Кахраманмараш шәһәрендә, илнең көньяк-көнчыгышында була. Бу хакта Табигать афәтләре нәтиҗәләрен бетерү идарәсенә (AFAD) сылтама белән РИА Новости дип хәбәр итә.

Бүген Татарстан Рәисе Рөстәм Миңнеханов Төркиядә оештырылган дипломатик форум эшендә катнашты. Бу хакта «Татар-информ»га ТР Рәисенең матбугат хезмәте җитәкчесе Лилия Галимова сөйләде.

Социаль сораштырулар буенча, Татарстанда Россия Президентын сайлауда катнашучылар саны 85 процент тәшкил итәргә мөмкин. Тикшеренүләр февраль башында үткәрелгән. Бу хакта КФУның Социаль-фәлсәфи фәннәр һәм массакүләм коммуникацияләр институты директоры урынбасары Мария Ефлова хәбәр итте.

«Республикада Әнгам Атнабаевның 100 еллыгына зур әзерлек бара», - диде Башкортстан Язучылар берлеге рәисе Айгиз Баймөхәммәтов.

Алдагы ял көннәрендә синоптиклар Татарстанда аязучан болытлы, явым-төшемсез һава торышы булыр дип фаразлый. Әмма җомгадан шимбәгә каршы төндә салкын булыр дип көтелә, температура урыны белән -11 градуска кадәр төшәчәк. Бу хакта ТР Гидрометеорология үзәге хәбәр итте.

Россия Премьер-министры Михаил Мишустин бүген Хөкүмәт утырышын уздырды, анда Президент Владимир Путинның Федераль Җыенга юлламасы нәтиҗәләре буенча Министрлар Кабинетына берничә йөкләмә бирде. Видео Министрлар Кабинетының телеграм-каналында урнаштырылган.

Татарстан махсус хәрби операция ветераннар берлеге активистлары, чик буе гаскәрләре ветераны Ирек Мөбарәков, ветераннар берлеге штабы җитәкчесе Фәрит Шаһиәхмәтов, берләшмәнең гуманитар бүлеге җитәкчесе Венера Низамова, шулай ук Сәрия Фәлахова Дебальцево госпиталенә «Барс 13» яралы сугышчылары өчен гуманитар йөк тапшырып кайттылар.

Чиләбе өлкәсе татарлары конгрессы быел күптән көтелгән проектлар – «Татар кызы-2024» һәм «Татар егете-2024» бәйгеләре башлануы турында белдерде. Бу хакта Бөтендөнья татар конгрессы матбугат хезмәте хәбәр итә.

Россия Президенты Владимир Путинның Федераль Җыенга, ә асылда илгә юлламасы һәрвакыт гаять зур әхлакый-сәяси эффектка ия, ә кичә яңгыраган юллама, аеруча. Бу документ турында фикерләрен «Татар-информ» белән Татарстаннан Дәүләт Думасы депутаты Олег Морозов уртаклашты.

«Голос» телепроекты финалисты, яшь җырчы Сәидә Мөхәммәтҗанова кытай-татар телендә уникаль, яңа җыр яздырган.

ТР Рәисе Рөстәм Миңнехановның акыллы җитәкчелеге ярдәмендә бүген Татарстан Россиянең алдынгы, тиз үсеш алучы төбәкләре рәтенә керә. Бу хакта Казахстан Президенты Касым-Жомарт Токаев Миңнехановка аның туган көне уңаеннан җибәрелгән телеграммада җиткерде, дип хәбәр итә ТР Рәисе матбугат хезмәте җитәкчесе Лилия Галимова.

БРИКС уеннары ачык ярышлар форматында булачак, бүгенге көндә 50дән артык илгә чакырулар җибәрелгән. Бу хакта Россия спорт министры Олег Матыцин ТАСС белән әңгәмәдә сөйләде.

Март аенда Россия Президентын сайлауда Татарстанда аз хәрәкәтләнүче сайлаучылар төркемнәре өчен уникаль шартлар тудырылачак. Бу хакта «Татар-информ»га Татарстан Үзәк сайлау комиссиясе рәисе Андрей Кондратьев хәбәр итте.

«Татар-информ» мәгълүмат агентлыгында IV Халыкара «Балачак» вокаль конкурс-фестивале жюри әгъзасы, Татарстанның мактаулы мәгариф хезмәткәре Резедә Вәлиева балалар һәм педагоглар өчен патриотик рухта тәрбия бирү өлкәсенә басым ясаулары турында әйтте.

Чәршәмбе, 6 мартта, 10.43 сәгатьтә Татарстанда халыкка тавышлы сиреналар кулланып хәбәр итүнең автоматлаштырылган системалары тикшереләчәк.

Бөтендөнья татар конгрессы XII Бөтенроссия татар авыллары эшмәкәрләре җыены делегатлары 6 март көнне Кукмара районына сәфәр кылачак.

Сораштыруда катнашкан Россия гражданнарының 79,6 проценты РФ Президенты Владимир Путинга ышануы турында белдергән. 19-25 февральдә үткәрелгән сораштыру күрсәткечләренә нигезләнгән Бөтенроссия җәмәгатьчелек фикерен өйрәнү үзәге (ВЦИОМ) мәгълүматлары шуны раслый.

Синоптиклар фаразлавынча, бүген төнлә һәм 2 мартта иртән Татарстан Республикасы территориясендә урыны белән томан көтелә.

«Татар-информ» мәгълүмат агентлыгында IV Халыкара «Балачак» вокаль конкурс-фестиваленә багышланган матбугат очрашуы булды. Оештыручылары бәйгегә кагылышлы барлык нечкәлекләр турында сөйләде.

Чечня башлыгы Рамзан Кадыров Татарстан Рәисе Рөстәм Миңнехановны туган көне белән тәбрик итте. Искәртеп узабыз, бүген республика җитәкчесенә 67 яшь тулды.

Танылган аш-су остасы Юныс Әхмәтҗанов истәлегенә багышланган татар милли аш-су фестивале Татарстанның Свердловск өлкәсендәге Даими вәкиллеге инициативасы белән Свердловск өлкәсе Агросәнәгать комплексы һәм азык-төлек, Мәгариф һәм яшьләр сәясәте министрлыклары, Екатеринбург шәһәре хакимиятенең Кулланучылар базары һәм хезмәтләр департаменты, Свердловск өлкәсе Кулинарлар ассоциациясе ярдәмендә 2012 елдан бирле үткәрелә. Чара Свердловск өлкәсе һәм Татарстан Республикасы һөнәри уку йортларының актив катнашында уза. Читать дальше...